麒麟閣酒家 (已搬遷) 新店位置

頌揚被主人家邀請出席晚宴, 再一次多謝. 特此再祝2R新婚快樂.真難得包起一圍一齊去飲. 4男8女的陣容, 連媽媽也出席. 熱鬧. 食物都係大路的飲宴菜色. 不好意思也要說一句: 都幾難食.乳豬全體: 7分, 乳豬幾大隻, 一人分到幾舊. 皮小脆, 尚有咬口. 但不算係好好的貨色.龍圃彩玉帶: 7分, 帶子幾鮮甜, 但汁相當濃烈. 典型飲宴水準.百花釀蟹拑: 4分, 跟鳳城的差太遠了. 食落一大陣粉味, 皮炸得厚而乏味. 蟹肉不太新鮮. 實實的, 失敗.發財金錢遼參鵝掌: 6分, 都係相當濃烈的菜色, 平平. 鵝掌太淋.紅燒雞絲生翅: 5分, 翅還翅, 湯還湯. 完全無任何化學作用. 雞絲稀少, 整碗東西淡淡的, 無味道.碧綠鮮鮑片: 4分, 鮑片煮得太老. 好難咬開. 食落口亦無乜味道.清蒸花尾龍躉: 6分, 主人家用龍躉取代星班. 條龍躉大大條, 部份地方蒸得太老. 淋上汁食還算美味.蒜香黃金雞: 6分, 上枱的係一隻肥雞, 仲係相當肥個隻. 夾落舊舊都勁肥. 雞皮炸得幾脆同香口. 肉質唔老.魚子海鮮炒飯: 6分, 魚子不見了, 海鮮都不太多, 飯炒得還可以.甫魚雙菇妏伊麵: 4分

前言：跟合作伙伴吃商務午餐，二男二女點了十多個點心、灼菜、一窩米線。吃不完，剩下約四分一。食物和評語： 1. 前菜：豆角叉燒青紅椒（惹味香口，甚有咬口。） 2. 蒸物：鮮帶子蒸腸粉（餡料奇少，腸粉皮唔滑兼偏厚）、晶瑩鮮蝦餃（皮厚但原隻中蝦肉爽新鮮）、鮑魚蒸燒賣（燒賣的攪肉鮮甜甘香味美） 3. 炸物：酥脆鳳尾蝦（原隻鳳尾蝦肉鮮甜爽口，唯脆漿略厚）；蜂巢酥竽角（炸得相當酥脆） 4. 煎物：鮮蝦腐皮卷（鮮蝦大大隻兼爽口）；煎臘味蘿蔔糕（有許多蘿蔔絲和臘腸粒，足料味美。）；上湯煎粉果（細細隻，皮薄餡少，皮略硬，唔好食！） 5. 焗物：迷你蛋撻仔（千層酥皮發得很差，毫無層次感，撻底油油淋淋的，餡料硬硬實實。） 6. 其他：蒸排骨、蒸鳳爪、蒸山竹牛肉（大路點心，水準一般！） 7. 上湯灼時菜（菜心很老）；班片時菜湯米線（班片泡過油，異常油膩） 8. 龍井茶雖然有許多茶葉，但毫無茶味。註： a. 環境寬敞但裝修偏舊，好比八十年代末的中價酒樓，似乎係時候來個裝修粉飾！ b. 食物點心種類多，水準跟價錢均中等，可一試。