麥奀雲吞麵世家 (威靈頓街)

营业中

休息中

我覺得呢度d雲吞麵真係幾好食, 不過成$25碗又勁細碗, 我覺得好似唔係咁抵lor, 有d $1x 都好好食ga!!!

難以想像的少

面地靚.好彈牙. 雲吞面一d水味都冇.不過份量"袖珍"左D~

日本朋友下午三點機，所以臨走一餐安排在中環食，食完坐機場快線就剛好。日本是好麵一族，當然不能錯過我們的雲吞麵。我解釋麥奀及沾仔的差別，任她選擇，結果決定兩間都去，首先當然吃正宗的麥奀記。叫左蝦子撈麵及雲吞麵，蛋麵夠彈牙，同佢地的拉麵同蕎麥麵相比，又係另一種風味。

價錢太貴,味道一般,份量太少,係唔係淨係叫D 富豪去食丫而家? 唔該係為人著想就減下價錢,如果唔係..........唉!

我總覺得，大部份之出名店舖都有一個共通點，就係比人之感1覺係名不符實，佢地D雲吞唔係唔好食，之不過唔係人地講咁好，係而家，好多舖頭都可以做,之不過唔夠佢出名，但無論價錢、服務、地方、衛生都比佢地有過之而無不及。佢個度地方太迫，價又貴，唔值得去食。

身為香港雲吞麵大哥大，令我有點兒失望！湯底唔係咁特別，麵條唔係咁特別，雲吞唔係咁特別...然後價錢好貴，然後仲要細過我隻飯碗...痴痴地線的~~

正宗o既廣東雲吞麵，係好似此店既麵一樣，細細碗、雲吞一啖一粒，因為佢地o既傳統堅持，而令到佢地o既麵好唔抵食，廿幾蚊碗麵，兩啖食完，真係唔值。其實味道唔錯，尤其柱侯牛腩，食味夠濃，煮得又夠入味，正。

雲吞麵small x 100000$ 23taste - quitenot special

個FRIEND話黎到食雲吞麵好出名，講到咁出名當然要試下LA！個麵來到令我大失所望！個碗細到同飯碗一樣，我只見到D麵一D湯都無！D雲吞又細粒、皮又韌！好難食！！

麥奀雲吞麵一向響中環出晒名，連美國時代雜誌都介紹過佢係香港有特色o既食店，就知佢唔簡單，不過一直都冇機會幫襯，今次趁佢係銅鑼灣開分店，梗係要第一時間捧下場。雲吞麵一試真係唔錯，麵淥得幾彈牙，湯又冇乜簡水味，不過湯底學同事話齋好似寡o左d，即係夠味，但口感唔夠豐富，好似硬係差咁d料咁，另外雲吞d 餡都幾新鮮，豬肉蝦肉比例o岩o岩好，但真係唔知點解d肉好咸，係意外定特色，真係不得而知，而且份量真係好傳統o既雲吞麵，即係少到兩三啖就食得晒，大男人起碼食三碗先夠。不過最奇怪係油菜竟然得介蘭，其餘菜乜都冇得揀，但係d介蘭都算幾好食，夠嫩口，又夠鮮甜，食得出係揀手貨。講真食物質素都算唔錯，但一碗雲吞麵賣23 蚊，一碟油菜要17 蚊，比起同級既何洪記、麥文記、池記都要貴幾蚊，似乎貴得有d離譜喎！所以睇怕試過一次就算數o羅！<br>

多得主理人的堅持，我們一眾食家至有機會嚐到何謂正宗雲吞麵。當全世界都以十蚊碗雲吞超大粒作招徠的時候，他們還堅持賣一口半份量仍其門如市，可見以質勝量始終還有市場。麵底彈牙及雲吞餡豬肉與蝦份量剛剛好是老生常談亦是意料中事。柱侯牛腩麵剛好是清湯腩的相反詞，這裡的柱侯牛腩炆得幾入味，個湯底濃得不可開交，據聞仲有補身既效，信不信由你。係就係零零舍舍貴過其他雲吞麵店，但作為愛吃之人，點都要時不時試D正宗野。

中環友個個都識呢度, 但好多都彈佢名大於實, 我屋企幾鍾意包雲吞(唔係傷風o個陣喎!), 用料手勢都唔錯, 所以, 佢D 雲吞水餃我只係覺得過得去, 係麵正D D 囉, 不過, 價錢就唔多抵啦, 而且, 晏晝咁多人, 唔o岩我D 咁無耐性o既.....

又貴、又細碗、雲吞又唔好味！

咁既價錢食得兩注麵你話抵唔抵啦？好食極都係假啦，彷且我又唔係覺得佢D 麵好食。你問我就情願去食十蚊碗D面啦，又飽路又好食！