麵包司

营业中

休息中

荃灣荃新天地發現到有間麵包鋪勁高質，真係要一讚，勁impressive!首先一行入鋪頭已經覺得佢好光猛好乾淨，仲可以望到師傅係後廚努力製作緊麵包，做到完全公開透明可以放心食用其次呢到係用左日本麵粉製作，買到返屋企比老婆食佢都話食得出同平時麵包鋪唔同，唔係先入為主先覺得特別好食呢到麵包款式亦好多，牛油味勁香又脆卜卜既牛角包、開心果流心菠蘿包、好得意既芝士箭豬包、港女至愛紫薯包，簡直目不暇給！配麵包當然唔少得咖啡，呢款韓國咖啡第一次飲，微甜咖啡味香濃，值得一試最吸引到我想encore既係呢到既麻糬蛋撻，外皮酥皮好多層咬落脆卜卜，中間蛋漿夠晒蛋味唔會太甜太水。開頭以為淨係面頭加左幾粒麻糬就算，點知食落原來底下仲有一層，食落好煙韌勁特別，好出色，勁有諗頭同心思！