麥記美食

营业中

休息中

話說上星期有日難得放假，好有心地出發去食鍋貼地點為北角堡壘街麥記美食，識我既人都知上海美食中我至愛鍋貼，當年睇有線蘇絲黃真人show就係介紹呢間野，睇完流哂口水即來試試不過兩次來到都因太晏及未煮熟為由望門而輕嘆，終於在我地三顧茅廬下終於有緣一吃﹗呢條堡壘街好騎呢，在街道中間有間屋仔收費站，在那兒進入的車輛及擺檔好似要比錢的，有0的似大陸的街道管理一樣﹗伸個頭入鋪，見到仲有幾件鍋貼，二話不說即叫左五隻，十蚊五隻經濟抵食鍋貼是小小的，我覺得食鍋貼的精髓在其皮層，一定不能太薄又不能太厚，嚼落要有口感亦要煙韌，底要煎得硬身脆口，呢間麥記完全做得到﹗好香口入面肉汁濃郁，好好味﹗食完五隻再叫多五隻﹗再試小籠包，十五蚊有六隻即叫即蒸，仍是細細隻的，咬開不是外面吃的充滿湯汁，而係皮薄餡靚，加少少薑醋齒頰留香﹗大食精唔多飽下為左等尚在煎煮中的生煎包，試埋.......呢度既燒賣同埋墨魚，味道不過不失﹗等左成半個鐘終於都可以食埋佢地既生煎包喇，包仔的骰咬落彈牙煙韌夠脆而不燶，好食﹗三點幾四點時間都超多人，門外露天凳仔坐到滿哂，老闆娘態度好客不過慢條斯理，如果你急著要吃東西又在繁忙時間的話勸你不宜來吃，一定

A hasty dinner on a rainy day. I ordered some 小籠包 and 菜肉蒸餃. It was a decent wait and I noticed around a dozen or so customers during my 15 minute wait. The folks in the store (all three of them) were friendly with first-timers, and even more friendlier with the locals whom they like to share a joke with. The dumplings and buns were freshly steamed, unlike the skewers that they have available (although I must say, just because the skewers ready-made, it doesn't mean they taste bad; in fact, quite

唔經唔覺係堡壘街住左11年,亦見証住呢間老闆如果創業。小學時間,每晚放學之後,行過堡壘街頭都會見到老闆推住架車仔係度擺檔,頭一次,食左一次魚蛋加埋老闆親身調製的無與倫比的辣醬,之後好似上癮咁,日日都要督返串先開心,哈哈諗返都好開心,所有以前的美好回憾都湧哂出來,同朋友們以前無憂無慮的校園生活,趣事,真係好開心,有時食時都會想返起直到幾年前老闆總於自己係街頭開鋪,個陣時,直到而家,我都好開心他創業成功,因為我覺得他真係好努力,雖然身材不出眾,但他的小食手藝真係令我敬佩,實至名歸魚蛋每日新鮮製造,又彈又爽,而且個魚蛋皮唔會太脆,非常好咬口!值得推薦即製餃子,每日即時製造,次次都要等一等先有得食,皮薄餡靚,而且一口一啖,非常好方便,餃子底"窿窿地",增添幾分bbq口味,挺特別!仲有,生煎包都是必食之選,細細個容易食,包皮同樣薄,而且餡肉有時仲會流出濃濃肉汁!而家我閒時仲會去督返串魚蛋食,記住食任何既野,都要加辣醬.真係好味,值得一讚,他十幾年都一直保持5蚊一串,完全沒有加價意慾,值得鼓勵!

魚蛋同魷魚都好好食蔥油餅尚可﹐乾了一點鍋貼正~生煎包D肉無肉味，不太好食~小籠包多汁，肉香，正！

我巳經住係呢區都巳經過20年喇, 而自己又喜歡食街邊野. 小學既時候都巳經幫襯佢地.. 由木頭車到而家食物都仍然係保持新鮮及水準. 愛吃辣既食家, 一定要試他們自家製作的辣醬, 就算係點魚蛋之外; 不防可以作鍋貼調味. 不得不提既係佢地既墨魚, 曾經跟老闆傾計既時候. 我問佢d墨魚既肉質唔同出面其他魚蛋檔, 比較爽口及有鮮味. 原來佢地既墨魚係每天在街市新鮮入貨並唔係冰鮮既.至於上海小食, 真係唔讚唔得. 首先必定讚係- 鍋貼, 皮薄好脆; 其次係佢地既蔥油餅亦即係武大郎, 呢樣係要每日3點先有得食. 好早就會賣清光. 基本上5點去都巳經賣得7788.

早早就聽聞此麥記值得一試，雖然係附近讀書，但總係遺忘呢間食肆。今次終於有機會同朋友仔黎，的確係唔錯既選擇。鍋貼一般，而且較其他鋪頭迷你，但都有好處……就係一口一個，唔駛咬一半又流曬肉汁出黎。另外新鮮熱辣辣出爐，就算有咩缺點都變到無啦。墨魚,魚蛋,燒賣不過不失，純粹過下口立濕小籠飽即叫即製，又係熱辣辣，不過唔好期待食落去會有大堆肉汁，而且有一半小籠飽d皮因為太薄而穿左，失望失望本想一試既蔥油餅，只有下午三時供應，想食就要記得個時間喇下次試試人人都讚既生煎包至得

聽人講話依度d鍋貼好食,心思思想黎好耐本身仲想叫小籠飽不過要等十幾分鐘, 於是就轉左叫生煎飽過下口癮各要左$10(5個)由於係外賣返屋企,所以係凍左d,不過食落仲係脆脆地,冇淋到,good!兩款都不錯,不過個人鐘意鍋貼多d, 同d鎮江醋簡直係perfect match! 兩款都係細細粒,食晒都唔覺得滯

一向是街邊小食的支持者，特別喜歡lee間麥記，因為佢真係好有風味。坐落小街旁，沒有宣傳，卻有一大班擁躉，每次都要排隊先有得食。最鍾意佢既生煎包，細細個，每個都好多汁，一咬就流出嚟。而因為d汁好熱，所以每次食都係戰戰兢兢、小心翼翼的。魚蛋並非我最愛那款，但都不錯，很彈牙，亦入味，不用點醬。客人可以包走，亦可以坐在街邊食。條街是私人街道，沒有太多車輛駛入駛出，好似回到昔日咁。最近亦有雜誌推介，相信生意一定好好!!!

從網上得知，北角有間出名的小食店，於是趁星期天和老公去試一試。我們叫了生煎飽和鍋貼，雖然是迷你size，可是覺得不外如是。因為生煎飽皮太厚，肉料不多，好似食緊麵粉。至於鍋貼味道則比較好些，但只是普普通通，沒有什麼勝人之處，只是價錢夠平而已。

第一次黎呢到 .. 都幾難搵 ..但係都值得嫁 .. 叫左 4隻鍋貼一串墨魚因為佢整落隻碟到個陣跌左舊墨魚所以佢俾左3粒魚蛋我 .. 好好呀 .. 鍋貼真係好味 .. 因為同出而個d 唔同 . 個底又特別脆 .. 又好有肉汁 墨魚都唔錯 .. 好爽 至於魚旦 .. 我覺得好好味 .. 佢唔係屬於彈牙個d .. 不過有魚肉味嫁 . 但男友話ma ma !! 食左好少喳 .. 因為要去下一站 ^^

又一熱帶低氣壓來港，熱得要命，在北角街頭踱步片刻，已汗流浹背…然，為食是原動力…螢光幕前，位在斗斜，滿以為挺難找，卻不然，根據地圖展示，找著北景街，攀上斜路，路標若隱若現…中午12時許，酷熱，門前只得三數位客人…「哎…俾十蚊生雲吞我呀，我鐘意自己返去煮，放條菜，落個麵，隨自己鐘意…」一位婆婆…「香腸、魚蛋、生根、燒賣…每樣都要啲…」一位媽媽…「香腸、魚蛋…每樣兩串…」一對情侶…老闆娘留意到我，問：「你要啲咩呀？」笑容可掬的…「我想要十蚊鍋貼，有冇呀？」「有，但要等等喎，唔好意思呀，好快有架啦…」依然有禮…老闆將鍋貼逐隻下鑊，舖滿，放油，灑水，蓋上，再拉著鑊子邊緣，轉轉轉…初見這種煎法，感覺新奇，馬上拍下…等待期間，見門前放著幾張沒張開的摺桌摺椅，大概烈日當空，不好讓客人暴曬，故不設雅座，玻璃門上貼著蘇絲黃到訪的照片，還有林峯…老闆落力轉了片刻，繼續包餃子去，老闆娘接力…「一開蓋就得架啦，等陣煎好嘅時候影，仲靚呀！」老闆娘見我頗愛影相…滿心期盼，蓋子開了，煙霧迷漫，二人讓開，讓我拍過夠…「真係唔好意思，要你等咁耐…」「我唔介意呀，反而咁樣仲可以食到新鮮出爐嘅鍋貼，更加好啦…」老闆娘包好鍋

鮮有到北角一帶，今天是專程到來，目的當然又是為了一個「食」字，除了主角的「手信店」外，到訪前當然要找找有甚麼美食可以一試。最後找了三間食店，由傳統街頭小食、北方小點，到正宗福建平民食店也包括在內。吃完雞蛋仔後，便向「堡壘街」進發，到下一個目的地「麥記美食」。由於陽光猛烈，店員沒有在門外將桌子及椅子排開，故堂食的只能站著。目標之一的「蔥油餅」要下午三時後才供應，唯有只點十元五件的「煎窩貼」($10.00)。雖然是剛開始營業，但所有窩貼已弄好並排放在大鐵鑊上。雖然早已煎好，但其熱力仍然強勁，入口前要吹數遍，但由於要「立食」的關係，所以調味料只有直接加進碟裡。加入的醋酸味頗重，有點淹蓋了窩貼的原味，窩貼體積不大，底部煎得夠香脆，皮夠厚身，頗合自己的口味，肉汁不多，而肉亦不太香，雖不算是十分出色的窩貼，但也在合格範圍內，未知其他食品的質素如何，下次有機會會再一試。

區區一份三文治並唔能夠充分滿足到筆者，所以離開「祥利」之後，筆者與太座向另一間小食店「麥記」出發。此「麥記」並非平時人們所講嘅美式連鎖快餐店，而係由幾位女士打理嘅。舖子十分細，在街邊放咗幾張摺枱，賣嘅都係一啲街頭小食。筆者隨便點了生煎包、蔥油餅及鍋貼充飢。生煎包不是一般嘅大小，可以話係迷你型，一啖都可以將整個吞落肚。味道方面，肉汁唔係太多，生煎包嘅皮亦比較厚身。裹腹當然可以，但再上一層要求滿足味蕾，還要下多點功夫。比較之下，鍋貼相形出色，肉汁比較豐富之外，皮亦冇咁厚，加醋一起食，減低油膩感覺，好快就食得一乾二淨。至於蔥油餅煎得幾香脆，內裡軟綿綿，蔥嘅香味更加突出。生煎包及鍋貼都係十蚊五件，蔥油餅兩蚊一塊，難怪客似雲來。

今天想減食，就決定食麥記。第一次食到生煎包，原來是迷你版，應該和鍋貼都是用同一種料吧，裡面的餡味道不錯，蘸上陳醋而食，令充滿肉汁的餡料更鮮。由於賣得快，所以差不多永遠都現叫現制，當然非常香脆可口。是日有點毛毛雨，食客大都買走，街上也沒什麼人，特別清靜。在街上的食包，在北角應沒有其他地方吧？速食完之后，下山的路走得特別愉快。

少有走上來堡壘街這邊, 所以如不是見開飯這兒對小店大有好評, 也不知道此名店的存在。店面只是用來製作食物, 幾個阿姐在店內即做包點, 也有點逼夾。顧客就要冒著寒風坐在街邊吃, 別有風味。這裡的名物是小籠包, 可是我怕 $15/6 隻太多, 改要了生煎包 ($10 / 5 隻)、鍋貼 ($10 / 5 隻) 共 5 隻 --> 兩款是可以混合的。不出半分鐘, 5 隻超迷你的生煎包和鍋貼便送到我手上, 快快找個位坐低吃。包子和鍋貼都是熱辣辣的, 煎得有少少燶邊, 非常香脆; 裡面的肉汁瞬即流出, 立時為寒冬帶來絲絲暖意, 加點醋汁一起吃, 解解油膩。一口一個, 話咁快食哂。呵呵, 看來除了「拮魚蛋」之外, 以後還可以拮生煎包、拮鍋貼喇!