麺屋こころ (新城市廣場一期)

营业中

休息中

家人話想體驗下午茶食日式撈麵，就叫我去搵吓睇，結果發現沙田真係有間好評如潮嘅日式餐廳，就決定去品嚐吓👀【咖喱炸雞撈麵】咖喱香味濃郁，仲有酥脆嘅炸雞，生蛋黃同辣肉碎嘅搭配，鹹香味再配上微辣感，口感特別豐富😍媽媽話呢個係佢食過最香嘅日本咖喱👍【鹽味撈麵】淡淡嘅鹹味，同麵條嘅麥香味融合埋一齊，再配上豬腩肉嘅肉香味，一齊食，特別美味😋仲有蔥花，紫菜碎一齊搭配，每一啖都特別享受😎家人都特別滿意撈麵嘅口感同味道，話下次要帶埋朋友一齊嚟食😂 我個人都好鍾意呢度嘅食物同環境，仲會再嚟！

慶祝媽媽生日，我哋帶佢黎沙田《麺屋こころ》享受日式拉麵，呢度主打嘅拉麵都係正正正，我哋就點咗兩款主打菜式。1️⃣首先，我哋嚐到嘅係原味東京撈麵🍜。麵條Q彈，一試就知道佢地嘅麵條是新鮮自家製作，再嚐到配料中，生蛋黃嘅濃郁味道，即刻覺得冇黎錯，真係簡單得黎又好香濃！2️⃣跟住，我哋試咗正宗全料東京撈麵🍜。每一種配料都好新鮮，個豬腩係超靚既五花腩，一食就覺得好香油香，而每一種配料都係經典東京味道，原來撈麵都可以係咁日本風。最後，我哋點咗一壺熱腾腾的烏龍茶🍵。茶香四溢，搭配完美的拉麵，等我地呢餐午餐充滿左滿足同埋幸福。

想試呢間餐廳好耐見到沙田有開，隔咗一排都去試吓見到佢新出有個黑松露鴨胸撈麵 但由於我本人唔食鴨胸 所以就大膽問一問店員可唔可以轉其他肉？因為其實價錢都係一樣點知店員回覆: 唔可以轉啲肉只可以走咗啲肉 或者加錢加其他肉想講 成件事都幾唔make sense你叫我走咗啲肉齋食個麵，但係收我$109係咩事？如果你做唔到嘅直接同我講做唔到，唔好講埋晒呢啲廢話成餐飯食到成肚氣

同男朋友喺沙田行街，行下行下就肚餓，突然想食日式烤麵，啱啱見到【麺屋こころ】，就決定入去試下🤭-鋪頭環境優美，整潔，橙黃色嘅燈光畀人一種特別溫暖舒服嘅感覺，令我哋覺得喺度食飯特別享受👍-男朋友點咗個【山椒麻辣撈麵】，鍾意食辣嘅朋友絕對唔可以錯過，辣味濃郁十足，豬腩肉配埋麻辣肉醬一口食落去，麻麻辣辣特別開胃🤤-我睇中咗【雞軟骨餃子】，餃子外皮酥脆，內餡鮮嫩多汁，一口咬落特別爽口，我特別鍾意呢道小食😍-呢間鋪我哋決定下次仲要再嚟，因為食品方面都好新鮮美味，環境上亦都好舒服，價錢公道，係一間值得再去嘅餐廳👍

偶然見到呢間專賣日式拉麵既店，我就忍唔住要入去試試！餐廳非常便利，下單只需自行掃QR code！超級貼近時代潮流☺️❣️叉燒撈麵❣️。這叉燒撈麵真是絕品，叉燒肉質嫩滑，同既係小麥麵，特別香，特別爽口彈牙，口感非常好！☘️加左紫菜碎、生蒜，好香好惹味！！❣️咖喱炸雞撈麵❣️。沒錯，呢個名冇睇錯！香脆既炸雞加埋咖喱汁，配上麵一起享用，真係又係惹味之選🥳再加左d天婦羅碎，增加左口感同埋香氣，推薦～～！！！❣️雞皮餃子❣️。餃子的皮薄而有彈性，裡面的雞肉同雞軟骨更是香口無比，一口咬下，滿口的雞香等你忍唔住食多幾啖，呢個就係日式料理既魅力所在！🔥「麺屋こころ」既日式拉麵，值得你細細品味！

尋日下午同朋友喺新城市廣場逛街，佢話要請我食午餐因為係我生日。令我有啲感動，我仲以為佢唔記得我生日添。佢話要食咩都得，佢請客。我就話咗我想試好耐嘅日本餐廳，麵屋こころ，就喺7樓嗰邊。一到門口服務員就和藹可親咁招待我哋，環境整體嚟講非常舒服，而且仲帶有日本嘅風格。真係唔錯👍🏼🩷正宗全料東京撈麵我揀咗正宗撈麵，配料真係好多，有生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜同魚粉，攪拌之後，搭配潤滑爽口嘅小麥麵，仲有入口即化嘅豬腩肉。真係好美味😋💜叉燒撈麵而我朋友係個妥妥嘅叉燒控，無叉燒唔歡嘅人梗係點呢個。配料當然都唔少，攪拌均勻食咗一口之後，成個嘴巴都充滿咗麥香味，口感彈牙。正！

同學們都推薦我哋去新城市廣場7樓嘅麵屋こころ食拉麵，一直極力推薦，今日我就同姐妹就嚟試吓味道。店入面嘅裝潢確實好睇，帶有啲日本風格，優雅時尚，仲有透明嘅制麵室可以參觀。我哋即刻點咗兩碗撈麵嚟試吓。餐桌上仲提供咗撈麵嘅食法，我哋就跟住一步一步咁享用。🔹明太子忌廉撈麵鍾意食明太子嘅人絕對唔好錯過呢個，豬腩、明太子、生蛋黃、蔥花、紫菜碎、水菜、唐辛子絲等配料混合喺埋一齊，又有肉香，又有明太子嘅鹹香，麵又彈牙，絕對係值得一試。🔹肉の地獄（山椒胡麻冷撈麵）鍾意食辣嘅人亦都必須試吓呢個，叉燒片、生蛋黃、辣肉碎、竹筍、紫菜碎、紅洋蔥、炸蒜片、芫荽、腰果、青檸等等嘅配料。辣度只係中辣，一啲唔係好食得辣嘅朋友都可以試吓，反而我哋係一口接一口咁食，停唔落口。同學們嘅推薦果然名唔虛傳，住喺沙田附近嘅朋友記得都嚟試吓喔！

-今日一個人去沙田行街，見到日式餐廳人頭湧湧，好奇入去試下食午餐🥣服務生推薦嘅【山椒麻辣撈麵】，我特別鍾意食辣，就揀咗大辛，麻辣味十足，豬腩片配埋麻辣肉醬，食落特別開胃🤤再加埋啲配料嘅香味，真係太棒啦👏仲有我最愛嘅【咖喱炸雞撈麵】，咖喱味撲鼻而來，特別香濃，炸雞外皮脆，內嫩，咬落去咔吱咔吱，特別爽！撈麵亦都好有彈性，全部搭配起嚟真係超級享受😋 我仲點咗【炸雞球】，外皮金黃酥脆，雞肉鮮嫩多汁，再配啲檸檬，酸酸甜甜，特別開胃好食，每一口都停唔落來😍呢間鋪嘅食品我真係非常滿意，食材新鮮可口，價錢亦都非常實惠，下次想帶埋屋企人一齊嚟品嚐👍

今個星期連續食左兩日因為佢d麵食的確出色無論拉麵同撈麵都好好食真正色香味俱全 係會令人想一食再食既味道不過飲品就真係唔多掂 淡而無味所以加埋食物質素只能比4星詳細講下兩次各自食左d咩先第一次叫左雞白湯拉麵一上枱已經聞到超級香但唔係普通拉麵味 好建議食之前索下佢陣味先😂😂賣相當然係超好睇味道都出色 食得雞白湯就係貪佢唔太重口味D雞湯好香濃 但唔會太咸麵質偏粗 但好彈牙溏心蛋好好食 不過其他配菜就差d 肉少少韌另外仲叫左杯白桃沙冰味道就一般 偏淡不過佢d沙冰有個好大既問題 就係太滿!!!放上枱10秒已經溶到成枱係水就算你話係咁飲 佢會keep住溶好快又滿瀉 搞到成枱水下次唔會再嗌第二次食就叫左佢個招牌正宗全料東京撈麵跟足佢指示牌分次落胡椒 落醋 落飯真係超級香中間我仲額外加左辣粉 因為我食開辣我想講落完少少辣 味道層次更豐富中意食辣既朋友記住落辣!!!佢個麵底真係好好食 超彈牙比拉麵個麵底更粗更彈牙更香為左呢個麵底 我決定呢幾日會再食第三次下次黎會想試佢話中辣果款撈麵睇下係咪一樣咁正飲品就叫左芝士奶蓋抹茶超難飲 因為佢係完全唔落糖可能飲開走甜既人會覺得ok但我接受唔到芝士奶蓋既飲品係無糖S

嗰日晚上朋友突然放飛機，本來以為我哋要喺新城市廣場食晚餐，結果剩低我一個人。冇辦法之下只好叫我嘅細佬一齊食晚餐。細佬推薦我哋一齊去食7樓嘅麵屋こころ。佢話佢食咗一次之後，已經愛上咗呢度嘅麵。就等我嚟試吓有幾勁。呢間店嘅裝潢確實唔錯，日式風格嘅時尚感，店員好有禮貌，環境亦都好舒服。以下係我哋嗰晚食嘅拉麵。⚪️雞白湯拉麵乳白色嘅湯汁，賣相非常好睇，湯味亦都非常香濃，係碗色香味俱全嘅麵。叉燒片同雞肉片嘅混搭，配上其他配料例如紫菜、蔥花、竹筍，麵條彈牙有嚼勁。確實好好食。🟢正宗全料東京撈麵滿滿配料覆蓋咗成碗麵，唔單止有溏心蛋，仲有生蛋黃、紫菜、蔥花、韭菜、竹筍、紫菜碎、生蒜、魚粉、鮮嫩嘅豬腩肉同彈牙嚼勁嘅麵條，食得好幸福，真係好值得推薦。

放工返屋企路上無意間發現咗間日式餐廳，睇咗個餐牌決定入去試吓。鋪頭裝修風格獨特，座位寬敞舒適，燈光亦都好有情調，畀人感覺好輕鬆咁樣食飯🍚【雞白湯拉麵】溏心蛋睇落已經好好食，一啖咬落去有蛋香味，再配埋叉燒片同雞肉片嘅鮮甜多汁，加埋蔥花嘅蔥香味，全部夾埋一齊真係好滿足😋【原味東京撈麵】枱上面會放咗食東京撈麵嘅方法，跟住嚟真係會畀佢驚艷到😍肉類變得鮮美多汁，仲有蛋香味，每一啖都特別香甜，食咗停唔到口🤤總體體驗特別鍾意，撈麵睇落好簡單，但係味道非常好食，再配埋鋪頭嘅裝潢，畀人感覺特別放鬆👍

下午喺沙田新城市廣場行街，見到有間特別日式嘅餐廳，原來係日本拉麵館🤔 不過呢間又好特別，大部分嘅餐牌都係撈麵，湯麵淨係得一款揀。鹽味撈麵～撈麵有少少湯汁，呢款嘅湯汁比較清淡，唔似豉油或者味噌咁濃郁。配埋叉燒、蔥花、紫菜一齊撈嚟食，別有一番風味😋 叉燒片都好嫩滑，切得薄厚適中，咬落去冇嗰種肉腥味，好好味！雞皮餃子～我仲叫咗小食，炸得外皮酥脆，內餡雞肉柔軟多汁。雞皮炸得油光十足，非常誘人！仲有好多特色撈麵我仲想試，下次再帶朋友仔嚟食！

早幾日突然心血來潮想食拉麵見到新城市7樓有間拉麵未食過就諗住試吓其實入去之前都知道佢係食撈麵出名但係一打開個餐牌見到啲蔥真係搞唔掂😂最後好冇大志地嗌返個雞白湯拉麵🤣🤣🥢雞白湯拉麵其實老實講就係正常發揮啦咁佢食完又唔會好口渴嗰啲，但你話佢好好食又唔係另外我仲叫咗杯matcha latte佢係有淡淡嘅抹茶味，唔算話好濃但係如果以smooth嘅程度嚟講，我覺得The Matcha Tokyo比較smooth而且唔知係咪啲抹茶粉唔同佢呢杯會有啲粉末狀嘅嘢唔知係啲粉未融得晒？定還是係唔同抹茶嘅特質？我對抹茶又冇咩研究，所以呢方面就評論太多🤪

平時日式拉麵同沾麵就食得多，日式撈麵真係未食過，「麺屋こころ」第二店開左去沙田都一段時間，今日過開去一於試下東京撈麵是一種無湯的麵食，採用自家研發既肉燥、獨門醬汁同自家手製太麵，並配上各種新鮮的食材而成，再加入黑椒同秘製香醋享用正宗全料東京撈麵有豬腩、生蛋黃、辣肉碎、溏心蛋、紫菜、竹筍、紫菜碎、魚粉及小麥麵，豐富又惹味柚子鹽味撈麵（冷）有雞肉片、蔥花、紫菜碎、水菜、竹筍及小麥麵，柚子醬汁加上凍食既關係，味道份外清新我自己本身好鍾意食撈麵，整體既味道都幾岩我，如果唔夠飽，可向店員要求一份免費迷你白飯，加入碗內並與汁醬攪拌享用，一撈兩食，但我食完個麵就已經超飽了🫢

🔝🔝🔝伊勢抹茶🔝🔝🔝🔝🔝🔝🔝伊勢抹茶係一種綠茶粉，係日本既伊勢好出名，佢有一種香濃既茶香係入面，通常麵會配襯住抹茶，係最佳既味道，就係鍾意呢杯咁香濃既味，而且係出面都好少見，難得見到當然要飲一杯啦之後先試試♾️雞軟骨餃子同埋雞皮餃子♾️呢兩個小食主要都係雞肉為主，顏色差唔多，大家既外層都係好香脆，內部嚼勁十足，同樣地都有醬料咁一齊食，惹味好食 😃🔝🔝🔝叉燒撈麵🔝🔝🔝🔝😆最後食到叉燒撈麵，今餐真係超級豐富，食到好飽，當中包括豬腩、生蛋黃、辣肉碎、蔥花、韭菜、紫菜碎、生蒜、魚粉及小麥麵 ，好鍾意食叉燒，好大塊味道好好，叉燒唔會唔夠味，因為仲有好多豐富既料，有菜有肉，好健康，今餐真食得好開心，要帶埋朋友過黎先得地址：沙田沙田正街18號新城市廣場一期7樓704號舖🔙