麵屋武蔵 武骨相傳

营业中

休息中

當日YOHO行街，經過望到就入黎試【我係非常鍾意食拉麵既人】入到去叫左個黑蒜油豬骨拉麵一黎到，望到個色就覺得唔對路我係叫黑蒜油唔係叫墨汁啵，師傅，唔係整個蒜油加PAT墨汁就叫黑蒜油喎而且湯底完全就係豬骨濃縮湯膽開出黎味道淡，而且超水麵係完全掛唔到湯我食拉麵係必定飲哂D湯，我覺得係對拉麵師傅既尊重但呢度 SORRY我飲唔落，你都冇對食客對拉麵尊重，我點解要尊重你?有D拉麵店，味道可能未如理想，但一個湯底一飲落就知有冇落過心機，就算味道一般，但,係唔係煲出黎，落咩材料一飲便知，我同樣尊重跟住另外叫左個炸雞面頭個醬︰墨汁溝蛋沙律😶師傅你係唔係玩我呀?墨汁玩上癮?成餐唯獨食得既只係餃子餃子叫貨返黎，餃子汁叫貨返黎🤷‍♂️

今次呢間拉麵店開張唔算好耐，位置比較開陽入到去係用手機掃QR code落單，上菜時間唔算好耐，食物價錢嚟講都唔算好平，而且唔跟飲品今次試咗佢哋嘅黑蒜油豬骨拉麵，裏面有一舊厚切叉燒同一嚿厚切豬肉，叉燒瘦肉比較多，豬肉就會有肥豬肉同瘦嘅部份，叉燒雖然厚身但食落幾淋，特別鍾意佢個厚切豬肉好入味，應該係類似用醬油醃過，味道好濃郁黑蒜油湯底就一般，湯底質地比較水，同埋飲落偏鹹，味精比較重，雖然都有豬骨味，但覺得可以再濃啲麵條就比較軟身都算幾掛湯

第一次入元朗食拉麵，去咗位於YOHO嘅武骨相傳，拉麵沾麵淡而無味，沾麵碗湯好似水咁，同服務員講，佢拎完入去成碗湯深色左，咸到食唔到，直頭落左豉油落去咁嘅味，完全冇豬骨湯嘅味，再同服務員講，一係淡到無味，一係咸到食唔到，服務員就咁溝啲水俾我，佢地個湯底應該係無骨唔係武骨，非常之差嘅用餐體驗，最後食都冇食埋單走人，咁就賺左3百幾兩碗拉麵。。。。。。。。。。。。。。。。。。。。。。。。。。。。

肉質唔ok, 唔軟，唔鮮，好彩仲入到口咁啦，不過應該冇下次，俾貴啲，佢食其他嘢好過，見佢新新地想試吓，明知佢都唔平，不過近，俾次機會佢囉，可惜味道同埋份量都唔爭氣，佢嘅存在對我已經開始冇意義，見到碗麵只係好想去日本食真正嘅拉麵

沾麵味道麻麻，份量偏小，質量差，叉燒僅限一塊，湯底偏鹹，味精重；服務質素也有待改善，無侍應去到門口接待處主動帶位，見到客人嚟仍扮見唔到，態度冷淡，笑容欠奉，主動性低；環境也有點擠迫，整體用餐體驗很一般。等級：D

Yoho 新店 - 武骨相傳 麵屋武藏二刀流拉麵：今次試左黑蒜湯底，望落去雖然黑鼆鼆，酸味濃郁，有一塊厚切叉燒，肉質不錯，再加舊厚切豬肉，略嫌肥肉多，但質地夠林，有入口即溶嘅感覺，糖心蛋超級流心，麵條就較幼，份量正常！二刀流沾麵：試左辛味豬骨湯，不過辣味好輕微，微辣程度，帶有少少藥材味，麵條較粗較彈牙，唔會好索湯底，所以味道不會太濃👍🏻 同二刀流拉麵的配料一樣叉燒蕃茄拉麵：薄切叉燒，糖心蛋，仲有薯蓉，蕃茄湯底有住家風味，超級好飲，最後湯底都冇剩！檸檬氣泡伯爵茶：本店特製的氣泡茶，配合本店拉麵，伯爵茶味好出，不太甜，完全中和湯汁的油膩感，真係好夾！ 作為伯爵茶迷必試！和風蘋果沙律：極力推介，蘋果青瓜條狀大小適中，非常清新爽口，沙律醬唔會欲蓋彌彰，表面仲有粟米片果仁碎亞麻籽，同埋蟹籽脆脆地同蘋果一齊好好食😋仲有一條條火腿調調味，真係回味無窮！