鴻發香港仔魚蛋粉

用餐時間 （9:39pm late dinner）follow@wojengyea/@wo!正嘢 for more food info🐒 支持我哋發掘更多美食 😋接朋友放工一齊去食碗粉麵。叫咗碗原汁牛腩河$48 牛腩肥肥地，好腍超好食，肥膏邊好香油脂味，不過唔夠膽食啲肥膏，驚變滔滔。配返碟菜心$13少蠔油，感覺良好啲。略嫌油菜，份量細份咗啲。見佢有支裝汽水，不過我自己買咗廢水，所以冇叫。朋友叫咗碟豬扒煎蛋飯$48，雖然話係快餐，不過一啲都唔馬虎，篤穿隻荷包蛋，蛋汁流哂出來，配合埋甜豉油，超好食。嚿豬扒大大嚿，醃得好入味，而且面頭煎得金黃，鎖住肉汁，絕對係當之無愧嘅Comfort good。凍奶茶搞唔掂，好澀同埋好難飲。…查看更多

叫魚旦粉，牛腩麵，牛肚粉都送魚皮，份量大，送魚皮真係正，平時叫成碟好熱氣，食小小係最perfect, I really like the food here, the size is big and they also give us some deep fried fish skin on each bowl. I m happy to eat the fish skin for free. The fish ball dish has a mixture of 片頭，紫菜等。。…查看更多

【大埔區】【鴻發香港人魚蛋王】夜媽媽一個人喺大埔唔知食乜好，其實大明里廣場都已經冇選擇，真係得返嗰一兩間。所以見到著燈嘅就行埋去八卦吓，呢間粉麵店門口個阿姐話佢哋未收，仲有個幾鐘，咁就入去。入去先知，我好似食過佢哋另一間分店。唔理喇，叫個 $53 嘅「牛腩牛雜魚麵」，個牛腩係意外地好食，好有驚喜，質感好正。啲牛雜就正正常常，唔差嘅，只係牛膀就比較唔新鮮，麻麻哋。爭啲唔記得講啲魚麵，佢係扁身嗰隻嚟，份量唔算畀得多不過味道係唔錯。另外再用 $9 叫咗杯「凍檸茶走甜」，都係正常茶餐廳檸茶，不過不失嘅質素。大家都知我就咁樣實係唔夠喉嘅，想叫個「潮州八寶」淨食點知阿姐話八寶一定要配麵冇得淨食。好啦，我就用 $41 淨食「潮州四寶」算數啦。話就話四寶，但出到嚟居然係有雲吞、魚片、魚片頭、潮州扎肉、豬肉丸、墨丸同魚蛋，爭魚皮餃我係少 sad，不過已經克盡「港版關東煮」責任，味道都唔錯。埋單 $103，去親粉麵店老奉叫到又貴又多，係咁上下價錢啦。。。（地址：大埔大明里1-27號寶華樓地下8號舖）…查看更多

之前都一直間唔中有食開 什扒飯都算係不過不失既算擇 但係今日坐門口包餃子個男人對入門既我呼呼喝喝態度極差叫我掃針紙 我之後掃完針紙就掉頭走 食左都背脊骨落 可以blacklist得 …查看更多

一向都鐘意食魚蛋粉麵，大埔墟都唔少呢啲鋪頭，如果要逐一試吓，真係要一段時間🕐食魚蛋粉呢，魚片頭係我必叫嘅至愛，今次就叫魚片頭牛肚米+腐乳通菜+凍檸茶。食物嚟到，俾咗碗河粉我😢…..同侍應講我叫米粉㗎，之後又出錯⋯⋯佢俾咗碗麵我😡⋯⋯，唉算喇⋯⋯我都照食啦，唔係一陣又唔知俾咗啲咩我😩魚片頭偏鹹，冇乜魚蛋味，湯底普普通通咁，冇乜特別，不過個通菜份量都唔少👍🏻，凍檸茶正常。大埔區的好味魚片頭，睇嚟要繼續再尋覓了。…查看更多

隨意揾一間鋪頭醫肚，因為帶住狗狗，見有得坐門口，立即坐低試試。叫左魚蛋麵，湯底野味，有魚湯味，魚蛋爽口，唔錯。加杯熱檸啡，$42。另一個叫雲吞貢丸河粉，雲吞有大大隻蝦，物有所值。貢丸肉質唔錯，好味。😜隨意入去食，冇咩招呼，不過食物加分，不錯不錯。…查看更多

今日去咗大埔行街，午餐諗緊食乜之際就行過左呢間香港仔魚蛋王之稱嘅餐廳，入去叫咗碗雲吞河！諗住求其醫飽個肚就算。各式粉面都有，價位屬於中等啦，好就好在佢凍熱飲同價，不過今日嗌左特飲，都係要加返2蚊嘅.雲吞麵到啦，賣相唔差喎，仲有五粒大大粒雲吞添！不過個湯就清楚啲，冇乜味，河粉好味！彈牙又滑溜，不過敗筆係...雲吞鹹咗啲啵🥴雖然佢係就係幾大粒，入面最少有兩粒鮮蝦，同埋用咗半肥瘦絞碎豬肉，係就係幾有鮮味但重手左d,有d偏鹹，如果淡返d會更好！…查看更多

上次食完呢個香港仔魚彈王既牛腩河同牛肚河。今次就試埋好多香港人都鐘意食既牛筋幼麵，再加一杯凍咖啡，下午茶餐都只係35蚊。價格黎講都尚算合理。湯麵面有少量蔥花「吊」味，幼麵幼細時又爽口，同時亦吸有湯底既味道，十分滋味。牛筋燜既時間十分足夠，所以十分淋身，都因為燜得耐而令腩汁（／柱侯醬）既味道可以入晒牛筋入面， 同時牛筋亦好彈牙，充滿骨膠原既口感牛筋亦會幫你剪幾刀，避免有太硬既筋位痴牙。牛筋既份量十足，個人認為30蚊一碗是好抵。凍咖啡叫左少冰多奶，冰量仍然比較多。下午茶加凍飲比較划算。多奶令咖啡甜度上升，唔好搶晒麵既味道。…查看更多

今日係大埔做完gym又去左一次係大明里既鴻發香港仔魚蛋粉。下午茶餐麵食加凍飲都只係35蚊因為最近食左一次牛腩河，今次就打算換下口味試下牛肚河。牛肚同河粉都係份量十足，再加上一杯凍飲，相信大部人都可以夠飽做一頓午餐。河粉跟餐會送一匙香蔥同少量炸蒜，相同野味。今次重點係牛肚河，重點介紹下總共七塊牛肚，形狀5塊長條形，2塊邊尾位置，由顏色上可見煮得十分入味，表面被滷汁浸成偏啡色，食落味道咸淡適宜，深入去仍是白色，洗得乾淨。大小合適，大小大家可以對比放在旁邊既匙羹。同時牛肚唔會煮到太淋而失去口感，相反，入味得黎牛肚保持一定彈性。…查看更多

係大埔出世同成長，基本上都一定食過係大明里廣場既鴻發香港仔魚蛋粉。呢間茶餐廳我已經食左好多年，食物質素有一定既保證，身為OPENRICE既食評小市民，希望可以介紹多D本地美味既茶餐廳。所以黎緊都會集中介紹本地美食。今次既主角係：鴻發香港仔魚蛋粉既牛腩河($30)+凍奶茶($8)當時係夜晚6點幾去到，所以人流比較少，即刻有位子，亦唔洗同人逼枱。蔥花同少量炸蒜用匙羹裝住，唔鍾意蔥花或炸蒜既可以提早出聲。河粉厚身同時都夠滑。湯底味道不過不失，無乜重點。牛腩方面係今次重點，數量黎講十分足夠，切左有8舊同時切都十分均勻，大細適中，份量十分足夠。味道都算入味，中規中矩。牛腩肥瘦適中：蒜蓉辣椒醬蒜蓉辣椒醬既水份太多，太過稀，一加上麵即刻融晒。凍奶茶味道一般，冰量太多，差唔多2/3。下次要叫少冰。總共$38…查看更多

每次行過大明里廣場，都會經過鴻發，見佢大大個招牌寫住「香港仔魚蛋粉」，幾吸睛甘，呢日就決定黎試一試。星期日中午時段，餐廳都幾full，座位有d迫。叫左兩個河粉，一杯凍奶茶。「魚蛋河」：蔥花用匙羹盛住，唔喜歡蔥花或想要少d，都容易d處理。蔥花唔係蔥花甘簡單，夾左少少香料。唔好講甘多，試一試味先。河粉厚身，並唔算滑，亦唔香；魚蛋都簡彈彈地牙，不過有好少少腥，魚片亦唔係甘吸引 (熟食中心「欽記」d魚蛋好味d)。不過，$27大大碗，亦算足料。「牛筋河」($27)：河粉同上唔多講，牛筋都係中規中矩甘。凍奶茶(+$8)亦普普通通。…查看更多

天氣炎熱，又唔想坐底食野，左唸右唸之下，就決定食外賣既香港仔魚蛋粉番屋企食啦，食粉麵緊係要加番個炸魚皮先更加match啦，因我都係住附近，所以更加方便啦，前後都係等左10分鐘左右就有啦，都好快！雲吞河都有成５粒蝦咁多，而且一粒雲吞入邊都好足料，蝦仲好爽口鮮甜，河粉份量都好多，食到好飽！牛雜河都不錯喔，好乾淨，好爽口彈牙！叫埋15蚊炸魚皮，都好多喔，兩個人都食唔哂，我好鍾意食佢地既炸魚皮，好脆，好新鮮，平時我打邊爐都係係佢哩間買…查看更多

早上來大埔，先來吃個早餐，我沒有點魚旦粉，點了雲吞河，$28/送飲品（凍飲熱飲都可，不用加$）雲呑河有5粒雲吞，每粒雲呑有3隻蝦，味道不過不失。湯底就有點失望，只有喊味，不是魚湯底，但$28送凍飲也抵食所以也不能要求太高。凍奶茶味道不錯0K會再來…查看更多

夜晚十一點幾先返到大埔, 又饑又餓, 而且係公園仔個頭開既食店得番幾間開, 見呢間野開左大約半年都未食過, 幫襯下啦, 大大招牌香港仔魚蛋粉, 就叫碗試試啦, 食親粉麵我都有個習慣, 先飲啖湯, 因為湯頭好影響碗麵, SUSU飲左啖就知衰, 個湯底好唔得, 太淡, 河粉一定係交黎, 質素同出面無異, 但個湯底壞事, 最後粒魚蛋, 都幾敗筆, 可能魚肉比例問題, 較林身, 同調味差左點, 整體唔合格, 雖然$23, 但係大埔$23吃好既魚蛋粉都有好多店, 無必要黎呢間.  但都會黎多次,試埋個牛什汁睇下咩質素.…查看更多

本來去食清湯腩但太多人了試這間新店兩個人兩碗粉麵一碗牛腩魚蛋另一碗牛什魚角兩款魚製產品都係彈牙但魚味不足算係中上水平牛腩係低水準的又肥又冇乜腩肉 攪到冇乜牛味似五花腩切粒牛什都可以牛腸肥美湯底冇乜魚味 但牆身寫是大眼雞大地魚咁整出黎真係唔太飲得出炸魚皮新鮮脆口炸的方法令魚皮大大塊咁我覺得唔錯凍檸茶加四蚊價抵中質因大埔墟太多好野依間水平同其他好野比 冇得比去得大埔墟食其他名店啦…查看更多