麥蛋糕 (已結業)

收工經過見到清貨大減價，所有蛋糕接近半價，好似大約係7-8點開始。原味一盒$30，朱古力抹茶一盒$35，鹹蛋肉鬆流心芝士一盒$40，我買左鹹蛋肉鬆味，聞落去非常之香。肉鬆鋪滿個面，勁邪惡🙈$40一盒大大盒，淨係講個份量已經好抵，返到屋企即食，入口好軟熟，就算清貨但一啲都唔乾。第二朝食依然保持水準，當早餐/下午茶一流，以$40黎講呢個分量同質素Cp值爆高🤣絕對可以試下！推薦大家買一份同屋企人朋友share食～相張係我食左一半先記得影🙈

今日係尖沙咀分店聞到好香就買左半個朱古力、半個抹茶紅豆蛋糕返到屋企，屋企人食朱古力味食到一半咬到脆脆地….😨一吐出嚟發現疑似曱甴腳🪳😨😨😨有腳毛！🤢🤢🤢之後再睇另一舊未食嘅發現疑似原隻曱甴身🤮好噁心…唔敢再食第一次買就遇到啲咁嘅事🤢仲要我屋企人已經咬左…..我同另一位家人都食左唔知係味已經吞左啲曱甴落肚…諗起都驚🤮🤮🤮以後唔敢再去貴店買蛋糕亦唔敢再食朱古力味蛋糕啲色真係好似，真係我屋企人咁岩咬到脆先發現🤢🤢🤢

夜晚8點幾9點，經過見到麥蛋糕做大特價，$30至$40一個，平過平時好多好抵！平時要$60一個？🤣🍴抹茶紅豆蛋糕 $35 特價 (7/10)綠茶味幾香，唔甜，但未算好濃，比較清淡，紅豆得好少微甜，只作點綴？蛋糕質感濕潤，口感都鬆軟。特價$35咁大舊就好抵食，但$60就唔會買！推薦指數:7/10特價嘅話可以買來試吓，幾抵食，味道唔差👌🏻

門口被棚架包圍，感覺比較差，之前買過半條朱古力味，仲暖暖地，但底部質感較濕。今次試半條原味，蛋糕邊位比較干硬，仲要疫情下不收八達通，只收現金，其實現在好多古早味蛋糕店也收八達通，所以不會再幫襯。

本來想買隔離新開嘅麵包店，不過放工去到5點3已賣曬，麥蛋糕都幾香咁試下啦，舖位係corner 位，兩邊都入倒，所以感覺好寬敞，味道有抹茶，原味…今日仲有一款鹹蛋肉鬆蛋糕，半份45，我就揀咗黑糖合桃蛋糕半份38蚊，搵張紙包住入袋，無盒，正面睇係環保，認真諗其實都幾求其，好似喺深水埗買幾蚊件嘅蛋糕咁😏，俾錢唔收八達通，其實疫情咁嚴重點解仲要現金交收，真無奈😔。蛋糕大概長5寸，高4寸，合桃五粒，唔算甜，質感有啲濕。

鬧市中，住宅下，疫情期間，深夜10:30pm 都開著擴音大喇叭，特價銷售剩餘蛋糕，之前見電視訪問話老闆唔俾收工，一定係又未賣哂，幫襯試食下，員工又早d 放啦。蛋糕睇落都幾鬆軟，但買完經過果度後巷見到米奇橫行，最後返去都係咬一啖好了，味道還好，飽肚。