麥蛋糕

营业中

休息中

大佬經常喺呢度買古早味流心芝士蛋糕返屋企俾我食，食過真係會令人番尋味。尋日佢又帶咗兩件流心芝士蛋糕俾我，好開心。雖然唔係熱辣辣，但係每一啖都食到香濃雞蛋味、牛奶同牛油味，口感細膩、軟滑、綿密，食落又唔會太甜。蛋糕鬆軟得嚟質感重，唔會好似食空氣咁，而且濕軟得嚟仲好有彈性，蛋糕中層充滿流心芝士醬，芝士醬唔會過膩，咸咸香香，一咬落去會有爆芝士醬嘅感覺，真係同蛋糕非常匹配，重點嘅係芝士流心喺凍咗嘅情況下，都有少少拉拉哋絲嘅效果。不能不提，蛋糕嘅焦香糕面都好好食，真係食落有焦糖味。