麵匠風龍

营业中

休息中

想來這間試好耐，今日與同事一齊黎試下。Menu好簡單只有豬骨湯底$105 還是味噌湯底拉麵 $115套餐可選餃子、芥辣蝦沙律和小龍蝦沙律小龍蝦沙律幾特別 用紫菜包住食 蝦嘅香味都好濃郁餃子 普普通通 無咩特別 但都好食嘅主菜來了！我呢個係味噌湯拉麵，溏心蛋好味道，紅紅地色嘅應該係櫻花蝦，好香，整個湯底都充滿住櫻花蝦味道。其次，個拉麵嘅麵質同平時食嘅拉麵好唔同，佢係較為幼身一點，但咬口幾好，麵幾香。到叉燒都整得幾香，得兩塊略嫌小左啲。😅下次再試埋豬骨湯底先！備註：枱上有一辣芽菜好好味！必食！

味道：5星 豚骨拉麵湯超正，5咸（個人口味），湯味好濃厚，非常特別，肉質尚可性價比：3星 $75 肉少左啲黃店👍👍👍👍👍👍👍Very good 下次會再試其他

行過灣仔，諗緊食咩嘅時候，見到尼間拉麵店，比個門口吸引左，諗都唔諗入左去。可能午餐時段人較多，要企喺側面等位，排前面大約有10幾個人，不過都好快入到坐。一坐低就見到有自助嘅辣芽菜同蒜，辣芽菜都幾辣，幾開胃叫左兩款套餐，兩款拉麵各一款加兩款小食。已經好似叫左好多野食咁，尼個小龍蝦沙律連紫菜食真係好好味蝦味噌湯好鮮味豬骨湯都好濃味因為湯頭好鮮，食食下會感覺有啲膩，尼個時候飲返杯冰凍麥茶，正最後用一杯冰水做結尾，好滿足尼個價錢我覺得都合理，平時啲大公司拉麵起碼都$100左右碗。非常推薦，下次必定會再去

旅行回港後第一樣嘢就係要去食拉麵有咩開心得過食一間有良心又好食嘅拉麵呢嚟到呢間麵匠風龍，見到枱面有各樣調味料，十分開心，因為有我鍾意食嘅芽菜同蒜醬，而家唔係好多拉麵有得點呢啲。好似最近來港嘅過江龍嗰啲就無了，我就兩種都ok 既，有就點無就算，當然有就開心啲嘅。叫咗個櫻花蝦拉麵，一開始飲啖湯係比較淡嘅，之後加咗啲蒜蓉醬上去，就重口味好多，味道唔錯，當然無得同日本比，但算係有誠意嘅拉麵店。仲有佢啲茶好好飲hehe.

好有日本風味前面高櫈 後面掛鉤可以無顧慮進食麵分兩種湯底 跟兩塊叉燒 好香好冧小食三款蝦的兩款都好正全店店員戴黑口罩包頭巾是衛生也是態度凍水凍茶任飲仲有辣芽菜都係任食我，無野彈

一開門就已經聞到好濃郁既湯底味 搞到我地胃口太開 於是乎就叫左2個拉麵 一客餃子 超好味🤩 每個座位後邊都有一個勾可以放野 好貼心1.蝦味噌拉麵👍👍👍櫻花蝦既香味同濃郁既湯底 溏心蛋同叉燒都好好味2. 餃子👍👍👍 餡既份量適中 個皮唔會話太厚 煎得啱啱好有啲焦咬落去脆脆口好有口感3. 豚骨拉麵👍👍👍個湯底濃郁但係唔會太多油同啲麵好夾 隻溏心蛋好滑好好味 叉燒同其他鋪頭唔同嘅地方係佢煎過跟住同麵係分開上嘅 所以佢keep到煎既香味

灣仔軒尼詩道上人來人往，但每每午飯時間這間拉麵店便會出現人龍，大家都井井有條地從店內排隊等候然後自行入座。秩序倒也良好，煮麵的都是一臉認真的年輕人，午市套餐選擇不多。我選的是櫻花蝦味噌拉麵加小龍蝦蟹籽沙律。沙律很清新，用紫菜包來吃味道很開胃又特別。拉麵上來時湯也夠熱，叉燒另上，燒得恰到好處，半熟蛋、粟米和味噌湯底是絕配，拉麵麵質也適中，整體而言很出色同行友人的套餐配了餃子，試吃後也香口飽滿，煎得不錯。

灣仔區拉麵店多不勝數，能夠喺度屹立不倒，要有足夠實力。麵匠風龍 經常大排長龍 ，全店座位不夠20個，全為吧檯坐，枱下和牆身設有掛鉤，讓客人放置衣物和提包 。店舖裝修 日式木系簡潔鮮明。只賣兩款拉麵：豚骨味$75與蝦味噌$85。另額外加＄30 可轉套餐包一款小吃 (餃子/芥辣蝦沙律/小龍蝦蟹子沙律)，不收加一。蝦味噌拉麵 加入蝦的味噌， 提升湯底鹹香味，櫻花蝦酥脆灑上面，增加口感!豚肉拉麵 豬骨湯底味近濃郁，口感香醇厚身，沒有油膩感!兩款拉麵 配料都一樣，包兩塊日式叉燒、半熟玉子一隻、大量櫻花蝦與葱花、粟米、紫菜一塊，幼身麵條。麵條爽滑彈牙、日式叉燒是火炙，脂香豐腴，質感鬆軟。半熟玉子軟滑流心！如果嫌玉子或日式叉燒份量不夠，可以加錢額外加添。個人認為 食日本拉麵 一定要飲麥茶或玄米茶，消滯消膩清爽口腔 。 這裏奉上的是冰水和冰茶，據說日本傳統，這是對客人的尊重！

好出名嘅黃色小店💛一入到去就見到唔少為香港人打氣嘅poster“一個都不能少”☹️ 仲有唔少店員帶住口罩😷有得揀叫套餐或者單叫拉麵套餐就$105包半熟玉子同一款小食單叫就濟拉麵加叉燒咁由於覺得食埋小食就太飽，所以就單叫但又好想食半熟玉子，就另加$10😙1️⃣豚骨湯拉麵有別於一般嘅豚骨湯，唔會太多味精仲有種奶香，帶有少少creamy湯底都算幾特別😛唯獨嗰叉燒真係爭緊啲🤢好乾又硬，好似食緊豬肉乾咁...整體，咁黃嘅小店加上食物質素唔差，都幾不錯嘅💛

🐷🐷今日係全民感謝日！返工既爸爸媽媽就行去灣仔相見，齊齊懲罰黃店！🐷🐷呢間拉麵店有支持罷工，港島遊行會開大風扇吹向大馬路同派水，店中有文宣！入左米豬蓮食店，仲有我啲fd貼紙係度架（連登豬🐷）！拉麵$78-$88，套餐有埋沙律/餃子同蛋蛋！款式就有蝦味憎拉麵同豚肉湯拉麵🍜老豆鍾意濃味野就揀咗蝦味憎湯拉麵，好夠味！仲有好多櫻花蝦！舊肉老豆話唔岩我🐷食既，佢就話肉質較厚身，但又夠淋唔會痴牙！至於餃子又係唔岩我食🐷🥺🥺！但佢地就食得津津有味啦😋皮薄有肉汁，煎得好脆口！阿媽就揀左豚骨拉麵🍜！一黎我就聞到好大陣我平時沖熱水涼既味🐷🐷！阿媽又話我唔岩食🥺🥺而佢就鍾意拉麵夠淋身，混埋湯一齊食好入味喎！套餐價：$110，其實都抵食，但講真啦！入得黃店就算幾貴都值得幫襯啦！鋪頭入面仲有辣辣芽菜（🐷🐷終於有樣野係我食得啦！）任食！店員仲見我阿媽咁鬼長頭髮，比左條像根佢紮頭髮！咁細心嘅鋪頭好難得啊！🥰值得一提既係繁忙既辦公日午飯時間！由12點半開始，排隊時間至少半個鍾！今日我地就等左9個字先入座！雖然爸爸媽媽遲晒大到，但都話值得呀！又好味又幫到值得幫既人！希望香港人同豬都繼續努力💪🏼堅持

經常去銅鑼灣逛街的香港人，對「麵匠風龍」這拉麵店絕對不會陌生，因為每次逛街，店主都會在門前放大風扇為街上的人打氣散熱、以及借出洗手間免費使用，時刻與香港人同行！小店地方細細，只得十多個座位，有些迫。雖然如此，排隊的食客都很高質，願意站在一旁靜心等待。由於食客實在太多，你會見到不少人都是快吃快走，不好意思坐得太久。等了大約30分鐘，到我們了。等位時，我一早看中了豚骨湯拉麵套餐（$105）配芥辣蝦沙律，所以一坐下便立即點菜。先來芥辣蝦沙律，芥辣惹味但不會辣到流眼淚，非常開胃！冷麥茶任飲，非常解辣！跟著再來拉麵，幾塊豚肉跟麵分碟上，吃時放入熱湯裡淥淥便可，不怕浸得太耐會變質；半熟玉子是日本拉麵的一大精髓，亦是我的至愛，那溏心滑入口的滋味juicy到爆！周末晚食客實在太多，所以我們快快趣吃完，便賣單走人，加油！

拉麵師傅做人從來都有一份堅持，店員一律黑口罩、大到眼疾都見到既「一個都不能少」掛畫、支持罷市都未夠，每日下晝2:30-3:30呢度都歡迎小朋友黎試食，店內更加有捐獻錢箱，9月時集腋成裘代客人捐左$32,200俾星火同612，未食已經暖在心頭。原來早於428民陣遊行時，麵匠風龍已經貼上「反對修訂引渡條例」標語，多次遊行間門口都開大風扇為遊行人士降溫。 老細亦多次接受訪問，表示認為對的事就應該堅持，深信香港仍有言論自由，無懼秋後算賬。講返碗麵，蝦味噌湯底要做到濃厚鮮甜其實唔難，問題係好多時都油到條條麵都發光。 好欣賞呢度真係做到蝦味濃得黎毫不油膩，濃稠掛麵既同時可以輕鬆飲到一滴不剩，熱度、咸淡同配料份量控制得岩岩好，食得出師傅下過一番苦功。 係洋蔥！師傅加了洋蔥！💛 良心行為： 614、85、101罷市，為抗爭者提供食物，籌款捐俾星火、612

今日有人帶我食好西，有人帶真係吾同D，路路暢通(先塔叮叮，再行路都好快到)好鐘意細細間既店舖，師傅同客人可以close D面對面同師傅order，同咩要求自己同師傅講好濃既豬骨湯底(帶濃豬骨加少許奶香味)， 幼身既麵，好彩都係爽口吾淋， 最怕啲淋 滋滋既麵最喜歡里個木耳，又多又爽想食少少辣味就加D微辣既芽菜一流，有成罐，食幾多自己加里個叉燒好有heart，你落order，佢先用鉄板煎反熱比我，熱啦啦又香口餃子跟餐

朋友曾經向我大讚呢間拉麵店 加上發現佢係良心黃店所以就特登安排時間去試下喇當日1點9去到 條排隊嘅人龍已經過埋隔離個舖位最後排咗1個鐘先有得食🙈不過為咗支持真香港人店都係值得嘅舖頭只有全吧枱 成件事好有日本嘅感覺食物選擇唔多 只有兩款拉麵同3款小食既然特登嚟食就緊係嗌晒所有野嚟試下啦✨豚骨湯拉麵餐 $105佢無平時啲豬骨湯咁油咁膩 相對嚟講佢清好多係一碗好味又唔會咁易食滯嘅拉麵✨蝦味增拉麵餐 $115豚骨拉麵一樣有兩塊叉燒跟㗎先講個叉燒 佢係煎過而唔係就咁放湯香口好多 不過筆者就覺得乾咗啲而個拉麵就咁賣相其實已經好吸引蝦味增比豚骨濃味啲 但一樣唔會over同食到好漏 一樣都係好評兩者比起嘅話 筆者鍾意蝦味增多啲✨芥末蝦沙律 （跟餐）份量其實唔少 蝦肉粒粒分明佢嘅芥末味唔算好勁好濃 係幾易入口幾清新嘅沙律✨小龍蝦沙律（跟餐）一客連埋6塊紫菜 用紫菜包住個沙律嚟食真係好好食脆身嘅紫菜加埋凍凍地又軟身嘅沙律 口感好豐富 味道都非常好大讚👍🏽👍🏽👍🏽✨煎餃子 $35始終覺得食拉麵好似點都要配個餃子😆餃子煎得好靚 不過味道上無特別比起沙律 筆者覺得呢個可以直接忽略😆😆😆沙律同拉麵一樣好味 仲要係

喺灣仔出晒名嘅黃色拉麵店👍🏻力撐！————————————————————1️⃣蝦味噌拉麵 $115 (5/5) 櫻花蝦味噌湯底非常濃味，而且唔會太杰身👍🏻櫻花蝦口感脆脆令成個麵口感更豐富。叉燒係即叫即煎，肥瘦分佈平均再加全隻糖心蛋真係無得輸💯-小龍蝦沙律 (5/5)蟹籽，小龍蝦肉嘅份量算多，食到啖啖肉👍🏻再配埋紫菜食一流～-煎餃子 (4/5)外皮煎得香脆，係韭菜豬肉！🥟-🔸枱面上蒜蓉同辣芽菜俾食客任添。如果嫌湯底唔夠重口味的話可以加😋惹味