麵包司

营业中

休息中

係荃灣行街見到呢間麵包舖麵包幾吸引，比佢哋嘅千層蛋撻吸引咗，再發現有很多開心果主題嘅麵包，即刻買多啲番屋企！⭐️千層酥皮蛋撻$12比普通酥皮蛋撻撻皮更脆，即使放咗一陣先食都好食，食到蛋香而且又滑，本身想試埋麻薯蛋撻，遲疑咗一下就比其他人買晒🤣⭐️開心果麵包⭐️開心果扭紋包中間keep住住開心果醬，味道幾real⭐️紫薯抹茶核桃包⭐️海鹽焦糖可頌⭐️黑椒培跟可頌酥皮類同蛋撻一樣又香又鬆脆，會再回購！

📍 麵包司 (荃灣)荃灣楊屋道18號荃新天地2地下一門町市場內J31號舖 Overall : 😋😋😋😋.8/5 ✨開心果鮮奶球💰20呢個開心果鮮奶球真係好正！外皮酥脆，裡面嘅鮮奶味道濃郁，開心果嘅香味令整個口感層次分明，食落去好舒服。✨日式芝士條💰10日式芝士條係咁好食！芝士味濃郁，外面嘅麵包皮薄脆，咬落去有啲拉絲，真係令人一口接一口，完全停唔落手。✨五穀裸麥包💰20呢個五穀裸麥包健康又有咬口，五穀嘅香氣好濃，食落去唔會太乾，搭配啲果醬或者牛油都好合襯，適合早餐食。✨開心果麵包💰10開心果麵包口感鬆軟，裡面有開心果仁，增添咗啲香脆感，每一口都充滿驚喜，簡直係唔可以錯過！✨紫薯包💰16紫薯包嘅顏色靚得嚟，味道更加唔錯。紫薯嘅香甜味道同麵包嘅柔軟度完美結合，食落去有種幸福感。✨開心果扭紋包💰20開心果扭紋包係一個精緻嘅選擇，扭紋設計令外觀好吸引，口感上有開心果嘅香味，食落去好有層次感。✨黑椒培根可頌💰15培根嘅鹹香配合黑椒嘅微辣，外皮酥脆，內裡又鬆軟，完美嘅早餐選擇，令人食完都想再來一個！✨士多啤梨忌廉可頌💰15呢個士多啤梨忌廉可頌甜得啱啱好，士多啤梨嘅果香加上忌廉嘅滑腻，整個口感好豐富

荃灣荃新天地發現到有間麵包鋪勁高質，真係要一讚，勁impressive!首先一行入鋪頭已經覺得佢好光猛好乾淨，仲可以望到師傅係後廚努力製作緊麵包，做到完全公開透明可以放心食用其次呢到係用左日本麵粉製作，買到返屋企比老婆食佢都話食得出同平時麵包鋪唔同，唔係先入為主先覺得特別好食呢到麵包款式亦好多，牛油味勁香又脆卜卜既牛角包、開心果流心菠蘿包、好得意既芝士箭豬包、港女至愛紫薯包，簡直目不暇給！配麵包當然唔少得咖啡，呢款韓國咖啡第一次飲，微甜咖啡味香濃，值得一試最吸引到我想encore既係呢到既麻糬蛋撻，外皮酥皮好多層咬落脆卜卜，中間蛋漿夠晒蛋味唔會太甜太水。開頭以為淨係面頭加左幾粒麻糬就算，點知食落原來底下仲有一層，食落好煙韌勁特別，好出色，勁有諗頭同心思！

嚟荃灣參加朋友屋企聚會，經過見到「麵包司」呢間專賣日式麵包嘅小店，聽聞佢哋嘅產品探用日本麵粉，所以買咗以下嘅麵包🤭開心果扭紋包真係超大個，$20真係超抵，外表金黃誘人，採用純天然色素，包裏面用咗100%開心果醬，咬落去嘅時候，口感柔軟又有嚼勁，開心果嘅香味真係好突出🥯開心果脆脆包 $15，外層香脆，內裏柔軟，開心果嘅味道亦好濃郁😋宇治抹茶紅豆包$12，充滿抹茶味道，搭配甜甜嘅紅豆，兩者完美融合，口感滑嫩，真係抹茶迷嘅首選🍵🫘麻薯菠蘿包$10，菠蘿包外層酥脆，內裏有Q彈嘅麻薯，口感非常特別。每一啖都感受到麻薯嘅彈性，味道亦唔會過於甜膩🍍士多啤梨忌廉可頌 $15，可頌外脆內嫩，士多啤梨同忌廉嘅搭配真係完美，清新又唔會太膩🍓🥐麻糬蛋撻 $10，呢款蛋撻融合咗麻糬，酥皮外層酥脆，內裡滑嫩，麻糬嘅口感同傳統蛋撻嘅味道非常搭，值得一試🥧蛋撻價格平宜，只係$7，味道亦唔錯，酥皮香脆，蛋漿滑嫩，簡單但好味🥧

放假時去行荃灣，意外發現左間面包鋪好正! 包類款式好多，而且重點係呢到選用左日本麵粉，價錢都好相宜。襯呢幾日都係假期，就夾多幾款放假慢慢食。大熱既開心果系列都有好幾種! 開心果紐紋包用左純天然色素加100% 開心果醬，咁大個紐紋包都只係$20 ，好抵。面包面上有開心果碎，切開中心會見到好多開心果醬，整體開心果味好濃郁。面包好鬆軟，分左2日食都冇問題。開心果菠蘿包好鬆軟，外層嘅酥皮位置焗得好鬆脆。蒜香多士 香濃牛油配上惹味蒜蓉，真係好食到停唔到口。番屋企焗熱少少黎食，仍然係好脆口!士多啤梨忌廉可頌個樣已經好吸引，士多啤梨夠甜，整體唔會太甜。海鹽焦糖可頌牛角包夠脆口,中間雖然冇餡，但靠包上既海鹽焦糖醬其實已經好夠味!臨比錢時見到有麻薯蛋撻同埋千層蛋撻，仲要$10個，即刻叫左2款黎試下。麻薯蛋撻除左面頭有麻薯粒之外，原來入面都有麻薯架! 蛋撻蛋味好重，撻皮係千層味，所以好酥脆。

發掘到荃新天地呢間平民又高質嘅麵包，採用日本麵粉，麵包款式超級多，造型好靚，又特別、價錢都好貼地，10蚊就有交易👍🏻由於麵包全部都好吸引，所以我一次過買咗好多🥰牛角包作為牛角包愛好者見到呢度嘅牛角包，忍唔住掃晒😂牛角包做得好出色，咬落充斥牛油同麵粉香味，而唔同味道都做得好好-海鹽焦糖係個人嚟講最鍾意嘅，食落似係Tiramisu嘅味道，同時海鹽美味的鹹味令到呢個組合唔會膩，增加左整體嘅層次-開心果味嘅有好多開心果醬，又唔會太甜👍🏻-士多啤梨忌廉味道好fresh，士多啤梨嘅酸甜同忌廉配搭得好好-芝士火腿係想像到嘅味道，因為包本身出色，所以食落都好滿足😋芝士箭豬包 $10由於造型好得意，我買嘅時候冇留意係咩味😂直到食嘅時候發現芝士味好濃郁，睇得又食得麻糬蛋撻 $10見到唔少人都買咗，果然好食，蛋撻口感順滑，麻糬增添咗一種煙靭嘅口感👍🏻開心果鮮奶球 $20呢個可能係我買過最平嘅開心果製品，$20就有超大一排，一排有成六個可以做六日嘅早餐😝麵包表面甜甜地，有開心果碎紫薯包呢個紫薯包好大個，切開仲見到超級大嚿嘅紫薯，雖然放喺麵包入面，但紫薯都唔會變得乾，紫薯嘅香甜味都好出，食完超級飽😮

【荃灣Panyasan麵包店】呢間喺荃灣嘅Panyasan麵包店主打用日本麵粉整包同甜品，價錢抵食，味道唔錯，值得試吓！所有包都好鬆軟！！！海鹽焦糖可頌（$16)個皮好脆，入面鬆軟，焦糖甜得嚟帶少少鹹，食多件都唔會膩。千層酥皮蛋撻（7）**真係平靚正，酥皮一層層好分明，蛋漿又滑，凍咗個皮都仲脆。麻糬蛋撻（$10)喺傳統蛋撻入面加咗麻糬，口感更加豐富，鍾意煙韌嘢嘅人一定會 like紫薯抹茶核桃包抹茶味清香，紫薯餡唔會太甜，加埋核桃幾有咬口，算係幾健康嘅選擇。開心果系列兩款新嘢入面，開心果鮮奶球開心果脆脆（18）**面頭有糖霜同果仁碎，食落更加脆口，甜度啱啱好。整體嚟講，呢間店嘅包同甜品用料實在，價錢合理，尤其蛋撻同可頌值得encore。

最近我喺荃灣商場發現咗一間新款麵包店，聽講佢哋嘅麵包質素唔錯。入到店裡，首先映入眼簾嘅係一排香氣四溢嘅麵包！我總共買咗九款麵包！### 紅莓合桃包 ($20)我第一個試咗紅莓合桃包。包身金黃鬆軟，咬開之後，紅莓嘅酸甜味同合桃嘅香脆感結合得非常好，令人一口接一口。呢個包嘅餡料唔算太多，正正好，唔會遮住麵包本身嘅味道。### 開心扭紋包 ($20)接住嚟，我試咗開心扭紋包。呢個包外觀好可愛，扭紋設計好特別，咬下去嗰陣，軟軟嘅口感令人心情都好返。佢嘅味道似乎有種淡淡嘅奶香，配搭得宜！### 蝶豆花棵包 ($20)然後，我試咗蝶豆花棵包。顏色靚得不得了，淺藍色嘅包身讓我即刻有種想拍照嘅衝動。食落去，味道清新，帶有淡淡嘅花香，配上軟綿嘅麵包質感，真係好特別，值得推薦！### 麻糬菠蘿包 ($10)再嚟就係麻糬菠蘿包。呢個包以菠蘿包為基底，入面加咗麻糬，令到口感更加豐富。外皮酥脆，內裡鬆軟，麻糬嘅彈牙感同菠蘿包嘅香甜，有驚喜。### 紫薯抹茶合桃包 ($18)紫薯抹茶合桃包片就係一個創意十足嘅選擇。紫薯嘅香甜同抹茶嘅清香互相襯托，味道奇妙。合桃嘅加入更添口感。### 芝士箭豬包 ($10)接下來，

特別推薦芝士箭豬包鬆軟鹹香，外型搞笑，無理由唔食佢落肚抹茶紅豆包紅豆餡超多，抹茶味可以再濃啲開心果麵包開心果醬有驚喜，果仁香脆可口CP值高

麵包司係一間位於荃灣荃新天地二期的日式麵包店，店内設有工場，所有麵包採用100%日式麵粉，每日新鮮製成，配以精緻創意和高品質的烘焙技術聞名，完全滿足了麵包愛好者對多樣化和高性價比的追求。必點的開心果紐紋包絕對係店內的明星產品，其柔軟的內餡混合了濃郁的開心果香氣，每一口都充滿幸福感。另一推薦的麻薯蛋撻則展現出日式烘焙的創意，酥脆的外皮搭配Q彈的麻薯餡，口感層次豐富，令人難以忘懷。若喜歡菠蘿包的朋友，可以試試開心果波羅包或麻糬菠蘿包，菠蘿皮的酥香與開心果或麻糬的內餡搭配得恰到好處，是經典與創新兼容的代表。而紫薯包的溫潤香甜則賦予人一種安逸舒適的幸福感，特別適合愛好養生食品的朋友。總結，無論作為休閒的下午茶，還是簡單的日常小食，都能滿足不同食客的需求，值得親身體驗，品嘗這些匠心之作。

作為麵包控，始終覺得現場製作嘅麵包最好味一見到新鮮出爐嘅麵包都忍唔住買多幾個🥖荃新天地呢間麵包店嘅包係現場製作，出品有誠意選用日本麵粉，仲有一系列人氣大熱開心果產品重點係價錢親民，無論係開心果控定麵包控都買得好滿足🎈開心果紐紋包 開心果流心菠蘿包開心果控必食，面頭鋪上開心果碎中間都有驚喜，搽咗一層開心果醬，食到果醬嘅細膩同果仁碎嘅香口，味道豐富仲有勁吸引嘅開心果流心菠蘿包，裡面係流心開心果醬，絕對係豪華版嘅菠蘿包🎈海鹽焦糖可頌 士多啤梨忌廉可頌麵包店有好幾款牛角包選擇，鹹甜口味都有海鹽焦糖呢個組合鹹中帶甜，有種講唔出嘅吸引，加上酥脆牛角包嘅牛油香，層次感十足士多啤梨🍓牛角包都相當吸引，只係$15/個，所以話呢度係間寶藏小店🎈抹茶紅豆包造型可愛，麵包本身好鬆軟，帶淡淡抹茶香內裡係綿密紅豆，甜度剛好🎈五殻裸麥包裸麥烘得焦香，食落更香口，係好味又健康嘅選擇，份量都唔少，適合全家人分享另外有唔少港式包點，丹麥條、芝士條、麻糬蛋撻都係唔錯嘅選擇

今日係荃灣行街比我見到荃新天地開咗間新麵包舖，我呢啲對包冇抵抗力嘅即刻忍唔住大掃一推同朋友當lunch食。一望就望到佢啲牛角包好靚仔，於是就揀左開心果醬、士多啤梨忌廉、海鹽焦糖同埋芝士火腿四款。其中開心果可頌最得我心開心果夠味，個醬就杰身啲，好濃郁。可頌就始終我返到屋企先食，過左咁耐仍然仲有鬆脆感。士多啤梨就正常，個忌廉唔會好甜。海鹽焦糖就甜度適中，我幾中意，而個焦糖醬都偏杰身。芝士火腿個款我就略覺得個芝士可以再多啲，而家個味有啲比火腿冚過。除咗可頌之外，我都有叫其他麵包試下。芝士箭豬包個樣就好得意，有兩隻朱古力整成嘅眼仔。本身以為係得外邊嗰層有芝士，原來入邊亦都係有忌廉芝士嘅，食落去好滿足。蒜香多士就同平時麵包舖嗰啲多類似味道，不過不失。日式芝士條份量十足，係平時嘅兩倍。除左正常面有烘過嘅芝士，佢仲有層海苔粉，幾特別。黑糖麻薯包入邊有好煙靭嘅黑糖麻糬，麻糬做得好出色甜味啱啱好，如果包外面就咁樣朱古力粉就中和返黑糖味，都幾唔錯。開心果流心菠蘿包亦都係見到舖頭推薦嘅，菠蘿包外面嘅脆脆係有少少開心果香，入邊的確係有留心嘅，整體感覺好特別，開心果味都有，但係未至於好濃郁，可以一試。開心果扭紋

荃新天地二期近排旺返啲，ground floor 開咗個乜嘢 一門町 俾好多餐廳進駐。Pan’yasan 標榜日本麵粉，價錢又唔貴。佢款式多，好多都係用開心果做主打、又有我哋熟悉嘅蛋撻、croissant，款式多之餘又唔花巧，啲包唔會做到古靈精怪雕龍繡鳳阿茂整餅咁。見到咁樣真係忍唔住 要大手購入 試多幾款。- 開心果扭紋包。鬆軟香噴噴嘅牛油味上邊鋪滿香口嘅開心果。- 士多啤梨忌廉croissant。今日嘅士多啤梨偏少少酸，剛剛好同忌廉好balance。佢哋個croissant做到好輕盈、外脆、內棉。好高質。- 黑椒bacon croissant。仲有少少嘅芝士。口感好好。- 提子丹麥條。做得好有Danish pastry 偏甜、殘留一種特殊酵母 嘅味道。- 開心果鮮奶球。好大份，好似個枕頭咁，好香軟綿綿的。開心果同埋奶香配合得天衣無縫。買咗咁多款，已經試咗一半。全部都好實在，高級麵包滿滿幸福嘅滋味。

Weekend約埋一班朋友來屋企玩，準備買d面包大家下午茶一齊share，經過荃灣尼間麵包店，買幾款招牌麵包試下。首先係長法包，外皮脆卜卜，咬落去有啲韌性，但係越嚼越香，麵粉味好濃郁，如果可以配埋牛油或者果醬就一流。芝士吞拿魚包真係好正，包身鬆軟，吞拿魚餡料足，芝士香濃，口感豐富，食落去好滿足，值得一試！至於芝士箭朱包，芝士味濃郁，麵包質地軟熟，中間仲有啲芝士流心，啱晒芝士控。蝶豆花包，外觀微微藍色，味道清甜，帶淡淡花香，食落好舒服。提子丹麥條就係經典之作，酥皮鬆脆，提子乾嘅甜味同牛油香完美結合，每一啖都係享受。芝士火腿可頌，酥皮層次分明，芝士同火腿嘅鹹香完美融合，食落唔會太膩，熱辣辣出爐嗰陣真係無得輸！再嚟係海鹽焦糖可頌，尼個真係驚喜！焦糖嘅甜味同海鹽嘅鹹味互相平衡，酥皮鬆化得嚟又帶啲焦糖嘅脆感，食完仲想再食。士多啤梨忌廉可頌，外層酥脆，忌廉滑溜，士多啤梨嘅酸甜令成個包更加清新。宇治抹茶紅豆包，抹茶味好濃，紅豆餡唔會太甜，兩者搭配得恰到好處，抹茶控必試！

Panyasan (荃灣） 荃灣荃新天地入面呢間低調麵包房，每日出爐十幾款手工包，用日本面粉，定價貼地到嚇親人！今次試下佢啲人氣款式～🥇千層酥蛋撻 ($7)酥皮薄脆過威化餅！蛋漿滑溜唔死甜，$7蚊做到酒店級鬆化感～ 🍓 士多啤梨忌廉可頌 ($15)牛油香撲鼻！夾住大粒鮮草莓+自家打忌廉，爆漿效果一流，甜度克制唔膩喉。 🧂 海鹽焦糖可頌 ($16)咬開蜂巢紋理超療癒！焦糖醬混海鹽粒鹹甜交織，表面脆糖片加分，配美式齋飲夠晒邪惡。 🍠 紫薯包 ($16)紫薯餡綿密到似食緊芋泥，包身軟熟帶淡淡黑糖香，阿媽都讚健康得嚟好味！ 🌰 開心果扭紋包 ($20)開心果醬濃郁帶果仁碎，堅係誠意之作。 用料同層次感係超值，經過荃灣記得袋定零錢掃貨！