鵝來了 (已結業)

最初看見這裏內容，不太想吃，怕中伏。行完整個黃大仙中心，都諗唔到食什麼，姑且一試。晚上黃金時間，只有幾台客，點了60多元的鵝肉配油飯，因怕40多元的很肥。另加一碟菜同豆漿。樓上食一碟雞飯都要60幾蚊，所以60幾蚊鵝飯又唔算貴。鵝肉分量唔少，有幾舊係偏肥，而油飯好大碗，不太油膩，但又有淡淡鵝香。鵝肉嫩滑，有鵝香，很少吃到這質素。 今餐是意料之外。豆漿偏甜，女侍應拿來時説小心好熱。由入門到上餐到結帳，女侍應都好有禮貌。食時隔離枱食完一碟鵝腸，又再叫多碟，下次會再試其他。唯一不喜歡的是只有薄荷水，我只想要一杯清水。