鴻圖樓

营业中

休息中

今日一行四人一齊食lunch, 吾知食咩好，最後決定再去鴻圖樓飲茶，蜜椒雞翼係必叫之選，見到之前未見過既點心，鮮蒸魚肉卷，所以叫來試下，上枱後，不論外相及味道都吾會再有下次。

話說男家某位女性長輩要飲茶，晨咁早，９點到茶樓。雖說不遠，但也不近，就在美亞廚具那邊再過一條街。來到茶樓就座，座位之間比較擠迫，稍為肥少少就會有點困難。　而所有食物都已放在枱面了！果個長輩話：食完呢批，再點第二批。　蟹子燒賣皇　　外形飽滿，大大件，味道鮮美，只是餡料有多件肥膏粒。　這不是春卷　　非平常春卷的包法，所以春卷皮夠脆身，清新不油膩。　　　黃金蒸土魷　　啡色魷魚，不似漂白水浸出來的魷魚。口感爽脆彈牙，配惹味咖哩，正！　　　　香煎蝦米腸粉　黃金比列不多，不算很焦香。如果可以煎至金黃色就好了！　　　家鄉炒米粉　　絲絲分明不油膩。鹹度適中，仍嚐到米粉的原味，整體很清新。　　　糯米雞　　糯米難消化，所以令人誤以為好襟食，食後不易肚餓。其實糯米除了難消化，還偏濕，易令人筋骨酸痛。自己才不會冒險呢！　還是把糯米雞留給果位長輩享用。　　　鐵觀音茶　　無茶香，没有茶應有的醇味，只感到澀味。喝了一口，心照！　　　消滅第一批食物後，看到鄰枱客人點了蛋散，所以心動想來一份蛋散。奈何，果位＜跟自己無任何血緣關係＞的男家長輩竟然阻止，又話貴又話剩，話得果二件唔抵食。　原來自己真係＜蛋散＞，連ORDER一

收到朋友call 約飲茶，頓覺頭痕。正如我之前的食評，講飲茶，公司附近實在冇乜平，靚，正嘅選擇，諗起舊年裝修過的鴻圖樓，就過來踩下場。12點來到，已經半滿。麻甩大叔同OL都有，地方細比較逼，只能夠搭檯。拿拿聲揾點心紙睇，廿零三拾蚊個點心，唔太平，其實都預咗。見午市有個點心拼盆(六款)，問侍應知道一款點心有兩件。好，得兩條友，費事諗啦，要個A拼盆(蒸)先! 另加一個煲仔飯。點心拼盤好快上嚟，有D睇頭，頂爆籠咁滯。個流沙包"流"㗎(我意思係"流心"個流，唔係話佢"流料"丫)其他點心味道都唔錯，食完已經半飽。跟住就來鳳爪排骨飯($38)。夠大煲，夠熱。呢度原來星期一至五有免費自助生菓同糖水(今日係紅荳沙)。飲午茶有飯後果都係第一次。總算揾到個似樣少少嘅飲茶地方，希望佢保持水準啦!下次有人call 飲茶吹水就唔洗咁頭痕。

今日約左朋友食lunch, 有人話想飲茶，就選擇了觀塘鴻圖樓，皆因佢向觀塘飲茶黎講都算吾貴，食物味道都吾錯，佢係一間較為舊式既茶樓，1樓、2樓係飲茶的，2樓全部都係房，雖然前排裝修過，但環境仲感覺到舊舊地。今次我們一行四人book左2樓既房點了煎蓮藕餅、燒賣、鳳瓜，义燒腸、菜芯，煎薄餐、义燒包、椒鹽豆腐、同埋必食既蜜椒雞翼，沒有一碟吾好食，賣相又ok。每間房都有專責的姐姐跟進有沒有漏單等服務，上菜速度都吾算雬，下次會繼續幫襯。

呢晚因為夜晚要去Studio，忙碌過後 完成手頭上要完成既任務，又已經到食晚飯既時間了。中菜會係今晚既選擇，想想附近有什麼好吃。位於工廠區 選擇不多，見到呢間酒樓燈光通明 決定試試看。位於一樓 坐位也算寬落，也寧靜 挺舒服。點了數款小菜 其中有：黃金蝦🦐`炸子雞🐥`啫啫芥蘭🌿`蒸海魚🐟。 近期大熱既咸蛋哥。真係好咸香 蝦也新鮮，配搭出黎真係好好吃 忍唔住食左好多隻呢。推薦❤️ 皮脆肉嫩，想不到工廠區既酒樓也做得不錯。望落 賣相也是吸引呢。 食中菜 又點少得點菜。啫啫煲上既菜，一般都較惹味。有蝦乾`蒜頭`醬炒既芥蘭，喜歡濃味的一定愛。 最後廣東人食飯 鐘意食魚。魚蒸得宜，剛熟不老而且很滑 都是技巧呢。連同薑蔥豉油一同下飯，真的可以食多碗飯呀。..想不到在工廠大廈，也有一間醫肚既好選擇。

一班同事相約食烤魚，由於一樓進行裝修，到二樓食飯最好是預先訂枱。這個川式烤魚不能獨食，因為最少要叫半條，一個人應該吃不下半條吧！而且二樓基本上是獨立房間用饍的。烤魚是預先炸熟，愛吃魚皮的不能錯過，配上少量蔬菜，大豆芽，豆腐，芋絲藏在魚下，再加上辣椒，花椒調味，一大盤川式烤魚上菜了。烤魚是用 gas 爐上的，全程都可以襯熱食，這點很重要。麻辣度是可以選擇的，我們點的是麻辣，小辣，平常只能吃少少辣的我，這個味道是能接受的。除烤魚外，我們還點了酸魚和數個點心，味道也是不錯的。

假日在工業區內參加活動， 活動完結後係時候食嘢， 假日工廠區大部份餐廳都休息沒開門，舊式酒樓就試試吧！ 很久很久以前嚟過食雀局飯，抱著一個抵字去食就絕無問題。劃點心睇睇價錢，大中小點均一$18.8。找回兒時灼菜的油鹽水香。油立立令掛在每條菜上。很久沒見的叉燒酥。可能小食，有感好味到想要多一碟。有點舊味道的鵪鶉蛋燒賣，鵪鶉蛋口感較硬。煙韌軟軟紅棗糕，質地好痴筷子。夠薄皮多料腸粉，叉燒好重手。極脆口粟米餅。脆口得嚟小油先勁!👍啲待應姨姨全部有咁上下年紀，笑容滿面，有講有笑!

今日好趕時間，所以路過就入嘅茶餐廳。諗住快餐冇嘢分享，但係.....原來星期日，同公眾假期係加一服務費，入嚟之前睇唔到，坐低咗就冇走到，冇乜招呼之餘，埋單要自己行出去畀錢，點解要收加一?!我的快餐：葡汁豬扒火腿飯，葡汁冇咩椰香同咖哩香味，只有顏色， 基本上個汁裝到有蔬菜就有菜食，但係呢碟祇有一片薄紅蘿蔔，得塊皮嘅紅椒，青瓜，火腿係薄同細，大約係豬扒一半嘅大細，豬扒唔淋囉。本來想飲碗中湯，但係要加八蚊，冇飲咯。朋友的午餐：咖喱牛筋腩飯，咖喱小香，冇辣味，牛筋牛腩都淋。

第一次！真係第一次買燒味飯加薑蓉要加錢！WTH？！明明係叉鴨飯，俾個酸梅醬都要問先有，唔會有下次囉。BTW，鴻圖樓嘅叉燒多數係瘦叉，會乾小小。燒鴨撞正係髀位，大啖肉，不過都係乾咗少少。但HKD31喺觀塘區係抵嘅。美咪指數：6.5/10抵食指數：7.5/10

今日 Happy Firday﹐ 約埋一大班同事去嘆茶。位置鴻圖道近巧明街，由地面至三樓是食肆。 我們在二樓飲茶， 酒樓比較傳統及舊式， 二樓間格很多小房間， 供客人打雀局用的， 在午市時段，大概有8位左右， 打電話訂枱， 酒樓可以安排房間， 一班同事可高談闊論，亦不怕騷擾其他食客或被其他食客聲浪騷擾， 很不錯。 食物種類很多很多， 有各式點心， 小菜， 碟頭飯。可惜酒樓有點舊。 其中有碟蜜椒雞中翼， 得不錯。 即點即炸， 脆卜卜， 雞肉香軟， 再加蜜糖辣椒汁， 唔太辣架， 好惹味呢!

上星期同屋企人一齊來,真是不錯,點心好吃,都是即叫即蒸,又大又平，千層糕特別鬆軟煙靭；蝦餃皮薄,蝦肉大大粒,而且很新鮮,不是用冰鮮蝦,下次來一定要再點。食完埋單都係百幾蚊，良心推介！

今日同朋友聚餐，朋友介绍到鴻圖樓飲茶，地點也方便，地铁行五分钟就到，一上到茶楼坐下，服務的姨姨態度親切貼心，推介的食物很合口味，烤鱼，點心都好好味，我推荐大家去嚐嚐，除了飲茶外，姨姨還推荐我们晚上到來食饭，還有房间供三五知己，玩樂麻雀，一眾老友都紛纷欲試，下次再分享给大家

前幾日，同friend係觀塘行街，係鴻圖樓吃也，經佢d推介話有正宗的四川菜吃，川菜師父縱係四川大老還的聘請過來，做的一手四川好菜，有鳥江魚、酸菜魚、回鍋肉、酸辣粉 、木耳、、、、、等等川菜。好久沒吃過川菜了、听到口水都流出來了，所以試咗烏江魚，味道非常不錯，分量十足，色香味俱全。真的是正宗川菜。雖然環境一般，但做出來的菜值得大家試一下，服務態度也非常好，以後有時間會在來試一下其它川菜，下次會再來光顧的。

飲茶好去處，梗係要去觀塘鴻圖樓飲茶啦！點心各式各樣，味道可口，深受飲茶一族的歡迎，有廣東菜，還有川菜，地聽還有角色熱騰騰的小炒，粉麵，香濃可口的奶茶咖啡，真係任君選擇。

今天一家人去街經過入去一試發現很多人，等幾分鐘就有位，坐低點了幾款點心外表吸引又好味，職員招呼又細❤️値得再來🙏🙏🙏，下面又有茶餐廳應有盡有晚上可約三五知己睇波食吓麻辣燙真爽