影片
营业时间
今日营业
09:00 - 22:00
星期一至日
09:00 - 22:00
以上资料只供参考，请与餐厅确认详情
今天傍晚去了蛇王海食蛇羮，记得去回程时皇后大道西的麦蛋糕，顺便买咗半个抹茶红豆蛋糕，今晚路过看见橱窗的蛋糕卖相不错，突然听到店内传出录音声带，说店中的各款蛋糕由三十蚊一盒起，差不多只是正价的一半！ 立刻走入去看看，我拣选了$35的全个低糖核桃黑糖蛋糕，除了特价外，买整个蛋糕还有精美纸盒包装，更加抵上加抵。 晚上立即切两件出来享用，核桃味跟黑糖味都很显著，味道浓沃而且松脆的核桃碎更加增强蛋糕松软的口感，蛋糕用黑糖制作不过甜比较健康，整体味道很好，傍晚时段又有接近半价的大优惠，日后会试埋其它口味。#麦蛋糕MCake#现烤古早味蛋糕
继续阅读
古早蛋糕曾经风靡一时，一区起码有2-3间同类型铺头，不过而家都汰弱留强，净返啲真系好食既古早蛋糕店😗麦蛋糕有几间分店，今次试左西营盘店，次次见到玻璃窗内店员切紧新鲜出炉既蛋糕都好吸引🤤🤤🤤🤤而且可以选择一盒或者半盒咁买，如果屋企少人食，半盒就好好喇，唔洗夹硬食晒成盒🙈流心芝士蛋糕 （半盒$38）蛋糕口感偏湿润，蛋香十足，食落软绵绵👍🏻👍🏻芝士唔算流心🫣份量较少，连埋蛋糕一齐食会食到少少少少咸香，想要拉丝/好浓郁芝士既朋友可能会有少少失望🙈不过以蛋糕质感黎讲，系几好食，同好饱肚😂蛋量十足，食半盒既1/4已经好饱，好彩买左半盒姐🤣🤣
继续阅读
流心芝士蛋糕！好耐冇食古早味蛋糕喇！之前食过黑糖味，蛋糕口感松软，感觉好原始。今次一于试下流心芝士蛋糕口味，见到有介绍芝士有拉丝效果，真系非常之吸引。因为想趁新鲜食，所以剩系买半份$38，如果有一大班人share，建议可以买一份$70比较抵食。流心芝士蛋糕(半份)$38- 蛋糕口感湿润，充满鸡蛋香味，芝士味道咸香，同甜甜嘅蛋糕交织配合，芝士有流心感觉，唔会硬左一旧旧，口感几好。如果用微波炉翻热，流心效果应该会更加突出。整体蛋糕唔错，定价偏高，可以一试芝士口味，比较特别。
继续阅读
大佬经常喺呢度买古早味流心芝士蛋糕返屋企俾我食，食过真系会令人番寻味。寻日佢又带咗两件流心芝士蛋糕俾我，好开心。虽然唔系热辣辣，但系每一啖都食到香浓鸡蛋味、牛奶同牛油味，口感细腻、软滑、绵密，食落又唔会太甜。蛋糕松软得嚟质感重，唔会好似食空气咁，而且湿软得嚟仲好有弹性，蛋糕中层充满流心芝士酱，芝士酱唔会过腻，咸咸香香，一咬落去会有爆芝士酱嘅感觉，真系同蛋糕非常匹配，重点嘅系芝士流心喺冻咗嘅情况下，都有少少拉拉哋丝嘅效果。不能不提，蛋糕嘅焦香糕面都好好食，真系食落有焦糖味。
继续阅读
𠮶日去开西环，行行吓发现有间古早味蛋糕，刚刚又到出炉时间所以决定买返件返去试。餐厅位于西营盘地铁站附近地点非常方便。刚刚出炉嘅古早味蛋糕，热辣辣软林林，非常好味。
继续阅读