影片
营业时间
今日营业
05:30 - 23:30
星期一至日
05:30 - 23:30
以上资料只供参考，请与餐厅确认详情
用餐时间 （9:39pm late dinner）follow@wojengyea/@wo!正嘢 for more food info🐒 支持我哋发掘更多美食 😋接朋友放工一齐去食碗粉面。叫咗碗原汁牛腩河$48 牛腩肥肥地，好腍超好食，肥膏边好香油脂味，不过唔够胆食啲肥膏，惊变滔滔。配返碟菜心$13少蚝油，感觉良好啲。略嫌油菜，份量细份咗啲。见佢有支装汽水，不过我自己买咗废水，所以冇叫。朋友叫咗碟猪扒煎蛋饭$48，虽然话系快餐，不过一啲都唔马虎，笃穿只荷包蛋，蛋汁流哂出来，配合埋甜豉油，超好食。嚿猪扒大大嚿，腌得好入味，而且面头煎得金黄，锁住肉汁，绝对系当之无愧嘅Comfort good。冻奶茶搞唔掂，好涩同埋好难饮。
继续阅读
叫鱼旦粉，牛腩面，牛肚粉都送鱼皮，份量大，送鱼皮真系正，平时叫成碟好热气，食小小系最perfect, I really like the food here, the size is big and they also give us some deep fried fish skin on each bowl. I m happy to eat the fish skin for free. The fish ball dish has a mixture of 片头，紫菜等。。
继续阅读
【大埔区】【鸿发香港人鱼蛋王】夜妈妈一个人喺大埔唔知食乜好，其实大明里广场都已经冇选择，真系得返𠮶一两间。所以见到著灯嘅就行埋去八卦吓，呢间粉面店门口个阿姐话佢哋未收，仲有个几钟，咁就入去。入去先知，我好似食过佢哋另一间分店。唔理喇，叫个 $53 嘅「牛腩牛杂鱼面」，个牛腩系意外地好食，好有惊喜，质感好正。啲牛杂就正正常常，唔差嘅，只系牛膀就比较唔新鲜，麻麻哋。争啲唔记得讲啲鱼面，佢系扁身𠮶只嚟，份量唔算畀得多不过味道系唔错。另外再用 $9 叫咗杯「冻柠茶走甜」，都系正常茶餐厅柠茶，不过不失嘅质素。大家都知我就咁样实系唔够喉嘅，想叫个「潮州八宝」净食点知阿姐话八宝一定要配面冇得净食。好啦，我就用 $41 净食「潮州四宝」算数啦。话就话四宝，但出到嚟居然系有云吞、鱼片、鱼片头、潮州扎肉、猪肉丸、墨丸同鱼蛋，争鱼皮饺我系少 sad，不过已经克尽「港版关东煮」责任，味道都唔错。埋单 $103，去亲粉面店老奉叫到又贵又多，系咁上下价钱啦。。。（地址：大埔大明里1-27号宝华楼地下8号舖）
继续阅读
之前都一直间唔中有食开 什扒饭都算系不过不失既算择 但系今日坐门口包饺子个男人对入门既我呼呼喝喝态度极差叫我扫针纸 我之后扫完针纸就掉头走 食左都背脊骨落 可以blacklist得
继续阅读
一向都钟意食鱼蛋粉面，大埔墟都唔少呢啲铺头，如果要逐一试吓，真系要一段时间🕐食鱼蛋粉呢，鱼片头系我必叫嘅至爱，今次就叫鱼片头牛肚米+腐乳通菜+冻柠茶。食物嚟到，俾咗碗河粉我😢…..同侍应讲我叫米粉㗎，之后又出错⋯⋯佢俾咗碗面我😡⋯⋯，唉算喇⋯⋯我都照食啦，唔系一阵又唔知俾咗啲咩我😩鱼片头偏咸，冇乜鱼蛋味，汤底普普通通咁，冇乜特别，不过个通菜份量都唔少👍🏻，冻柠茶正常。大埔区的好味鱼片头，睇嚟要继续再寻觅了。
继续阅读