鴛鴦奶茶 (匯貿中心)

营业中

休息中

 係石門返工，野食唔多 ，呢間係其中一間我比較鐘意，因為選擇多，而且價錢平。一般食西式野呢區要人60-80， 呢度係5，60， 仲可以下載會員APP，儲分換現金券，所以抵上抵。呢排疫情關係，少左出外食飯，見佢又做全日外賣9折，所以買返公司食。長通粉煙鴨胸青汁，一D 都唔似工廠區既質素，鴨胸好嫩，係煎香左再煮。青汁係香草煮，每條長通粉都有少少汁，炒得好均勻； OLIVE OIL 亦好香，絕不將價就貨，＄62再9折，50幾蚊，真係茶餐廳都唔止。石門人一般都知呢間，係人氣食店黎既。

因經常出入石門，所以不時會光顧鴛鴦奶茶。先講餐牌，開業以來都沒什麼改變。如果可定期更改菜式會較吸引，但這問題都不大。店員的服務態度才是大問題。從收銀到水吧的員工，不論男女，都是沒禮貌的，多問一句也顯得不耐煩。還有，在現時全球疫情時期，稍為有衛生意識及負責任的食店或人，為客人準備食物時理應戴上口罩。可惜這食店一些在水吧工作的員工不但沒有戴口罩，而且還一邊食嘢一邊準備客人食物。目睹一位年輕女店員就是這樣，吃一、兩口，然後預備客人食物，再吃一、兩口，再繼續.....這樣的情況不只是一次，店員亦不介意客人見到，太差勁吧這樣的食店，現時還是少光顧為妙！

I've been to this cafe several times, mostly for breakfast as their breakfast sets are, in my opinion, one of the best valued sets in the district. Most of their breakfasts range from $30-40, for good quality food too. I've had so many places where they overcook the scrambled eggs, and it just turns into a mushy fried egg with solid egg white strands. Cafe YuanYang however does a great job in keeping their scrambled eggs just well done where they're very smooth and rice, but not too runny to the

與同事午餐來了這間餐廳，這裡的款式很多樣化，很多食物都能吸引到我。。。最後選了黑松露培根蘆筍扁意粉，熱奶茶。這裡是跟快餐店的模式運作，到櫃台買票後等顯示牌顯示號碼，再到取餐處拿取自己的食物。還好出餐也很快。。。初初看它以為份量不多，用叉把它翻一翻，原來份量也很可以的。。淡淡的黑松露，配培根味道來吃是不錯，培根份量也比我想像中多，扁意粉的口感不會很軟，硬度適中。。。下次要再試試其他款式。用餐後，我們都把自己享用完的餐盤放到回收處。

鴛鴦係我係石門返工lunch 首選但亦睇住佢啲菜式一成不變都少左去食今日要ot諗住去買個早餐點知見到收銀就知出事（絕對唔係偏見）我前面排兩個人，收銀用左幾分鐘先收完第一個（可能係個男人用信用卡俾錢嘅原因啦）到收我果陣（因為有download 佢個app,平時有儲開分,用左早餐兩蚊優惠）個阿姐嘟完個QR CODE，直接禁左收錢彈張飛出黎係$35當然佢亦只係收左我$33但就冇俾返張收據我，而係手寫左個number 俾我（電腦飛上面有QR CODE可以儲分）都算我走去同個老細講不如你出去收銀啦，你睇下條人龍個老細隻眼碌到大一大話：咩事啊（可能佢個樣比較惡，令我覺得佢態度唔係咁好）我態度都唔係咁好不過個客同你講都係俾意見你想你好接唔接受隨便你鴛鴦嘅早餐就仲係保持到水準

呢間中西合璧嘅快餐店同一般茶餐廳好唔同，除咗港式快餐，呢到仲可以食到蛋包飯、拉麵、意粉，連肉眼扒都有，而且餐牌每個月都會出新款，就算成日食都唔會覺得悶，鴛鴦奶茶已經成為我嘅飯堂首選見到出新野仲要係我至愛嘅鯖魚就毫不猶豫叫咗，果然冇令我失望日式烤鯖魚定食 ($60)套餐配味噌湯、三款前菜同港式飲品鯖魚好肥美新鮮，油脂豐富，外皮微酥脆，肉質厚實有彈性，而且完全冇腥味，擠少少檸檬汁更加可以帶出鯖魚嘅鮮味，估唔到快餐店都有咁高質嘅日式料理食，絕對值得一試

最近發現了這間食堂，如果唔係Open Rice 搵到，都真係唔會知佢嘅存在，因為佢嘅位置都幾隱蔽，工廈地下無啦啦有對門入去果種。餐廳嘅裝修令人感覺舒適。其實係飯堂，不過感覺唔似茶餐廳feel 個種，好過大快活同大家樂。需要先排隊買飛，一點前嚟買外賣仲有九折。因為喺公司附近，所以其實我都已經食咗兩次，今次要左豬扒飯，味道唔錯，分量充足。50幾蚊黎講，質素唔錯，我覺得好過大快活同大家樂。下次lunch會再番黎食！

好耐無黎到石門工作，今日終於又有機會黎哩頭搵食哩間鴛鴦奶茶位於石門工業區內，對附近番工嘅朋友仔黎講可以話係飯堂。餐廳座位多，點菜形式係先到cashier order再拎票等攞餐，所以感覺真係好似飯堂食物選擇多，有焗飯、意粉、扒餐等等，而我就對佢嘅蛋包飯充滿興趣喇見到好多檯都有人叫。粟米汁吉列魚柳蛋包飯蛋包飯系列有三四款，是日有：咖喱牛腩蛋包飯、黑椒牛扒西班牙腸蛋包飯，同魚柳蛋包飯。賣相唔錯！面頭嘅炒蛋好滑溜，仲見到微微旋轉嘅蛋紋，飯係炒飯底，飯粒分明。唔好睇隔離嘅吉列魚柳好似好細塊，其實好厚身，新鮮炸起，皮10分脆魚肉好滑，粟米汁唔咸，汁嘅份量都剛好，唔會食到好膩！餐飲凍奶茶，用外賣杯方便飲唔晒隨時都可以拎走，茶味香濃，大杯抵飲另附上咖喱牛腩蛋包飯圖，賣相都好吸引溫馨提示：用餐完畢，記得自己收拾餐盤啊！

《鴛鴦奶茶》，一看見這名字，我本來的期望的，是一間很港式的型格茶餐廳。但一入到來，原來是一個工廠飯堂，是一個型格的工廠飯堂。花了心思，用上了許多的道具去擺設，粉飾地方，令到這一個食事處帶點點的外國味，佬 feel 完全是零。當日，我見到不少在石門工作的外國人開心地用餐，相信，是價錢相宜同環境合心意才吸引到一班老外來做熟客的成個場很有文青味道，很有新式商場 food court 既味道。第一天來，要了一客瑞士汁豬軟骨煎蛋飯。一份多汁而且味道香甜的豬軟骨，配合一隻單面煎的雞蛋及白飯，入口很甜，很腍，也很順喉。吃過好食，於是第二日再來，這一次就點了他們其中一個日常午餐，咖喱牛腩蛋包飯。帶點點的日式味道，也有港式的成份，這就是當今香港茶餐廳的拿手好戲。咖喱是帶甜味的，送飯幾好。可是牛腩硬了少少，美中有不足。喜歡飲奶茶的我當然會點上一杯美妙的奶茶啦。茶味突出，奶味也得到了平衡，而且入口很滑，令我歡喜。《鴛鴦奶茶》，給我的感覺是一間中西合壁的快餐廳。給人一種高檔少少的感覺。平平地又想食靚少少，這兒是一個好選擇。

午餐時間首選餐廳（後補食評😂😂）最愛鰻魚蛋包飯，鰻魚很肥美！但這個蛋包飯不是常常有另外肉醬千層面,青咖哩雞球飯都推介！餐廳還可以少飯！儲值分換5蚊現金券！環境都ok，而且尚算舒適！

當嘴巴饞到唔得，肚餓到咕咕叫，霖佐好耐吃乜，就係OpenRice 搵下，就揀佐這間位於沙田葛鴛鴦奶茶Cafe Yuanyang，絕對系下午茶首選；當然少不了炸雞以及鴛鴦奶茶啦！而且呢間店仲有午餐、下午茶、早餐讓你選擇，它賣的早餐選擇配搭相當豐富，有歐陸早餐、韓式早餐、輕怡早餐和傳統的港式早餐；人均￥50左右，實惠又合理，食物份量超大，味道又超級正！環境唔錯，坐得又舒服！而且每個月會定時更改菜式，感覺物有所值，服務態度是很好的，無乜好挑剔的，正！

石門不嬲都多隱世美食，今日朋友帶我黎呢間隱世工廈餐廳試下。餐廳裝潢以紅磚色調為主，空間寬敞，牆上有一個個電子menu寫滿唔同國家為主調既菜式，都幾多元化！今次我就揀左呢個日式咖哩流心芝士漢堡蛋包飯，再配佢既奶茶。首先講下個飯，佢蛋包飯既份量都唔少，配埋日式咖哩汁既甜辣係非常惹味！個流心漢堡一切開就有芝士流出黎，令到成個飯既口感更加豐富。可惜漢堡既份量有d細，建議可以整番大塊d! 奶茶係重奶味既配搭，屬意料之中。總括黎講，餐飲既選擇多，坐得舒服，CP值亦唔差，下次會再黎試下其他菜式。😋

吃貨我覺得自己都幾幸運，每次轉新工公司附近都有好多好嘢食，今次新工作嘅辦公室響沙田石門，一開始聽見石門我係接受唔到嘅，我記得兩年前嚟過石門係非常之荒蕪乜都冇得食，以我咁鍾意食嘢真係非常之唔開心😫點知我返工第一日發現石門完全180度轉變左，見到超繁華，呢度竟然百花齊放有超多唔同種類嘅餐廳開咗，豐儉由人任君選擇。所以lunch就同同事四周圍去食，未試晒所有嘅餐廳，嚟緊我都會繼續食唔同嘅餐廳喺度同大家分享！今次呢間鴛鴦奶茶係我和同事們最近嘅新寵，十分推介俾大家。其實佢都係一間對面工廈內嘅餐廳，格局似豪華版嘅大家樂，空間夠大而且都算坐得舒服，最緊要係唔算難搵位。有水牌介紹，由購買到拎食物，同埋食完還盤都係全自助，雖然係咁，但係都會俾佢食物嘅質素所震懾而愛上呢一度。佢嘅價錢大概50至$70到，午餐算中上價錢，不過佢嘅食物都好多國同埋多元，由西餐焗飯鋸扒去到日韓美食都有，因為我哋同同事都呢給個禮拜成日去食，基本上大概可以話比大家知邊啲係推介，邊啲麻麻地。佢呢度嘅招牌就係日式蛋包飯，我覺得入門級一定要試佢嘅咖哩流心芝士漢堡扒蛋包飯($60)！佢嘅蛋包飯做得絕對出色，造型上已經好吸引到眼球，蛋皮啱啱好

昨天一行8人，因為晚上有個活動在附近，想找一個地方聚聚，可以食下野，飲下野，但又唔駛四五十蚊一杯咖啡，又可以笑下傾下，就係OpenRice 搵下，就揀了這間。我是第一個到，只是下午茶，已好多選擇，望下附近枱食咩，都係花多眼亂。問一下收銀妹妹，好奇地問木板的炸雞，妹妹告訴我，那是其中一種受歡迎的下午茶餐，於是我就叫咗。買咗飛，就等住叫號碼，望下周圍，都頗靜。不過，這個靜就被我們的8位女士打破了。 希望餐廳不會怪我們，因為我們有些是30年沒有見面，一聚停不了。食物份量超大，味道好好， 連飲品45真係好抵。 最後離開時落大雨，餐廳都好體諒比我地再坐多陣。其實佢地將休息，也從沒有過來收走食物盤，趕客那類小動作，這點我非常欣賞。

石門呢個地方都可以話係美食沙漠，都冇咩幾多間餐廳喺呢度。不過，呢間鴛鴦奶茶就開喺一個比較隱蔽既地方，門口就唔太特別，但一入到去就大有不同，裝修非常西式，都幾精緻。咁我就嗌左茄子千層麵，上面配個蒜蓉包，再加上滿滿既芝士，味道相當好，以大約50蚊既價錢，食到咁既質素，算係幾值，可以推介。