鴛鴦奶茶 (匯貿中心)

营业中

休息中

石門近年開左好多食肆，而且十分適合駕駛人士前往。早餐方面，鴛鴦奶茶會係我係呢區頭三位既選擇。如果兩個人來，一般我們會點一份經典早餐，內有一份多士配兩款自選食品：炒蛋、腸仔、午餐肉或火腿，再加一碗自選麵食，最後再配飲料。飲料除左一般港式選擇外，還有各款歐陸Latte，呢個就係我點解成日去既原因。出面去星XX,一杯已經要三四十元，而家$39， 已經有齊所有野。此外，呢度仲有其他歐陸式早餐，下次去開沙田，大家不妨來試下🤗

石門近排有好多新餐廳 ，不過朝早我仍最喜歡去呢間鴛鴦奶茶。除左環境好舒服， 又有wifi 外， 佢不停有新野食都係好主要既原因。近日 佢地出左個半唐番菠蘿牛，係牛角酥上面多左層菠蘿包既皮。 我本身通常黎呢度食all day breakfast 或 牛角酥做早餐， 於是試下。 真係一試難忘， 好好食，每日新鮮出爐， 牛角酥香， 菠蘿皮又脆， 好似朱古力酥咁 ， 好正！ 真係日日都要食過先安落！ 

星期六的炎熱早上，朋友願意領航踩單車，由沙田去上水再折返。除了左上水參觀圍村，完成後還帶我們去一個好好的補給地方- 鴛鴦奶茶。餐廳很大，有位置可以停放單車，也不會受人白眼。木是主調，桌面大，不像連鎖餐廳的枱面只夠放餐盤。食物是自助購票再取餐。下午茶時段竟然有很多選擇：飯類、意粉、湯麵、包、酥餅、甜點等等，價錢也相宜。三個人點了豬扒公仔麵、豬扒包、三文魚碎蛋牛角酥及餐飲。食物不錯，更難得的是環境舒適，是運動後小休的好地方。謝謝朋友的介紹，下次會再來。

係呢度返工，近一年都多左好多選擇呢間野裝修很有格調，而且出品對外觀有要求呢個海鮮拼盤連隔離枱見到既都忍唔住問咩黎在蛋多士，蛋撈埋蛋黃醬一齊吃下，鬆脆多士混合濃厚蛋黃一絕生果拼盤都是清爽的奇異果火龍果等，可以在吃完多士後中和乾涸的口腔中間的是班塊個汁好鮮味帶出魚肉還有青口兩舊，敢在食材給貝殼類就是對自己食材衛生的信心再黎係䳘肝汁焗雞扒飯雞好多無搵笨，肉味濃。飯爽唔濕汁好味中午黎講價錢唔算平但對得住食客

吃過出名嘅法國餐廳嘅法式油封鴨腿Confit，個口感此煲仔飯嘅臘鴨，唔會過鹹鬆軟。今次嚟到石門嘅食堂見到一個慢煮鴨腿忌廉飯，就來試試啦。賣相真不錯，因為飯上面加了黑醋，所以入口好酸，但蘑菇同忌廉汁都令到個飯好惹味。鴨腿像港式燒味，比較結實。不過同法國餐廳價錢平一陪嘅話，有港式嘅風味也是一個不錯嘅選擇吧！

入左黎呢到做嘢幾次想揾啲特別環境嘅餐廳試下 個環境似美心MX 我幾buy 因為附近都係茶餐廳多見佢個咖喱牛腩飯睇落好多人叫就試下啦奶茶個design似某coffee shop 嘅容量特別係個logo 唔太甜幾好 似茶餐廳啲奶茶味個牛腩跟薄餅同飯幾得意 牛腩味道少少少辣大大件好唔錯除左跟個飯仲有個薄餅 但個薄餅好厚硬一般般 點個咖喱汁唔太match 都只係gimmick黎姐佢個咖喱薯仔真唔話得 煲到好軟同入味 連埋啲汁一齊食 perfect呀下次會試埋其他

今日三個同事去左沙田石門過邊揾食 之前已經有其他同事推介過 終於黎到啦 一入門口已經有排menu 種類都幾多 焗嘅 台式 日式 salad 不過真係幾多人 記得揾到位先 再買飛然後等睇號碼board 今日選擇左台式肉燥豬扒飯 set 凍飲茶d肉燥何其豐富 份量亦足 好惹味 Yummy 其他叫左西班牙辣汁海鮮焗飯 但竟然唔太辣 兼好多cheese鋪滿晒當然更加要推出咖喱美國牛腩 有飯同薄餅 比兩種食法 微辣紅蘿蔔同薯仔入晒味 牛腩超淋

每日帶飯嘅生活的確省下不小$$，月尾出外吃餐豐富犒賞自己，第一選擇實係office附近個間鴛鴦，裝修靚坐得又舒服之餘，價錢還是負擔範圍內爭取時間快快立一立MENU就決定來個午腩飯咖哩美國牛腩飯白飯一大碗加上一點芝麻點綴，旁邊兩塊點咖哩嘅餅，都幾大份以類似某牌子靚靚小煲裝住咖哩，雖知食物點樣presentation都好緊要啊，邊個想吃擺得核楚突突嘅食物？開蓋時有陣陣好香嘅咖哩味撲上黎，好大件蘿蔔好入味，仲有薯仔，原來有好多大舊牛腩，易咬，入味，D咖哩汁完全足夠撈飯&餅食完真要抖一抖！

Weekday Off 送我大好機會找返office工朋友食晏，石門站確是個方便地點，地鐵一出即達多幢工商大廈，由於陸續有大大小小公司落户石門，所以附近食肆數目隨之增加亦是正常，今日朋友帶我食晏嘅餐廳，一改我對工廠區餐廳之印像- 頹／份量過多／千篇一律／唔企理招牌不太顯眼，踏進餐廳已見人山人海，餐牌Style屬大集團式樣，餐點清楚易明，就像平時快餐一樣先order,pay,然後等pantry 上顯示嘅單number就出去拎，焗雞扒飯配西班牙黑椒忌廉汁出餐好快，驚喜賣相非常吸引！滿滿茄汁+黑椒忌廉汁蓋飯面，再加上幾塊青，紅椒，洋蔥加小小顏色，芝士份量令人真滿意，焗起還帶點點金黃+香味好足料的兩大塊雞扒，好厚肉好juicy，炒飯底令焗飯來得更出色，事關炒得好均勻份量對於女仔都唔會話太多，飽小小吧港式奶茶奶茶好滑飲完無澀口感覺，熱度拿捏得好準確！USB 張receipt寫帶USB Charger, 雖然無咩人需要但係非常貼心呢

咖啡質數很差，買了杯Ice Americano ,得個苦味，豆可能炒得很深，同一般茶記完全沒分別，想問吓店員用乜豆，但佢地似乎唔知我講乜，算吧，冇下次，這店不外乎是高檔版大快活！

今天到石門探朋友，發現附近都是工商業中心，以為沒有太多用餐的選擇。朋友說這裡有間吃快餐的，價錢合理，味道不錯，值得一試。來到餐廳後發現店舖的面積頗大，工業風裝修，以長枱的佈局，頗適合一大伙人用餐。適逢假日，確實有不少家庭在此用膳。食物有很多選擇，由於不太餓，便點了all day breakfast, 價錢已包了一杯飲品，也可以加錢再配特式包。這個餐的份量頗多，根本吃不下呢！我最愛當中的黑松露炒蛋，上枱時黑松露味已緩緩散發著，十分吸引。炒蛋亦很香滑另外，我也很欣賞榛子咖啡，有香濃的咖啡味，又不會被榛子的甜味搶過。

午餐時間同事推薦這個鴛鴦奶茶, 真係唔錯, 可說是小瀝源少見的好店, 所以特別推薦給大家 上菜感覺超精美, 完全不像是一間工廈區內的快餐店小瀝源午市一向無太多選擇, 多數都係去工人飯堂, 今餐真係好驚喜, 以後會常來了

在石門返工既朋友都知，石門餐廳選擇少，而且衛生情況不太理想。也許是因為獨市生意，石門既餐廳多數都是茶餐廳，食物種類幾乎一樣。但隨著石門發展，新餐廳逐漸引入。鴛鴦奶茶結合中西美食飲品，環境寬敞帶歐陸氣色。蒲燒鰻魚拼雞扒飯配麵豉湯份量足料，濃味的鰻魚汁配上軟滑的珍珠米，食畢有種好滿足的感覺。牛油果烚蛋沙律配芝士凱撒醬及蕃茄湯沙律份量大，再配蕃茄湯，飽肚健康。

同兒子去硕門新開嘅「鸳鸯奶茶」試吓新。兒子看見「鮮牛油奶多士」，問係什么奶。我接着問: 係咪即係鮮油+煉奶？收銀靚女回答:「上面無寫，你應該問寫嗰個！」😯😵😲我必恭必敬再請教:「我只不過係個客，点知貴公司邊位係寫嗰個？你係員工，而家同我落緊單，個客唔清楚，只係想 confirm一下啫……」😰😖😧唉！價錢响嗰區已经唔算平，職員態度仲係咁樣。睇嚟公司嘅培訓認真需要檢討。而身為一個員工，同公司嘅內部支持單位咁水深火熱，應該非一日之寒。「鴛鴦奶茶」開得咁快，其他配套跟唔上，估吓最後有乜嘢後果？

一早又紅雨又黃雨,到附近隨便吃個下午茶,石門9成都是茶餐廳,lunch time永遠坐滿人,早前收到傳單知道這間餐廳便過來食下,這裡環境舒服,餐廳裝修跟石門的茶餐廳是兩個世界,幾張大長枱,有雜誌看,先俾錢,再等號碼去拿食物,下午茶時間2:30,朋友點了焗豬扒飯$42,賣相很吸引,炒飯底,鮮茄醬,兩大塊豬扒,茄醬新鮮,豬扒不韌我點了香蒜肉絲意粉$36等了有點久,很肚餓,蒜蓉好香,意粉炒得很香,肉絲多,好味道冷氣開得太大,食物凍得很快雖然是下午茶,但份量很多