鵝來了 (已結業)

雖然食個普通2人餐，不過第1次係唔係打冷地方食鵝，都幾好食呀，價錢又唔係貴，acceptable啦，店員態度都好好，比成間店黃色既outlook吸引左，值得1試👍🏻👍🏻👍🏻鵝油飯都好正呀👍🏻

入到呢間店義不容辭就叫咗個頭盤，成個盤裏面嘅鴨都好新鮮好濃郁，特別過鴨旦好香濃，煙鴨片亦都做得好香好煙銀，我哋幾個人食完都讚不絕口，亦覺得佢哋呢-處理得唔錯！晚上咁樣食都係百零$200 ，真係算幾抵食，而家呢個咁嘅地方都好難搵到啲咁高質素嘅食物！所以建議大家支持一下黃店，唔好再繼續留喺呢一啲唔識諗嘅鋪頭度消費啦！繼續加油繼續加油！香港一定要撐落去，唔好下下淨係上大陸消費，一定要幫下香港人呀！唔係香港就好快沒落㗎啦！

叫外賣平台外賣遲一小時先到份量少70蚊一個飯，得5片細鵝片飯夠，但得一條苦菜心5寶飯，腎硬，腸差35蚊菜心，得10條，仲要苦飲品倒轉放整體差，唔會再幫襯

餐廳環境ok既，不過份量『睇相』…質數…最正係黃呔女職員木口木面既招待。主打賣『鵝』，最好食既竟然係『香矛豬扒飯』，唔怪得間野次次行過都見唔到坐多過5檯客啦，真係無下次

平日路過見佢裝修得幾企理，今日一心試下佢 D 鵝。外買的過程，收銀姐姐已經一直黑口黑面，態度語氣又差，未食已經唔多開胃！走左先發現，外買 3 份餐，但只俾兩份餐具。。。講返份餐，份量實在係細得可憐，鵝的份量少，連飯都少過人，食完份餐完全唔飽！鵝的味道還可以的，流心蛋係成份餐最好食既。白飯同鵝油飯冇乜分別，連色水都睇唔出有咩分別。以呢個份量同味道，實在係唔抵食。本身味道一般，加上要睇面色，我以後都唔會再幫襯了。

抵食既午餐，一般$45左右就有一個午市套餐，包一杯熱飲，凍飲都只是加2元。呢到主要食老水鵝，另可配白飯、湯米線或加$5配鵝汁油飯。今次食米線，都好大碗，而且好好有蛋、豆腐及幾條菜，都叫做比想像中好好。飲品有得選豆漿、柚子蜜、檸蜜都唔駛加錢，所以都幾抵。難怪午餐時間都好多人下，而且仲要等一陣位。因為呢個價位在區內真係冇咩好選擇。今日咁O岩仲有特價小食，鵝汁茄子本來$10，今日特價$5，有4件好像天婦羅既茄子，都幾好味。$5就都幾抵食.

由開店幫襯到而家 水準一直都好好 鵝脾飯（$65）冇骨 D肉好嫩好新鮮 鵝油飯加兩蚊 好香亦唔會太油膩鵝腸食得出係新鮮鵝 爽滑彈牙另外 值得一讚嘅係職員嘅態度好好 會記得熟客嘅喜好 👍🏾誠心推介

經過店門口見到好吸睛既 鵝來了，其實就唔太喜好食鵝的，不過都決定試下店內裝潢好搶眼，得意鵝塗鴉、顏色光鮮醒神。睇下餐牌，價錢親民。中意佢每張枱都有樽『檸檬薄荷葉水』味道清香、消暑值得一讚既係店員仲會主動幫你加水，通常放左樽水喺枱就無人幫你加水架嘛『流心蛋滷水豬手飯』蛋唔夠流心，熟左D，份量OK，豬手香口。『獨食難肥鵝肉飯』鵝普普通通，唔夠香，但勝在價錢低。『菜心苗(香蒜醬油)』香蒜醬油好香『脆炸豬大腸』炸得好脆埋單$158,，無加一服務費。

當晚去叫了獨食難肥鵝肉飯，與慢煮牛腩飯，可跟白飯，油飯或米線，每碗飯除鵝與牛外亦有跟半隻流心蛋與一塊炸豆腐，鵝飯有四塊鵝片，牛飯亦有四塊牛腩，先講最好味嘅流心蛋.....冇錯流心蛋先係成碗飯最好食，之後就鵝同牛，鵝冇鵝味，牛冇牛味.........但亦不算難食，最後炸豆腐不提也罷，但價錢又唔係平，最大問題係服務真係堅係差，冇服務唔緊要，但唔好差，當晚去男待應態度惡劣.....但落單女職員又冇咩野，但已經冇下次了.

足三兩獅鵝飯，鵝油飯幾香，鵝肉有咬勁，鵝汁入味，但肉質略柴，味道算不錯。鵝腸用鵝汁滷鵝腸，非常入味，鵝腸口感適中，唯獨不夠爽最推介炸豆腐，上碟熱辣辣，層次豐富內軟外脆食物質素不錯,但招牌鵝肉，沒有想像中好食，但價錢便宜，抵食！

天氣咁熱😪 唯有近近地喺附近行吓，食啲嘢就返屋企。行過商場，見到地鐵站口開咗間新餐廳 鵝來了 Goolala，見個名咁得意，牆上嘅油畫又咁可愛，就入去食個 #下午茶 （其實 #小秘書 連早午餐都未食）啦。餐廳嘅菜式原來都係以 #鵝 為題材，就連 #下午茶 都可以食到 #鵝肉飯、#鵝肉滷蛋... 之類嘅食物。不過我就特別啲，叫咗個 #鵝腸撈麵 + #雪耳龍眼冰 嚟做 #遲來的午餐 😅 個 #撈麵 其實都幾好味，不過麵底比較少、#鵝腸 欠缺咗啲調味😅 但係杯 #雪耳龍眼冰 就真係怪咗啲，除咗第一啖飲落去有啲味道，餘吓嘅都似一杯冰水🤣 #雪耳 直頭無味，好彩 #龍眼肉 天生有甜甜地，淡口啲都飲得哂嘅😅🤣

最初看見這裏內容，不太想吃，怕中伏。行完整個黃大仙中心，都諗唔到食什麼，姑且一試。晚上黃金時間，只有幾台客，點了60多元的鵝肉配油飯，因怕40多元的很肥。另加一碟菜同豆漿。樓上食一碟雞飯都要60幾蚊，所以60幾蚊鵝飯又唔算貴。鵝肉分量唔少，有幾舊係偏肥，而油飯好大碗，不太油膩，但又有淡淡鵝香。鵝肉嫩滑，有鵝香，很少吃到這質素。 今餐是意料之外。豆漿偏甜，女侍應拿來時説小心好熱。由入門到上餐到結帳，女侍應都好有禮貌。食時隔離枱食完一碟鵝腸，又再叫多碟，下次會再試其他。唯一不喜歡的是只有薄荷水，我只想要一杯清水。

叫咗個餐配鵝汁飯 佢上個陣比咗個白飯我 好聲好氣問個女經理：「唔好意思 個飯係咪有汁」佢竟然答我 小姐你個飯雖然係白色但入面已經有味 白飯冇味 你呢個白色嘅飯係有味 我當堂o曬嘴以為係我見識少所以佢咁串我啦 點知呢個時候坐我對面嘅一位女仕開聲幫口話 佢頭先叫個個鵝汁飯係有汁😑 個女經理先話我聽枱面個枝汁係同鵝汁一樣 叫我鐘意就自己倒一. 好聲好氣問你野 串串貢咁回覆二. 比其他食客指出佢真係出錯單仲唔認 三. 既然你餐牌有得揀白飯同鵝汁飯 我叫得鵝汁飯你又比個白飯叫我自己倒汁 有咩意義？再嚟就係 當個位開聲幫我嘅女仕食完走咗之後 女經理同女店員大聲談論個位女仕嘅壞話 又話人地倒得多汁（佢放係枱面聲稱係鵝汁個枝）又話人地兩個人食叫一個餐。。。食物質素唔高都算 員工除咗冇比好面色你睇之餘 仲會係背後講你 大家自己衡量去唔去食呢間野啦 極度不愉快嘅進食體驗

幫襯了兩次外賣送餐,發覺味道好好,於是放工又去此店買半隻鹵水鵝與家人分享,個個都讚好!第一次送餐, 是鵝脾肉來的, 已拆骨及切厚肉. 鴨脾肉好吃. 米線撈了鵝油, 非常滑口. 流心蛋也富有味道. 湯底有點重口味, 但我也忍不住連喝多口...第二次送餐, 是鵝胸來的, 分量非常多! 豆漿也很濃, 飲到底會見到豆渣.外賣用了party食物盆盛載. 同家人一齊食完後, 我地一致讚好, 主要是讚滿口鵝肉味道、肉軟唔鞋、肉多膏少、鹵水不鹹、切得整整齊齊、份量非常大. 當中最重要係唔鹹, 鹵水與鵝肉的味道, 平衡得好好.鵝腸好味, 我專食黏著肥膏的, 又爽又香.

第二次來就中伏，叫了一個足三兩鵝肉飯，點知有大半碟都係鵝皮同肥油，夠竟足三兩鵝肉定肥油呢？雖然味道可以，但為左食鵝肉卻變成皮同肥羔真係得啖笑，雖然同員工反映後補左三片鵝肉給我，但點都無三兩囉🤣