麵尊

营业中

休息中

上環一帶多美食，這次去吃貨同事大力推薦的車仔麵店吃午餐，據說是香港十大必吃車仔麵之一，很多大明星都有在光顧。我們中午12點半到小店外面已經人山人海，排滿了附近的上班族。我建議如果大家要來最好在12點前或者1點半以後，不然就要像我們一樣排隊半小時才能入座，加上等食物最少45分鐘才有一碗麵吃。等了那麼久如果不好吃真的會抓狂，吃完以後真心覺得會再回來味道實在很不錯！這邊點餐是用餐單紙的，有各種食材可以任選。我選的是墨魚丸，咖哩魷魚，鹵水鴨腎和紫菜。麵選的是河粉，湯底選了腩汁。別看小小碗，吃完覺得好飽！！湯底甜甜的，不是很重味那種，吃完完全不會覺得口渴，超贊！河粉很薄身，偏軟，是我喜歡的那種。鴨腎入味爽口，墨魚丸實實的，好吃。反而魷魚我覺得一般，因為我不喜歡吃這種爽脆稍微透明型的，我喜歡那種有點嚼頭的。總體來說我覺得這家車仔麵味道很好，愛吃車仔麵的朋友可以去試試看喔！

想試這間車仔麵店已經很久了，可是每一次路過星期日都關門，今天星期六專誠一早過來試一試。這間小小的麵店非常繁忙永遠都座無虛席。點餐只上選擇非常豐富，我試了他們的咖喱汁，而老公就試了他們的麻辣汁。唔知係唔係我們選擇錯誤，我們要的餸沒有什麼驚喜，我反而喜歡家裏後面街一間寂寂無名的小店，價錢及味道更加吸引。老公雖然是外國人，但他很喜歡炸魚皮皮，見這裏有得點所以我們亦叫了來試一試，可惜炸魚皮不是太新鮮，吃落囗感硬硬的有點失望。

又黎到麵尊食晏 呢間一到lunch time就有好多人 但每次都唔介意排 因為實在好好食每次都要點腩汁底 佢既腩汁好濃味 唔咸 無論跟麵底同料都好搭 雖然每次只係叫三餸一麵 但都好夠食 而且每次見到店員拎住一碗裝到差d滿瀉既碗俾我時 心情都有d雀躍

lunch時間，由皇后大道中轉入蘇杭街，就會見到一間鋪頭堆滿人。正常時間當1點等，都要等3、4個字。如果單人想唔使等咁耐，1:30後會好d。麵尊的秘製麻辣醬係重點（另外有一樽出售55蚊），香又夠麻，唔食得太辣最好唔好將d醬撈晒入碗面。推介豬太腸，雞翼尖，好入味，份量足。3餸1面加飲品，埋單40左右。呢度嘅open kitchen會令食完成身都係食物味，所以冬天唔好著毛毛衫。

lunch time時份黎食 遠處已經見到店出面有好多人等位 但因為唔係第一次食 所以都知等耐d都值今次點左油麵 墨丸 豆卜 美味齋（$36）個腩汁湯底好濃好香 美味齋係必食 唔油 個湯底太正所以幾大碗都食得曬！

很低吃細尊$36大尊$38一到中午就見人龍尋求受歡迎的原因，就試一試一人搭桌不用等，叫左細尊，賣相不錯，蘿蔔夠入味，菜爽，豬紅好食，但湯同麵的味道只是過得去總體，ok ,排長龍可能是價錢平，又近幾座office, 食物ok

午飯時間又到，每天都諗爆頭諗午飯食咩好，今日行過上環蘇杭街，見到呢間車仔麵店排哂長龍。 好，見仲有D時間，就排隊試下呢間「麵尊」，點知比我想像中排得快，不到10分鐘就可入座。好架勢既牌匾「麵尊」今次我叫左個墨丸、豬大腸、鴨腎米線，每個餸我都好滿意，但最特別係個湯底，味道濃郁。平時食車仔麵唔會飲埋d湯，但今次我飲哂。除此之外，佢仲有得比你選擇麻辣汁同咖哩汁，我就試左咖哩汁，十分濃郁香口。總結，車仔麵黎講，佢都算係幾特出，但份量就唔算好多，如果唔係好餓但又想食小小野填下肚，都係唔錯既選擇。

朋友推介的車仔面, 今次叫左牛腩, 冬菇, 麻辣汁, 河粉. 個麻辣味好好食, 個牛腩都幾入味, 不過就有d “un”, 冬菇都幾爽口. 加左杯豆漿解下辣.朋友就叫左一個小尊, 有豬紅, 豬皮, 魚蛋, 蘿蔔, 紅腸. 不得不讚個豬紅, 真係好好食!!!! 下次一定要encore 豬紅食呀!!

見到2點半有下午茶，諗住一定會比平日便宜d,但其實如果唔加野飲都只係平一蚊...見到好多人都係點左個時菜冬菇油麵加少麻辣...一上枱，個湯底顏色咁濃既...飲一啖試下，好飲呀!!!見牆上報章雜誌，大多係米粉同油麵and推介冬菇，蘿蔔，豬大腸，牛腩...咬一啖冬菇，超級'焾'同入味,唔知點樣形容，但係好好食!油麵呢...就唔太係我杯茶，比較硬身，而且食完覺得有d滯,建議女仔可以食米粉 )不得不提麻辣醬係必試!!!辣得過癮!!!!! 同場欣賞女店主極好服務態度...但對員工就有d惡...

上環的車仔麵寥寥可數，如果要數食物、味道、服務和環境都好，我會揀麵尊。麵尊一碗份量唔算多，最愛佢地既秘制咖喱辣和麻辣，其實唔算好辣，不過總比落辣椒油更惹味！每次來都離不開叫酸齋、冬菇同魷魚！樣樣都好入味，酸齋唔厚粉，冬菇好稔，魷魚彈牙爽口，配上麻辣醬，整體的確都比附近車仔麵檔出色！值得一試！

一個人去，等了10分鐘左右有位後點了大尊咖喱辣，豬紅、豬皮、腸、魚蛋、白蘿蔔、生菜。豬紅很有彈性，好吃。豬皮很入味，好吃但豬毛沒處理乾淨，看到毛後有點反胃。紅腸一般。魚蛋有彈性且能感覺到很充實的魚肉。白蘿蔔入味但有根，不夠細膩。

閒時都會周圍食野，今日同朋友黎左麵尊食個麵，估唔到都唔錯依度最正都係Ｄ配菜，魚皮好好咬口，有份量Ｄ菜幾新鮮，幾好味紅腸都唔錯，唔會太難入口最正都係個麵底，夠曬粗，食落唔錯唔算太貴，夜晚同朋友食得過

以前在上環區返工，一直有幾間心水餐廳袋住在身邊，呢間係其中一間，就係麵尊車仔麵。呢間車仔麵總是有一種食過翻尋味的感覺，即使離開左上環區返工，都要間唔中返去食，呢種魔力好少香港既餐廳好少令我有呢種感覺，麵尊是其中一間。我每次去都是叫5餸配油麵，鐵膽叫咖哩魚蛋牛腩豬皮羅白雞中翼(如其中一樣售完會以酸齋補上)。呢間車仔麵既湯底有點似銅鑼灣榮記車仔麵既腩汁湯底，不過呢度就清少少，味道甜甜地。油麵碌得爽口夠彈性，豬皮同樣不會過淋夠索汁，而牛腩就選用新鮮牛腩，比坊間的柱喉牛腩不同，比較懷舊特別，每次必叫，羅白就食到有糖水浸過的感覺，偏甜。而雞中翼都算入味，咖哩魚蛋亦是必叫，大大粒好彈牙，又夠熱又夠香辣，而本店鎮店之寶是咖哩辣醬，落左落碗麵提昇不少質素，不過幾辣下，唔食得辣要叫少辣。總結此店最近已經加價加到$9一款餸，係比較貴，但是，好食既東西係要有溢價，我願山長水遠去上環比$45食呢碗5餸麵。

今個星期不停外勤,想食餐好D都難,好在出去既日子都搵到D唔錯既餐廳今日食車仔麵,叫左個芝士腸,豆卞麵芝士腸幾脆,同埋係多芝士果種豆卞林林地,但幾夠味個湯都幾夠味,所以個麵都夠曬入味而且粉量幾大,都係$36咋

經常來這店, 好有小時候的車仔麵風味.特別喜歡粗麵, 好有口惑, 唔會好林, good!推介豬皮, 豬紅, 這裏的豬紅沒有其他店的怪怪味道, 特別喜歡.另外, 牛柏葉, 雞翼都好好味!如果可以用個大小小的碗就更好, 因為麵好多, 個碗太細, 湯唔夠之餘, D食物好易跌出去, 要食得好小心.其餘都好好.