鷹巢

营业中

休息中

星期六，想一個人靜靜地飲下午茶，遠離煩惱，最好搵間靜靜地ge中菜廳。今日嚟到，出奇地唔太多人，可能去哂元朗，所以一上到去就有位。叫咗3樣我最鐘意食嘅嘢，係比較清，全部都素食，因為我前幾日食得太多肉。。。果然冇令我失望，素食都一樣咁好食。尤其個蘿蔔卷，好似腸粉又有蘿蔔，好有咬口~出面咁熱，最好坐喺個中菜廳裡面慢慢飲茶，嘆下~好爽!咁啱佢地賣緊月餅，係 Hilton 出品，價錢都唔太貴，二百蚊左右，所以都買咗一盒奶黄加蓮蓉，同2盒奶黄送禮，但未有現貨，所以叫咗佢送貨，3盒以上可以順豐送貨，超方便啊～ 仲可以寫心意卡祝福語tim.

第一次認識呢間中菜廳就係因為被免費泊車所吸引, 上次黎過應該係一年前食晚飯, 都唔記得左當時登記左做會員,  打電話訂位時個女仔好好主動問係唔係會員再幫我用電話號碼CHECK, 會員有折扣的, 仲幫我留定車位, 就係咁我星期六到個陣唔洗等位仲連排隊等停車場GE時間都唔洗浪費!我地得2個人, 食少少野先上朋友屋企探BB, 但估唔到有粥仲有湯而GE選擇!斑球魚湯米線換稻庭面本身個菜單係寫斑球魚湯米線, 另一個係紫菜蝦球湯稻庭面, 我朋友心大心細又想食魚又想要稻庭面, 落單個員工就好好咁提出唔介意加錢可以轉俾我地, 我朋友即刻四萬咁口就落左斑球魚湯稻庭面, 我自己叫左碗粥所以試左2啖, 魚湯好甜加埋滑滑GE稻庭面口感一流, 朋友就話食到D魚好鮮, 好想試埋個紫菜蝦球湯稻庭面黑松露素餃呢個係落單個員工介紹的, 佢話係佢地中菜廳推介GE點心之一, 上菜時連埋個蒸籠蓋一齊出, 出哂煙感覺上夠哂熱同埋衛生好多, 起碼唔洗送菜途中食哂塵, 咬落口就有好香的黑松露同埋菇味, 少少爽口GE應該蘿蔔, 呢個配搭幾得意.白灼時蔬佢有幾款菜揀的, 我地就揀左菜心, 比平時飲菜少油得黎又夠綠, 重點係佢每一條菜都

自從帶過老婆到訪鷹巢，她一直盤算帶家人來飽餐一頓，惜一直沒有名目，直到七月剛好就是外母生日，不假思索就直接訂位。訂位時已有介紹說七八月會有新推介菜色，一直在期待可以嘗嘗鮮；入座後立刻找出推介餐牌，細看下有好幾款我也滿有興趣的，例如懷舊錦鹵雲吞、燒雲腿伴鴿脯、八寶瑤柱冬瓜盅，而外母強烈要求嘗試荷葉蒸蟠龍鱔，因為已找了很多餐廳也沒有令她滿意的味道，當然鷹巢沒有令我們失望，最後外母也滿足的不得了。順帶一提，離開時發現有一海報在接待處旁邊，此海報在推廣一個名為＂樂韻翩翩名曲夜＂，一問之下發現原來每個月也有一次這樣的一個活動，有現場樂隊和舞池，同時享用鷹巢美食，看來八月七日的晚上已經有節目安排好了！

鷹巢希爾頓花園酒店嘅中菜 酒店啲車位唔太多但附近方便泊位 叉燒好食 入味 肥瘦適中 林得黎又juicy每一片都大大嚿 份量都幾多旁邊既蜜糖豆硬少少 有咬口原本想叫豬肺湯 可惜要預訂 冇得飲青紅蘿蔔湯 無咩特別 一人都有兩碗有職員將啲湯揸筆出嚟俾我哋食跟埋豉油 其後叫佢哋幫我地番熱煲湯佢哋都好樂意 仲換過曬d碗 服務好好炸子雞 $2xx半隻係咪因爲另一邊做酒席 而整落？賣相都麻麻 唔熱又唔滑 又唔太脆啫啫通菜 唔會太鹹 林得黎又唔老 好食蝦仁鍋巴 個鍋巴硬左少少 但係蝦仁夠爽 味道就靠個五柳汁 見到有人叫雪糕 一架車負責整應該係楊枝甘露 加液態氮 整左三小球 放左係個杯裡面再加三個白飯一個白粥問佢哋有冇折佢哋好主動咁幫我整張會員卡週末食就有八五折 折後每人大約二百幾 $1360/5

招牌叉燒，厚切慢煮，入口鬆化冇渣，每次到旺角希爾頓花園酒店都一定必試，但今日想試另外兩款招牌菜，意大利黑醋豬柳和咕嚕肉差不多，是另一版本估唔到一樣咁正，意大利黑醋酸度剛剛好，超好味正。 另外一款花雕醉雞，應該係用新鮮雞，所以雞肉食落同冰鮮雞係唔同，花雕酒味又香醇剛剛好，两款都一樣咁正，下次要多試其他招牌菜。

周末不用上班, 原本就不想再出市區跟人迫, 但因约了久別老友, 那就唯再會會天天上班的旺角。在旺角要找一個舒適方便的地方, 给三兩知己吹兩小時水真不客易, 默然一想, 回巢是岸,鷹巢是也。香港人飲茶離不開蝦餃燒賣, 鹰巢的蝦餃非常充实, 大大隻鮮蝦, 蝦有蝦味, 正! 燒賣含適当豬肉,有足夠口感, 又不會太肥。這些年千層糕不是很多地方有做, 鹰巢的千層糕真不錯, 橙白雙間, 颜值高, 入口有會層次, 令人回想起兒時的日子。馬拉糕更不得了, 糕眼分明, 夾上弹手, 味不太甜, 未入口已知道可以。最後叫了個淨雲吞作殿樂, 湯底混有韭皇,畧带視水味,有当年中环X記的影子, 雲吞細細粒, 皮滑蝦正, 成了!其实食廣東点心也不用太多花巧, 甚麼金魚、白免、流金也不是最重要, 重点还是新鮮餡靚味道正,跟那些年的朋友,吃那些年的味道最重要。大大隻蝦的蝦餃

位置靜中帶旺，餐廳環境寧靜，食物水準中上。唯有套餐中的麵太重味，甜點份量太少。我見鄰座似認識大㕑，甜點送的之餘，比我們付費的大份。差別待遇真令人覺得大打折扣。另，結賬時並無提供open rice 訂枱9折優惠。事後想起令人覺得沮喪😦

父親節後再次幫襯，食物水準都係一樣咁ok。屋企人又坐得舒服，喺星期六日呢區酒樓以外嘅好選擇，除咗平時食開嘅點心，今次心多多叫多咗個蒜泥白肉試試。雖然等嘅時間耐左啲（侍應生話係師傅現場新鮮整），一上到枱果然冇令我地失望。一片白肉卷住一片青瓜，加埋個有麻香同微辣嘅醬汁非常醒胃，夏天食一流下次再發掘下其他前菜先！

上回講到慶祝母親節時　談及父親節飯的慶祝地點，當時兩位媽媽行使了母親節當天最高話語權，已內定了再次到訪鷹巢。已往幾次用膳全部享用單點菜單上的食品，這次跟以往不一樣，我們一早就訂好了鷹巢的＂慈父宴＂，嘗一嘗 Set Menu 的菜色。＂慈父宴＂包含了１２道菜，一般中菜廳不常見的菜色有蝦丸琥珀核桃蜜豆炒日本元貝和脆皮琵琶鴨，我個人特別喜歡＂蟹肉杞子冬蓉羹＂，滿滿的蟹肉令人非常滿足。這個＂慈父宴＂提供每席６位和１２位用的選擇，不怕人數不夠。

早幾天朋友送了鷹巢出品的糭，非常美味，朋友還推介它們的叉燒，趁放假就去試一試。OpenRice 有9折優惠，立即訂了吃午餐。餐廳樓底高，沒有過份的裝潢，很寬敞，而且不會很嘈吵，很舒適的進餐環境。原來是年度推介食店，十分期待。必點菜式當然是叉燒，外層香口，蜜味適中，內層肉質嫰滑，肉汁豐富，朋友真是好介紹。另外還點了數樣小菜，十分美味。另外桌上還有輕歌曼舞之夜的宣傳，價錢不貴，既有美食，又可以聽歌跳舞，立即約定家人來捧場。

去到餐廳打開餐牌，總有選擇困難症，好多嘢我都想食，但如果只得一二個人 order 太多又驚浪費， 好彩今晚發現旺角希爾頓花園酒店有一人套餐，一個人都可以做孤獨美食家，套餐又可以有幾個選擇，價錢又唔太貴有三種價錢有平有貴，又有豬有牛可以選擇，照顧唔食牛或豬嘅人，咁以後三五知己聚會又多一個飯堂，唔使再傷腦筋為選食煩惱可以多的時間聚舊，套餐全是餐廳主打菜。

下星期老竇生日加上表哥從外國回港幾天，湊巧只有表哥今天可以吃晚飯，但我又要返工，唯有選擇我嘅至愛餐廳鷹巢，作為一箭雙鵰的晚飯，因為經常來餐廳，大部份的面孔已經很熟悉給跟我打招呼。做咗VIP嘅我梗係訂定枱最安全囉！仲要留定幾個我最愛的餸菜，費事到時沒有提供就大家都不高興。首先不能缺的就是大大嚿的叉燒，片皮鴨二食生菜伴炒鴨鬆，我嘅至愛花膠菜膽白肺湯（好彩訂定先，如果唔係豬瘟就冇啦），花蟹蒸陳村粉，蒸沙巴龍躉，鮑魚汁花膠絲撈麵，生日就梗係有壽包啦！一個10分愉快的晚上。因為要照顧小朋友沒有太多相片提供

平時揸車經過 旺角 知道有間新酒店落成 一段時間 最近 八卦下 酒店有乜嘢餐廳 原來有間中菜廳 上openrice 訂位有八折 就去試一試鷹巢同好耐以前中環 hilton酒店 內 中菜廳同名 ( 現址長江大廈) 因為酒店重開所以 中菜廳 都選同一樣名稱服務水準一流 侍應生有禮 招呼周到餐廳地方 寬敞 落地玻璃 景觀開揚點心方面 餐牌上 點心 頗多選擇菜單春捲 紅豆椰汁糕 蝦餃 燒賣 荔芋綠豆酥 千層糕 揚州炒飯比較喜歡荔芋綠豆酥 少中菜廳可以食到 外層 炸得香口 芋頭蓉做得綿滑 綠豆蓉不過甜(千層糕 一款傳統比較繁複 甜點 每次到中菜廳如有千層糕一定點選 ) 千層糕 做得中規中矩 層次分明 有鹹蛋香 如果少一點糖冬瓜 味道會更加好揚州炒飯 飯粒 每粒有 蛋漿包實炒得夠乾身 芡汁均勻 用料豐富 味道可口

約左朋友食lunch,旺角環境好既中餐廳價格又不太貴的,第一時間就諗到鷹巢,附近環境旺中帶靜,酒店又有車位泊車十分方便,一行4人去到餐廳,可能今日落雨既關係,冇想像中咁爆,唔使等位便可以入去,可能端午節既關係,佢地有粽點,就好自然咁點左個咸肉粽,跟住點左個擔擔麵,佢地5,6月分推介既八寶芝士釀日本元貝同幾個點心,咸肉粽味道好香好足料,綠豆同糯米份量適中,肉餡肥瘦剛剛好,咸蛋好靚好香,試完走果陣買多左幾隻番屋企食.個元貝餡料好足,芝士味好濃元貝好大粒,價錢又唔貴,都幾抵食.不得不講佢個擔擔麵,湯底好濃郁麵好滑同吸味,幾個人重叫多左個黎食.女仔朋友就食左個椰皇燉鮮奶,試左幾啖都唔錯,椰香奶滑.其他野食都保持水準,大家都有一個好愉快既午餐.

是日母親節，為我省卻不少選擇餐廳的煩惱，因為兩位母親已選定了慶祝母親節的地點；對的，是兩位母親，我媽和老婆一致選擇鷹巢。第一次用餐已得知能安排免費泊車，是次到訪恰好能享用了，因為要帶同女兒出門，開車方便輕鬆不少，預訂時一併確認好車位。因為大家都已經不是第一次在此用膳，所以到達後立刻進入狀態，兩位母親火速點菜，我跟我爸就合作替我女兒換尿片，順帶一提餐廳樓層提供配有嬰兒設備的洗手間，寬敞舒適空間充足，比一些大型購物中心人性化多了！二十分鐘後餐點如注送上，一如以往出品令人滿意，即便因母親節而全場爆滿也沒有影響食物素質，不負希爾頓之盛名！閒聊間老爸突然問起下個月父親節要到哪兒慶祝，我媽和老婆對望笑而不語，選擇不言而喻！