鴛鴦奶茶 (匯貿中心)

营业中

休息中

今日同同事出嚟食，第一次來，一進入店感覺黑的像夜店一樣，幾多位，位置又夠大，很快上菜了，不夠飯，少食的人應該剛剛好，味道3/5分，有一點點辣，豬扒炸夠鬆脆，如果可以加芝士就最好了*芝士迷一定喜歡*

鴛鴦Cafe新開時候（2016）食物質數、環境衛生都OK嘅。由最初每一、兩星期都會幫襯一次到而家半年先會嚟一次，食物質數可說是每況愈下，唯一不變的是職員態度-差

食咗咁多次咁多年，忍唔住要留言！都唔係第一次聽到話員工態度唔好啦，我有時都幫襯亦都知道係事實。可能呢個係工廠區、或者係華記嘅傳統。今日食個$70嘅羊扒拼豬扒餐+少甜少冰奶茶。首先個豬扒係OK嘅，但係個羊扒簡直係樹皮一樣！杯奶茶啲冰多到飛起，次次如是！忍唔住行返去同水吧講，幾個阿姐佢哋竟然係望吓我，冇出聲亦冇人理我架，正呀！（全部有相為證大家自己衡量。）唔憂做、趕客之道！👍🏻最後，全場最好同有禮貌嘅就係執枱嗰個阿姐。

吉列魚柳配牛角包、忌廉炒蛋、茄汁豆 $40魚柳炸得十分鬆脆，可配沙律醬吃；炒蛋亦很滑有奶味；牛角包🥐出乎預期地又脆又好吃，因為平常一些早餐店會預先製造，到我們吃的時候牛角包已經不脆🙃這個牛角包好吃～👍🏼另外，奶茶個人覺得較一般～

今日lunch去左公司附近既鴛鴦奶茶食，見左有個新出既🦀炸軟殼蟹海鮮忌廉汁焗飯 $68 幾吸引，一於就試下！成隻軟殼蟹鋪喺面🤤 海鮮唔係平時茶記食到既蟹柳、鳴門卷，而係有好多蜆肉、蝦同八爪魚粒。配埋芝士忌廉汁，唔錯但好膩🥴 跟餐飲一杯，$68食餐lunch其實都唔平，但好彩味道搭救到✨ 其實石門區內食飯都算貴，呢度已經算唔錯，但如果餐牌款式變化多啲會更好。====================推介度：4/5❤️CP值：4/5👍🏻好味指數：4/5👅====================

坦白說食物真心不錯。。價錢亦算合理。。。但某收銀員工態度很差。。。好似欠左佢甘。。。作為服務行業。。。連基本耐心同禮貌都無。。。面口極差。。黑口黑面。。。。令人想掉頭就走。。。

石門開左好多餐廳，但係早餐選擇唔算好多。呢一間餐廳叫鴛鴦，門面冇乜特別裝修設計，入到去就好似快餐店咁，睇完牌就去櫃檯嗌嘢食。特別之處呢度會收八達通。每次去到我都會食佢嘅扒餐，價錢合理，個賣相非常之好。可以食得出每樣嘢都好新鮮製作。

其中一間會encore既舖頭！奶茶真係好飲，鴛鴦都唔差，之前食過蛋包飯，今次就試下蒸點，發現蒸飯通常都有埋蛋😂個汁就一流，蛋我鐘意，蟲草花都好食，但係雞就冰鮮味重，餸份量都多，飯對我而言就啱啱好。最推薦都係佢嘅下午茶，抵食份量足仲好有誠意，好似雞翼咁，就有4款，啱曬我口味，多士有咖抰味，都真係幾正，薯條就冇乜特別。環境都闊落嘅，算舒服同埋唔會趕人走，感覺似係高級版大快活，價錢合理，值得一試再試。

早前已經寫食評，多月後再來，回顧一下先。鴛鴦推出會員抗疫午餐$42起。 點了當日特價餐豬扒炸蝦飯送熱飲。份量跟正價沒分別，沒有因為特價而偷工減料。一片豬扒＋２件炸蝦，豬扒厚度適中，香煎入囗還有肉汁，不錯！炸蝦外層脆漿較厚及蝦較細隻，但4x 多元午餐要求不能高。另外有薑蔥及 豉油汁送飯一流。伴菜裝飾的温室豆苗就怕怕，很多餐廳喜歡用温室豆苗擺盤，顏色可能較吸引又容易處理但温室豆苗有陣強列草青味，我一絕不欣賞。鴛鴦水準不錯，多月後再來仍然保持水準。

借用一下，因為中大醫學院鴛鴦奶茶頁面未有今日陪阿仔打第二針，經過中大醫學院嗰間鴛鴦奶茶，叫咗黑松露卡邦尼意粉及兩餸飯意粉一般，不過不失，冇乜松露味兩餸飯嘅菠蘿生炒骨，得一小塊肉，其他只係炸粉及骨，菠蘿都冇，又有油溢味。淸炒菜全部都好黃及有啲苦… 食咗一半要放棄好唔掂

今午因為要見客關係，一個人黎到石門，對此地方感到陌生，坐馬鐵一出就見到個商場，都幾特別，工廠區有個大商場，趁未到時間見客就行左一陣，不過商場又好似無乜野好食，之後見完客後，就到食飯時間，落到樓下咁啱落大雨，喺大廈門口等雨停際，左手邊有間好似cafe嘅店，諗住近近地入去睇下有無野食，入到去原來唔洗間，似一間有裝修嘅餐廳，應該話係快餐，但無論裝修及格局都比香港三大快餐店要好，最後點左個蛋包飯，$56有埋飲品，味道真心唔錯，唔怪之得咁多人幫襯，原來香港只要肯去搵下，就會有機會搵到啲好食既食店

今日又黎到沙田做嘢✌🏻✌🏻✌🏻今日去遠少少 去到碩門邨做嘢👍🏻👍🏻其實碩門邨都好多好嘢食只係位置偏僻咗少少早餐我比較鍾意食豐富啲行過路過見到呢個餐牌好吸引🤣🤣🤣於是就入去坐低咁我就嗌左個雞扒 🐓炒蛋🥚沙律🥙多士餐佢另外仲有配埋個茄汁豆👍🏻👍🏻👍🏻簡單又豐富我就嗌左杯凍檸茶少甜👍🏻👍🏻👍🏻個雞扒外脆內嫩👍🏻👍🏻👍🏻而且都好大塊基本上唔需要嗌多個面已經好飽炒蛋沙律多士都係普通貨色唔會話有啲咩特別好好食不過成個早餐就好豐富 每樣食少少下次去碩門都會再試✌🏻✌🏻✌🏻✌🏻

地方遠，價錢不值。首先收錢嘅人一直聽唔清楚，明明我重複二次音量都一樣，但係佢係聽到第二次。🙉🙉唔緊要。等飯不是很快，但ok。環境好迫，好多人，所以我外賣拎走。打開佢，有D失望，好小lol。個盒好難打，四邊都係開口，仲有汁係上面，令到成件恤都係汁。最失望係D嘢食，漢堡扒咁細，我接受，但係太多黑椒汁啦，太辣！個蛋包飯D蛋滑唔緊要，ketchup 都無，一D都唔認真！唯一覺得好食係炸薯容，汁ok。佢哋應該promote 這個。D staff 全部都好mean 同cool, 無熱情。這間回頭率較低。

今日午飯選了這間餐廳，餐廳位置不在石門京端商場，而是在工廈的地鋪。在石門站出，大約行3-5分鐘便到。鰻魚蛋包飯（$68）+凍檸茶（+$3），盛惠$$71。上餐速度好快，由下單至取餐，大約3分鐘。環境整潔，12:30到餐廳，仍有少量咭枱。服務正常，有禮貌的。食物質素中規中矩，主角縵魚上菜時只是微溫，但幸好肉質偏彈牙，不是只有脂肪的那種，也沒有泥味，淡淡魚香。蛋包飯的蛋味算香，飯的質感也正常。檸檬茶有茶香，不太甜（忘記叫走甜）。整體來說，用餐感覺良好，而返工午膳來說，都自滿足。

這間餐廳的食物一向好味、選擇多、性價比高。由於想吃意粉，所以選了歐陸系列：焗茄子肉醬千層麵層層也有肉醬和茄汁，面層有一塊焗芝士，很香，味道較濃，但不算膩，份量剛剛好。明太子煙肉卡邦尼天使麵淡淡忌廉味，濃度剛好，不會膩。