麺屋こころ (新城市廣場一期)

营业中

休息中

尋日下午同朋友喺新城市廣場逛街，佢話要請我食午餐因為係我生日。令我有啲感動，我仲以為佢唔記得我生日添。佢話要食咩都得，佢請客。我就話咗我想試好耐嘅日本餐廳，麵屋こころ，就喺7樓嗰邊。一到門口服務員就和藹可親咁招待我哋，環境整體嚟講非常舒服，而且仲帶有日本嘅風格。真係唔錯👍🏼🩷正宗全料東京撈麵我揀咗正宗撈麵，配料真係好多，有生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜同魚粉，攪拌之後，搭配潤滑爽口嘅小麥麵，仲有入口即化嘅豬腩肉。真係好美味😋💜叉燒撈麵而我朋友係個妥妥嘅叉燒控，無叉燒唔歡嘅人梗係點呢個。配料當然都唔少，攪拌均勻食咗一口之後，成個嘴巴都充滿咗麥香味，口感彈牙。正！