鵝皇館

我平時好少寫食評，估唔到第一次係因為食到「背隻骨落」而寫。本人認為如果出餐是「大家落」的話，可能無呢個感受，因為快餐，所謂好既一餐平既一餐。諗住食個好少少的燒味飯，見到叫得鵝皇館，門面又有牌場，食鵝應該無咩問題啦老實講行得入黎預左你個燒餓飯價錢高少少我腹佢個肌，叫燒鵝燒肉飯，佢黎左個燒鵝「骨」，好心你咁大個名寫住「鵝皇館」就唔好咁既出品啦其實你收98或者108，無問題，份量合理，味道合理，其實唔會惹公憤宜家附近食過您既人，都幫您宣傳叫人唔好黎門面其實唔洗整雲石，只要夠份量、味道合理、我理得您裝唔裝修其實呢個價錢已經呃到人之餘，唔會令人燥到要上來寫劣評唔好意思，希望幫到想入黎食飯既客人，千萬千萬唔好去，去「太興」吧！謝謝收看…查看更多

每隔一段時候，小弟久違的燒味癮就會被挑起。若下馬上去解決它的話，我就很不甘心的了....要找一間之前沒有吃過的，這才符合我這愛試新嘢的個性....既然這裡自稱為"鵝皇"，那如不叫燒鵝的話，那便是白來的；看到有乳豬供應，想起久未嚐此味了，也就來個雙併吧....叫燒味飯，例牌就有一大碗例湯相伴....好久沒喝老火湯了。眼前一大碗合掌瓜煲豬踭，入口沒妖邪味非常難得，很順喉。可惜的是湯內就只找到幾件瓜，但就一點豬踭肉與骨也找不到....燒味飯內的料頭排列得整整齊齊，先試招牌燒鵝，雖吃的已是近脾位的部份但感覺亦只是一般，皮十分軟淰不是走脆口那一路，不是我那杯茶；肉質亦不見得非常軟嫩，某程度可說是甚硬。這好幾件燒鵝，若要稱為皇可是差矣....反而本應身為配角的乳豬吃來卻比那"鵝皇"更出色 ---- 皮薄而香脆；肉甚具鹹香，味頗佳....邊食邊醮著三色的醬料，小弟的燒味癮，登時就止了....…查看更多

名叫鵝皇館，食個燒鵝五寶飯，啲燒鵝得快皮，嚇死人！叫佢同我換，佢話怕師傅唔高興！現在我都好唔高興！仲要收錄＄68咁貴，完全唔值。本人很少寫食評，但今次真係唔寫得唔得，點解會咁誇張？…查看更多

呢兩日中午天氣真係熱暴，出外食 lunch 都成身汗，好彩呢間茶記，冷氣十足，如果唔係，真係未食先暈低!我兩位朋友真的沒有胃口，他們點了二個特餐， 特餐包括有叉燒湯意粉，火腿炒蛋，奶油多，分量唔算多，剛剛好。而我就點了一個燒鵝胸飯，燒鵝皮很脆，脂肪不算太多，入口有燒鵝香味，肉身亦柔軟， 唔錯都幾有水準， 只可惜飯底偏硬!熱咖啡，放得耐有些少酸味。美中不足。呢度嘅伙記效率很高，食飯時間雖然客人很多，但態度亦很好, 抵讚！…查看更多

價值49蚊既雙拼外賣既油雞燻蹄飯 打開既簡直令我充滿驚喜 油雞竟然有一隻雞翼咁多 燻蹄完全冇味好似滾水浸一樣 唔緊要但係兩樣都竟然好似雞肉乾同埋豬肉乾一樣鞋到不得了 難食到連隻狗都唔食 價值49蚊既雙拼外賣既叉燒燒肉飯同樣驚喜一打開個樣唔差㗎 食落口就知瀨曬嘢 好似風乾豬肉嘅樣 硬度可以掉死人 從來都未食過咁硬嘅燒肉同叉燒 爭啲咬到牙骹都甩埋 兩盒飯嘅優點同樣係白飯超多餸少少 鍾意食白飯嘅朋友可以去試下我選擇畀一星評價係因為佢真係好多白飯同埋無得比更低強烈推介比中意食飯多白飯既朋友 中意食燒味嘅朋友千祈唔好試 食完呢世都會唔想食 我就係其中一個...…查看更多

食物貴又不好質素，收銀態度極極極極之差，比錢佢悔侮氣氣擺明倒老細米，又或者老細包庇容許佢態度差。我消費唔係大哂，但唔駛衰到比錢好似得罪佢仲要黑口黑面，比錢再比大餅完全唔so人即找哂大餅比我，然後同佢講我有大餅佢so都唔so我，仲要大聲同其他員工吹水。巳經不是第一次呢D情況，諗住比下機會佢，但原來呢間舖頭一直咁對D食客，可能以為自己好出名唔愁做，所以比錢受佢氣係應該。呢D衰店一世都唔會幫襯，仲要叫齊街坊生人勿近。…查看更多

昨日一到香港，立即搭巴士去鵝皇館食他們的全日常餐。諗住他們是燒臘專家，理論上他做的叉燒湯義粉應該唔會輸俾華星冰室。無奈他供應俾常餐的叉燒，應該是早一日買凈的，又瘦又硬又乾！我食完之後有同他們職員反影，而且可能她是老闆級（負責收銀的），但她聽完不發一言，無動於衷，這個反應是我意料不到的！…查看更多

鵝皇五寶飯68蚊燒鵝燒得真係靚鹹蛋普通紅腸紮實有彈性遠蜜汁燒排骨2大條，係美味雞肉嫩燒肉排骨飯53蚊排骨大條上如果要斬件要提前講確實入味燒香脆可口燒肉係唔錯但係略嫌個皮唔夠脆唔知係咪因為都差唔多臨收工啦…查看更多

食物質素不值呢個價錢，而且收得個價給的份量太少，有種被騙感覺。食品價錢差不多已同甘牌燒鵝一樣，不過質素只是一般燒味店鋪的味道。燒鵝的肥脂肪有成層厚，見到的時候都想知道 點解會比客人呢種質素的食物，我見到的時候都有點反胃。個層脂肪至少有成4mm厚。如果店主唔肯改善呢個問題,我相信將來只會越做越差。環境衛生問題都需要改善，餐具感覺上清洗得唔乾淨，拿上手的時候有一種油淋淋的感覺，好似上一個客用完的餐具只用洗水輕輕洗過的感覺，有點不衛生的感覺。…查看更多

其實係想寫大角咀新店，可惜OpenRice 未update。氣溫十一度，都唔想全家出去食早餐，一個人落去新開鵝皇館買早餐返去。九點，原先叫雞扒，好啦！冇！九點都冇....轉豬扒。返去打開（見圖），煎豬扒變左炭燒，連塊多士都係炭燒，諗住死啦！乾到咁，點知入口真係鬆化，估佢唔到，火候！另附上極瘦叉燒意粉一觀，呢個麻麻。奶茶唔夠香，茶味太濃，佢定價同某一間大型連鎖燒味店一樣，如果呢個價錢比較之下，其實唔會㨂佢。唔怕伏可以試…查看更多

呢日路過太子要轉 Van 仔去法國醫院...知道醫院樓下又冇嘢食，連間 Starbucks 都冇埋。所以索性喺太子附近一帶揾間茶餐廳食個早餐先轉車。咁啱喺巴士落車位，始創中心斜對面見到一間叫『鵝皇館』既餐廳...舖面望落裝修得比一般茶餐廳高級！外牆貼上早餐連飲品定價都只係收$32！心諗旺區收呢個價錢都吾貴吖...就入去試試。坐底就叫咗個五香肉丁麵餐，冇特別出聲要求..職員已將個麵改上公仔麵，而且冇額外收費。真係有啲驚喜吖.....另外，牛油多士係厚切！跟餐杯央走(改落煉奶)都沖得吾錯！題外話..吾覺佢有火鍋食...有點好奇點解餐廳裏面啲枱全都嵌上火鍋爐！好奇心驅使下問過啲姐姐...原來餐廳前身係火鍋店，只不過佢地裝修時保留咗啲餐枱已而！…查看更多

最近一兩個月，每星期總有一兩天因工作關係須要去太子搭深圳直通巴士。每次在站頭等巴士，都會望到對面馬路大大個招牌「鵝皇館」，一直以為是潮州滷水鵝，也一直好想試試，看看到底是否自吹自擂。趁着今日有啲鬆動時間，就來一個早來的午餐吧！過馬路去到餐廳門口，才發現原來又是一間港式廣東燒味茶餐廳，所謂「鵝皇」，當然又是指燒鵝。向正大街的燒味枱除了油雞、切雞、叉燒之外，當然是一隻隻的燒鵝；數量唔算好多，眼見的只有三大隻，同其他幾間真真正正以燒鵝馳名的酒樓餐廳比較，就明顯給比下去了。反正都要食晏，既來之，則安之，就在這裏開餐吧。雖然只是一間燒味茶餐廳，地方都算寛敞、枱枱櫈櫈也不是擺放得很擠迫，以茶餐廳的標準來說，裝修算是相當不錯了。時間實在太早，只是上午11點半左右，除了筆者之外，整間茶餐廳就只有一枱客人。除了餐廳盡頭牆角掛了一幅「鵝皇館」牌扁之外，另一端的燒味枱 / 廚房門口、靠近天花位置，又有三個大燈箱，全部都是廣東燒味照片，當然主力推銷「自家燒烤燒鵝皇」。拿起餐牌，封面當然是一隻紅噹噹、火辣辣的燒皇，確實引人垂涎三尺。這時候也注意到原來每一張餐枱皆裝嵌了一個火鍋專用電磁爐。起初以為晚飯時段兼營火鍋，原來這間舖位之前是火鍋店，最近才轉型，但保留了以前的裝修 ⋯⋯ 怪不得地方較為寛敞、環境也較一般燒味茶餐廳高級了！查問一下，原來同系餐廳附近共有五間火鍋菜館！打開餐牌，除了主力推銷的廣東燒味之外，當然不能缺少港式經典早餐：即是叉燒湯意粉 / 沙嗲牛公仔麵 / 五香肉丁麵配炒滑蛋及油多。在估計以外的竟然還有滷水食品，而且有滷水鵝掌、鵝翼、鵝腸、鵝腎，甚至鵝紅，唯獨欠缺滷水鵝；很明顯是燒鵝的剩餘物資！只不過也有一點奇怪的地方，自從禽流感一役之後，今時今日香港各間大小餐廳的燒鵝都是採用冰鮮鵝；冰鮮鵝腸也可能有貨源，但鵝腎何來？鵝紅就更加不能理解了？？午市都係叫碟燒味飯餐（包熱飲一杯），夠膽自誇係「鵝皇」，比起其他燒鵝名店更大膽，當然要試一試。除了見慣的潮蓮燒鵝飯（$55）及燒鵝肶飯（$88），竟然有燒鵝片飯（$68）。燒鵝飯食得多，滷水鵝片也是喜愛的潮州菜式之一，燒鵝片則第一次聽見，雖然較普通一碟燒鵝飯貴少少，但值得一試。見到碟燒鵝片飯之後，雖然真的件件都是燒鵝肉，一片骨頭都沒有，但斬燒鵝的方法與普通的連骨燒鵝沒有分別，並非潮州滷水鵝片的起肉切薄片刀法，已經有點失望。再憑食燒鵝飯多年的基本認知，份量其實與普通一碟燒鵝飯沒有分別，只不過保證件件燒鵝胸肉、以及起了骨；是否抵食，見仁見智，但卻肯定有賣點，餐廳老闆確實有點小聰明。重點當然是燒鵝質素。燒鵝皮不算香脆鬆化，當然也不是那一種表面有皺紋、略為軟身、盡吸燒鵝醃料入味的風格。雖然是鵝胸肉（因為是燒鵝片關係），但燒鵝確實太瘦了一些，燒鵝皮下基本上沒有一丁點鵝脂；結果就是缺少了鵝香。太瘦的燒鵝也變得肉質粗鞋、有點老韌，咀嚼下去更欠缺肉汁；一隻靚燒鵝的肉質應該結實中帶軟腍，而且充滿肉汁。總之，這幾件燒鵝肉絕對稱不上是「鵝皇」，質素實在非常普通，固然比不上一眾燒鵝名店，就連一些馳名的連鎖燒味集團也要更優勝。實話實說，燒鵝質素中規中矩，如果不自稱「鵝皇」，合格有餘；但自吹自擂的話 ⋯⋯…查看更多

去到鵝皇館，點咗個燒鵝叉燒雙併河粉。加杯熱奶茶都係$68。個河粉好彈牙。但係份量不足。叉燒屬上等食材。好彈牙，混入甜酸醬就更加好食。燒鵝都好肥美。肉質鮮嫩。混入河粉就非常好食。杯熱奶茶好一般。…查看更多

燒味飯是廣東人的特色飯菜，雖然高脂多油高鈉，但每隔一段時間總會癮起想吃一頓。.以前燒味飯盒是中學時為了省飯錢吃的，現在在餐廳吃一碟好的燒味飯隨時還貴過普通一間大眾連鎖餐廳。.在太子工作時，經過了這間金漆招牌的鵝皇館，嘴饞的癮又復發，決定進來吃一碟燒鵝燒肉飯。.舀一口白飯，澆上鹵水汁的白飯香氣十足，夾一塊燒得光滑的燒鵝配搭在口腔𥚃燒香四溢，那塊雙併的燒肉也是清脆的皮脆肉軟，肉質鮮嫩有汁，吃起來惹味非凡。.還有當然少不了燒味飯不能缺少的薑蔥！這實在太重要了，一小碗薑蔥是燒味飯愛好者的引爆器，輕輕一小口，配上惹味白飯，這𥚃的薑蔥好在沒有太鹹，也沒有太重味，就適當地在嘴𥚃散開兩種味道和白飯混著嘴嚼，然後一碟飯瞬間就清光了。…查看更多

今日跟同事去咗太子工作，行經門口發現這間專食燒味的店舖，望落真係都幾吸引門口廚窗位置放滿各款燒味，望落都燒得幾靚仔，跟朋友決定入去一試坐下睇完餐牌，貪心的我選咗個勁多料嘅鵝皇五寶飯$68入面有招牌燒鵝，仲有油雞，叉燒同紅腸添，當然唔少得咸蛋一隻，望落都覺得邪惡又豐富鵝肉外皮薄身燒得香口，唔會好多肥膏，肉質都好嫩又夠肉香，叉燒一樣燒得不錯，半肥瘦剛好，油雞豉油味香甜，肉嫩不肥，再配埋鹹香味重嘅咸蛋送白飯，真係可以食到停唔到口，真係美味…查看更多