影片
收工经过见到清货大减价，所有蛋糕接近半价，好似大约系7-8点开始。原味一盒$30，朱古力抹茶一盒$35，咸蛋肉松流心芝士一盒$40，我买左咸蛋肉松味，闻落去非常之香。肉松铺满个面，劲邪恶🙈$40一盒大大盒，净系讲个份量已经好抵，返到屋企即食，入口好软熟，就算清货但一啲都唔干。第二朝食依然保持水准，当早餐/下午茶一流，以$40黎讲呢个分量同质素Cp值爆高🤣绝对可以试下！推荐大家买一份同屋企人朋友share食～相张系我食左一半先记得影🙈
继续阅读
今日系尖沙咀分店闻到好香就买左半个朱古力、半个抹茶红豆蛋糕返到屋企，屋企人食朱古力味食到一半咬到脆脆地….😨一吐出嚟发现疑似曱甴脚🪳😨😨😨有脚毛！🤢🤢🤢之后再睇另一旧未食嘅发现疑似原只曱甴身🤮好恶心…唔敢再食第一次买就遇到啲咁嘅事🤢仲要我屋企人已经咬左…..我同另一位家人都食左唔知系味已经吞左啲曱甴落肚…谂起都惊🤮🤮🤮以后唔敢再去贵店买蛋糕亦唔敢再食朱古力味蛋糕啲色真系好似，真系我屋企人咁岩咬到脆先发现🤢🤢🤢
继续阅读
夜晚8点几9点，经过见到麦蛋糕做大特价，$30至$40一个，平过平时好多好抵！平时要$60一个？🤣🍴抹茶红豆蛋糕 $35 特价 (7/10)绿茶味几香，唔甜，但未算好浓，比较清淡，红豆得好少微甜，只作点缀？蛋糕质感湿润，口感都松软。特价$35咁大旧就好抵食，但$60就唔会买！推荐指数:7/10特价嘅话可以买来试吓，几抵食，味道唔差👌🏻
继续阅读
门口被棚架包围，感觉比较差，之前买过半条朱古力味，仲暖暖地，但底部质感较湿。今次试半条原味，蛋糕边位比较干硬，仲要疫情下不收八达通，只收现金，其实现在好多古早味蛋糕店也收八达通，所以不会再帮衬。
继续阅读
本来想买隔离新开嘅面包店，不过放工去到5点3已卖晒，麦蛋糕都几香咁试下啦，舖位系corner 位，两边都入倒，所以感觉好宽敞，味道有抹茶，原味…今日仲有一款咸蛋肉松蛋糕，半份45，我就拣咗黑糖合桃蛋糕半份38蚊，揾张纸包住入袋，无盒，正面睇系环保，认真谂其实都几求其，好似喺深水埗买几蚊件嘅蛋糕咁😏，俾钱唔收八达通，其实疫情咁严重点解仲要现金交收，真无奈😔。蛋糕大概长5寸，高4寸，合桃五粒，唔算甜，质感有啲湿。
继续阅读