麥蛋糕 (已結業)

本來想買隔離新開嘅麵包店，不過放工去到5點3已賣曬，麥蛋糕都幾香咁試下啦，舖位係corner 位，兩邊都入倒，所以感覺好寬敞，味道有抹茶，原味…今日仲有一款鹹蛋肉鬆蛋糕，半份45，我就揀咗黑糖合桃蛋糕半份38蚊，搵張紙包住入袋，無盒，正面睇係環保，認真諗其實都幾求其，好似喺深水埗買幾蚊件嘅蛋糕咁😏，俾錢唔收八達通，其實疫情咁嚴重點解仲要現金交收，真無奈😔。蛋糕大概長5寸，高4寸，合桃五粒，唔算甜，質感有啲濕。