麵家

营业中

休息中

今次我地去門銅鑼灣呢邊，之前經過登龍街呢邊見到呢間食麵既餐廳成日都好多人排，今次我地就過黎朝聖下🍜餐廳環境有復古既港式車仔麵既味道，圓枱圓凳，有少量bar枱，地方相對比一般既車仔麵店都乾淨同埋新淨，而餐枱有辣醬同菜脯比客人自己落🇭🇰雙拼麵（$55）招牌櫻花蝦雲吞，金錢肚（+$10）其中一碗揀左雙拼麵，湯底可以揀大地魚雞白湯，或者雞白湯，呢碗揀左魚湯，個湯幾鮮甜，餸揀左佢地既兩款招牌，櫻花蝦雲吞同金錢肚，粒雲吞超級大粒，兩粒雲吞佔左個碗既3份1 size，裡面爆多肉汁，帶有d櫻花蝦味，皮簿餡靚鮮味十足，金錢肚夠曬爽口，點d辣醬食岩曬🥟咩都有麵（$78）呢個麵同個名一樣，咩餸都有，分別有雲吞，墨丸，牛丸，魚蛋，魚片，牛腩，貢丸，湯底揀左雞白湯，湯底相對比較濃厚d，丸類口感幾彈牙，同埋都幾有味道，最正係個牛腩，佢落單時可以揀肥或瘦，而我就冇特別指定，所以唔算好肥，牛腩充滿香濃牛味同埋肉質好嫩☺️Shake Shake魚皮（follow 社交平台送‼️）如果follow餐廳社交平台就可以有一客魚皮送，有燒烤味同芥末味揀，我地揀左燒烤味，落左味粉又幾過癮，乾食比較好，放湯就唔建議落味粉，我下次sha

港式粉麵係傳統香港特色，好值得保留呢個港式情懷。位於銅鑼灣呢間麵家，懷舊裝修，又靚又乾淨。我特別鍾意佢哋嘅湯底。店員仲同我哋介紹，雞白湯底每日用8小時熬製，全無味精。而麵條係用咗老字號永樂。服務態度真係好好，用心介紹，令到我覺得更加值得食。招牌櫻花蝦雲吞拼秘製慢煮牛腩湯面首先雲吞真係好大粒，証明餡料真係落足料，豬肉打得足爽口，加埋櫻花蝦增加咸鮮味，令到味道更加有層次。雲吞皮夠薄，而且唔會煮到過淋，所以食落有口感，唔會一夾就爛。牛腩是高質嘅清湯腩，入口即溶，肉味同牛脂味留係口腔好耐，夠淋真係好緊要，呢個質地係靈魂。三拼撈蝦籽麵 牛筋拼招牌櫻花蝦雲吞拼秘製慢煮牛腩配一個大地魚雞白湯，味道梗加濃烈，濃郁嘅雞白湯再加上大地魚嘅鮮味，淨飲都可以飲三碗。撈面可以揀蠔油撈同腩汁撈，隨個人喜好。菜心苗加2支豆漿食多個港式麵檔靈魂油菜，滿足。

好友話銅鑼灣《麵家》選用「永樂粉面廠」的乾麵並每天用超過8小時熬製的雞白湯湯底鮮甜，無添加味精夠健康。餐廳裝潢新族乾淨企理，服務不錯。我們點左咩都有麵$90：蝦子麵味香濃滑順，配牛腩、牛丸、魚蛋、雲吞，全部鮮甜味美，超大粒雲吞好正、牛腩入味腍滑，湯底清甜好味我全部飲晒。三拼米粉$78 ：牛腩好腍好入味，牛丸、魚蛋，米粉索湯精華好好味。香脆魚皮$22：鬆脆可口，風味獨特，是我至愛小吃。壹品豆漿$12：豆漿香濃不過甜好飲。可口可樂$10：冰涼解渴。

之前一直都想試呢一間麵舖，今次終於有機會啦，餐廳主打港式牛腩雲吞麵麵，但係質素超高，仲有自家慢煮牛柳，同埋每日新鮮包嘅雲吞，至於湯底方面呢就採用雞白湯，冇用味精，每日新鮮熬製，而且採用老字號永樂舖頭嘅麵底今次呢就叫咗個三拼湯麵配菠菜麵，三併：墨魚丸，鮮肉櫻花蝦雲吞，慢煮牛腩,雲吞面薄餡靚，每一拉採用櫻花蝦+豬肉為餡，超級大粒好足料，至於慢煮牛腩，肥瘦均勻，肉質鬆軟，雞白湯唔經唔覺飲晒成碗，菠菜麵麵質好彈牙，正！另外呢就試咗，餐廳新出嘅火辣紫薯咖喱撈，三併配蝦子撈麵，小編就叫咗個咖喱分開上，一碗嘢就有兩個食法，首先食咗啲蝦子麵+蝦卵先，兩者之間好有口感+濃嘅香味，之後再撈埋啲咖喱汁，而金錢肚同牛筋撈埋個汁之後，提升咗個層次，牛筋口感Q彈嫩滑，入口即溶最後仲加咗個小食，炸魚皮配Wasabi粉，好邪惡啊，唔經唔覺食咗好多🤗

一向對港式粉麵興趣不大被熬煮8小時以上雞白湯底吸引飲完第一啖湯weee 我對港式粉麵改觀了🤤兩款招牌湯底雞白湯同大地魚雞白湯平時食開日式拉麵嘅雞白湯通常好濃厚，飲幾啖湯我就半飽🙈呢到係輕盈舒服既風格，完全唔膩成功挑戰飲晒成碗湯🤤餸菜可以車仔麵咁自由配搭特別推薦軟滑牛筋～大大粒足料雲吞，好香櫻花蝦味（之前見過店員即場新鮮包雲吞）自家秘制慢煮牛腩，有嚼勁，肉味重全部份量十足無諗過下午茶都咁豐富🤣餐廳用嘅粉麵來自永樂同雙喜香港老字號，堅持香港製造本土品牌當然值得支持🥹🥹希望小店長做長有繼續有屬於香港嘅味道🫶🏻

非常欣賞麵家嘅創新，將香港情懷嘅牛腩麵，配上自家真熬雞白湯。餐廳環境乾淨企理，主打無味精兼日熬至少8小時嘅招牌雞白湯底。另外慢煮牛腩和雲吞都係自家製，麵係用超過50年老字號的永樂粉麵廠, 河粉係超過70年的雙喜粉麵廠，香港制造，品質一定有保證。招牌櫻花蝦雲吞魚蛋撈麵：雲吞係自家新鮮包，饀料選用新鮮豬肉，配上鮮蝦和日本櫻花蝦，一次過食到兩種口感及味道，雲吞好大粒，口感同味道都充滿層。麵條加上蠔油，美味彈牙。跟撈麵的雞白湯非常鮮味，飲得出無味精，真係可以成碗飲哂。招牌櫻花蝦雲吞墨魚丸河：呢個湯底係招牌雞白湯加大地魚，除咗有鮮味，仲有大地魚香味，雙喜牌河粉吸收湯底，又滑又鮮味，墨魚丸亦好彈牙，油菜：菜心色澤翠綠，口感爽脆、軟硬適中。豆漿：甜度適中有豆香味。

以為係普通一間麵檔，點知的確有好大驚喜牛腩非常出色，仲可以揀偏肥定偏瘦嘅牛腩鍾意食呢款炆煮肉嘅人，我梗係叫肥腩啦個慢煮牛腩自家製，一咬溶化😍😍😍乜都有啲菠菜麵菠菜麵需要加錢買全部肉丸都好彈牙😍嗰粒自己新鮮包雲吞有驚喜 入面大量蟹籽 口感一絕湯底冇味精，飲咗好多都唔頸渴最平嘅雲吞麵都係$48順帶一提，樽裝汽水都係$10支平過我琴日食個間火鍋店😂環境又舒服 舖頭又骨子企理兩個人一人一碗 加嘢飲同菜埋單人均唔過$100😂相信好快會再幫襯！

銅鑼灣附近有間麵食 質素非常高～ 叫做麵家面底用上超過半世紀嘅老牌香港老麵廠 永樂粉麵廠 質素非常之高 ！價錢都係幾十蚊起, 豐儉由人我哋晚餐叫咗兩個麵兩杯飲品同埋一碟菜🎶🔶秘製慢煮牛腩撈麵牛腩非常嫩滑 肥瘦適宜 入口即溶 朋友食到讚不絕口, 大力推薦!! 面底叫咗粗麵 彈牙好吃 配上招牌大地魚雞白湯 濃郁嘅魚香味 簡直係絕配 !🔶咩都有麵每樣配料都有一啲，適合我呢啲有選擇困難症嘅人🙈有雲吞 墨丸 牛丸魚蛋 牛腩貢丸等等雲吞係必食，超級大粒 餡料十足 轉咗菠菜面底 營養更加豐富❣️呢度嘅自家製菜脯同辣椒醬質素都非常高， 帶出鮮味 辣度十足 同主食一齊食好正🔶是令油菜菜心苗 配上腩汁 清新健康 🎶🔶最後兩杯冰凍飲品 豆漿同紅茶夏日梗係要飲返兩杯冰涼嘅飲品啦！

為食🐑今日喺銅鑼灣搵嘢食，「港式雲吞麵」我都超鍾意，呢間店裝修簡潔又帶點傳統麵店嘅風格，環境都算整潔光猛，當然試吓佢哋嘅招牌菜先！🥢🌸🦐招牌櫻花蝦雲吞麵 $48 (3pcs) +$10 可樂🥤🤍呢度嘅湯底比較特別，可以揀雞白湯或者大地魚雞湯，湯底冇味精，精心炮製8小時，望落去底頭唔會太油，但入口好濃郁，雲吞麵我一定會揀大地魚湯底，整體感覺比較配合，個湯底我堅飲晒！「皮薄餡靚」係我對雲吞嘅要求，呢度嘅雲吞都唔錯：雲吞大大粒，外皮夠滑溜，齋睇外表都見到入面粉紅色嘅內涵，餡料亦都足，真係有一隻大隻蝦喺入面，仲有好多細粒粒嘅櫻花蝦皮，味道唔錯！至於麵底亦都食得出蛋香，有口感亦冇鹼水味，上網睇返原來係使用50年老字號永樂，果然唔錯👍🏻🤎🐃秘製慢煮牛腩麵 58牛腩經過慢煮而成，肉質腍得嚟都帶返應有嘅口感，好貼心可以揀肥啲定瘦啲嘅部位，牛腩切到細細件厚薄均勻，一啖一件容易食，就算揀咗肥啲都唔會全舊肥膏，由於牛腩經過調味，味道適中都幾好食！🥬時令油菜得一款就係菜心苗，不過好食嘅一款都足夠，外表都翠綠唔會煮到太老，加腩汁yummy !✨用心製作小店，呢個價錢食到呢個質素都冇投訴໒꒰ྀི•ू⁼̴̶̤̀༥⁼̴̶̤́•ू ꒱ྀི১ 🌶️自

銅鑼灣麵家是一間新開張的麵店，主打用超過8小時熬製的雞白湯湯底，無味精無添加，湯底鮮甜濃郁，健康又有深度。他們採用本地「永樂粉面廠」的乾麵，麵條爽口彈牙，配料豐富，包括大粒櫻花蝦豬肉雲吞、秘製牛腩等，牛腩經慢煮處理，軟嫩入味，非常推薦。店內除了經典湯麵，亦有撈麵選擇，配料多元，如貢丸、墨丸、牛筋、金錢肚等，適合不同口味需求。環境位於銅鑼灣登龍街VPOINT地下，交通方便，營業時間長達10:30am至10:30pm，方便隨時光顧。櫻花鮮蝦🦐雲吞~口感非常出色，雲吞內餡豐富，結合了新鮮豬肉和鮮蝦，還有日本櫻花蝦的香氣，味道鮮美且蝦味濃郁，大小如高爾夫球般大粒，咬下去滿足感十足，皮薄而彈牙，整體口感爽滑有彈性，秘製慢煮牛腩🐄~採用慢火細煮，令牛腩肉質軟腍入味，保留豐富肉汁，入口即化且不失彈性，肥瘦比例適中，口感均衡且不油膩Shake shake 🫨 炸魚皮~炸得恰到好處，入口酥香爽脆，帶有鹹香味，份量充足且每塊魚皮都較大塊。有燒烤口味和芥末口味可供選擇🤤

本身都成日會去登龍街覓食，見住佢初初冇咩人幫襯到排晒長龍過咗熱潮見冇咁多人終於扚起心肝試一次啦！點知又有驚喜喎！自己食完一次之後再帶咗屋企人帶大隊再去食一次😂啲長輩都食得好開心！.老實講登龍街本身已經有米線又有車仔麵附近又有老字號魚蛋粉，變相佢哋突然間開喺呢度個競爭都幾激烈，佢哋嘅賣點係俾你揀雞白湯湯底或者大地魚雞白湯，仲有招牌櫻花蝦雲吞又俾佢諗到呢種fusion嘅配搭！能夠喺傳統中加點創意覺得係值得欣賞嘅🫡同埋佢哋亦都專登用咗永樂麵家嘅粉麵，佢係一間令到我會想帶外國朋友嚟食嘅餐廳！三次到訪叫咗呢啲食物👇🏻招牌櫻花蝦雲吞慢煮牛腩粗麵$65第一次雞白湯底，第二次要咗大地魚雞白湯底男朋友要咗咩都有麵$78 第二次佢都要返櫻花蝦雲吞牛腩麵 $65牛筋幼麵配大地魚雞白湯$48櫻花蝦雲吞粗麵$48淨食秘製慢煮牛腩（半份）$88.咁樣你已經會知道到底佢哋呢間嘢咩係最好食😂😂😂😂😂😂😂冇錯，就係雲吞同牛腩！另外亦都欣賞佢哋可以多蔥同芫荽！櫻花蝦雲吞，你會見到啲蝦籽仲有一兩舊蝦喺入邊，肉質係比較軟糯，blend到好淋，如果追求肉質口感有咬口嘅話就可能未必喜歡，但佢個size係幾大粒，值得一試👍🏻佢嘅慢

麵家，位於銅鑼灣，最出名雞白湯x雲吞x慢煮牛腩✨牛腩又係自家慢煮，雲吞又係自己新鮮包，誇張😍裝修雅致，服務周到，講解餐廳非常到位👍🏻餐牌每樣食材、煮法，都好講究😳真用心去做☺️著重本地味道，麵係超過50年老字號永樂，河粉係超過70年既雙喜，有心，試試佢！💪🏻Shake Shake香脆魚皮配芥末味粉，好有特色，Shake到周圍都望住🤣魚皮超脆，加左芥末粉幾好味😋飲返啖冷萃烏龍茶清清口味就食主角🌟咩都有撈麵，真係咩都有，雲吞墨丸牛丸魚蛋牛腩貢丸齊左，但最吸晴既都係#蝦籽麵 😻好多蝦籽，麵底用既係本地粉麵廠永樂，特別彈牙同有蛋味，秘製頭抽醬油撈，特別又有風味，超正👍🏻招牌櫻花蝦雲吞，用櫻花蝦+蝦籽+鮮蝦包，大粒到等如平時既兩粒咁濟，超足料，蝦味好濃，係口入面停留好耐☺️試埋雞白湯😳係真 · 雞湯！熬8個鐘果然唔講得笑，勁好味，全無味精全碗飲晒，必飲👍🏻秘製慢煮牛腩，同炆牛腩唔同，爽身少少牛味保留更多，正，墨魚丸加左蝦籽都特別好味，全部都好高質🫶🏻估唔到港式風味透過嚴選食材、手工炮製之後可以提升到依個境界🙀午市、下午茶、晚餐都得，就算香港人都應該要黎試下高層次既港式味道！😎

之前係社交平台見到有唔少foodies都介紹銅鑼灣「麵家」，話佢哋嘅自家製雲吞大過乒乓波🏓😂，用料上乘十足，所以今次就收工黎試吓佢啦～😎「麵家」主打港式湯麵或撈麵，有多款配料選擇，仲可以雙拼。雲吞麵食得多，但雞白湯雲吞麵就第一次試！🤤湯底可以揀雞白湯或大地魚🐟 雞白湯，個人覺得兩款湯底都好正好難揀！😂加左大地魚會略為fresh啲～「麵家」嘅麵底都好有心思，粗麵、幼麵嚴選超過50年老字號「永樂粉麵廠」，而河粉則採用超過70年嘅「雙喜粉麵廠」，兩間麵店都堅持香港製造🇭🇰～💕三拼麵（$78）雲吞、貢丸、秘製慢煮牛腩 配 幼麵，大地魚🐟 雞白湯係全部都飲得，熬製咗8小時以上，唔夠仲可以加湯！🤣幼麵爽口彈牙～🔸牛腩仲有得揀肥啲或者瘦啲，總有一款啱你心水！😏慢煮果然唔同啲！🥰雖然我哋揀咗瘦啲，但瘦得嚟唔會黐牙，肉香味美！🔹櫻花蝦雲吞每日新鮮自家包製，皮薄餡靚， 😍有原隻鮮蝦、新鮮豬肉、櫻花蝦、蟹籽粒等，口感豐富，調味到位，真係好足料！🔸 貢丸係真貢丸！😂 充滿肉汁香味！🔥火辣紫薯咖喱三拼撈麵（$94）係🌟期間限定🌟嘅撈麵，冇諗過紫薯同咖喱會咁夾！😎紫薯增添了咖哩🍛嘅口感，而且咖哩辣勁十足，有啲似印

放工今日唔想番屋企食飯，經過見到呢間粉麵，乾淨企理，坐位又闊落，就試下啦！好，坐低睇吓有咩好食先。火辣紫薯咖喱三拼撈麵，呢度既麵係用本地永樂粉麵廠，麵質有保證，食落爽彈有口感。慢煮牛崩沙腩，自家炆煮，半肥瘦就最好食，軟腍味香。咖喱混合左紫薯，食落帶甜味，真係呢度獨有，岀面食唔到。雲吞比較大粒，自家包，裏面有埋櫻花蝦，個雞白湯熬左8個鐘以上，加埋大地魚，飲落會再清甜一啲，個湯絕對可以飲埋飲晒都得！飲品就叫左壹品豆漿

麵家 (銅鑼灣)地址：銅鑼灣登龍街18號V Point地下3號舖雞白湯不是日本才有嗎？港式粉麵配上雞白湯，呢個combination 又幾得意過癮呀！算唔算fusion 粉麵啦？招牌雞白湯工序繁複，熬至少8小時且無味精放工去了causeway bay 買skin care ，咁去times square 買完就好自己食埋dinner 先返屋企。裝修乾淨企理慢煮牛腩(自家炆), 雲吞(自己新鮮包) 點了雙拼櫻花蝦雲吞魚蛋麵$55，魚旦幾彈牙，粉嫩鹹香，雲吞加入了櫻花蝦同蝦籽多左重新口感，好大粒、米粉岩我shake shake 魚皮，bbq 粉，好好食，落調味粉或者浸湯都惹味香港制造架，麵係超過50年老字號永樂, 河粉係超過70年的雙喜健康小寶寶要了烏龍茶 @mingaa.hk #銅鑼灣美食 #銅鑼灣餐廳 #銅鑼灣探店 #麵家 #雞白湯 #雲吞麵