麵屋哲 (已結業)

去過尖咀果間冇foodcourt, 得知呢間終於會打造foodcourt, 就去睇下咩水準😆佢入面都有唔同種類既美食，拉麵pepper lunch都有，揀黎揀去最後停左係一間叫『麵屋哲』既店前面，聽講以前有係銅鑼灣開過店，係日本過江龍，好吸引到我呢個日本美食控，最後選定作為午餐😆呢間店主打食沾麵，另有幾款拉麵可以選擇。想食小食都可以加配。付款後會俾電子器，響左就可以拎餐，速度幾快，坐低一陣就拎得我點左個哲濃沾麵（$78）張餐紙會介紹你點樣食沾麵，都幾貼心😊啲麵條掛湯到😲意料之外既驚喜一個美味既午餐就咁完美結束呢餐都令我覺得幾有驚喜😆無諗過食到個咁高水準既沾麵，值得我再黎食😋

今日食lunch去咗Don Don Donki嘅Food Court但搵位就需要花多少少時間。見到有間日本過江龍嘅沾麵店（麵屋哲），餐牌有三款沾麵同三款拉麵，見到其他人嘅沾麵份量都比較大，所以試咗個「特製濃厚豚骨拉麵$98」。拉麵會跟3塊叉燒，1隻溏心蛋，木耳同笋條，舖頭仲做緊優惠送半隻溏心蛋。湯底：質地較濃味，比較杰身，唔係出面啲普通拉麵舖嘅味精粉開水咁。拉麵：麵質冇得揀但都適中，唔會太軟或太硬整體嚟都唔差值得一試。

Tetsu麵屋哲離開左香港兩年終於返黎喇🎊⁣今次會以全新形象👏🏻出現在荃灣【驚安の殿堂】美食廣場🎉⁣⁣Tetsu麵屋哲係沾麵專門店，創辦於2005年，起初由小店鋪開始經營，曾獲得多個獎項，發展到現時全球共有27間分店。⁣⁣🔸哲盛沾麵 $98 ⁣這款沾麵的叉燒比較多有3塊，溏心蛋有一隻半，另外有荀條、嗚門卷同葱花。⁣湯底係魚介豚骨濃湯，麵食完後記得將碗拿到櫃台，店員會將柴魚清湯加入你碗中餘下的湯裡，大約以1:2比例拌勻，就可以直接喝湯，齒頰留香😋⁣

今日去了 Donki 買零食 , 在 food court 見到了一間之前在銅鑼灣食過的沾麵店 , 當年食過已經覺得唔錯 , 想不到最終敵不過租金 , 估唔到今日見到他的重臨香港的市場  , 出現在 Donki 的 food court 內.由於我之前已經食過他們的沾麵 , 所以今次我點了他們的拉麵試下 , 拉麵的面質和一般的拉麵店差不多 , 可惜沒有硬度的選擇 . 湯頭方面十分濃郁  , 並沒有和市面上的拉麵這麼多油 , 食完我仲飲哂D湯 , 之後無口渴的感覺 , 應該沒有下味精掛.下次再來的時間 , 我會試下他的主打沾麵  , 看看有沒有日本的水準 . 

荃灣Donki既food court 3月已經開張左一直都唔得閒黎，今日終於有機會，呢排行donki冇之前咁多人好行左，但food court座位由於收起左一半可能未必夠坐。food court大部份舖頭都開晒，仲俾我發現到之前銅鑼灣好hit既熱石沾麵-Tetsu，但應該由於係food court入面就冇左熱石供應，試左個Classic版哲濃沾麵（$78），湯底同日本食既味道差唔多，麵條都做到掛湯效果，個沾麵食完之後可以返court加番個湯飲湯，由於food cort冷氣比較大，食麵要盡快食，如果唔係個湯凍左就冇咁好食。哲濃沾麵會跟一塊叉燒、荀條、鳴門卷，而家開張期間每日頭102個客會送半隻日本溏心蛋，過左呢段優惠期就要$12一隻，飲品有罐裝汽水或者支裝飲品，加左支雲抹日式綠茶（$12），整體黎講價錢同味道都唔錯，冇得飛日本行完donki食番個沾麵都可以解決一下思鄉病

讚1. 沾麵汁同以前一樣咁好味，好濃郁！拉麵好煙韌同有麥香，叉燒既肉質好，夠香口，整體同以前一樣咁好味彈1. 沾麵汁溫度有問題，整體係偏冷，以前都仲話有舊熱石扔落去加熱，家下Food court就梗係無得咁玩，所以風味上係貼近左日本食沾麵既做法，但作為香港人就麻麻地2. 呢樣都係同food court有關，食完沾麵，要自己拿番碗汁去加湯都小事，問題係啲湯雖然放係保溫壺，但換得唔夠密既話，都係凍凍地咁，唔太得噃3. 以food court既環境，賣成$78/碗麵，價錢進取左啲噃