麺屋こころ

营业中

休息中

食完麵take out咗支全新未開嘅飲品返屋企，返到去先發現有異物，email去店鋪反映冇回覆食過幾次沙田店有水吧即整野飲，而荃灣店係整定一支支係雪櫃，唔知放咗幾耐

小編和友人在星期六的4點左右到達, 店員放下了下午茶餐牌, 小編興奮地和友人說原來星期六日也有下午茶, 卻被店員聽到然後主動告知下午茶只在星期一至五供應。本來友人想吃餃子, 被告知賣完了, 只好點明太子雞翼。柚子鹽味撈麵 (冷) $89照片上的柚子鹽味撈麵有生蛋做topping, 下單時店員告知沒有生蛋, 會換成溫泉蛋, 上檯後卻發現變成溏心蛋, 而且只有半隻, 略有被騙的成份。雞胸鹹香味重, 略為乾身。撈麵的麵體粗身, 介乎於拉麵與烏冬間的粗度, 很有口感、彈牙。沒有坑紋所以不會說特別掛汁。柚子的微酸讓人食欲大增, 很快就把整碗麵吃完, 也突顯了份量偏少的問題。$89一碗連正常食量的女生都吃不飽的拉麵…值不值真的見仁見智。雞白湯拉麵 $99只有一片雞胸和一片叉燒, $99實在不值, 麵底和撈麵的麵底不同, 是幼身的日式拉麵。味道正常, 湯底有濃厚的雞肉味, 奶白色, 過關。明太子雞翼 $36明太子雞翼有點微辣, 雞皮燒得很香, 裡面是滿滿的明太子, 這個推薦。煙燻鴨胸 $15想不到最抵食的是$15的煙燻鴨胸, 有4片而且即叫即燒, 配上拉麵簡直是一流的享受。結果, 兩個人吃了$263

今日去咗荃灣食一間日式撈麵店，叫麵屋こころ。海之戀商場分店真係好方便，一出咗荃灣西站就係喇！呢間連鎖餐廳除咗荃灣仲有沙田同元朗都食到㗎！內部則透過自然採光及窗外景色融入室內，並以日本京都庭園作設計意念，最適合就係同朋友一齊過嚟chill!!☀️今日就試咗佢嘅雞白湯拉麵同埋鹽味撈麵。雞白湯拉麵佢嘅湯呈現奶白色，好香嘅鹹香味，味道好濃郁🤤上面仲有半熟嘅糖心蛋，質感軟滑。上面嘅豚肉都蔬菜嘅份量都恰到好處，口感好均勻。另一個就係鹽味撈麵，鹽味為日本總店原始口味之一，整碗帶有濃厚鰹魚鹹香及芝麻油香，鹹香十足！我首先拌勻整碗麵後先品嚐原味，吃了三份一再加入黑糊椒，另外三份一再加入自家昆布醋，咁就可以享受3重口感！呢款撈麵十分推薦俾大家！最後叫咗一支靜岡烏龍茶🍵佢以瓶裝形式發售，好文青好有特色。茶底係有機茶，無防腐劑，口感清新又清香。

今日去大會堂睇演出，睇完後係附近搵日本嘢食，俾我發現咗一間有日本撈麵食嘅餐廳，入去食完之後，味道從來未食過，感覺很新鮮，味道也不錯。1. 明太子雞翼明太子雞翼是一道將雞翼與明太子結合的創意菜品。明太子是日本的一種魚子醬，味道鮮美且略帶辣味。然後再進行炸製，外皮香脆，內部鮮嫩多汁。明太子的鮮香與雞翼的肉質結合，使每一口都充滿了豐富的風味，並且帶有一絲微辣，十分開胃。2. 明太子忌廉撈麵明太子忌廉撈麵是一道以明太子和忌廉（奶油）為基底的創意撈麵。這道菜品結合了意大利的奶油醬和日本的明太子，帶來獨特的風味。濃郁的忌廉醬與明太子混合，形成滑嫩的醬汁，搭配上煮好的麵條，口感絲滑。3.叉燒撈麵-叉燒撈麵，配料中有隻溫泉蛋黃，撈埋落日本麵中，口感嫩滑，加上紫菜脆口，食落有很多層次，叉燒也燒得好香，厚度適中，不會太薄。4.Cold Brew-以冷水浸泡咖啡粉製作而成，風味獨特，適合炎熱的日子。Cold Brew 通常比熱萃咖啡口感更柔和，苦味較低，酸度平衡，帶有清新的香氣。

麺屋こころ係一間專注於日式撈麵嘅名店 唔係拉麵 唔係沾麵 係日式撈麵呀～ 全球有超過50間分店 主打無湯撈麵 配上自家手製嘅麵條 味道層次豐富荃灣分店門面以黑金色主題設計 睇落都幾靚喎 裡面就用呢個嘅自然採光 窗外景色都唔錯 令成個體驗加分並且用左 日本京都庭園作為佢地店面嘅設計意念 寂靜簡潔 但非常舒適.🐷 牛油醬油枝豆呢個開胃小食真係唔錯 枝豆煮得剛剛好 牛油醬油味道濃郁 食落去好香 係開始一餐的完美選擇.🐷 鹽味撈麵呢碗鹽味撈麵真係好簡單但又好好味 手工麵條滑溜 鹽味恰到好處 冇諗過簡簡單單都可以咁好食～.🐷 原味撈麵原味撈麵有好自然嘅味道 唔多好特別嘅 調味但好多配料 麵條彈牙 配上新鮮嘅配料 簡單卻唔失風味.🐷 日本麥茶呢杯日本麥茶好清新 適合配搭撈麵 解膩又消暑

#miminben_香港📍麵屋 荃灣自從去完日本返嚟，就成日都好想食返拉麵。今日離開荃灣，知道呢邊有好多正嘅拉麵店，於是就嚟咗諗住重溫返日本嘅味道。呢間Kokoro嘅裝修好清簡，但係又不失格調。枝豆叫得日本嘢又點少得食吓佢哋嘅小食，今次就叫咗一份之豆，份量都好多，而且感覺用料都好新鮮。正宗全料拉麵佢呢個面非常之特別，因為係日本撈麵，並唔係平時嘅沾麵。佢嘅材料非常豐富，有好多種唔同嘅食材，例如豬腩、紫菜碎、香蔥、溫泉蛋等等，可見佢哋嘅心思。麵條好有咬口，係比較粗身既麵，而佢安排咗有幾款食法，中段可以加入醋，又或者黑椒等等嘅香料，令到成個飲食體驗都好得意。鹽味拉麵另外就叫咗一份鹽味拉麵，基本上佢嘅面質都差唔多，而味道就比較貼近完味嘅感覺，食食吓真係有種去咗日本餐廳嘅感覺。Cold blew除咗麵食之外，佢都有好多特色嘅飲品可以選擇，今次就叫咗佢嘅cold blew，中文名係水出咖啡，味道相當之正宗，而且包裝好靚，飲唔晒仲可以拎出去繼續飲。

今日下午同老公去荃灣的「麺屋こころ」食下午茶☺️ 見到個menu 有咁多撈麵嘅選擇，都有啲出奇嘅感覺，本身諗住食拉麵，不過諗住都係試吓冇乜所謂，點知有驚喜，幾開心!! 真心唔錯hehe~~💜整體環境💜「麺屋こころ」嘅環境 係簡約清新嘅風格，座位都算好舒適，而且我都幾滿意呢一度嘅店員服務，唔錯唔錯，值得讚賞👏👏💜菜式一：全料東京撈麵💜首先，我地試左個全料東京撈麵， 一望到之後心裏面彈咗一個字出嚟，就係掂!! 豬腩份量啱啱好，而且肥肉同埋瘦肉嘅份量亦都剛好，口感好好，而且肥肉嘅油脂香味完全係震撼咗我，估唔到食撈麵嘅豬腩可以做得咁好食，至於麵條亦都係唔錯的，彈牙有勁，配上豐富的配料值得一嘗！💜菜式二：鹽味撈麵💜然後就到鹽味撈麵。“鹽味”看似簡單，但味道卻非常豐富， 當然都有我鍾意嘅豬腩，另外再加埋其他唔同嘅配料，蔥花，紫菜碎，竹筍等等，簡直是一種享受！ 如果你鍾意食濃厚味道嘅撈麵嘅話，呢一款撈麵絕對係啱晒你嘅 心水整體嚟講，我同老公都好開心可以揀到呢一間餐廳食下午茶，下次都要再過嚟試吓其他唔同款式先得!!

呢間係一家知名過江龍日本撈麵餐廳由日本廚師Takuma Ishikawa（石川琢磨）於2013年在東京創立目前在全球擁有超過50家分店遍布日本、東南亞及加拿大等地👍🏻😎佢地更於2014年KOKORO品牌榮獲全日本最佳撈麵大獎並連續多年被評選為日本外賣撈麵品牌No.1✅餐廳環境店面以黑金色主題設計內部空間透過自然採光及窗外景色創造出明亮舒適的用餐氛圍設計靈感來自日本京都庭園整體風格寂靜且簡潔😃✅推薦菜品明太子忌廉撈麵賣相搭配極其誘人厚厚麵條淋上了香濃忌廉醬醬汁的奶白色與鮮紅的明太子形成了鮮明的對比咬下去濃郁忌廉立刻在口中融化隨之而來嘅係明太子的鮮香小小的魚卵在舌尖跳動既有海鮮的鮮美 又帶著奶油的滑順🩷實在是讓人驚喜 感受到濃厚日本風味自家制嘅麵底彈性嚼勁十足與濃郁的醬汁搭配得恰到好處👍🏻👍🏻⭐️建議吃法：拌勻整碗麵後先品嚐原味，吃了1/3加入黑糊椒；吃了2/3建議加悉尼黑醋，絕配這家餐廳不僅提供美味撈麵還有舒適的用餐環境非常適合與朋友或家人一同享用‼️🥰

星期日去左donki入返啲零食返屋企，行開見有啲餓就緊係要食返個tea啦，兜左個圈見到有間食日式撈麵嘅鋪頭，湯麵同沾麵就見得多，撈麵就真係第一次見，咁就決定去試下啦。下午茶時段唔算太多人，等咗10分鐘就可以入去啦。坐底之後就叫咗個牛油醬油枝豆開開胃先，枝豆唔會太淋，保持爽脆，而牛油令枝豆更香，平時一般食枝豆都會有層鹽喺面嘅，而佢嘅醬油枝豆就冇呢個情況，唔會過咸之餘又有醬油嘅香味，十分特別。天氣咁熱，叫咗個柚子鹽味撈麵，呢款係冷麵，柚子嘅香味好濃烈，酸酸地咁好開胃好fresh，麵質好爽口彈牙，配埋慢煮雞肉真係一流。仲有最基本嘅鹽味撈麵，鰹魚汁同麻油嘅香味完全滲入每一條麵條，有食緊傳統湯麵感覺。平時喺日本食湯拉麵我都會配返碗白飯嘅，咁先可以食盡每一啖湯丫嘛。呢度都可以免費問店家拎啲白飯，食埋碗底嘅撈麵汁，一啖都唔會浪費。

那天週末相約了友人到荃灣，友人提議到海之戀的這間「麺屋こころ 」吃lunch。第一次食日式撈麵！點餐後，店員會給予一塊小牌子，上面詳細列明了進食方法。原味東京撈麵包括了肉燥、紫菜碎、青蔥、蒜末，以及溫泉蛋。第一步是先把溫泉蛋戳穿，然後和麵條拌勻。蛋汁掛在麵條上，入口充滿蛋香味。麵條粗身，據悉是使用日本配方，使用全麥麵粉製作的。麵條帶少許煙韌彈牙感，質感就偏硬一點，如果可以選軟硬度就更好。吃了三分一份量後，就可以加入即磨黑胡椒。再吃到三份二後，則添加秘製香醋。整體來說，幾新鮮的食法，每加入不同的調味料，味道都有變化。不過就覺得有點膩感，比較之下，還是會喜歡拉麵多一點。點了一瓶蕎麥茶來消膩。

成日都去呢間日式拉麵店， 今日有時間就再去咗呢度食下午茶啦。首先係份冷萃珈琲， 呢個咖啡幾香濃， 而且好滑!我個人都幾喜歡👍。跟住既叉燒撈麵。 叉燒冇得輸，呢度嘅叉燒勁好食。 大大塊勁有口感。!! 再加埋本身撈麵入邊有好多唔同嘅配料，所以整體嘅味道都非常之香濃!!再來就係明太子雞翼。上頭撒滿了明太子醬， 雞翼亦都好Juicy多汁， 同埋啲撈麵一齊食都幾夾!再試下柚子鹽味撈麵(冷)。 同頭先嘅叉燒撈麵唔同，呢一個係冷麵嘅形式，本身喺香港食慣咗香港地道嗰隻冷麵，同呢度真係完全唔同，呢度嘅冷麵配料好充足，而且柚子鹽嘅味道好香，估唔到係有種好清新嘅感覺!! 面底，當然亦都係用咗小麥面，所以都係有種清新嘅口感，所以整體嘅撈麵非常之夾!!最後就試吓正宗全料東京撈麵。 果然係超級豐富!!撈麵嘅醬料非常獨特,好香,配撈麵食， 再加埋蛋黃豬腩，辣肉碎等等嘅配料，我同朋友都食得勁滋味!!總括嚟講，系都食下午茶真係非常超值，分量足！下次約埋friend一齊嚟！☺️是一個超正嘅下午茶呀！

平時講開日式料理嘅麵食，第一時間會諗起拉麵或沾麵，但原來呢間叫「麺屋こころ 」嘅日本撈麵都好出名，喺日本起家，而家已經開到全球有50幾間分店。荃灣西呢間分店採用黑金色嘅型格格調，餐枱餐凳都係用咗簡約設計風格，坐得幾舒服。🍊叉燒撈麵賣相非常吸引，叉燒肥瘦相間，肉質記結實又肥美，口感層次豐富，而且煎香後豚肉味更為濃郁，配上辣肉碎、紫菜、筍、香蔥、蒜頭、日本溫泉蛋等配菜，一齊攪勻食帶有微辣嘅味道，麵條係餐廳每日自家製，口感彈牙，又重小麥味，之後可以加入胡椒同自家製昆布醋再攪勻食🍊 鹽味撈麵有筍、紫菜、蒜頭、火箭菜等做配菜，撈勻後鰹魚嘅鹹香味同埋麻油嘅香味，麵條口感彈牙，之後可以加入胡椒同自家製昆布醋再攪勻食，除咗鹽嘅鹹味仲有燥嘅酸味，夏天食完撈麵感覺特別涼快🍊 NOMIMONO 茶飲我哋仲嗌咗日本麥茶同烏龍茶，餐廳嘅茶飲用咗日本有機茶葉，飲落去茶味特別香濃，口腔充滿茶香味，而且無添加防腐劑，新鮮又健康📍荃灣大河道100號海之戀商場1樓1005號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊

今日同女朋友喺海之戀商場拍拖，我哋都好耐冇食撈麵，所以就搵到喺荃灣嘅麺屋こころ食啦 ~我哋點咗「叉燒撈麵」，唔同於有濃郁湯底嘅拉麵，呢個係只有醬汁嘅撈麵。鹹甜味嘅醬汁包裹住 每一條麵，味道濃而唔膩。仲有叉燒係呢個麵嘅靈魂，豬腩肉經過醃製之後外皮微焦，肥而唔膩， 真係正啊!「正宗全料東京撈麵」一上枱我哋就被驚艷到，因為真係好多料!叉燒、紫菜、蔥花、韭菜、脆口嘅 竹筍，仲有令呢個麵更加出色嘅生蛋黃，令成道菜增添咗非常豐富嘅層次感!「日本麥茶」淡淡嘅甜味同埋濃郁嘅大麥香氣，真係非常清爽嘅一款飲品~ 好飲又健康!

見到好多人排隊，原來喺【麺屋こころ】，就決定今日再食撈麵啦呢間分店裝修得好有日式風格，仲有啲日式擺設，座位又闊落，坐得舒服，個人嚟講好鍾意！我叫咗個【原味東京撈面】，啲麵好彈牙，好有咬口，每一啖都食到麵條嘅韌度，仲有生蛋黃，撈埋啲麵同其他配料一齊食😋，啲麵掛住晒啲蛋香，又有啲肉碎嘅肉香味，正到冇得頂👍飲品方面我叫咗杯【日本麥茶】，茶味好香濃，清香得嚟又帶少少甜，飲落好解渴又爽，仲買咗2支返屋企畀父母試吓😍如果唔係一個人，我都仲想試吓其他麵類😝 推介大家去試吓！

今日嚟到荃灣嘅人氣日式麵館食下午茶之前就喺其他分店食過，真係念念不忘!而家喺荃灣區有新嘅分店我就即刻約咗朋友一齊食(^_^)v🌹明太子忌廉撈麵鍾意明太子又鍾意忌廉嘅我，見到呢個肯定要嗌!一入口真係彷彿置身天堂🤤🤤明太子嘅顆粒感，仲有忌廉奶香味十足包裹住每一根麵條仲搭配上軟嫩多汁嘅豬腩肉同生蛋黃，味道十分新奇但又好好味!🌹柚子鹽味撈麵(冷)朋友嗌嘅撈麵係冷麵，麵條冰涼嘅口感加上柚子特有嘅水果香味食落去令人感覺非常舒適!湯底比較清淡，但係令柚子嘅香氣變得更加突出。鍾意清淡嘅朋友可以揀呢款撈麵!🌹牛油醬油枝豆枝豆本身就有天然嘅豆香味但係店家特別用咗牛油同醬油嚟搭配牛油嘅奶香同埋醬油嘅鹹香搭配埋一齊，十分之開胃!🌹明太子雞翼我哋仲嗌咗呢個創意料理，明太子濃郁嘅鹹鮮味同醃製過嘅雞翼互相融合雞翼肉質鮮嫩多汁， 我同朋友食得津津有味!