鷹巢

营业中

休息中

最開心的事莫過於放工後和三五知己吃飯見面.對於歡聚飯局是有一定的要求:食材質素高,環境舒適,地點方便,所以今次就特地選擇了旺角希爾頓花園酒店.二樓鷹巢中菜館.第一道菜:杏香荔蓉帶子酥  外型像一個滿滿的荷包,沾一些杏片然後酥炸!其味無窮!入口即化!一道好菜色.第二道菜:日本南瓜賽螃蟹南爪香甜和蛋白的口感,配合得洽到好處!色香味俱全!健康營養!一道老少咸宜不可缺少的菜色.第三道菜:白玉藏珍消暑的冬瓜,盛載著鼎湖上素,賣相清雅,濃淡適中.第四道菜:鷹巢當紅炸子雞粵菜經典一絕:精華在香脆的雞皮!肉質鮮嫩多汁!外脆內軟.第五道菜:漁港風味籠仔蒸飯大蝦乾是籠仔蒸飯的主角,鮮甜和咸香的味道一定會添食.最後來一客甜品雪葩楊枝甘露楊枝甘露,用雪葩現場制作.反傳統的甜品,有創意和特色.

星期日約幾個朋友去旺角食Lunch, 在朗豪坊周圍行了幾個圈都好多人, 諗住行遠少少, 無咁多人, 去到豉油街頭,見到間酒店(HiltonGarden Inn)有餐廳, 幾干淨企理, 睇價錢又不太貴,決定試下,餐廳在酒店2/F,上咗去原來地方都幾大, 一D都唔迫, 落地玻璃仲可以睇到成個街景, 服務員招呼我們坐下, 非常有禮, 我們點了幾個點心及幾個小菜, 有黑松露素餃, 清香得來好爽口, 杏香荔蓉帶子,金華玉樹雞,XO醬炒蘿蔔糕,叉燒(推介),萝卜清湯牛腩,全部都係我仲意食的, 有D唔意思, 各樣味道幾好,值得推介.

今日食lunch冇乜idea,問我想食乜...我話你請就梗係要食好啲(哈哈),所以佢就帶我黎鷹巢,打算叫我試下呢度啲叉燒。我食過呢度嘅叉燒,係好好食,但今日唔想食叉燒...決定今次試下其他新野!今次決定唔食叉燒同點心,食豪啲!叫左個花膠椰皇燉湯,一客砂鍋乾炒牛河同XO醬炒蘿蔔糕。燉湯方面,不過不失...一個正常啲燉湯。個乾炒牛河真係唔差!平時啲牛河炒完出黎一定成個碟都係油,但呢個牛河炒得都好乾身,食到底係冇乜油的...唔錯!最驚喜的就係呢個XO醬炒蘿蔔糕!首先講係佢個蘿蔔糕,入口真係有粒粒蘿蔔,唔係成口粉...又唔會太多蘿蔔令到成件事散修修咁。加上佢炒得啱啱好,外脆內軟,同時食到XO醬少少辣,好得呀呢個!下次呢個一定會再食!最衰食完飯要趕住返工做野,如果唔係坐响度傾下計都幾舒服。

朋友前陣子光顧左鷹巢，覺得好好味，特登約我再來回味下。一入黎我都覺得呢度環境好好，又光亮又乾淨，唔會好迫同埋唔會太嘈，最啱傾計。 先黎一碟蜜汁叉燒，肉質較平時吃的腍，夠厚有口感，最喜歡蜜汁夠入味！ 我特別推介炸子雞，食得出隻雞係新鮮雞，炸得剛剛好，雞又唔太肥，皮脆肉嫩，而且好入味！壹件不留！黎中菜館食晚飯，當然唔會叫白飯啦！叫左個福建炒飯，一見到第一反應：「嘩好多汁！」心諗，會不會好肥膩呀？試食幾啖，點知出乎意料之外，壹d都唔漏，而且好好味！個汁撈飯好夾。除此之外整體服務不錯，會幫你加茶同埋侍應的態度都好。

We went here for a family dinner catch up last night. Overall decor and hygiene is really good. I just felt the food was a bit of a let down mainly because for some reason the air conditioning was on full blast, making it a bit chilly in there and also cooling the food down way too fast before we could finish them. The food was overall good but prices are slightly on the high end. Waitresses/waiter were not very attentive when it comes to topping up our teas, we had to remind them a few times.

每個月一次又係與舊同學聚會日子,每次聚會都係去傳統酒樓,今次我哋去”開飯啦” 睇吓有詳嘢好介紹, 見到呢間酒店內中餐廳 “鷹巢”有折扣, 近地鐵站,同埋D食評話叉燒吾錯,好好味, 我哋就四人幫走去試吓!因為我哋差吾多是1點, 剛剛是午飯時間所以見到每張檯都座無虚席(好彩又book 位), 吾需要等很耐就有位。起初擔心會很嘈, 但是坐下來就發覺每張檯與檯之間都有一段距離, 吾會覺得有擠迫感覺。雖然點心紙上選擇吾多,我哋都選咗數款點心及幾個小菜品嚐…….水晶鮮蝦餃皮薄(蝦味吾夠突出), 黑松露素菜餃好味, 超多黑松露好香又好味, 配埋D馬蹄,紅蘿蔔,時菜,超爽脆, D 皮晶瑩通透, 超好味 YUMMY!!! 鮮蝦芝士長春卷, 炸得十分鬆脆, 夠熱、餡料芝士配鲜蝦, 味道都非常好, 但如果加埋沙律醬就更加絶配。金牌叉燒王，份量多而且每舊叉燒都好厚，雖然上檯叉燒全部都好瘦,但係好淋身，必食之選，所以食咗2件都已經很飽肚啦!當然吾少得廚師推介的小菜意大利黑醋豬柳同白玉藏珍D豬柳好諗身，好入味，有少少甜少少餕味道，醍神!!!!!如果配送白飯就一流。以為旁邊係配D菠蘿，原來食落先知係梨，爽脆，因為太

很開心跟朋友來這裡慶祝生日，順便來看看鷹巢經典名曲會知音。我們去到先來個晚餐，預先訂了鷹巢富貴雞，這是要一天前預訂，因為廚房要做好多準備工夫，還有是金牌叉燒皇… 等等。首先講吓個金牌叉燒皇，這是廚師推介菜式，一碟有八件，是中菜廳自設燒味工場，特選優質豬肉醃制，慢煮兩小時，再烤至略帶焦香，然後以厚切方式上碟，味道一流，肉身稔滑，因為是厚切更顯嚼口。鷹巢富貴雞 就覺得麻麻地，其實這個是好玩的菜色，因為服務員會在客人面前開雞，他會邀請你親自用錘仔打爛包著整隻雞的麵包狀物體，然後他才打開它上桌。雞很稔但是每一次夾都是雞皮似的，因為有表演的關係燈光調得好暗，我們也看不清配料是什麼，但味道不太好，下次一定不會再叫。其他的菜式也不錯。今晚實在太高興，有得聽歌有得跳舞，和朋友共聚渡過了一個開心的晚上。

在一個久違了沒有約會的周日晚上，開車隨意遊逛下看見了一直縈繞心頭卻沒空到訪的希爾頓花園酒店，立馬致電預約享用一頓簡單的晚膳。在親切的笑容歡迎下被帶到一張靠近窗邊的桌子，正好可以看見整個餐廳；裝潢亮麗但沒有誇張過分的修飾，顏色配致洽當從而洋溢著溫暖的感覺。翻閱菜單後選擇了意大利黑醋豬柳，啫啫生菜煲和一碗白飯。上菜速度不溫不火，首先端出意大利黑醋豬柳和白飯，醋香撲鼻讓人流涎咽唾，食慾大增；一咬之下發現外皮酥脆而柳肉軟糯，我立刻把一口熱烘的白米飯往口裡送，胺基酸一擁而出。此時啫啫生菜煲被端上，服務員貼心的提醒食物熱燙，我小心翼翼的夾起最上面的一株生菜放進口裡，熱氣猛然在嘴裡爆發，滿滿的鑊氣讓我出乎意料。原意找個寧靜的環境好好享受難得獨處的平凡晚上，不料會有一個不平凡的美饌體驗！

今日同屋企人去左食Hilton garden inn 鷹巢餐廳食lunch ,當然要試下鷹巢最出名金牌叉燒，果然冇令我地失望，外脆內軟，正正正，睇返餐牌先知，鷹巢中菜廳自設燒味工場，仲要用慢煮方式去整，唔怪得抬抬客人都點依個叉燒，真心推介❤️❤️❤️另外我地都叫左個清湯蘿蔔牛爽腩，依個係酒店餐廳推介，清清地，牛腩入口即容，口感唔錯唔錯，唔太肥，大家都可以試下之後我地仲叫左2個甜品，一個椰皇燉鮮奶，一個焗西米布甸，2個都唔太甜，我就比較推介椰皇燉鮮奶👍🏻👍🏻👍🏻👍🏻餐廳環境方面，地方乾淨清潔，位置都坐得舒服，星期日同屋企人飲茶就最好不過

1. 鴛鴦大蝦球完全不清爽、多粉及油膩；蝦球是急凍質數并冇鮮甜可言！2. 日本南瓜赛鰟蟹南瓜完全沒有蒸冧，是否冇預算客人吃呢？3. 芝士焗蟹蓋水準不一：師傅只將小量蟹肉混合芝士及大量洋葱等烤焗4. 鷹巢富貴雞，原隻雞起骨釀入牛肝菌及洋葱：可能用的是春雞size，四個人平均每人都冇一小碗雞肉，真的很貴！由於太咸及雞肉是‘梅’的，👎🏿👎🏿👎🏿終忍不了向經理投訴反映事實，經理把3和4取消。這幾個菜的水準實在把總廚曾鴻德師傅及Hilton鷹巢之名弄得一文不值😰😰😰服務方面如從Hilton級數衡量，鷹巢內的staff均需再接培訓。當你舉手要求服務時，一個男服務生明明看見你都會立刻調轉方向走？難怪Hilton日走下坡啦😱😱😱

食物有太咸，有些冇味 平時去有折，昨天是公眾假期前夕，但七五折後仍很貴。一隻蟹拑好細隻 60元，折了也要45元，沒有蝦膏質感。酒店出面周圍環境太差，在高速路天橋旁，地鐵旺角出，行去酒店，必定要經過很污糟的舊區才到。 酒店大堂酒水部太少Cocktail 品種得5種左右選擇。晚餐我們六点到但六点半仍未清潔好，女侍應態度不好。 新酒店内清潔，大多国内人，很多餐都要預早一天前預訂才有得order . 椰子燉雞湯一位等了一個半小時 沒有雞味。可能冇下次了。

星期一公司全日開會, 晚上７時才完, 為此約了太太和從澳洲剛畢業的兒子一同在旺角開了一年多的酒店內中餐廳"鷹巢"晚飯, 太太先訂位, 晚上７時太太先到,我和兒子亦於數分鐘內分別到達, 我們安排在餐廳中間窗邊的4人枱, 餐廳装修高雅, 光線充足, 有2組水晶吊燈, 雖然坐無虛席, 但並不擠迫.我們看了餐牌, 食品價格中上, 選擇亦多, 我們點了三個菜"花雕醉香雞 (半隻)""花雕蛋白蒸花蟹""杏香荔蓉帶子酥"太座還點了一個甜點 "點品三重奏" , 我和兒子怕肥沒有選甜品.先來的是 " 杏香茘蓉帶子酥"此菜好像一個荢角, 外貼上杏仁片, 一碟有6件, 杏片炒香, 咬下去杏片外皮脆, 荢香及綿, 中心是帶子, 帶子不老, 有帶子鮮甜味第一個菜吃完一會, 第二個菜送來 "花雕蛋白蒸花蟹"此菜放下即發出陣陣花雕香味, 一碟有2隻花蟹, 先試蛋白,蛋白滑鮮甜充滿蟹的鮮味, 有花雕香味完全沒有半點苦, 蟹肉鮮甜肉滑, 十分美味, 2隻花蟹雖是小蟹, 但一家三口剛好.廚房真懂控制上菜時間, 食完蟹不久就送上第三個菜 "花雕醉香雞"花雕醉香雞是凍食的, 菜放下此菜花雕味沒有花雕蟹的花雕香, 可能是凍食,

昨天早上臨時計劃跟家人晚餐，在OpenRice 的訂枱服務查看那間餐廳還能即日訂枱，見鷹巢還能預約，在OpenRice 訂枱還有8折，即時訂了7點。但到中午餐廳店員電話通知，7點他們是沒有位的，要8:30才有，我接受了同時詢問是否在這月生日有壽包可送，他説沒有的，要一早訂！餐廳地方不算很大，但感覺很開揚，座位很舒適。點菜單點也不知點那個好，所以最後點了鷹巢精品宴套餐，想著第一次試，試他們的精品應該不會有錯。我們四大兩小，所以叫了四客，想著兩個小朋友分着點吃就好。第一道菜-叉燒配蜜豆好吃，入口有融化感，但果然是精品，每位只有兩小件。之後的蝦和木瓜盅都不錯，蝦新鮮，木瓜非常甜。之後的菜色就開始遜色了，幾樣都是冷掉了的。以這個價錢，份量真是少得可憐。可能一心想着是獲獎的店，所以期望有點過高。到最後結算時，原來單點的菜色才有八折，早知這樣一早單點菜式就好了，份量也比較多吧。埋單$1800， 以這個份量和菜式，真的有點不值。

慣常晚飯與好友油尖旺“打游擊” 聚聚。 有中學同班校友自美國返港遊玩，就膽粗粗約埋佢同埋我老公仔一行四人 book咗希爾頓間鷹巢晚飯試新嘢， 睇怕都唔平，但上網訂位有 25%折喎， 話晒酒店!。落 order 先黎個類似芋角嘅叫杏香帶子酥，味道相當不錯並賣相精緻。本人是雞痴，跟著上檯喺炸子雞，我唔客氣先夾件試試， 唔………. 熱呼呼皮脆兼鮮雞肉好滑，座上其他人也讚好， 因只 order 了半隻唔多夠，但亦唔似其他酒樓一般大大碟雞但鞋烚烚，始終小食多滋味嘛 Good!睇 menu 叫了南瓜賽螃蟹，吸引在貪佢相片南瓜面滿舖蛋白， 侍應呈上檯後，看見日本南瓜 size 的的式式很趣緻呢! 食落都幾豐富特別， 用料應該新鮮才有此口感！最後兩款包括白玉藏珍(即冬瓜素食)及籠仔蒸飯。 蒸飯的鹹蝦及配料味道夠曬香濃， 但食落……….. 底飯又真的太少， 我們一致嫌唔夠喉啊! 坦白講，下次有機會亦會再點籠仔蒸飯，它香氣吸引， 祇要鹹味減淡些， 飯底多一些， 未嘗不是飽肚的佳之選。 整體嚟講今餐飯 OK，好彩我預先訂位， 7:30 後鷹巢已全滿，它未嘗不是旺角區一個富貴些少的飯聚新選擇。

到了周末一家人想吃得舒服點，想吃中餐。在OpenRice 找個了一下，看到旺角希爾頓花園酒店的鷹巢，周末都有優惠，食評都幾好，即刻book位。一家人到了希爾頓酒店２樓，地方都幾大樓底又高，室內溫度剛好，檯與檯的間隔很寬敞，坐下好舒服。餐牌除了一般點心，還有廚師推介，點左金牌叉燒皇肉質非常好肥瘦適中，香菇燒賣，鴛鴦米海鮮泡飯，等等，水準唔錯。值得一食。