麺屋こころ (新城市廣場一期)

营业中

休息中

之黎食過都ok諗住二刷第二次真係最後一次晚市六點叫左三樣菜品鹽味拌麵，咖哩迷你丼，雞白湯拉麵雞白湯拉麵個麵質已經有問題冇煮散食到成舊麵頭麵又冇口感勁度 ，麵湯又淡口咖哩炸雞迷你丼更加出哂事炸雞過火乾身， 皮多肉少好似收檔野剪出黎個飯又糊口 ，配埋個咖哩食口感仲差埋單個時員工敷衍了事多謝都冇句 都算俾完錢講句：得架啦。可以走架啦個態度好似趕客咁打住日式食肆旗號但d服務態度西到，黎食野真係慘過乞同返佢公司講又係copy& pasty範本十足你老細同你講生意唔好大家同甘共苦個d行貨算吧啦一句講哂，冇下次

行過見到人地食緊比佢吸引左，又試埋一份，結果有驚喜😍。我叫左柚子鹽味撈麵(冷)同一份雞皮餃子。先講下個麵，配料有雞肉片、生蛋黃、蔥花、紫菜碎、水菜、竹筍。麵條使用嘅係小麥麵，口感彈牙有嚼勁，雞肉非常嫩滑，一啲都唔膩口，而且柚子的清新香氣令整道菜更加迷人🫶。第一次食雞皮做嘅餃子，好脆好香，唔油膩。最後加多杯伊勢抹茶，茶味夠濃。整體而言，這家麵店的食物水準非常高，我明顯感受到主廚的用心和誠意。我強烈推薦大家去試試這家店，相信你都會像被他們的美食所吸引。無論是麵條的口感、配料的豐富還是味道的獨特，都可以為你帶來驚喜和滿足👍。

👣肉の地獄係menu見到呢一個已經超級無敵吸引🤩超級多肉係佈滿成個拉麵嘅碗❤️好似有成5片嘅叉燒真係超正!!中間仲有超級多的料係中間🤭拉麵真係每一啖都有料的🦾👣山椒胡麻冷撈麵（中辛）鐘意真辣就可以揀呢個了😆是咁的男朋友係不辣不喜歡的所有食物加辣就岩㗎啦😌而佢嘅講法就唔係好辣因為加了胡麻醬的關係所以就減少了辣味😝所以就算唔太食得辣都可以一試🤓👣雞皮餃子🥟雖然係好邪惡又高卡路里的餃子但雞皮就係好食啦💫但唔會係雞皮的關係而整到成個餃子太過油而食唔到😊👣伊勢抹茶🍵抹茶係頗濃的個隻飲品😍

又到食飯時間，今日嘅午餐喺麵屋度食，餐廳喺新城市廣場入邊。裝修與木色為主，俾人嘅感覺自然好舒服，有一種好chill嘅感覺！我哋三個人都叫咗左三款唔同撈麵，撈麵材料非常豐富，配料覆蓋整滿面連面底都唔見，就知佢嘅豐富程度🩵💛原味東京撈麵，呢款麵最難食得出面嘅小麥香，配料有生蛋黃、辣肉碎、蔥花、韭菜、紫菜碎和生蒜等等，蔬菜配料嘅清爽口感和麵條嘅煙韌彈牙成咗一個對比，口感鮮明整碗麵都非常豐富。💙柚子鹽味撈麵(冷)，呢碗清新嘅柚子甜味撈麵，用咗同佢好夾嘅雞肉片做主要配料，柚子鹽味撈味非常突出雞肉嘅鮮味，但雞肉又唔會搶咗柚子味道👅，兩者非常夾。呢度嘅面總有驚喜，味道唔會咁單調，撈埋生蛋黃、蔥花、紫菜碎一齊食又有另一種味道，而且味道更豐富！❤️叉燒撈麵，呢個招牌一定要食，腩肉充滿油脂，入口溶化，又有肉味，呢個豬腩真係冇得彈👍。叫得招牌點會咁簡單呀！仲可以撈埋生蛋黃、辣肉碎、蔥花、韭菜、紫菜碎等等一齊食，配料味道豐富，麵充滿小麥香，味道非常有層次！

試食🍃見到期間限定的抹茶京試下🍃Matcha Dessert Set 💰$129Matcha latte - 有淡淡的抹茶味芝士蛋糕🧀 - 厚實的質感 濃濃的芝士味 (當日冇綠茶芝士蛋糕😭)抹茶雪糕🍦- 很濃的抹茶味仲有得配紅豆🫘三款丸子🍡 - 2個係丸子 非常煙靭 Q彈 還有紅豆蓉的糯米糍日式的擺盤 簡單幾靚迷你丼飯💰$36炸雞迷你丼🍚 - 份量偏少 下午茶量 如果當主餐一定會餓 但味道不錯 還有隻溫泉蛋🥚 拌飯食一流👍🏻👍🏻👍🏻但舖頭位置都幾細 日系木系設計非常打卡able!!!

行行下街有啲餓，好彩被我哋發現咗間拉麵店，風格獨特，提供了多款美味的拉麵選擇🔅🔸雞軟骨餃子🔸🐔鮮嫩多汁，入口即化！餃子🥟外皮薄脆，內裡則填滿了滋味十足的雞軟骨。每一口都充滿了濃郁的雞肉香氣👍🏻🔸明太子忌廉撈麵🔸真的是出人意料的美味！拉麵的湯頭以豬腩和明太子為基底，加上生蛋黃、蔥花、紫菜碎、水菜、唐辛子絲、生蒜和魚粉的點綴，味道豐富多樣🫶🏻拉麵的麵條煮得剛剛好，彈牙有嚼勁，配上濃郁的湯頭，真是讓人欲罷不能🙀🔸柚子鹽味撈麵🔸麵條彈牙有嚼勁，配上酸爽的柚子鹽味，味道清新宜人。加入了雞肉片🐓生蛋黃、蔥花、紫菜碎等配料，搭配得恰到好處。每一口都充滿了酸甜的柚子風味，帶來了一種清新的口感。真是讓人忍不住多吃幾口💋🔸日本產水果茶🔸清爽又開胃！茶的口感柔和，水果的香氣四溢。喝下這一口茶，彷彿置身於日本的果園中，這杯水果茶不僅解渴，還能帶給人們一絲愉悅和放鬆的感覺。

分享我哋今次係麵屋食咗咩٩(๑❛ᴗ❛๑)۶★明太子忌廉撈麵★山椒麻辣撈麵（大辛）★雞皮餃子★主食類:明太子忌廉撈麵嘅精髓就係明太子，份量好多，明太子嘅味道濃郁鹹香！冇諗過啲份量勁多，撈晒成個面都夠！小麥麵嘅口感彈牙，我好鍾意食！呢個山椒麻辣撈麵真係唔惹少嫁，麻辣嘅香味超濃郁！主要係佢哋嘅麻辣肉醬整得好入味，喺屋企都好難整到呢一種咁有層次嘅辣味！吸引到我都想再嚟食過！★小食類:雞皮餃子金黃色，餃子超多料，大大隻，仲好多汁添！好好食！🍜麵屋@沙田分店評價環境:⭐️⭐️⭐️⭐️⭐️（5星滿分）食物:⭐️⭐️⭐️⭐ ⭐（5星滿分）服務:⭐️⭐️⭐️⭐️⭐️（5星滿分）

明太子忌廉撈麵雖然睇個名真係好似去西餐廳食嘅菜式，但係其實都有好多日式嘅料喺入邊的，唔會覺得係成個係西式嘅感覺。明太子都唔會比得太少而唔足夠撈面食的，而忌廉嘅份量都比得啱啱好唔會太過膩，加上仲有生蛋黃可以中和下成個面嘅膩程度。鹽味撈麵呢一個就相對普通少少，係會想像到的味道的，但係會比較清淡，適合一啲唔太鍾意食重口味嘅朋友們。面入面有叉燒，蔥，紫菜，竹筍，魚粉，蒜蓉等等。面嘅軟硬度適中，攞嚟整撈麵係好適合的！伊勢抹茶雖然唔算係十分濃郁嘅綠茶，但係都可以飲到綠茶的甘苦的，配撈麵食好啱。

最近被依碗巨量級撈麵深深吸引住，影相打卡一流📸再者，撈麵嘅品質同賣相一樣高汁，叫人為之瘋狂🙉首先係肉食者最❤️❤️→肉の地獄：5大片手掌咁大嘅叉燒片，配上足量辣肉碎，完全係肉食者嘅天堂❗️由於肉碎係帶辣，所以口味上更香口，當中嘅油份用嚟撈麵真係無得頂🥢然後係招牌之選→原味東京撈麵：簡簡單單，有好多好多蔥花、韭菜同紫菜碎，鍾意食蔥必食❗️除咗撈麵，小食類→雞軟骨餃子：炸得金黃脆口，絕對係配撈麵嘅最佳小食🙊撈麵同小食都咁吸引，想試吓份量十足，味道又好嘅日本撈麵，就一定要嚟食❤️❤️

😽雞皮餃子😽餃子用雞皮包住去炸炸得好香脆，但係又唔會過分油膩，餡料豐富軟腍，再點埋沙律醬，酸酸地幾開胃！😻明太子忌廉撈麵😻撈麵好豐富，豬腩既軟嫩同明太子既咸香好配合，生蛋黃再加上其他蔥花、紫菜碎、水菜、唐辛子絲、生蒜、魚粉呢啲配料，口感濃香，配埋小麥麵，超豐富！😸叉燒撈麵😸呢個撈麵就係以入口即化既豬腩為主料，配上綿滑既生蛋黃，又有辣肉碎、蔥花、韭菜、紫菜碎、生蒜、魚粉，小麥麵就夠晒煙韌，咸咸地幾香！呢度成個環境都係簡單裝修為主，氣氛好好，輕輕鬆鬆既氣氛，坐得都好舒服。

🍜正宗全料東京撈麵 $109配料好豐富，整體醬油香氣濃郁。豬腩油脂味香，辣肉碎幾惹味😋紫菜同紫菜碎更香口，小麥麵煙韌彈牙。加上生蛋黃、溏心蛋、蔥花、韭菜、竹筍等等，味道口感都多層次，再加上黑胡椒更加好食！👍🏻🍜明太子忌廉撈麵 $99明太子鮮味鹹香，帶忌廉香味，口感creamy🧡有唐辛子絲，帶點微辣。跟指示食到三分一加入黑胡椒，散發更多香氣。再食到三分二後，加入陳年雪莉醋，增加酸味後唔太慣個味道，不過就更解膩開胃。🥟雞皮餃子 $46外層香脆，餡料彈牙，散發雞皮油脂香氣。🍵抹茶拿鐵 $38味道天然，帶淡淡抹茶香氣同牛奶香味。☕️焙茶拿鐵 $40散發焙茶香氣，個人覺得更香濃。

第一個試既撈麵係原味東京撈麵，有生蛋黃、辣肉碎、蔥花、韭菜、紫菜碎、生蒜、魚粉及小麥麵，配料相當豐富，蛋黃同辣肉碎都好軟腍，成個麵都好黏口，加上其他調味配菜，味道突出有層次☺️☺️第二個試既係柚子鹽味撈麵，呢個撈麵係凍既，非常清新既感覺，有雞肉片、生蛋黃、蔥花、紫菜碎、水菜、竹筍及小麥麵，雞肉片唔會好鞋口，反而幾滑嫩，配埋生雞蛋同其他配料，凍凍地，清新嘅口感🤓🤓第三個試既係小食雞皮餃子，餃子真係用雞皮包住去炸，炸得好鬆脆，咬開酥脆既雞皮就係軟腍既肉餡，再點啲沙律醬去食就更加惹味🤪🤪

如果喺沙田嘅我，呢間餐廳都係我經常唔會食嘅餐廳之一，放工唔知食乜嘢好，而且又唔想食太油膩的話大多數都會選擇呢一間餐廳。以下係最常食嘅兩個撈麵！原味東京撈麵和正宗全料東京撈麵。就咁睇個名真係唔會知道兩者會有乜嘢分別的🤣🤣原味東京撈麵就沒有任何嘅大份肉類，只有一些配菜包括有蛋黃，小小嘅肉碎，蔥，韭菜，紫菜，配料都十分足夠撈勻晒成個面的🥰唔會覺得太過單調或者唔夠味道！而另外一個正宗全料東京撈麵，就真係有滿滿的配料，會多咗豬肉，糖心蛋和竹筍，就好似平時食拉麵嘅配料😀如果想食豐富啲建議可以叫呢一個會更加好！小食方面個人幾鍾意食雞皮餃子的，但係自己一個人食晒會相對比較油膩，建議同其他人一齊食🫶🏻

前排見到Foodie推薦呢間麵屋餐廳，我俾佢推介嘅一款撈麵吸引到！咁吸引我嘅係咩撈麵？就係呢一個好邪惡嘅明太子忌廉撈麵！咁大碗麵有豬腩、明太子、生蛋黃、蔥花、紫菜碎、水菜、唐辛子絲、生蒜、魚粉！小麥麵面質彈牙。明太子多到好似唔洗俾錢咁，太滿足！仲要呢到嘅明太子質量都唔錯。因為食材豐富，成碗食晒都真係好飽，不過又真係好味到唔捨得唔食埋佢(・ω・)食麵仲特登叫多杯飲品，佢哋呢度嘅飲品都幾吸引，有我好鍾意嘅抹茶。不過今日想飲啲甜甜哋嘅飲品，所以就叫咗佢哋嘅水果茶！水果茶嘅甜度適中，有果香又有茶香味，幾好ヽ(*´∀｀)

今日同男朋友喺沙田食嘢，我哋每人叫咗一碗撈麵食，再加一份小食share，麵非常之豐盛，小食亦好滋味，真心推介大家嚟食！咖喱炸雞撈麵🍝這款咖喱炸雞🍗撈麵結合了日式咖哩的香辣味道，再搭配上生蛋黃、辣肉碎、蔥花、韭菜、紫菜碎、天婦羅碎、生蒜、魚粉和小麥麵，組成了一道豐富多樣的麵食🍝。麵麥香味十足，又有彈性。咖喱炸雞外皮金黃酥脆，內部多汁嫩滑，配上日式咖哩的香辣味道，給整碗撈麵增添了獨特的風味。咖喱的香氣和辣味更讓人食指大動。原味東京撈麵🍝這碗原味東京撈麵充滿蔬菜配料，在這些蔬菜配料中間有一份辣肉碎和雞蛋黃，非常突出！蔬菜配料分別有蔥花，韭菜和紫菜碎。生蛋黃🍳帶來了柔滑的口感和濃郁的蛋香，與麵條完美融合。辣肉碎則為這道菜增添了一抹辛辣的風味。碗裏面還有少少生蒜和魚粉，生蒜🧄大有辛辣味，而魚粉則為這碗撈麵提供了一種豐富的鮮味，讓人回味不已。雞皮餃子🥟呢份雞皮餃子，簡直係味覺嘅享受！雞皮本身油香十足，炸過之後更加係甘香酥脆，入邊仲包咗菜和肉餡，成隻拎去炸味道濃縮晒喺入邊，滋味到爆燈！💯