鹿巷

营业中

休息中

一間喺橫街不起眼位置嘅日式和風小店， 門面細細間一眼睇曬， 原來轉角另一個鋪位可堂食， 不錯。 同老闆傾開先知店內裝修全是佢自己一手一腳整心血之作.  真係好佩服佢. 真係一人小店.  日式甜咖喱牛肉饭  份量真的很大, 咖喱味道剛好唔太咸, 有少少甜味同辛味剛剛好,  好多牛肉,而且好嫩. 好快食曬. 豬扒蛋蓋飯 豬扒炸得外脆內軟好大塊，洋蔥滑蛋熟度剛好.  配飯一流 .  每啖都有滑蛋同香脆豬扒, 口感一流 ！可樂餅 - 炸得剛剛好 內餡飽滿, 好食! 特製雞軟骨煙薰味撲鼻，老闆特制, 坊間比較少呢個味道，可以一試。 香脆爽口。鋪頭位置不在大街, 比較不太起眼.  希望多啲客發現佢地. 街坊誠意日式小店. 多多支持! 鹿巷西灣河筲箕灣道48號地下3B號港鐵西灣河站A出口、步行約4分鐘

【日系氣質小店😍 平民價格嘆勁正蛋蓋飯！】呢排喺西灣河行街搵食，無意中發現咗呢間隱世小店「鹿巷」🦌 個外表超有日本feel，啲紅色燈籠同門簾一睇就知係間日式小食店！🏮最吸引係佢間舖日系復古feel爆燈！牆身貼滿晒動漫海報同舊式日本廣告，真係好有昭和年代嘅感覺！仲要成間舖都係木造設計，好有溫度～ 🎌必試嘅係佢嘅招牌蛋蓋飯系列！叫咗個豬扒蛋蓋飯($75)，個蛋滑到爆，豬扒炸得香脆又唔油膩，仲有獨特嘅七味粉提升層次感，絕對值回票價！😋另外推介雙色親子丼($70)，色香味俱全！價錢親民👍🏻 新年期間重會送開運御守添，等你食飽飽仲可以求下年運，抵食又意義滿滿！🎊座位雖然唔多，但勝在夠晒舒服，啱晒兩個人嘆下小食傾下計！真係一間極具特色嘅小店，大推介俾大家！💯

西灣河嘅【鹿巷】真係一間值得一試嘅日式小店！一入到去，滿滿嘅日系風情即刻迎面而來，牆上掛滿懷舊嘅日本海報，仲有特色嘅燈籠裝飾，真係好有氣氛～✨**豬扒蛋蓋飯 ($75)** 呢道菜真係令我一試愛上！豬扒炸得外脆內嫩，配上滑蛋同濃郁嘅醬汁，撈飯一流。每一啖都充滿滋味，食到停唔到口！🍳🐷 **親子丼 ($70)** 雞肉鮮嫩入味，配埋蛋汁淋係飯上，口感滑溜溜，味道清新又唔會太重口～非常適合鍾意簡單味道嘅朋友！🐔🥚特別推介：新年期間仲有小禮物送，真係好有心思～🎁🎋鹿巷除咗食物吸引，環境亦都係一大賣點，簡單但又有心思嘅裝修，令人感覺好舒服。無論你係想同朋友聚會，定係一個人想靜靜地享受美食，呢度都絕對啱你！💖快啲約埋朋友去試下啦～🍱🇯🇵

【日式咖哩豬扒飯】在西灣河地鐵站出，行5-6分鐘，在一條橫街不太起眼的位置。主要是做外賣的。起初見無位坐，望完餐牌諗住走，有位女士告訴我們可以去轉角有地方食。朋友和我都點了濃口蘭王和風牛肉飯($65)，店員說蘭王和普通和風牛肉飯比較主要係多一隻雞蛋，可以生食的。個米有少少失望，感覺不似日本米，牛肉有少少煮得太老。隻蛋真係好靚，橙紅色，很飽滿。另一位朋友點了日式咖哩豬扒飯($75)，等了大約10分鐘，即炸，好脆好熱，豬扒好鬆軟，真心推介。法式清酒煮蜆($70)，都好多隻。網上食評推介話無沙，不過我都好小心食，10隻裡面有兩隻有沙。但個湯真係好好飲，好重清酒味，我地差唔多飲晒。店員推介呢兩日開始有關東煮。係逐樣野叫，個價錢可以參考社交平台，因為店員都係用手機 show俾我睇，所以無影相。我地叫左大根，蒟蒻，年糕魚板。個蘿蔔真係好"林"好入味，值得一試。埋單超過$250有隻杯送，個底係富士山，好靚。(限定的，送完就無)另外，我留意到佢地有學生價，呢個時勢生意難做。Respect。

係附近嘅太安樓行完，想揾間小店坐低休息下。呢間小店主打和風小食，有主食、咖哩系列、揚物和冷盤小食，小店嚟講都算幾多嘢食～法式清酒煮蜆鮮嫩的蜆肉在帶點甜味的清酒調味下更加美味。好多蜆肉，不會得殼咁揾笨，一殼一肉，而且冇乜沙，清理得幾乾淨。特製雞軟骨貪得意加咗$10試下煙薰味，鹹香撲鼻，坊間比較少有呢個味道，值得一試。香脆可口，同朋友吹住水，好快食晒。最後，叫咗個燒野菜漬物。店主話個醬汁係自家調製，酸甜開胃。野菜有蓮藕、粟米仔同埋蘆筍，好味又健康，冰冰涼涼好清爽。

老闆由日本學師回來開了這家小店，以外賣為主，需要即時用餐，小店也能提供用餐位置。日式甜咖哩飯$50咖哩湯底用法式洋蔥湯的做法，炒香洋蔥後，再加入蘋果，水蜜桃和蘿蔔等材料慢火熬製4小時，最後客人下單後再加入咖哩磚煮成，香濃的咖哩滲透着水果香，連素食者都適合。老闆說，這個喱飯沒有額外添加鹽和糖，很適合注重健康的人。雙色親子丼$60親子丼是日式料理很受歡迎之一。鹿巷的雙色親子丼是即叫即做，而且還選用白蛋和日本三大名蛋之一的「蘭王」制做，蛋味更濃郁更絲滑。老闆真的為了品質，寧願花貴價錢買蛋，也要顧客食到最好吃的親子丼。

早兩日跟同事放工周圍逛吓有咩好食俾我發現到依呢間超隱細角落的小店太富街本身不多人行所以平時路過都難見到竟然這裏存在着一間日系小店🇯🇵店面有很多日式海報相信是店主收集得來風格很獨特！日迷表示大愛🥰還以為去了日本的店鋪因為未到晚間，我哋只是點了幾款小吃填填肚子。🎀雞軟骨這是老闆特意推介的，炸出嚟唔油膩，而且味道香口，落左特製山椒粉，唔辣而且惹味🎀可樂餅（忌廉蟹 & 日本南瓜）蟹味濃，淡淡有咬口，不會食到好粉夠creamy.🎀八爪魚燒餅棒感覺有點似章魚燒，不過是棒的形狀，加上沙律醬和紫菜粉，有創意，唔油膩也好咬口

住咗呢頭兩年竟然最近先發現呢間巷弄小店一發現之後一星期食咗三次已成為新飯堂每樣嘢都係幾十蚊 但有日本味性價比驚人蘭王蛋和風牛肉丼 9/10 （限量隱藏menu）好經典嘅日式牛肉丼味道，啲肉有啲煙燻味，好香☺️吉列蠔 9.3/10外脆內軟又多汁，炸物食落好清爽，無油耗味日式甜咖喱牛肉飯 10/10 甜咖喱係我最愛，有種日本人妻煮比我食嘅味道（雖然我未食過？！），咖哩好甜香，我本身係食好少飯嘅人，撈汁勁上癮，爬哂啲飯鯖魚定食 9.5/10 （限量隱藏menu）鯖魚係無骨的！心機嘢！魚肉香甜唔腥。飯底有啲似梅味茶漬飯，酸酸甜甜，啲飯變得神奇開胃，又係食哂。而家隔離有個鋪位可以堂食堂食仲開心 所有唐揚炸物都可以即食今晚決定要食炸雞🍗

放工好餓，去西灣河日式外賣店🦌鹿巷買飯回家食🍽🍴。餐廳位於小巷，佈置好有日本感覺。店員幾nice，叫我在冷氣堂食區等候，因為食物即刻製作，所以都等咗一陣。🍚和風牛肉飯$50肥牛片軟硬適中，不會太肥，配飯素食幾惹味，份量足夠👍🐙八爪魚燒餅 $25一份有2串，味道幾似章魚丸。🐔雞軟骨 $25炸得脆卜卜好香口。西灣河筲箕灣道48號地下3B號舖#鹿巷 #deeralley #saiwanho #takeaway #japanese #restaurant #food #lunch

今日OT，跟住仲要去西灣河訓練，訓練前要醫肚，唯有食外賣，行經一間日式小店，門面都幾吸引喎！牆上餐單有咖哩系列、和風系列、串揚系列、揚物系列、和風小食和加配食品，仲有每日限量。我揀咗炒雜菜加配牛肉、兩份三文魚和溏心蛋（共$95），勁足料，好豐富！睇住老闆即切即煮，夠晒新鮮。炒雜菜好新鮮，除咗有大椰菜外，仲有洋蔥、甘荀，炒得爽口，有些胡椒和芝麻香，不油不鹹，健康之選。加配牛肉（$15）差不多有六至七大件，抵！炒至迫出油份，食落唔肥膩，整得入味，正！追加三文魚 （$30/2份）好厚身，一片片魚肉，無添加太多調味，食到原有味道。追加溏心蛋（$10/隻）流心狀極佳，滑嘟嘟，好有蛋香。

香港人快来这里集合！！尤其是上班或者住在西湾河的宝子们～这是一家外卖店，可以提供1-2人的堂食服务。之前一直觉得外卖店都是快餐🍱式的，但是「鹿巷」的定位真的完全不同。老板是从日本回来的。坐在外面的长桌品尝料理，和老板聊天，都能看到到他眼里的光，感觉出他对料理的热爱🫶所以可想而知口味如何🥹推荐〈日式甜咖喱牛肉饭〉首先分量真的很大，一人食的话真的吃到扶墙出。老板说咖喱里真的一点盐都没有加，所以咖喱味真的很浓郁，酱汁裹满每一粒米饭🍚，真的可以直接光盘行动〈炭烧鸡软骨〉一开始以为是一串一串的，后来才发现有整整一纸碗👍🏼鸡软骨制作完成后，再次用「樱桃木」烟熏，这种果香和烟熏的味道可以渗透进食物里，从而增加质感〈梅子醋慢煮鲭鱼定食〉鲭鱼是用姜和青梅汁腌制而成的，吃起来酸酸甜甜的～老板还在旁边开玩笑说，一般熟客都会问鱼腌制了第几日，腌制的越久越好吃❗️〈蚬肉面鼓汤〉蚬肉很新鲜，汤也只是加了一点盐而已，保留了原本属于海鲜的清甜味，陪着乌冬吃，很爽口

鹿巷依家位於西灣河嘅日式外賣小店，店舖裝修好有日本風格，掛滿咗唔同嘅紙燈籠入到舖頭，老闆主動同我哋推介最出名嘅咖喱系列，我哋就點咗咖喱肥牛烏冬同埋咖喱肥牛飯，加咗個小食關東煮。呢間嘅咖喱，味道唔會太過濃烈，係甜甜嘅日式咖喱味，我自己就鍾意咖喱烏冬，有啲似沾麵嘅感覺，每條烏冬都會沾滿咖喱好入味😋😋而關東煮，$10一款，味道比較普通，但係五目福袋都幾好食，呢個價錢嚟講算係唔錯，支持香港小店文化✨👍🏻

鹿巷 (西灣河)位於寧靜小巷的日式外賣小店😊，專做外賣，應該係家庭式經營，啊仔掌廚，媽媽照顧店面落單嘅感覺。.即使我同前面嘅食客order同一款食物，都係獨立處理，⏱️計時並分開煮。💡感受到對食物一絲不苟嘅日本精神。.自家製日式甜咖喱牛肉烏冬$55香甜可口嘅咖喱，調味啱啱好，每一條烏冬都可以沾滿咖喱汁。🐮肥牛的分量比相象多，有一大堆舖滿滿，牛肉味好香而且滑身又唔太肥，很滿足😆。.雙色親子丼（蘭王+白蛋+雞肉）$50健康之選，口味比較清淡，面上的飯素係主要調味嘅來源。雞肉大件厚身加埋滑蛋配飯，三扒兩撥就食完嚕。.如果二選一的話，我會揀甜咖喱牛肉烏冬！

呢排比較多時間喺西灣河出沒發現原來呢區有唔少小店，選擇多元化咁一定要支持吓啦喺西灣河的橫街有一間極有日本風的日式外賣店「鹿巷」提供多款日式飯、烏冬和多款小吃鋪面雖然不大，但很企理有心思🥰和風牛肉飯加三文魚，牛肉肥瘦適中仲好嫩滑，自家秘製醬汁香濃，配上日本珍珠米再加配三文魚，抵食又好味😋特大炸章魚丸，大大粒新鮮熱辣，咬落鬆脆，裏面還有章魚粒👍北海道芝士，即叫即炸，外層炸到金黃卜卜脆，內裏軟綿綿❤️

朋友推介呢間小店 性價比高👏🏻👏🏻日式小店位於西灣河地鐵站 步行約數分鐘。👉🏻👉🏻小店開左4個月門面已經非常有日式餐廳的風味🎌🇯🇵《學生套餐》 凡光顧咖喱或和風系列，一律35$並送飲品🥤😃😃😃關東煮🍢湯底採用日本昆布及木耳花熬製而成，鮮甜美味😋 每款10$日本大根炆到非常軟腍。年糕魚板、魔芋絲、竹輪准山魚卷第一次食，有驚喜！內裏有淮山加魚卷 非常有口感。雙色親子丼 $50🥚採用 蘭王日本蛋+日本白蛋🤩滿滿的飯素加埋內裏的薑粒混和雞扒日本飯很好食啊🤤滿足的一餐。推介指數：⭐️⭐️⭐️⭐️⭐️