麺屋こころ

营业中

休息中

🧀今次嚟到荃灣 海之戀商場 嘅 麺屋こころ，主打東京風味撈麵（Mazesoba），拉麵迷又多個朝聖點！裝潢型格有日式街頭 feel，撈麵份量足、配料豐富，重口味 fans 應該會好啱口味！🧀 熔岩芝士撈麵（M）$99撈起嚟芝士拉絲效果唔錯。麵條粗身煙韌掛汁力強，醬底係濃厚少甜嘅醬油豚油 base，撈勻後芝士加強咗 creamy 口感，食落香滑，但中段會開始覺得少少膩，建議落少少醋一齊食，中和一下幾唔錯。🍜 正宗全料東京撈麵（M）$109呢碗真係「全副武裝」！叉燒、溏心蛋、碎叉燒、海苔、蔥花、蒜酥、魚粉一應俱全，拌勻後香味四溢。整體醬汁重口味但唔死鹹，味道層次豐富，每一啖都食到唔同配料嘅滋味，食完滿足感爆燈！

🧀今次嚟到荃灣 海之戀商場 嘅 麺屋こころ，主打東京風味撈麵（Mazesoba），拉麵迷又多個朝聖點！裝潢型格有日式街頭 feel，撈麵份量足、配料豐富，重口味 fans 應該會好啱口味！🧀 熔岩芝士撈麵（M）$99一上枱就見到中間放咗球芝士醬，撈起嚟芝士拉絲效果唔錯。麵條粗身煙韌掛汁力強，醬底係濃厚少甜嘅醬油豚油 base，撈勻後芝士加強咗 creamy 口感，食落香滑，但中段會開始覺得少少膩，建議配埋檸檬汁或者餐廳附送既昆布湯一齊食，中和一下幾唔錯。🍜 正宗全料東京撈麵（M）$109呢碗真係「全副武裝」！叉燒、溏心蛋、碎叉燒、海苔、蔥花、蒜酥、魚粉一應俱全，拌勻後香味四溢。整體醬汁重口味但唔死鹹，味道層次豐富，每一啖都食到唔同配料嘅滋味，食完滿足感爆燈！

我係荃灣西嘅稀客，唔係工作原因都好少會入嚟，呢度真係變咗好多，多咗好多靚商場，海皮嗰邊又好舒適。無意中俾我發現咗一間喺海展商場入邊嘅拉麵餐廳。傍晚時分去，餐廳嘅玻璃窗可以望到同埋好靚嘅樹景，好似去咗日本京都咁。呢度主打日式撈麵，麵條自己做，除咗撈麵亦都有拉麵食，不過既然人地招牌係撈麵嘅，梗係要食撈麵先！我哋一行三人，叫咗兩碗叉燒撈麵，同埋一碗柚子雞肉冷撈麵，作為食肉獸，我評價一下呢個叉燒真係好出色，得兩塊真係有啲意猶未盡，塊塊都有入口即溶嘅感覺。辣肉醬都好正，香得黎帶有微微地辛辣，令人會一啖接一啖咁食晒，正！冷麵嗰個都好有驚喜，自製麵條係呢一款發揮得淋漓盡致，特別彈牙，仲有小麥香。佢呢度嘅特色就係如果你食晒所有麵條剩返啲醬汁喺碗底，店員可以送你一小份嘅白飯撈埋啲汁食，呢個係免費嘅，當然份量唔會好多，但既然係免費嘅都好開心，盡顯日本人招待最高嘅心意， 總之就保證你食飽。佢哋嘅自家茶飲都好精美，成個香水樽咁，成件事好有誠意，推薦!

搵到時間去試呢間「麺屋」荃灣店！未入門口已經聞到陣陣濃郁豚骨香，枱椅全部係實木製，坐低已經覺得好治癒💡​Menu 主打「正宗全料東京撈麵」，當然要叫最經典嘅啦！熱辣辣咁上枱，配料成座小山丘咁 —— 半熟流心蛋、厚切叉燒、筍乾、蔥花、海苔，視覺已經先打 100 分🥚🔥​👏 麵條彈牙，還原到東京「中華そば」嘅神髓🍜​重頭戲叉燒厚到誇張，肥瘦均勻，；流心蛋簡直係藝術品，蛋黃半固態，撈埋麵條食簡直邪惡至極😈呢間店真係「平靚正」三字真言！一碗全料撈麵，份量足到男生都食飽，環境舒服得嚟又有氣氛，無論自己獨食定同朋友吹水都適合🥰

落雨天唔想行出街就入左商場開飯，喺荃灣西站一出的商場，位置十分方便。餐廳裝飾日系型格，有有靠窗可以看到海景。今次嗌了溶岩芝士撈麵、COLD BREW同埋鳥軟骨餃子。餐廳出名係撈麵，撈麵蓋滿了芝士和肉碎，有張卡會介紹點樣享用，就係先戳破蛋黃撈勻，芝士和幼麵撈勻後拉上來有很多很多芝士拉絲，十分rich!鳥軟骨餃子共有四件，咬下去十分有嚼勁，可以沾一些醋來伴吃。COLD BREW是我最愛的，冰凍凍的，飲到日系咖啡的風味。

最近去咗荃灣嘅麺屋こころ試咗佢哋嘅招牌菜——正宗全料東京撈麵，真係不得了！呢碗撈麵嘅麵條煙韌有嚼勁，每一啖都掛住濃郁嘅醬汁，味道層次豐富。撈麵上面鋪滿咗溏心蛋、叉燒、筍乾、海苔同蔥花，真係大件夾抵食。溏心蛋半熟爆漿，叉燒厚切軟嫩，筍乾爽脆，海苔同蔥花增加咗口感同香味。撈麵嘅醬汁鹹甜平衡得剛剛好，撈勻後每條麵都掛住濃郁嘅醬汁，真係正到痹！另外，佢哋嘅日本麥茶都非常值得一試。茶味清香，唔會太澀，冰涼解渴，飲完真係好舒服。整體嚟講，麺屋こころ嘅食物質素非常穩定，撈麵嘅味道比想像中更出色，推薦大家去試試！

最近去咗荃灣嘅「麵屋」，佢哋嘅拉麵真係好有驚喜，尤其係個黑松露鴨胸醬油拉麵，真係不得了！一上枱就聞到好香嘅黑松露味，個醬油湯底又夠濃郁，配埋啲鴨胸，簡直係perfect match！啲鴨胸煎到皮脆肉嫩，食落去好juicy，而且份量都好多，食得好滿足！個麵質都好彈牙，索晒啲湯汁，好好味！除咗拉麵，佢哋嘅日本麥茶都好解渴，味道好清新，飲完好舒服。食完拉麵，飲返杯麥茶，可以解膩，啱晒我哋呢啲怕肥嘅女仔！「麵屋」嘅環境都好舒服，簡約日式風格，啱晒同朋友嚟chill下，傾下計。

今日自己一個喺荃灣食咗個靚飯，試咗幾樣都幾有驚喜😋✨ 🍜 黑松露鴨胸醬油拉麵呢碗拉麵，賣相高貴🤩，黑松露香氣撲鼻而來🍄，味道唔會太濃，淡淡的點綴～鴨胸肉夠嫩滑🦆，口感好舒服，搭配醬油湯底夠晒和味🫰，成個組合幾有層次！份量唔算多，但食完都有少少滿足感😌 🍢 大蔥鴨串鴨胸肉燒得啱啱好🔥，有少少嚼勁但唔會韌，油脂均勻分布，咬落去香氣四溢🤤！最意想不到係大蔥🧅，外皮輕輕燒焦，入面仍然好多汁，冇煨味之餘仲帶出甜味，襯埋鴨胸食特別夾😮‍💨，口感好爽～ 🍵 烏龍茶飲番杯茶，中和吓啲油脂，清清味蕾🍃～烏龍茶入口順滑，溫溫的剛剛好，幾解膩😌 呢餐食得幾滿足😏，環境又舒服，自己一個靜靜地食啲好嘢都係一種享受✨ 下次應該再試吓其他款式，睇吓仲有咩驚喜🤭🍽️

雞白湯拉麵，基本上喺香港唔係間間都整得好食所以一見到有拉麵店，仲要有雞白湯！必定會叫。今次咁啱行完Donki見到呢一間拉麵🍜可能今晚平日又20:30關系，竟然唔使排隊啊⋯⋯即刻衝入去試咗一碗雞白湯拉麵🍜唔錯的味道😌落單，提醒職員少鹽少油🥸本人味精非常敏感，喝了啖湯幾好，感覺唔鹹。整體都合格。🤩不過可能男士嚟講，就可能會覺得細碗啲🤨女士就剛剛好。😗連埋加10%埋單$109….大型商場嚟講都唔叫做貴。

今日約咗朋友喺荃灣食飯，行過地鐵站上蓋商場，發現我成日幫襯開嘅拉麵店居然喺度都有分店！行黑色工業風，裝修神秘得嚟又夠晒企理，一於入去試吓佢哋嘅招牌菜～ 🧀 熔岩芝士撈麵一上枱就聞到超濃郁嘅芝士奶香，睇住啲芝士慢慢熔落啲麵度，真係忍唔住即刻撈勻佢！肉碎鹹香得嚟唔會太油膩，同芝士出奇地夾。紫菜碎脆卜卜，撈勻之後仲保持到口感。流心蛋蛋黃撈埋芝士，邪惡度爆燈！ 🦆 大蔥鴨串大蔥燒到表面微焦，但內裡依然多汁，完全冇燶味！鴨胸肉嫩滑得嚟帶少少嚼勁，油脂分布均勻～一啖咬落去，大蔥嘅甜味同鴨肉嘅香氣完美融合，口感同味道都滿分！ 餐廳選用全黑設計加上暖黃燈光，打卡一流。另外上菜速度快，趕時間嘅打工仔都啱晒。

今年內都唔知有冇機會再去日本，好驚地震🤧唯有食吓啲日本菜定下癮先啦，見到呢度仲有叉燒撈麵嘅選擇同埋鴨胸拉麵!!而家東京好hit😍叉燒撈麵🍜睇落好簡單，但真係好好味！麵條粗身，裏面有好多蔥啱晒我😍仲有紫菜同溫泉蛋~ 啱啱好搭配麵條唔會好乾🥳經典之選！黑松露鴨胸醬油拉麵🍜呢碗黑松露拉麵嘅份量雖然唔係好好多但係啱啱好可以釣到少少香味~搭配嫩滑嘅鴨胸肉，之前喺東京食過人龍店嘅鴨胸拉麵真係有幾分相似~焙茶拿鐵膠樽裝住飲唔晒都可以拎走~味道唔太甜😆

朋友話想食拉麵， 於是去左吃黑松露鸭胸酱油拉面🍜✨这道拉面通常色泽诱人，黑色的松露片点缀在上面，搭配金黄的酱油汤底，拉面在碗中呈现出一种优雅的视觉效果。🍽️

黑松露的独特香气扑鼻而来，混合着酱油的咸香，令人垂涎欲滴。每一口都仿佛在唤醒味蕾🌟

鸭胸肉嫩滑多汁，搭配上弹牙的拉面，口感层次丰富。每一口都能感受到鸭肉的鲜美与拉面的筋道👌

酱油的咸香与黑松露的浓郁相得益彰，形成了完美的味道平衡。整体口感丰富，既有深度又不失清新😍

呢間日本過江龍拉麵店之前喺灣仔食過，今日去海之戀行完街決定再訪😋拉麵店主打東京風味撈麵，配料豐富，作為芝士控，今次黎試佢個溶岩芝士撈麵‼️呢碗撈麵真係賣相打卡一流，濃郁嘅芝士醬包裹住每條麵🧀值得一讚拉麵煙韌彈牙，芝士啖啖拉絲好滋味🤓再喺面頭加上上香脆嘅紫菜、青蔥同肉碎，頂部放左一隻金黃嘅蛋黃，拌勻後更惹味，入口順滑鹹鹹甜甜好特別☺️雖然有好多芝士不過一啲都唔膩，值得一試，建議搭配各款日式茶/Latte，大滿足🍵🧋

之前聽聞荃灣有間超正嘅拉麵店，叫麺屋こころ，就喺荃灣大河道100號海之戀商場1樓1005號舖，今日終於得閒去試一試！今次我點咗個豆乳白味噌叉燒拉麵。個湯底真係一絕！豆乳同白味噌嘅完美融合，入口豆乳嘅香滑同白味噌濃郁嘅味道一齊湧出嚟，而且唔會太咸，味道調配得啱啱好，飲多幾啖都唔會覺得膩。再講下個叉燒，大大片，煮得軟腍入味，咬落去肉汁四溢，好滿足。麵條嘅口感都好有彈性，唔會太腍亦唔會太硬，每條麵都掛滿咗濃郁嘅湯底，食落真係幸福感爆棚。呢間麺屋こころ真係冇令我失望，每個細節都處理得好好。價錢方面都算合理，性價比好高。如果你都鍾意食拉麵，真係要嚟試下呢碗豆乳白味噌叉燒拉麵！

平時甚少吃撈麵，但麺屋こころ卻十分吸引我，因為除了撈麵，在這裏還可品嚐Latte！而且海之戀這間分店，更有優美的海濱景色，賞心悅目，邊吃邊享美景，十分難得！原味東京撈麵經過精心煮制，麵條彈牙，麵上點綴的配料，如肉燥、海苔和蔬菜，增添色彩與口感，特別是肉燥，經特別醃製，肉質鮮嫩，醬汁滲透其中，同撈麵都好夾。而抹茶拿鐵的呈現非常吸引，綠意盎然的飲品，飄逸著一層細腻的奶泡。喝上一口，濃郁的抹茶香氣立刻撲鼻而來，茶香與牛奶的融合恰到好處，口感順滑。抹茶的苦味與奶泡的香甜相互平衡，極具層次感。