麥奀雲吞麵世家 (禮頓道)

营业中

休息中

今天幫襯銅鑼灣店有不愉快經歷。首先，進店要求一杯茶，但一位男樓面說水煲壞了，叫我可以點收費飲品。但稍後另一位女樓面說水只是未滾，之後送上兩杯熱水。另外，我點了加底薑䓤撈，但來了一碟未加底的，詢問下，煮麵的說已加一大一細。在我堅持下，同一女樓面幫我換了。很多謝她。好明顯事件中的男樓面及煮麵的都說了慌。今時今日，他們的服務都差強人意。希望管理層留意事件，以免影響麥奀記長久建立的聲譽。謝謝。

佬伙記倒米，晚上9點入到去，雖然多人，但見無人等位，同佬伙記講3位，個佬伙記好大聲咁叫：無位呀！無位呀！最慶個老伙記重用手背做手出叫客走手勢！當時以為麥奀禮頓店收9點，所以都廢時勞氣！同行友人就話禮頓道店係服務最差的一間，所以平時都唔會來食，無服務，重要受氣！麥奀佬細呀！你有咁嘅伙記，真係替你惋惜，老字號係咪代表無服務？代表可任由伙記同你倒米？成日話要香港人留港消費，但店舖真係要檢討吓！真係唔想見到又多一間香港老字號敗壞在伙記手中！(陸羽茶室就係例子)

Went to the restaurant at around 7pm to order a wonton lo mein ($68) and a large kidney soup noodles ($71), the middle aged cashier guy charged me $157 and didn't give me a receipt.  I didn't pay attention till I got home, by then I couldn't be bothered to go back to the restaurant to ask why they charged me an extra $18.   Some restaurants charge a few bucks for takeaway containers but $18 for two noodles (3 little round containers and 1 rectangular, I said no to cutleries)? That's kinda scammy

一直好想保衞老食店，但請埋啲女員工只識得呼喝客人，有客人在收銀櫃等都祗顧住食麵，站在門口良久同所謂熟客打牙較，咁樣的老店就唔底可憐。天口冷，想吃碗粥，不如試吓這間老號。早上11:15左右，尚早，只有兩枱客，有一女員工在後面自顧自進餐，咁就自由找個卡位坐下，其中一枱客站在收銀櫃等畀錢，叫了兩聲及望著進餐中的女員工，但無動於中，要等另一男資深員工在廚房趕岀來處理。點了魚腩粥，魚肉新鮮，粥可以再濃稠一點。咸肉糭，有糭葉香，肉身有點乾硬，糭芯不夠軟溶。玻璃大門開了一扇，寒風入店，我已不敢打擾站在店內深處的員工們，自行去拉埋個扇門，女員工在大聲呼喝＂大門不可以關＂。什麼的道理？ 莫非店內通風不好？ 防疫期間怕怕。唉．．老店們呀老店們，要生存就要檢討啦！唔需要拿米芝連，但要注意倒米個啲壽星。

在大時代的巨輪衝擊下，很多東西變了，變成了現代化、變成了機械化。麵條不再需要人手製造，而變成了機械生產，乾淨衛生。可是對於一些非物質文化遺產又是否能取代呢？大家應為一碗雲吞面的靈魂究竟是什麼呢？是大地魚湯底？是鮮蝦雲吞？還是彈牙的竹升麵？

我倆夫婦原滿有希望進店幫襯，便清楚進店前要「安心」一下，見門口前有便掃完即進店掃針咭，在搵掃針咭機掃之際，企喺入便嘅女店員在裡面猛高呼要本人先掃「安心」，跟本無行過嚟指引針機在哪，只見她人在裡面在吹水聊天，本人後來心有不滿地說「已經做咗「安心喇！小姐！」」，後來我倆夫婦便坐下來準備睇餐牌點餐，我老公食「牛肉雲吞麵（細碗）」，我則食「豬腰水餃麵（大碗）」，我老公嗰碗先到見個碗細應該係合情合理的，到我嗰碗嚟嘅時候，真係好強差人意，同我老公嗰碗大細一模一樣，於是我就請女服務員詢問，「其實大碗同細碗係點樣區分？」，個女服務員居然答得好模棱兩可又好旱，佢答我「個師傅新唔識分份量，其實我老公嗰碗啲麵都比多咗啲架！」，我心諗「吓！咁都叫多呀，跟本大細碗都不合價格，處理都不相符，擺明騙人的啦！咁下次唔駛叫大碗啦！以後叫細碗咪得囉！駛乜叫咁貴啫！」跟住我之前落咗碟「蜆蚧鯪魚球」我哋食完嗰碗所謂大細碗麵都還未到，我猛望向出餐位睇吓有未，女服務員跟本都無做到一眼關七心態，完全唔專業，我見有個女服務員準備行去收銀收錢，見收完錢便立即詢問她狀況，我哋（見落單時間）18:00落單等咗15分鐘碗麵食完，佢沒去跟進居

the price here is high for a small bowl of noodle. even if u order a large it is the same size as a regular you get outside at other shops. the soup is ok but nothing special. the toppings...u get 4 pieces visited this place once and there will never be a second time. the waitress are rude. they don't wany to answer questions . and give you a dirty look when you tip too little. why would anyone want to come again? don't waste your time.there are other places much better and cheaper than th

雲吞麵超爽口, 喜歡幼身雲吞麵。 蝦好新鮮 仲幾大粒。湯底好正。 服務員年紀比較大 但都好的。 收支付寶 以前減3元。碗筷清楚。雖然位置比較遠離銅鑼灣中心 就係喜歡比較靜中帶旺的感覺。

啲侍應態度，仲衰過大排檔D呀姐。又莫非大家坐低食嘢係唔使俾錢嘅 首先我看到將卡位最後面有1張圓枱冇人坐的，但侍應表示未有位，等咗5分鐘，有3位到嘅時候，有卡位剛離坐，佢就先俾3個人入座，再等多5分鐘，我後面又有一個人等位，另外一名侍應示意我入去坐卡位最後面那張圓枱，然後叫我後等位嘅人一同入座於圓枱，明明有張枱係度，係都要等有人搭台先比入座。我問侍應有冇間板，佢一句……冇啊，个面黑到，食就食……現在疫情沒有隔板……可以搭枱……睇怕雲吞麵世家，搵大錢唔憂做。定係生意好得滯，唔想做，搵人倒下米。

食過幾次分店，荃灣，尖沙咀都可以接受⋯覺得今次銅鑼灣最難食，雲吞不新鮮，菜心講明煮淋d，都係硬，煮不熟咁！索價又貴，只可以讚員工有禮貌！不會再去啦，太難食！銅鑼灣此店⋯

有眼不識泰山原來以前既細蓉.佢既雲吞就係咁款既（由一位資深食家講解先知）是次去食左豬潤雲吞麵及牛根雲吞麵🍜先講講雲吞.個人第一次食尼個形態既.可能食慣左家陣大大粒既.所以食佢尼款就覺麻麻.所以我都不講太多豬潤.黃沙潤.好食😋麵.冇點特別一般湯頭.唔咸.旦覺淡口左👉🏻👈🏻牛根.輕林.旦兩件又真係少左d🤔服務.都基本冇特別差都好既環境.都舒服既

我平時好鍾意呢度食雲吞麵皆因佢好出名雖然價錢唔算太平但勝在環境非常衛生坐得好舒服而且食物真材實料推介牛筋湯麵牛筋炆得好林非常軟滑好食同埋雞粥繼續就勁香雞肉係超級滑真係冇得頂呀

#cassiegocwb-去襯旅行翻到香港就會衝去食份碗港式味道 - 雲吞麵。𠽌𠽌𠽌𠽌，幾啖食完，但又叫人意猶未盡，欲罷不能。今次我就去左試下雲吞麵界嘅頭號No.1 - 麥奀記。🏆-麥奀記係香港有10間分店左右，俾我感覺係好多旅客光顧，今次就試下扮旅客先。瘦編同朋友叫左一碗牛腩雲吞麵($58)加一碗雜錦一品粥($72)加一碟菜心。飲品方面，你一坐低店員就會俾杯熱茶你，但我地另外都叫左兩個熱自家製豆漿($12杯)。豆漿都重豆味，唔會好甜，岩我口味。🍲-雜錦一品粥啲粥好綿，超正！裏面有好多唔同材料，豬潤、雞肉、牛肉等，一次過試哂唔同料。牛腩雲吞麵啲雲吞蝦肉同豬肉比例岩岩好，麵質彈牙，牛腩汶得好淋。可能因為多旅客，所以價錢係少少偏貴，不過質數都好有保證。😍-味道評分▶️🌕🌕🌕🌕🌗 (4.5)抵食評分▶️️🌕🌕🌕🌗🌑 (3.5)回購評分▶️️️🌕🌕🌕🌕🌑 (4)-➡️麥奀雲吞麵世家 (銅鑼灣)📍銅鑼灣禮頓道37號地下-IG: cassiecwy/ cassiegetfat

麥奀雲吞麵世家 (銅鑼灣).⚜️豬手牛腩牛筋湯麵⚜️.豬手燘得超惗！ ！ 又有淡淡南乳香！ 好正！牛腩又係好軟，全部都用左好多時間去燘煮靠有呢個效果，麵質彈牙！.⚜️雲呑水餃🥟拼撈麵⚜️.雲呑入面真係原粒鮮蝦(˶‾᷄ ⁻̫ ‾᷅˵) 水餃都好大隻，另外撈麵上有啲炸醬，好惹味！ 少少少少辣！我再叫左豆漿飲٩(˃̶͈̀௰˂̶͈́)و順帶一提我覺得佢杯茶都好好飲！.另外恭喜麥奀雲吞麵世家入圍Yahoo! 熱搜餐廳大賞(⁎⁍̴̛ᴗ⁍̴̛⁎)上以下網址投票支持下啦如果你都好喜歡食佢嘅野！最緊要係仲有得85折買麥奀雲吞麵世家現金劵！ ！http://bit.ly/2O31Cbv—————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️. 📌 麥奀雲吞麵世家 (銅鑼灣)銅鑼灣禮頓道37號地下

呢間雲吞麵店已經聽過好多次，而且好多外國介紹香港的旅行書都會講，今日lunch終於都同同事黎試試。餐廳裝修幾grand，而且好乾淨!看看餐牌，除了有雲吞麵，亦有粥品、小食等食物!世家雲吞麵，雲吞麵細細碗，但麵底爽口，雲吞共有4粒，雲吞裡面的蝦肉非常彈牙，皮薄餡靚!而個湯好清甜，還有少少韮黃的香味，配上紅醋更加美味!雲吞水餃麵，個碗比雲吞麵大少少，內裡有3粒雲吞，2粒水餃，麵底煙韌爽口，水餃皮薄餡多，除了有蝦肉，還有木耳絲和豬肉，口感更加豐富!南乳豬手撈麵，麵底有南乳汁拌勻，有淡淡的南乳味，再加入這間麵店的辣椒醬一齊食更加美味!而豬手炆得好入味，有香濃的南乳味，而且都整得幾冧，豬手食到好有骨膠原的感覺!北菇滑雞粥，冇諗過呢個粥原來咁好食，上面有蔥花和薑，令粥底帶有少少薑蔥味，還有少許榣柱，咸咸香香。粥底夠綿，有淡淡的雞香味!雞件都有幾多，肉質嫩滑!而且北菇冇諗過咁鮮甜而且大粒，仲有點彈牙的感覺，完全是真材實料!清熱五花茶、自家製豆漿，五花茶唔會好甜，飲到淡淡的甘味!而豆漿好香豆味，飲落順滑!這間麵店的雲吞麵真係唔錯，唔怪得之除左香港人，連日本人都會黎試試香港特色麵食!