麵包司

营业中

休息中

Weekend約埋一班朋友來屋企玩，準備買d面包大家下午茶一齊share，經過荃灣尼間麵包店，買幾款招牌麵包試下。首先係長法包，外皮脆卜卜，咬落去有啲韌性，但係越嚼越香，麵粉味好濃郁，如果可以配埋牛油或者果醬就一流。芝士吞拿魚包真係好正，包身鬆軟，吞拿魚餡料足，芝士香濃，口感豐富，食落去好滿足，值得一試！至於芝士箭朱包，芝士味濃郁，麵包質地軟熟，中間仲有啲芝士流心，啱晒芝士控。蝶豆花包，外觀微微藍色，味道清甜，帶淡淡花香，食落好舒服。提子丹麥條就係經典之作，酥皮鬆脆，提子乾嘅甜味同牛油香完美結合，每一啖都係享受。芝士火腿可頌，酥皮層次分明，芝士同火腿嘅鹹香完美融合，食落唔會太膩，熱辣辣出爐嗰陣真係無得輸！再嚟係海鹽焦糖可頌，尼個真係驚喜！焦糖嘅甜味同海鹽嘅鹹味互相平衡，酥皮鬆化得嚟又帶啲焦糖嘅脆感，食完仲想再食。士多啤梨忌廉可頌，外層酥脆，忌廉滑溜，士多啤梨嘅酸甜令成個包更加清新。宇治抹茶紅豆包，抹茶味好濃，紅豆餡唔會太甜，兩者搭配得恰到好處，抹茶控必試！

Panyasan (荃灣） 荃灣荃新天地入面呢間低調麵包房，每日出爐十幾款手工包，用日本面粉，定價貼地到嚇親人！今次試下佢啲人氣款式～🥇千層酥蛋撻 ($7)酥皮薄脆過威化餅！蛋漿滑溜唔死甜，$7蚊做到酒店級鬆化感～ 🍓 士多啤梨忌廉可頌 ($15)牛油香撲鼻！夾住大粒鮮草莓+自家打忌廉，爆漿效果一流，甜度克制唔膩喉。 🧂 海鹽焦糖可頌 ($16)咬開蜂巢紋理超療癒！焦糖醬混海鹽粒鹹甜交織，表面脆糖片加分，配美式齋飲夠晒邪惡。 🍠 紫薯包 ($16)紫薯餡綿密到似食緊芋泥，包身軟熟帶淡淡黑糖香，阿媽都讚健康得嚟好味！ 🌰 開心果扭紋包 ($20)開心果醬濃郁帶果仁碎，堅係誠意之作。 用料同層次感係超值，經過荃灣記得袋定零錢掃貨！

之前喺呢間店買過麵包食, 家人鐘意個 抹茶紅豆包, 同埋網上見到紫薯包, 所以今次衝住佢地💚🍠而嚟！去到見到有靚靚嘅 麻薯葡撻💛, $10 就有一個！咁就試下啦😁返到家 用焗爐 焗熱下, 熱辣辣嘅🔥, 先食面頭3粒 白雪雪麻薯, 軟滑！正！咬開, 酥皮層次分明、唔油膩，酥皮鬆化！驚喜係裏面仲有麻薯, 滑口到好似 日本蕨餅咁, 再配上香甜嘅蛋漿, 十分鐘意個口感！而個紫薯包🍠, 超級有誠意, 唔係紫薯蓉, 係條狀, 第一個我返到家切片食, 紫薯味十分濃烈, 好味！第二朝焗熱食, 口感好似食緊餵蕃薯咁, 仲好味！$15 呢個價錢, CP值高！抹茶紅豆包 如上次好味, 抹茶同紅豆好 balance, 又唔會太甜😊芝士箭豬包🧀 除了外形有趣之外, 佢裏面嘅芝士唔係一般連鎖店嗰啲芝士味, 係好似cream cheese 咁嘅味道, 唔錯！而黑糖麻薯包, 菠蘿麻薯包同埋 芝士吞拿魚包 有别於平時一般嘅 style, 有新意！整體上, 麵包入口 唔會好似食風咁, 食得出真材實料！而賣相都有心思！

荃灣這家麵包店新開不久 用的都是日本麵粉～店裡好多開心果口味的麵包🍞每個都想試一試價格也不算太貴 試了幾款推薦這幾個：🌟開心果菠蘿包菠蘿包的外皮炒雞酥脆 圓鼓鼓的一大個開心果的香氣在口中瀰漫，甜度適中吃起來覺得還好不會讓人覺得膩🥰🌟開心果可頌烤得外皮金黃酥脆，餡料細膩順滑帶著濃郁的堅果香氣～這味道太香了！🌟麻薯蛋撻蛋撻很嫩滑吃起來好濃的奶香味麻薯QQ的口感好豐富 關鍵一個也不貴🌟紫薯抹茶核桃包抹茶面團清香撲鼻，核桃下了好多～一大個吃幾口就感覺很有飽腹感了😋

剛剛同朋友係CityWalk2期睇完戲，順便就係附近搵食，我記憶中地下以前係先施百貨，宜家已經變成Food Court，咁我哋就巡吓有冇啱食嘅餐廳，行下行下見到角位有間日式麵包店，麵包種類多，造型又可愛，最吸引係佢採用日本麵粉製造而價錢大眾化，非常抵食，所以我哋諗住挑選幾款明天返工做早餐，點知夾下夾下不知不覺連下午茶都預埋😅🤣1-開心果鮮奶球 $20/排2-開心果流心菠蘿包$153-抹茶紅豆包 $124-紫薯包 $165-黑椒培根可頌$156-日式芝士條 $107-紅莓合桃包 $208-芝士吞拿魚包 $159-年輪蛋糕 $12各款麵包都各有特色而且好味道，紮實得黎又唔會硬梆梆，我特別喜愛開心果流心菠蘿包，保留包面上嘅脆脆再加入開心果軟滑流心，好特別。另外想讚下芝士吞拿魚包，唔好以為得上面少少吞拿魚，中間包住勁多吞拿魚，食完都好飽。紫薯包裏面有條紫薯，咬落又香又綿又冇渣，又係好好食👍今次食住咁多先，下次再試埋其他。

一家大細都係麵包控，見到荃新天地2開左間新麵包店，仲要主打用日本麵粉，就每人揀左小小黎試下🤩🥐🍮海鹽焦糖可頌呢款可頌中間冇餡，只有表面一層焦糖海鹽味嘅cream，但一d都唔會dry，而且佢個cream既味調得好適中，焦糖嘅香加上少少海鹽既鹹仲有少許朱古力粉既甘味👍🏻🥐🍓士多啤梨忌廉可頌可頌牛油味香濃，中間既忌廉唔算太甜，整體唔會顯得油膩，仲要士多啤梨既係甜甜的🍍🍞開心果流心菠蘿包菠蘿包本身已經無得輸，再加埋濃郁既開心果醬係中間，推薦👍🏻🍵🫘抹茶紅豆包包身軟熟，紅豆味甜而不膩，同淡淡既綠茶味非常夾🥛🍞開心果鮮奶球一條6個既鮮奶球，上面有少少開心果碎，食落更加香口，我隔左一晚用氣炸鍋180度3分鐘整返熱黎食，個皮仲脆脆地，而且一條都係$20，抵食又好味😋🥚🥧千層酥皮蛋撻撻皮酥脆，蛋味香甜嫩滑，而且價錢親民！🥚🥧千層麻糬酥皮蛋撻係千層蛋撻中間加左一層麻糬，多咗份煙韌的口感，非常特別👍🏻📍麵包司 (荃灣)荃灣楊屋道18號荃新天地2地下一門町市場內J31號舖

最近班兄弟做嘢都好辛苦，經常要開OT；食無定時。女朋友真識做，特登去荃灣呢間 麵包師 買d靚麵包，幫班夥計醫下肚兼打打氣。女友話呢度麵包好多選擇；價廉物美。佢幫我揀咗幾款佢最鍾意嘅包括：宇治抹茶紅豆包：抹茶味啱啱好襯埋紅豆，典型日本風味。另外黑糖麻糬包：黑糖味唔會太多啱啱好襯麻糬，兩樣味道好配合。仲有佢推介嘅開心果菠蘿包：菠蘿包之中加咗開心果，既有營養，味道亦豐富。牛角包之中佢最鍾意就係士多啤梨同埋海鹽焦糖，如果講造型就有芝士箭豬包；未食見到都開心。

荃灣和風式麵包店✨麵包司✨ @panyasanhk 標榜使用日本麵粉▶️荃灣荃新天地2期地下一門町市場內J31號舖✅麻糬蛋撻批皮香脆，蛋味香濃，配上煙煙韌韌麻糬，口感特別✅牛油軟包食落軟綿綿，好軟熟，滿滿牛油香✅芝士箭豬包賣相CUTE CUTE，滿滿芝士餡好足料，夠哂芝味✅可頌有幾款口味，有甜有鹹，各選了兩個❤️士多啤梨忌廉可頌同海鹽焦糖可頌，士多啤梨忌廉配上牛油香可頌，口感清新❤️芝士火腿可頌同黑椒培根可頌，可頌外層酥脆配上芝士火腿超夾✅麻薯菠蘿包菠蘿包金黃圓潤，菠蘿酥皮香甜，軟熟包住軟糯麻薯✅年輪蛋糕~原味同楓糖味各有特色，口感綿密紮實我仲買左✅軟法包，日式芝士條，蒜蓉多士

荃灣荃新天地開咗美食廣場，最近行下搵下有咩食發現呢間麵包司！採用日本麵粉整麵包🥖而且價錢合理，唔怪得咁多街坊幫襯啦呢到多款特式牛角包都係20蚊樓下，好抵啊！芝士火腿就超正，芝士經火灸半融加上脆卜卜牛角包🥐開心果牛角酥外酥內軟，明天仲有開心果醬開心果迷絕對唔可以錯過抺茶紅豆超級可愛似mario既做型，清香抺茶與甜美紅豆的完美結合，麵包軟熟紅豆都唔會太甜芝士箭豬芝士箭豬造型可愛，入面粒粒芝士好香濃紫薯包色彩繽紛，切開麵包可以見到大大舊紫薯，營養豐富另外試咗仲有多款人氣健康麵包！大大個牛油軟包都唔洗$20，開心果扭紋包成個頭咁大都係🥹呢個市道呢啲良心，又好食嘅麵包舖可以邊到搵Panyasan 荃灣楊屋道18號荃新天地2地下一門町市場內J31號舖

位處荃新天地2期地下，地點方便易搵，舖內附設工房，喺玻璃度見到師傅好努力咁整緊麵包，新鮮出爐加分呀👍🏻重點係價錢親民！買多幾個都唔肉赤😌標榜採用日本麵粉，有誠意，而且夾起麵包已發現相當有重量，有好多麵包舖望落去好大個，實際入口一啲重量都無，好快就肚餓，此麵包店唔會有呢個情況，真材實料👏🏻款式算多，樣樣都想食🤣最後買咗幾款返屋企個人推薦開心果系列：💚開心果流心菠蘿包菠蘿皮口感香脆，裏面有濃郁清新嘅開心果醬，口感綿滑又有開心果香，好食！💚開心果紐紋包好大個夠晒份量，包體鬆軟綿密，撒上開心果碎口感豐富💚開心果麵包裡面亦係有開心果醬，好滋味😋💚芝士箭豬包造型可愛，芝士味好香！💚紫薯抹茶合桃包紫綠雙色拼埋一齊未食睇見都開心☺️淡淡自然紫薯香加抹茶香，唔錯呀另外仲試咗麻糬菠蘿包同提子丹麥條，都值得一試～

放工經過見到人頭湧湧，馬上行埋去睇下，原來新開了一間麵包店🧑‍🍳🍞🥖🧁🥯。買下買下買左好多，食完就知點解咁多人爭住買，等我同大家分享一下😍😍。全店採用日本麵粉，麵包非常鬆軟。款式超多之餘，價錢仲好實惠，食落每個飽也不是空氣包，餡料超足🤩真的大推🙌🏻🙌🏻✨牛角包✨見到有多款口味選擇，忍唔住買了士多啤梨味、海鹽焦糖味同芝士火腿。口感非常鬆軟，海鹽焦糖味非常特別，微微的甜味和鹹味達到很好的平衡，味道豐富。✨開心果系列✨呢期開心果大熱，他們有多款相關款式，買左開心果流心菠蘿包及開心果扭紋包食。開心果味濃度恰到好處，同菠蘿包都幾夾。扭紋包大個，外面稍脆，內裡柔軟，食落香氣十足😍。✨$10-$12✨超多款麵包都係$10-$12，令我難忘的有芝士箭豬包，造型超級可愛😍仲要餡料十足，芝士🧀味濃，食完決定下次必須再買🤣仲有黑糖麻薯包，內裡麻薯煙韌，甜甜的，幾好食😋質素高、款式多，佛心價，難怪如此受歡迎🤩想睇更多介紹，馬上Follow我啦😁。#荃灣 #荃灣美食 #big_big_foodie #big_big_foodie食勻荃灣

今日行經荃新天地二期地下，這間麵包店香噴噴，忍不住走埋去看一看，見到麵包店麵包款式相當之多，而且仲標榜是以用日本麵粉製作。麵包款式又多賣相又靚，而且價錢合理，忍不住便買了一些回家與家人及小朋友開心分享。麵包舖仲有很多不同，以開心果為主題的麵包款式，啱晒家中的小朋友，有時要氹小朋友吃東西又點難，難得有這麼多款的開心果，看到又豐富又爆餡非常好。又有開心果鮮奶球，又有開心果扭紋包，又有開心果可頌，超級多款多選擇。而且仲非常欣賞有超多不同款的牛角包可頌，口味有甜有鹹總有一款啱自己。除此之外，芝士系列都不少，又有芝士牛角包、箭豬的芝士包、日式芝士條等等款式多，而且香噴噴。我還買了麻糬蛋撻，看到十分之特別，第一次看見麵包舖內有麻糬蛋撻賣，吃起來口感豐富麻糬煙煙韌韌，蛋美香濃批皮香脆，口感不錯而且價廉物美。開心果鮮奶球，$20有一排六個，超級抵吃。鮮奶球吃起來超級軟熟，而且上面鋪滿了開心果醬的。每一啖都有濃郁的開心果香氣。開心果扭紋包，切開麵包後，看到入面有滿滿的開心果果醬。這款麵包的質感較為挺身，帶有開心果香味，正。開心果可頌，超美味的一款可頌，開心果味必定要試。爆醬的開心果醬和果仁滿滿的鋪在可頌

尋日就係喺荃灣西食完個lunch，又唔使再返工，就喺度又行行行吓，行咗去荃新天地二期，諗到第二日要買早餐，又見到呢度有個food court就去八卦吓原來以前先施已經變到好唔一樣！！角落頭個位有呢間麵包舖我同個friend兩個人買咗勁多麵包今朝早食咗個吞拿魚包個吞拿魚包勁多吞拿魚，而且吞拿魚打到好滑！！佢個包好軟熟，實得來又好軟熟，係一個好複雜嘅口感，真係好好味，好少食一個包夠飽啱啱又食咗呢個黑糖麻糬包佢個麻糬好似珍珠奶茶啲珍珠咁，好好食個friend就話佢食咗個開心果菠蘿佢用氣炸鍋叮翻脆個包嚟食，菠蘿包上面嘅脆皮超級脆，而且好香開心果味，入面仲有流心嘅開心果醬呢間舖頭嘅包有好多選擇，我下次會再去買返個吞拿魚包食，真係好多吞拿魚

Panyasan 麵包司👅係荃新天地一門町新開麵包店選用日本麵粉等優質食材製作麵包款式眾多😋更有大熱開心果麵包價錢實惠👍🏻買來做早餐、下午茶都好岩作為開心果愛好者💕當然要入手開心果紐紋包、開心果牛角包、開心果波羅包、開心果鮮奶球、開心果脆脆💚超級多款式仲有Q彈綿軟口感豐富麻糬菠蘿包、以傳統功法製成純天然無添加嘅可頌系列！可頌系列鹹甜都有好正🙌除咗麵包之外仲有多款烘焙產品同麻糬蛋撻、吐司各有特色！不論造型賣相定係口感非常好特別喜歡佢哋出品麵包口感紮實、鬆軟唔空心👍🏻大家來開荃灣都可以試吓呢間CP值高嘅麵包店📍荃灣楊屋道18號荃新天地2地下一門町市場內J31號舖

好耐冇行過荃新天地，原來開咗條一門町市場，有唔同種類嘅餐廳進駐咗。經過依間麵包店俾佢嘅可頌吸引住。可頌非常酥脆，層次分明，特別推介開心果味同海鹽焦糖味，開心果味好濃郁，唔會甜膩。原來仲有唔少開心果嘅產品，再買咗開心果菠蘿包同埋開心果扭紋包，菠蘿包嘅脆皮係開心果味，而扭紋包有啖啖嘅開心果味，上面仲有開心果碎。新出爐嘅蛋撻好香，居然仲有粒粒麻糬係入面，口感煙煙韌韌。依個芝士箭豬包造型得意，入面有唔少粒粒芝士。