麥奀雲吞麵世家 (禮頓道)

营业中

休息中

話不多說⋯⋯我只係食左碗雲吞牛筋麵同飲左一杯豆漿碗麵個湯係ok既麵質都幾好冇乜鹼水味，牛筋都幾入味，雲吞世家既雲吞冇我想像中咁好食服務態度係令我最感到失望，幫我落單既姐姐都幾好既，有笑容同佢講唔該佢有回你一句唔洗客氣🙂之後既事就發生了，我見到有另一位服務員拎緊一碟油菜準備拎去客人枱面途中，竟然會有一個男服務員隨手有拎左一條菜心放落個口到⋯⋯我唔介意你食但起碼唔好比我見到呀😅😅😅呢位服務員就同個姐姐有小小唔同，佢收走我碗麵我同佢講唔該佢so 都唔so我就走左去（果陣唔係好忙，因為入面得幾個客人）

大鄉里出城走到銅鑼灣街頭，肚仔餓狗匆入咗呢間名店，出品係好，非常之好！但係我雖然面目猙獰，應該唔似「強國人」吖，典解樓面阿蟬刀會同我「煲東瓜」？話晒係香港，當然用純正廣東話回應樓面阿蟬。作為香港人，呢個係俾劣評嘅理由。又諗到尐嘢，究竟此名店只有遊客幫襯？定當遊客係傻呢？食品如下：38剩雲呑 ，只能說「可以」！若果要食我會去劉萬利食雲呑，呢度雲呑肯定唔會再幫襯。49豬潤麵，豬潤肯定無深水埗嘅水準，但個「麵」就真係超乎想像的幼細，好好味，麵肯定係此店最強。60筋腩撈 ，麵同上，筋腩叫做幾啱我咀型。28油菜，已經叫腩汁，但唔明死都要加蠔油落碟菜度。6腩汁，食開其他麵店都腩汁唔駛加錢，可能我孤陋寡聞，點解加腩汁要加6蚊？究竟係我小出城，定真係物價指數飛升？定係遊客收費？共HKD181，其實刀幾貴。

我成日都掛在嘴邊的 comfort Food 第一位是令我對它念念不忘的「雲吞麵」。香港地的雲吞麵世家永遠以麥字響朵，背後還帶出鮮為人知的歷史，老實講我對呢啲背後故事不感興趣，我只對靚麵有憧憬。麥字頭的一碗雲吞麵一般$36左右，水餃會貴$2 成為 $38 。以麵蓋水餃是全統手法，我會先將三大隻皮薄即穿的水餃撈返上面。再先試一口魚香靚湯，我即明白乜野叫滴滴如金露。再大啖地將水餃咬開，內裡錎料足有豬肉、蝦、木耳、東菇等。味道己鮮又爽口，配合一囗細緻的銀絲細麵將滿足感推至高峯。

呢排真的要比個身體抖一抖，話說之前連續食左幾次韓國燒烤，生曬痱滋不突止，開囗食野都好痛，仲要生埋粒勁大暗瘡，好唔開心食番碗粥下下火先，呢間老字號出名貴，我都係第一次試...都要食架啦叫左碗皮蛋瘦肉粥，份量可以，粥看上去好似好綿，食落去都好綿喎！好多鹹瘦肉同皮蛋，下火既感覺好強！味道亦不似好多味精，話曬老字號，應該只有真功夫才能保持到今日仍然存在既原因吧！

離開謝斐道後， 可能今日連伏兩次嘅關係， 唔知點解心裡有股莫名的衝動，今日點都要食返一碗似雲吞麵嘅雲吞麵。本來想去中環會這兩間的總店（好似佢地總店都在中環吧），奈何天色已晚，望錶已是5到6點了，肚子又不知能否再吃兩碗，亦不知味蕾會否遲鈍，誤將魚翅當粉絲，在心有不甘情況下來到今日第三站：麥奀記。 可能有人會諗：儍架，一日食三碗雲吞麵，而家就算真係有碗好食嘅放喺你面前，你都厭啦！係架，我都係咁諗，就算真係有碗一流嘅雲吞面喺我面前，我可能會食之無味，但唔知係咪偏執症發作，係都要試多碗（其實心裏十五十六），中伏嘅野一不離二，最多二不離三啫，於是大踏步便進了去。 其實呢間野之前來過幾次，每次都有水準，但唔知今次會否例外呢？店係一般茶記格局，但感覺整齊乾淨，呢樣野係好多茶記做唔到的。坐下卡位，先來茶、筷子、味碟，茶是暖的（剛才的是凍的），味碟好像知道客人一定會點醬似的。照舊雲吞麵，不一會麵已送到，因為全場得我一客。 一看樣子感覺對辦，先喝湯，是蝦籽的鹹和魚干的甘甜，店家枱上介紹是大地魚熬制，喝起來濃而清；再來食麵，一夾，終於領略銀絲細麵的真髓，若要分別的話，之前兩間的麵

一點也不餓，但始終要吃點東西，才回去。想來想去也不知吃什麼好，經過麥奀，不作他想。只點了牛筋雲吞。阿叔好心提我，這是沒有跟麵的。其實，我知道。牛筋很不錯，膠性豐富，口感很好。反而雲吞，雖是招牌的東西，雖是細細粒，味道與風味，那不是以前的那回事。喝完可樂，回程去了。

夜晚十點幾, 禮頓道冇咩好食,入去麥奀雲吞麵世家食碗面!叫左傳統雲吞面，一杯豆漿。好細碗，雲吞細細粒放在面底下，傳統，雲吞有蝦，咦，點解只有蝦沒食到豬肉，咁同佢地另一鮮蝦雲面有什麼分別？但Ｄ蝦幾鮮有彈性，一定好過好多雲吞店，湯底甜好味但偏咸，面不錯夠硬身，但鹼水味太重。三四啖食完，食左都唔覺飽，真係精品面食。 賣單＄４８，老實講貴左Ｄ，冇左香港地道平民小食既傳統！

我是窮L，於銅鑼灣可以説容易找平嘢食，又可以話好難搵，雲呑麵引起，見到麥奀雲呑麵世家，即衝入去坐底就叫碗雲呑麵($36)，之後都等咗成10分鐘。是銀絲細麵，非常爽口彈牙，碗底有4粒雲呑，雖然細粒但皮薄足料(只有蝦)的，一口一粒，不用2分鐘連湯都飲埋，又上路。

Wontons are great!  The portion isn't too big and the wontons are on the bottom of the noodles, just like they say they are supposed to be historically.  The wontons are bite size and it's just perfect.  I hate the wontons that are gigantic.  I wanted to visit the one in Central but just didn't have the time as I needed to fly out to London that evening and was in Causeway Bay to buy a few things.

聽過「麥奀」之名已有一段時間，其分店不太就近，未有機會嚐試。心想怎樣也應試試，碰巧這陣子行經銅鑼灣，特意找此舖。下班後可能晚了，可選座位，從未嚐過，心裏好奇雲吞麵如何美味，就點了一碗普通的雲吞麵。不消數分鐘，雲吞麵便來到。份量真的比想像的小一點，麵條在上面，先吃麵條，夠軟易吃，但麵香不太明顯，亦未吃到爽韌之感。吃着吃着，看到下面有四顆圓形的雲吞，立即咬下，是鮮嫩爽口的蝦肉佈滿整顆雲吞，令人感到蝦肉十分豐富美味，雲吞皮亦做得軟滑，是有質素亦好吃之作。估計湯底有可能用蝦殼熬成，味足不膩，有清香之感，可當作湯喝下。雖感覺份量較少，但仍是值得一試亦好吃的雲吞麵。

很久以前，聽到從親戚身上聽到一件趣事，那個親戚是筋肉人，是筆者非常羨慕能擁有的身形，他跟我說曾經在粉麵店兩個人吃了兩千多元粉麵，筆者當然大驚並問難道是米芝蓮粉麵店？還是在某些五星級酒店吃粉麵？筋肉人是：「都不是，我只是去了麥奀吃，怎料到好吃得要命，令本身大消耗的我吃完一碗又一碗，連店員也感到錯愕。」，筋肉人不容易練成，吃這麼多筆者想他又不知道要誰上多少時間心機才可以減回那次的粉麵的熱量。不久之前，筆者又再次來到銅鑼灣，其實筆者在銅鑼灣長大，根本就是銅鑼灣達人，最喜歡去南亞餐廳吃下午茶，怎料到這間有一段歷史的餐廳終於抵受不了租金的壓力而結業，真令人感到有一點唏噓，看到香港這片城市裹，租金房屋等價格脫節得離譜，筆者有時候真有衝動打破家裹的電視機，十年前吃一碗河粉三十元以下的已很豐富，十年後的今天沒有四十元也難點得到一碗雲吞麵，這個地方究竟還是人能夠居住的嗎？就是因為結業，所以筆者慢無目的下走來走去看有甚麼新奇的食店，便碰上了麥奀，真的好比愛神進入夢。麥奀在這個地方有店舖，也能夠預計得到定價一點也不便宜，作為普通市民面對普通食店，也只能見步行步，多付一點也沒有辦法，心裹只想他們能夠維持下去，

這個星期六比平常早了出外活動，中午隨便吃過些小食，辦妥事情後，已經是下午四時多，肚子有點餓，剛巧經過這裡，被它一塊放在店外的廣告牌上的炸醬麵吸引著，探頭看到店裡客人不多，就走進店裡了。侍應很禮貌的招呼我坐到卡位裡，我是被那炸醬撈麵吸引進來的，當然就點了這個，同時又被那餐牌上的”首創鮮蝦雲吞”吸引，侍應此時看到我望著餐牌發呆，就建議我叫個雲吞試試，説一份淨雲吞就只有8粒，都是小小的，一個人肯定吃得下，就貪心的叫了一份淨雲吞。炸醬撈麵先來，還附上一碗上湯，先呷一口上湯，有點鹹，再呷一口，才嚐到湯裡有些鮮蝦香味，炸醬撈麵份量不多，銀絲幼麵爽口彈牙，有濃郁的蛋香，配混入了微甜微辣的豬肉絲的炸醬來吃，很不錯!雲吞是小小的一碗，湯底較為鮮甜，雲吞體積迷你，一口可以吃掉一只，吃了2隻，皮裡就只吃到新鮮彈牙的鮮蝦，最少有一整隻，好像沒有豬肉及其他配料，再仔細咀嚼每一只，確認餡料就只有鮮蝦，果然名不虛傳。這間歷史悠久的麵店，一直以提供優質食物爲宗旨，主導傳統廣東雲吞麵，爲了保持食物質素及水準，價錢亦相對提升，小小炸醬麵收費48元，淨雲吞34元，只能説不算平宜。

第一次幫襯麥奀記叫左雲吞麵同埋牛筋牛腩麵一坐低 侍應就遞上兩杯熱茶而且服務態度又好 感覺良好很迷你的世家雲吞麵有三粒大大粒的鮮蝦雲吞麵質好幼 唔會好硬 正牛腩牛筋麵牛筋很軟滑 湯底有少少味精但整體來說 都算唔差的^^

湊巧經過，肚子又餓，坐下看menu，久就點了雲吞麵，等了3分鐘，麵來了，一看，有點驚訝，麵碗有如媽媽拜神用來盛飯的小碗，先試湯，令我有d驚喜，再試雲吞及麵，就感受到該店的出品是重質的，雲吞3粒麵2啖，洽到好處，不多不少。湯真的不錯，有韭菜的香味，而雲吞小巧精緻，麵質爽、彈！總體不錯！

本人一向不太喜愛廣東幼麵，怕其梘水味重，吃過後舌頭，牙齒均感怪怪，甚不自在。灣仔永華，何洪記及此店算例外！麥奀的麵十分爽口，一咬就能清脆的切斷，又充滿蛋香，不浸在上湯中更能嚐到真味，配搭甜甜微辣的炸醬瘦肉絲，兩者交叠，產生微妙的好滋味，同時，誰也搶不了誰的風頭，再呷一啖熱騰騰的上湯，感受到蝦的精華及韮黄獨特的清香，真的是完美的組合！仍意猶未盡，追加一碗淨食雲吞牛筋，碗仔細細，看不出份量超多。這裡的雲吞精巧可愛，身圓圓，拖着一條漂亮的散尾，狀甚似小金魚，一客有五尾，蝦肉頗大，爽脆度不突出，没有選用鮮蝦的效果。牛筋在這兒叫特效牛筋，不明其意，不過就吃到兩種截然不同質感的牛筋，一種是軟諗諗的，另一些則十分脆口，頗有趣，吃完嘴唇黏黏，像吸收了大量骨膠原般！