鷹巢

营业中

休息中

間酒店原來開左1星期，朋友帶我去食晚飯。餐廳環境都唔錯，係在旺角除朗豪坊酒店中餐的另類之選！在旺角可以同朋友傾到計嘅地方 真是小之有小，價錢出奇地 大眾化！我哋特別order佢哋出名嘅菜式: -叉燒：厚身又鬆軟，唔會太甜👍正！-萬壽果海中寶：必食！超甜木瓜陪海鮮湯 好滋補而且又唔貴 -醉乳鴿：走味香濃又入肉 （諗起都想再食）原來Order左海中寶酒店會送甜品！-楊枝甘露分子雪糕：waiter 現場整俾我哋食！味道都好好，唔會甜膩膩 中式口味的lab made ice cream!!!!!!! Encore encore

It was superb. Food excellent especially the barbecue pork (Char Siu) and the dessert (a kind of molecular gastronomy). Service and wine first-rate. Definitely will be back.

在旺角上班早就留意有新酒店即將開幕，搵食觸角已不停留意有無好野食，終於發現開了一間中菜叫鷹巢，個名就有d氣勢，馬上去試下得唔得。酒店好靚，中餐係落地玻璃窗，環境好舒服，未食先開心。午市點心種類不算太多，不過侍應推介叉燒皇，話係慢煮厚切，果然是極品，成寸厚叉燒咬入口竟然非常軟滑，肥瘦比例恰到好處，肉香油香加上燒烤過的蜜香，全檯8個同事都即刻俾like, 仲話一定要帶屋企人來試。8個人試左唔少點心，水準非常好，其中最推介的是炒蘿蔔糕，小方型上，所以煎香的面積均勻，又剛夠一口，特別好味，叉燒包都推介，因為普通的一個叉燒包，包皮做得鬆軟，配上多汁叉燒餡，拎上手都軟綿綿，包有香味，都唔係好多地方做到。必試一定是紅豆千層椰汁糕，賣相已經好靚一層紅一層白，未食已飄來椰香，紅豆更是滑滑起沙，椰香豆滑，又不會太甜，想不來一個簡單甜品也如此精彩。同事都吃得非常滿意，價錢算合理，畢竟是4星酒店的中餐，午飯差不多$120/人，但餐廳環境好，又唔多檯，唔會逼，食物質素仲非常好，旺角區都應該得這家，作為一個旺角人，又多一個搵食地方。