鴻陞泰國菜

营业中

休息中

又去九龍城食，發掘平靚正嘅泰國餐廳！今次試下呢間，都係見openrice啲食評話唔錯，所以今晚就𢵧佢啦！🈶兩間舖,一間門外有蝦片買每包只售12元,見咁大包又買了包當餐前小食，估唔到唔只脆口仲有啲胡椒味！廚房在入門位置，入去坐經過見到尚算乾淨企理，正宗泰國姨姨正下廚中😀叫咗杯芒果沙冰，啜落唔會覺得好多冰打左入面，打得好smooth,有濃濃香甜的芒果味！糯米雞亦巳起了骨，入面塞咗糯米同埋咬入口啖啖肉加埋糯米煙煙un un！泰式炒芥蘭，特別之處是芥蘭莖全撕了外層的衣，食落夠曬嫩滑而咸淡適中！生菜包最令我驚喜是那些生菜新鮮到吃入口脆卜卜連埋份量滿瀉碎肉包在內吃真係同一時間享受又清新又惹味嘅感覺！燒盲曹魚好大條，魚肚內塞滿好多金不煥葉，超香！😋烤得剛剛好！魚質嫩滑又鮮甜還配埋秘製酸甜汁簡直是超值！又一抵食高質地道泰國菜！

收工後同老公返屋企樓下搵野食, 今晚突然好想食泰國野. 呢間未食過, 所以試下我地早去到, 未有太多人, 但過左30分鐘基本上差不多FULL左啦有好多野想食呀, 選擇困難症又發作啦炒金邊粉好野味~仲加左細細粒蝦米落去炒, 好香老公唔食得辣, 如果叫一碗冬陰公我自己一個又飲唔晒, 所以叫左冬陰公湯河大大碗河粉, 陰公湯唔太辣,, 好好食!! 蝦有5隻都算多 豬手好入味, 而且煮得好'淋'燒牛肉, 上到台時已經聞到好香, 燒到岩岩好!唔會太熟, 好食我地叫左好多串燒呀, 雞翼好食, 牛, 豬, 雞都好野味食咁多串燒, 飲返咸檸7下火先

冬天終於都過去，唔使再下下打邊爐煲仔飯，諗起好耐無食過泰國菜，即時約個friend殺落九龍城，泰國菜館多如繁星，好彩朋友食過呢間鴻陞好食，咁就呢度喇餐廳位於城南道頭，裝修和一般泰式餐廳一樣，以簡單為主睇完餐牌後，好快就有飲品同野食到泰式炒芥蘭，芥蘭爽口而且非常嫰，用馬拉盞炒，幾惹味串燒豬肉，牛肉，很貼心地已拆除左竹簽用碟熱辣辣送上，每串約三片肉，牛肉表皮燒得香，有陣陣炭燒味，豬肉燒得香之餘，肉質仍保持嫰滑，配秘製沙爹醬非常美味泰式紅咖喱雞，咖哩汁相當香濃，雞件索晒咖哩汁，肉質嫰滑，配菜有大量青椒，食得咖哩，當然配埋泰式薄餅薄餅熱辣辣，外皮煎得很香，餅身很鬆軟，有啖啖牛油香味，點埋咖哩汁真係相當滿足。泰式拚盤，春卷皮薄，入邊餡料幾香，炸雞翼皮脆肉嫰，炸蝦餅皮香脆，蝦肉彈牙，超有水準。最特別就係呢款炸皮蛋，原來外邊厚厚的炸皮是蝦膠，即時令皮蛋升價十倍，皮蛋同蝦膠味道超級夾，超好味，必點精選。椰汁冰椰汁味夠晒濃，芒果沙冰飲得出是鮮芒果打出來，大大杯$22好抵飲食飽埋單$355蚊，兩個人食到好飽，呢鋪真係無介紹錯，好食價錢又抵，下次想食泰國菜不二之選

九龍城是食泰國菜的聚集區，我一想食泰菜就會首選這區，今晚老公剛好在九龍城的鸿陞泰國菜館，他和朋友聚會食晚餐，叫埋我過去食，甘岩我突然想食泰菜，放工就過去會他們。菜館裝修簡潔，感覺平民化，價錢也不貴，最好是沒有加一服務費，店員也很殷勤招待，店門外放有老公喜歡食的小食,泰式蝦片。走時我也買了一些回家。獅威啤酒椰汁冰：椰汁味濃，味道香甜。泰式冬蔭公：一聽到冬蔭公以為好辣，原來老公知我吾食得辣，已請店員落單時要少辣，湯底酸酸辣辣好開胃，還有蝦和菇類，好好飲。泰式拼盤：有泰式炸春卷(香脆)、蝦餅(彈牙)、皮旦(外脆內香)，炸雞中翼(皮脆肉嫩又入味)。可以點些泰式酸甜醬提升味道！泰式乾炒豬肉河：泰式乾炒不同中式，泰式帶可許濕潤，河粉好滑，味帶甜，如果不喜歡豬肉，還可選牛肉或雞肉。海鮮炒飯：份量都好大碟，海鮮有魷魚、大蝦等，夠穫氣，飯粒粒分明有口感，美味！魚露浸雞(半隻)：魚露浸雞我第一次食，雞肉 嫩滑，不錯！

媽咪聽身邊的朋友介紹九龍城新開了一間 味道不錯的泰國菜便帶我去試一試 店舖位於城南道(金滿堂對面)鋪頭外可以泊車 方便到達 大約七點半到達店舖 當時還有位置人不太多我們都不算太肚餓 便點了幾個小食飲品當晚飯椰青$32 清甜好喝 鹹檸七$22小食拼盤$80油酥餅$35 有3片共12塊 不太油膩泰式炒椰菜$55泰式串燒$14/串 (牛、豬、雞各一) 豬肉串爽口 雞肉串嫩身最後追加了多一個椰青及芒果糯米飯(我至愛)可惜當時客人開始比較多 廚房可能比較忙 等了大約20分鐘甜品還未到(店員也不能確定大約幾時到)我們只好帶著失望離開 這裏的食物味道也可以的 好可惜不能嘗試這裏的芒果糯米飯 希望下次有機會再來吃

行過九龍城有好多間唔同色嘅泰國菜，全部都好似好地道。今日嘅間裝修都幾其利乾乾淨淨就入去試吓啦！入到去餐廳唔算多人但係就坐得幾舒服周圍貼滿晒嘢食嘅相！餐牌選擇多好多！一般泰國餐廳有嘅菜式佢有，有啲泰國餐廳冇嘅菜式佢都有！我哋叫咗好多嘢食由頭盤開始講起！第一樣我哋叫咗泰式生蝦＄78！生蝦有六舊！夠彈牙亦都好夠凍！加埋個泰式生蝦醬，酸酸辣辣好開胃。第二味就係我食泰國嘢必食嘅生菜包$68依到既生菜包夠晒特別。平時食生菜包就食得多，依度有豬頸肉生菜包！豬頸肉生菜包比豬肉彈牙！好多所以食落個口感好特別生菜好爽脆豬頸肉肉有好彈牙！第三味沙嗲串燒雞牛豬$42串燒質素唔錯，唔會燒得太乾身，特別係牛肉好有肉汁！雞又夠滑！豬又好香！第四味，泰式椰菜苗$55椰菜苗大棵左少少，但都炒得夠香夠鑊氣同埋唔會好老。咬落去好爽口！食咗咁多肉食返多少少菜中和下！中和完之後就再食！泰式青咖喱雞＄75佢呢個請假你係家庭式嘅青咖喱睇落就此同平時嘅咖啡有少少分別。依個青咖喱比平時嘅稀少少，但又平時既味道絕對冇淡到！咖哩好足料，除左雞肉，仲有泰國茄子同翠肉瓜！食咖哩又點可以冇薄餅！薄餅$35薄餅夠薄夠香唔會太油，好乾身。點咖哩一流

九龍城除咗有我喜愛嘅酥妃皇后之外，仲有好多好吸引嘅泰國菜餐廳呢間泰國菜館嘅裝修唔算特別有泰國風（有d似打冷嘅舖頭），但係食物嘅水準就做到真係好泰泰式燒大蜆一碟有四隻，大蜆唔係淨係得個殼大，啲蜆都好足稱，好多肉食，而且配上不少蔥蒜去燒，非常啱我胃口泰式炒金邊粉一碟已經足夠兩個人share，金邊粉好有鑊氣，當中仲有啲好細細粒嘅小蝦米，增加左碟金邊粉嘅香口程度，我地三扒兩撥已經食晒呢碟金邊粉泰式串燒—豬,牛,雞,雞腎各一成碟串燒整體都非常好味，但係當中嘅雞腎實在係比到好大驚喜我哋！雞腎係超級超級爽口！一串真係唔夠食！

人生最美味的美食一直以來，我都害怕食魷魚，因為怕膽固醇過高！但近年來話，原來魷魚會來好既膽固醇！於是我試食下啦！嘩，賣相一流！雖然燒烤了，但仍然保留肉質，海鮮味濃郁 , 外面係少少燒焦，內裡有彈性！食落一流！我禁不住，食完一塊，又食一塊又一塊！再嚟一碟：脆肉炒菜苗～用蒜蓉炒既菜苗，加上脆肉的油，使更香、更入味！菜又嫩，味道剛好！不太咸！不油膩！用白飯來送！好夾！加上一個椰青，配搭一流！下次一定要約齊一班朋友，多食多款美食！

一向中意食泰國菜既我從網上得知九龍城又新開左一間泰國菜餐廳, 當然要相約朋友去試啦!其實從網上睇到食物賣相一般般, 不算太吸引, 反正大家都想試新既泰國菜餐廳, 大家就去試試吧~餐廳內裝修簡潔, 反而增添了泰國的地道感覺。食物款式都很大眾化, 款式多, 好多款都想試試, 眼闊肚窄只能點幾款SHARE齊齊食。【冬蔭公湯河】HK$48食泰國菜一定唔少得飲冬蔭公, 當同行飯腳唔食得辣又抗拒冬蔭公時, 一人份量既冬蔭公湯河確實滿足到我既食欲!冬蔭公湯味道酸中帶點微辣, 似乎餐廳調製味道岩返香港人口味。如果唔夠辣, 餐廳亦會提供多款辣粉加入, 調教至自己喜歡辣度。而且入面仲有幾隻已被去殼既蝦, 爽口鮮甜, 河粉索左D湯, 更加正!!【生菜包(牛）】 HK$60有豬/牛/雞選擇, 我地揀左牛, 肉碎中混入了不少香料配料, 少少辣, 夠哂惹味, 大大片新鮮爽脆既生菜包包住食, 一咬之下, 豐富肉汁多得流出來。【蒜茸炸雞軟骨】HK$70雞軟骨雖然不算太乾身, 但底下有青菜蘿蔔絲吸油, 整體不算過份油膩, 軟骨爽脆有口感, 有少少蒜帶出味道, 更為香口。【泰式炸蝦餅】HK$58蝦餅表面不油膩, 外脆內裡

是夜和家人晚膳，在九龍城街頭見到此新開泰菜，人少少定價又比較相宜，決定一試。木木瓜沙律新鮮爽口，香辣加上不少蝦米增加鹹香，十分開胃。生蝦冰鎮奉上。肉質結實爽口，腸去得頗乾淨，鮮味不算很突出，但伴上酸辣汁蒜瓣吃仍不錯。白灼螄蚶，一般做法是輕輕一灼再冷藏半生熟上碟。這裏的螄蚶當然沒有全熟，入口肉嫩，鮮味大爆發，還有點血水，夠正宗。金邊粉上枱時不住冒煙，吃下果然鑊氣十足，不過甜又有不少芽菜增添爽脆口感，只收$48，超值。炒椰菜苗火候剛好，保持爽脆嫩綠，不過鹹，簡單菜呈現真功夫。辣椒糕炒大蜆微辣充滿椰香，蜆肉大隻無砂，滋味十足。這裏食物質素不錯，價錢實惠，$400已有六道菜，值得推薦。

過年前，放左工，去搵左在九龍城開時裝店的老友記去辦年貨，我地最喜歡東看看、西看看，為家人辦年貨而總是忙個不停。除左看、買之外，都要為自己個胃入貨啦！在九龍城這個地區，食館多得很，以食泰菜居多，我地都喜歡泰菜。菜式多，價錢適宜，美味惹味。泰式濕炒海鮮河，濕濕的口感唔錯，再配搭海鮮、青菜，草姑增添不少層次，海鮮食材多樣化、海蝦、魷魚鮮甜爽彈，美味可口。泰式豬手，不肥不膩，爽滑彈牙，帶有小小甜酸味、炆得唔太稔，豬皮好爽滑，有嚼口。糯米釀雞翼，我都是第一次食，是功夫菜，糯米飯材料足，又香口、雞翼外皮炸得皮脆內軟，有色澤，飯香雞肉甜，有層次感，美食。

如果好似我咁，咁鍾意食泰國菜一定知道九龍城有<小泰國>之稱。 呢到除左多泰國野買之外，仲有非常之多的泰國菜餐廳! 如果鍾意充滿油香的肉質，一定要試下<燒豬頸肉 $58>，肉質入口好爽口，岩岩燒起即刻食特別香，燒豬頸肉配的辣醬汁好惹味。 <泰式炒椰菜苗 $55>，椰菜苗好新鮮，炒得剛好，保持翠綠之外，椰菜苗入口爽脆充滿蒜香，正。 <菠蘿炒飯 $50> 看似外表平凡，味道卻令人印象深刻，飯粒炒得一粒粒之外，飯有香糯的口感，香米有清香，呢個菠蘿炒飯材料豐富，有雞肉，雞蛋，肉鬆等等，仲有大量菠蘿，菠蘿味道甜甜酸酸，非常醒胃。相信有不少人喜歡食咖哩，但又未必食到辣，呢個<泰式黃咖哩雞 $90> 香而不辣，帶蛋香，配飯，薄餅或者蒜蓉包同樣一流。

年近歲晚，每家主婦都忙得不可開支，都會為家人準備幾日假期的飯餐，為子女回家食得開開心心，辛苦也是甜美的。為左幫輕母親，我也會幫她一手，一齊到九龍城辦年貨，人們在九龍城會巧遇周潤發，我地就巧遇了親友，他們家住朗晴，好多時都會過九龍城食晚開餐，今日咁啱，就一齊開餐，都是行到邊度，食到邊度，可能大家都倦了，這區出名是食泰菜，亳無疑問，都是食泰菜啦！餐牌上的食物，都幾平宜，好低食，不計加一。馬拉盞泰式炒椰菜苗，每次食泰菜，我總是喜歡地道的馬拉盞炒菜，一來夠鑊氣、二來味道鹹香，菜苗新鮮又脆口，食得不停口。黃咖哩牛肉配蒜溶包，咖哩香濃、又夠稠，牛肉嫩滑，淨食配飯都一流，我地叫左蒜溶包，包身即烤，脆卜卜，飄出陣陣牛油香味，再點上咖哩，雙重口感，在口中溶化。鹹魚雞粒炒飯，又是一味好吸引的美食，鹹香味道包圍著整碟飯，但只欠飯粒炒得不夠乾身, 有些黏立，材料夠豐富，味道還不錯👍。

以前一諗到食泰國菜必定是九龍城，現在食肆越來越多，選擇又多但我都會來九龍城食泰國菜，因好耐已冇系九龍城食野了，呢間鴻陞泰國菜餐廳環境舒適，坐位空間又不會太細。椰汁雞湯：有雞肉，菇，洋蔥湯底好香椰汁味，又有少少酸酸辣辣的湯，味道好濃郁。泰式拼盆：炸蝦餅炸到皮脆肉嫩，蝦餅爽口彈牙泰式炸皮蛋外層炸到好香口，泰式炸春卷熱辣辣好鬆脆，炸雞翼又夠香口入味。飛天通菜火喉炒到剛剛好，味道淡淡地又少少辣辣地。菠蘿🍍炒飯有菠蘿粒和雞肉上面放滿肉鬆，飯炒到一粒粒，香可美味。

自從冬天之後，已經冇食過泰國菜。因為都唔想出門口，同埋基本上都只係打邊爐。而呢兩日終於會暖少少去到15度左右，即刻去屋企附近嘅地道泰國菜試試佢。呢個炸蝦卷嚟到嘅時候仲脆扑扑熱辣辣，咬落去仲有大大隻嘅鮮蝦，配合返酸甜醬一流！我哋叫咗一堆串燒，包括有豬牛雞肉雞腎，雞腎十分之爽，其他肉都好新鮮燒得好香好野味！呢一個燒羊架，簡直係畫龍點睛。呢個羊架一啲都唔so，燒得好香得，亦都唔會太熟，或者係1人1隻啱啱好！芒果炒飯甜甜地，即使叫咗咁多餸亦都可以易入口！香甜既椰汁冰同紅毛丹冰！