麵屋丸京

营业中

休息中

就係我地屋企附近一開始冇乜人入去, 而家要排隊!真叉燒拉麵 每日限20碗真係好味, 個湯又濃厚, 叉燒好軟熟, 好大塊!脂肪分佈都平均麵條係幼麵真係忍唔住飲左好多湯落肚呢雖然我知好肥一定會再幫襯

上次同friend 系尖沙咀食完個豬骨濃湯拉麵，非常心思思，所以偶然經過這拉麵店，便冲了入去食。店舖設計同日本d拉麵店差不多，都是全bar 枱形式坐，好有日本feel ,只可惜拉麵不合我口味😔餐牌上的麵品種選擇少，湯底可選擇濃湯或清湯，而追加的配菜也廖廖可數，價格也吾平這款濃湯走荀的半熟卵拉麵售價$73 元，吾抵食，义燒幾片薄如紙，拉麵的軟 靱度沒有得選擇，稍硬，入口似食北京拉麵條，濃湯底超咸，沒有豬骨香味，食到一半已經想吾食，尼款拉麵簡直考驗你的味覺和耐力😓

Bookmark左呢間拉麵店一段時間🤪因為之前成日見人影相 一塊塊好粉嫩嘅叉燒🐷喺麵上鋪到好似朵花咁感覺好好食😚-✏️真•叉燒拉麵 ($93) 加配半熟蛋 ($10)湯底叫咗清湯 不過飲落味精味道都有啲重🤔麵條係幼麵黎 咬落都幾彈牙😃叉燒係個重點❤️果然冇失望🤤叉燒係切得較為薄身嗰隻 而且食落肉質好嫩口😍肥膏嘅分布好均勻😌而且唔會話太多肥膏🤪(講明先我個人係鍾意食瘦叉嘅🤤)叉燒係有少少偏鹹咗啲 但我覺得真心幾好食🤪另外加咗糖心蛋是基本😚糖心蛋係本身已經有鹽味 好正😚-✏️自家製餃子 ($30)餃子入面係小小雜菜同豬肉餡🐷餃子皮非常薄 煎過後幾脆口😌味道唔錯 不過係油左少少😗😗

朋友話新開一段時間了。見門口冇人入黎望下啦...傳統日本麵店的座位。都幾細間應該坐到十人以內..第一眼俾餐牌既叉燒拉麵吸引住黎到果然同餐牌上既一樣..叉燒圍位個碗邊薄片..有咬口..好好味呀配左個濃湯..點知真係堅濃..結身而且好漏..浪費左個拉麵湯...有d失望。下次如果黎試下普通好了

I am not a fan of ramen because ramen in hk is quite pricy and usually does not worth it. However this one has been highly recommended and it just opened a new shop at tsuen wan. The price of the ramen here is quite reasonable, average from 60 to 80.We ordered two bowls. Not bad. The texture of the ramen is good - not too hard, not too soft. The soup is very rich and the chasiu is soft too. Overall with this fair price, this ramen shop is recommended.

今次嚟咗試吓成日好多人排隊嘅拉麵，六點鐘嚟嘅話就唔使排隊直入有得食啦同一般嘅拉麵一樣選擇唔會太多今次我哋揀咗一個濃湯豚骨醬油拉麵同埋地獄湯拉麵試吓另外我哋自己加咗錢要玉子，一嚟到就見到碗湯好似好多油咁，不過明白嘅因為用豬骨嚟煲有油都好正常，不過我自己比較唔太鍾意食咁油膩嘅嘢，個湯本身煲到杰撻撻，好有骨膠原嘅，可惜湯底唔係我自己鍾意食嗰啲，不過依間野嘅麵質好好食，屬於偏硬既。有咬口，不過食咗大半已經感覺到好多油，所以如果唔鍾意食咁有嘅嘢就唔好試啦另外叫咗個地獄拉麵，同樣地，食到個胃好唔舒服，好有灼熱感 可能我哋兩個都唔太適合食啲咁油膩嘅嘢啦

平時小妹麻麻地拉麵，今日就陪細妹一試哩間拉麵鋪，里面座位唔多，有啲迫，好彩剛好唔洗排隊。因為諗住一陣去葵廣掃街，小妹叫左正常份量既半熟卵拉麵 (HKD 73), 細妹叫左叉燒拉麵 (HKD 78), 有清湯同濃湯選擇, 今次叫左濃湯湯底。桌上有凍檸檬水提供, 所以我無另外叫野飲~~好快半熟卵拉麵就黎到, 湯底都算濃同夠熱,  麵質再硬一點會更好, 半熟卵拉麵既叉燒好足, 薄薄地唔肥但好嫩好好味, 配桌上供應既辣醬，好野味，蛋普通。細妹叫既叉燒拉麵, 差唔多有8,9塊叉燒, 份量很足。食到中斷都覺得唔錯, 但食食下先留意到很多"肥脂肪粒"浮於湯底,心奇怪點解唔隔走D"肥脂肪"先比客, "肥脂肪粒"有點恐怖, 小妹應該唔會再黎, 因為真係好肥雖然整體係好味, 性價比算高, 但小妹真係接受唔到拉麵有肥脂肪粒浮面。

真·叉燒拉麵 (濃湯) $93 + 京風味半熟蛋 $10濃湯食頭幾啖拉麵果陣覺得好夠味，不過後期就越食越鹹😅至於叉燒，用真空低温調理，當然肉質嫩滑😍而且脂肪唔多，大大減低罪惡感😆極上拉麵 (清湯) $88呢款半熟蛋已經包在內😊清湯湯底就越食越夠味😂叉燒同樣脂肪唔多，呢款並非用真空低温調理，比較薄，不過肉質都係嫩口😃----------*店內有紙巾同檸檬冰水提供濃湯vs清湯 好多客都問有咩分別❓清湯係加左醬油既豬骨清湯，而濃湯就係加左背脂既清湯。係綿羊眼中，濃湯就係香啲同鹹啲既，不過就肥啲🙈

其實個人不太懂欣賞日式拉麵上的叉燒要食叉燒， 還是港式燒味舖的最好味一般日式拉麵店的叉燒都乾爭爭沒什麼口感但丸京拉麵店的真空處理叉燒令我對日式叉燒有所改觀看他撲滿整個拉麵碗很壯觀吸引吧肉很薄但爽口味道不算太濃拉麵質地是較彈牙的加上調味區內的生蒜蒜蓉為整碗拉麵生色不少值得一再回顧的拉麵店真空處理叉燒拉麵是每日限定的記得不要錯過了

本身一直想試，終於有機會試，時值星期日中午理解應該要等位的，奈何香港人的那種要管的性格，d客就咁一堆企響門口等已經令我打消想食念頭，但既然來到又肚餓，給點耐性等吧。本身叫了叉燒拉麵清湯加旦走筍，但坐到埋位，點解我被叫多左個餃子?立即問番個侍應啦，佢好似懷疑我填錯咁，話再check單，先知原來你們入錯單唔緊要，我再填過。點知拉麵來了，點解有筍響度嘅明明填左走筍，侍應又錯⋯⋯睇到碗拉麵，本來滿心期待，但食落湯唔咸本來是好的，但唔咸到淡而無味，叉燒係好味嘅，但麵太淋，怪我對麵期望太高，同埋對香港人的服務態度過高要求，可能他們太累了。

叉燒好好味，拉麵正常。我2:45入舖食拉麵。廚房係開放式同日本一樣，但好嘈，師傅整野好大聲，係呯！呯！呯！咁整！然後加上舖頭音樂開到好大聲，冷氣好細，食得好辛苦。

夜麻麻一條友，最好就係搵間拉麵店享受下一個人的浪漫。今晚嚟到荃灣這間小店，鋪內座位大約有15個，煮麵既師傅就有兩位。早前已經有朋友介紹一定要試佢哋個濃湯叉燒拉麵！我等左大約10分鐘，拉麵就到啦！當然第一時間試吓個湯底啦，果然十分濃郁，叉燒方面大約有7塊，連一隻溫泉蛋分量十足！拉麵有口感十分彈牙，溫泉蛋有流心效果，成碗面都係＄88，比起一些拉麵名牌店這家小店一點也不失色，甚至乎可以用超級抵食黎形容！如果一碗拉麵唔夠，可以叫埋佢個餃子。餃子唔太油，而且價錢＄25合乎性價比。順帶一提佢哋每日有20碗限定低溫慢煮叉燒拉麵，我諗有機會都要試吓！

路德圍一帶有很多小店，轉換率甚高，今次經過又有間新開拉麵店～門外有不少人排隊，莫非又是臥虎藏龍？款式選擇不多，只有６～７款的拉麵。清一式吧枱座位。等了約20分鐘後有位，排隊時已經開始選擇食物及下單，所以入坐等了一會食物便送到。座位空間談不上闊落，但不算逼夾（土地問題嘛，你懂的！）由於都肚餓的關係，除了拉麵外，還點了餃子吃。餃子外皮焦香，入口很熱（小心盪口），外皮很薄帶小許煙韌，咬開有肉汁，好吃！餃子皮脆多汁讓人一口接一口停不了下來～好喇，講返主食拉麵。今次點了地獄拉麵來嚐試（我錯了，我輕視咗呢個地獄拉麵）。這裏的地獄拉麵令我真的來回地獄又折返人間，自問都算係食辣嘅人，都真係對差啲敗走。拉麵湯底是赤紅色的，質地濃稠，味道濃郁。豚骨湯加上秘製辣醬，熱騰騰的麵，加上辛辣的湯底，辛辣勁道十足。每吃一口都好似俾火燒咁。如果要挑戰的話，一定要趁熱食。叉燒比一般的轉為薄身，脂肪比例不多。較一般拉麵店不同的是叉燒顏色超級粉嫩，誘人～叉燒用慢煮方式處理，入口仍然滑溜，但肉味不太濃，亦沒有想像中的嫩滑。麵條較一般的粗身，軟硬適中，有少許鹼水味。是我喜歡的口感。地獄拉麵果然名不虛傳，比想像中辣，每一口都十分

京拉麵已在荃灣區開了幾個月，今晚ot後自己一條友黎食面，一入門口好似無開冷氣咁，隔離個個客人都話好熱，哈哈心靜自然涼啦！入番正題啦，今次都係叫左一份極上叉燒拉麵，味道可以話無懈可擊，個人認為拉麵界最高級數，好味過_蘭同豚x,唔信我既快快黎試試我早前已經介紹左好幾位拉麵發燒友黎幫襯。真心在香港都可以食到日本味道Enjoy

同朋友2人一齊去食,內部間隔跟日本一樣bar枱式,都幾好坐。星期三接近7pm去,剛好不用等位~lucky~我本身鍾意食硬身拉麵,而呢間做得到,good!湯底夠濃,叉燒肉質薄嫩~好辣之人真係可以試下地獄拉麵...辣得過癮!!