鳴門割烹料理 (已結業)

星期日，去左九龍灣試想試好耐既鳴門半放題。188加一，1:45入座，食個半鐘。首先可以揀個主菜，我地就揀左帆立貝海謄丼同埋西京燒銀鱈魚。帆立貝冇乜鮮味，海膽就OK，唔係太腥，我地唔太喜歡海膽都可以接受。西京燒銀鱈魚好好味，D皮好脆，D魚肉好滑，D汁都好味~橙汁一般，exactly果汁先生不過係淡左既果汁先生~麵豉湯幾好飲~蒸蛋唔錯好滑，D雞肉一般，入面既菇就好味，後段再叫已經賣晒lu~北寄貝、劍魚、帆立貝、蟹籽壽司，帆立貝壽司既帆立貝鮮味好多，北寄貝都唔錯，蟹籽同劍魚反而冇乜特別~D飯握得OK，又有壽司醋味~迷你牛肉烏冬，牛肉好牛味，好食，烏冬都好食，又唔係太大碗所以食左兩碗，用尼配我D三文魚鰭，如果唔係就好溜~三文魚鰭、明太子玉子、燒牛舌，三文魚鰭好食，好香好脆，D肉好滑好多魚油，牛吞就厚左D不過都咬到既，玉子就甜左D~芝麻雞翼同炸蠔，芝麻雞翼好味再叫多左幾隻，好脆，炸蠔就OK啦，D蠔唔腥臭，不過有D溜~

我去過好多間鳴門不同分店進餐， 發覺九龍灣呢間裝修最靚， 樓底高 ，坐得最舒服， 晚上可以靜靜地 同 三五知己食晚飯，真係賞心樂事。我同朋友坐低發覺 餐牌上的二人套餐非常抵食， 因為我有vip卡 ，只需半價，即大約500蚊就可以食到以下食物:青芥辣八爪魚前菜， 食得出事是新鮮wasabi味道， 我的至愛。松葉蟹蟹子沙律，好好味！四式刺身盛， 刺身新鮮， 鮮帶子入口非常鮮味。三色壽司盛，正！網燒安格斯牛肉眼， 七成熟， 分量好足夠， 如果五至六成熟會更加好。鹽燒鯖魚， 魚皮燒到卜卜脆，上枱即食，非常好味滑蛋鰻魚飯， 呢個餸配兩大碗白飯， 食完飽到上頸， 只係略嫌滑蛋加醬汁 太多水， 加個芡可能會好好多。另外我哋散叫咗一杯生啤，正呀！

平日lunch去食, 人都幾多, 未至於要等位, 不過都坐滿. 叫咗吞拿魚刺身lunch set. $150. 有一個燉蛋, 沙律, 湯同吞拿魚刺身飯. 食完都幾飽. 沙律同湯沒技術可言, 不評論了. 燉蛋裡面有啲其他料, 有啲怪. 裡面有啲喺海鮮, 可能唔喺好新鮮, 苦的. 差啲想嘔返出嚟. 吞拿魚刺身普普通通, 食唔出刺身既鮮味. 食物質素整體嚟講有啲失望. 仲要喺咁既價錢. 坐得好迫. 四面都聽到隔離枱啲人講咩. 我聽到好多八卦. 野食唔算好食, 又貴, 坐得又唔舒服, 不了.

一早預約咗附近嘅一間壽司店，之前聽朋友推介呢間壽司店嘅壽司好好食，所以就揀咗呢度食，之前預約咗，唔使等就可以入去，我哋被安排到兩人坐位，諗咗一陣，就決定咗嗌兩個餐，一個係雞扒烏冬配壽司，另一個係雜錦壽司丼。雜錦壽司丼嘅顏色好鮮豔-壽司嘅擺法都好親切，點一點wasabi再入口， 配上餐廳環境，感覺自己真係喺日本食緊飯咁。另外一個烏冬好弹牙爽口，食落嘅口感非常之令人滿意 ，雞排嘅内好軟身，唔需要花時間去咬。另外仲有個滑蛋同味噌湯，滑蛋蒸嘅時間啱啱好，入口即浴，份量亦好夠。今次我哋兩個都食得好開心，對餐廳個環境同埋食物嘅品質都好滿意，相信下次會再嚟

呢間居酒屋既價錢好合理，服務態度好👍🏼.海膽赤之戀丼 $188有五大隻杜丹蝦呀！！😍仲好鮮甜爽口！🤤真心正！海膽都好鮮甜💓平時食一隻都貴啦，所以呢個價錢抵食！.蒲燒鰻魚飯 $138鰻魚肥美，味道好😋好大碗呢！如果多啲汁會更好，同埋飯既質感要改善下🙈.二人前 $298枝豆七味鱈魚棒刺身二點盛(三文魚，油甘魚）刺身超肥美呀😍🤤日本青椒和牛串 鹽燒赤海蝦呢啲送酒食一流呀😎+$1 任飲BEER❗️❗️岩晒中意飲啤酒既朋友🍻Btw 6pm後每位消費滿$150 先可以加$1任飲呀。

#fridayla_klb⠀⠀⠀⠀⠀⠀⠀⠀⠀⠀⠀⠀⠀⠀⠀早排去咗九龍灣鳴門食飯皆因佢地再度推出$1啤酒放題⠀⠀⠀⠀⠀⠀⠀⠀⠀⠀⠀⠀⠀⠀⠀最岩一大班fd去啤啤佢😝只要每位消費$150以上再加多$1，就可以無限飲啤酒！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣九龍灣分店每次黎都覺得空間闊落，而且環境唔錯😳似入左一間超高級日本料理餐廳⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣因為佢樓底實在太高，會比到食客好莊嚴既強烈感覺，但價錢又不算好貴，而且質素不錯😳⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣二人前💲298💭枝豆前菜正常，不驚喜💭鱈魚棒都幾惹味，質地軟淋😳💭三文魚同油甘魚都好新鮮肥美💭青椒和牛串差D牛味，但燒汁好正💭鹽燒赤海蝦肉質彈牙，唔錯！💭但整體而言稍貴😢⠀⠀⠀⠀⠀⠀⠀⠀⠀⠀⠀⠀⠀⠀⠀2⃣海膽赤之戀丼💲188💭海膽好鮮甜，絲毫沒有腥味🤤💭五隻牡丹蝦好大隻，而且鮮甜😍💭肉質新鮮彈牙，有驚喜！💭性價比都幾高😍😍⠀⠀⠀⠀⠀⠀⠀⠀⠀⠀⠀⠀⠀⠀⠀🔘宜家做緊推廣，$1啤酒放題😎🔘每位需要$150最低消費，晚上6點開始 ⠀⠀

多得屋企人推介，上星期去左呢間鳴門度食左個半自助餐餐牌上嘅主食可以是但揀一個，我地揀左三色丼，安格斯牛肉眼扒同銀雪魚，三樣都好有水準好鎳好味刺身同其他熱食、飲品都係任食，雖然係任食但水準都好高壽司都好正除左食物，環境都坐得好舒服，值得推介

<< 喜歡飲酒的朋友們 你地有福拉 🍻 >>⚠️只要食滿$150 就可以以$1仼飲無限量SAPPORO啤酒了(正價$30) 真係好抵哇😆收工同同事 朋友去chill下 最好不過🍻優惠可用於星期一至日晚上六點後 (九龍灣)最緊要係 •鳴門• 既食物種類繁多環境舒服 食物質素尚高有$1啤酒 仲可以食到咁高質食物點能錯過哇💁‍♀️🥁🥁🥁🥁二人 • 套餐🥁🥁🥁🥁1.) 枝豆2.)七味鱈魚棒因為飲啤酒🍻既關係 小吃又點少得 枝豆同鱈魚棒都係絕配的！3.) 刺身二點盛三文魚鮮甜肥美油甘魚油脂味好香👍4.) 日本青椒和牛串和牛串埋相很吸引 不過食落有點銀但以番茄青椒的配撘是用心的5.) 鹽燒赤海蝦五大隻赤海甜蝦蝦肉吃得出很新鮮😋 但鹽味落得有點重手 🌐🌐🌐🌐散叫的🌐🌐🌐🌐💘海膽赤之戀丼呢個海膽甜蝦丼真係無得輸蝦腸一早已經拔了出來 好細心

🍴鳴門$1啤酒放題🍻🍺 二人前🍴$298又黎啦🤗每年都會等佢呢個$1啤酒優惠 因為我地當晚餐咁食 又嗌左個刺身丼😍.🍴海膽赤之戀 刺身丼🍴$188用甜蝦鋪滿飯碗超奢侈😇重有海膽加係面 如果有埋三文魚籽就perfect池😏咁岩二人餐既虎蝦無哂 廚師轉左秘製醬汁豬手比我地 估唔到勁有驚喜！豬手炆到好林 外皮軟綿綿 骨膠原多到溶埋落個醬汁 食到個口黏痴痴🤤🤤.和牛串都好味！ 每粒和牛都有油脂保存😍兩條唔係好夠喉🙈😂最後傾計一路飲啤酒一路食晒d枝豆同鱈魚絲😂😂😂🍺🍡鱈魚絲重有隻沙律醬點 好惹味☺️ 話咁快清碟呵呵 🤭.地址：鳴門割烹料理九龍灣宏照道33號國際交易中心2樓2號幸福指數：8/10🍺人均消費：$220-250

每逢同事生日，都會去「嗚門 」食lunch, 因為又方便，野食又唔錯，不過越食越貴⋯刺身確係新鮮，分量亦相當足料， 魚生大大件，好豐盛！蒸蛋好滑！以前跟餐有雪榚 / 橙汁，最近食果次已經冇了，要另外加錢⋯⋯>,<

今次比呢個$1 #SapporoBeer 任飲放題吸引左去食係九龍灣站行過黎都唔洗10分鐘店面光猛空礦 空間感十足 以木為主的裝潢 感覺舒服睇下Menu 食物選擇好多仲好抵食兩個人食左咁多野又海膽又和牛又刺身又有巨型赤海蝦埋單人均300有找 仲要有啤酒任飲喎！刺身二點盛 三文魚 油甘魚各兩厚片 好肥美油香十足青椒和牛串 牛肉有質素 唔會Overcook過老鹽燒赤海蝦 勁抵食 兩隻手掌咁長 都只係$48！唯獨是調味重手左 味精粉有啲過量 但肉質都鮮嫩🦐海膽赤之戀丼 五大隻赤海蝦刺身 蝦頭蝦膏豐富 不過食得多會有啲膩最後競猜下我地兩個人飲左幾多罐Sapporo😂其實$1任飲 飲一罐都抵😂仲要星期一至日都有呢個優惠！

今日公司請客食飯，係這區都有些餐廳較為高級，常望見門口冇人排隊，原來午市時段是滿座的。看了餐牌後，點了吉列猪扒定食，豐盛刺身定食，和牛粒蕃茄湯讚岐烏冬定食及燒青魚定食。定食是跟日式沙律，蒸蛋和麵豉湯。蒸蛋要熱食先好味，所以我會先食，味道好甜好滑。而和牛粒蕃茄湯烏冬定食是跟了三件壽司的，就冇麵豉湯。蕃茄湯味道好濃，烏冬彈牙，湯底較咸，所以烏冬好夠味。青魚煎得香，而吉列猪肉質通常都是較熟，但外皮就真的炸得好脆。刺身食了海膽，味甘香帶子新鮮，隻虾就好大隻，新鮮的，不過味道淡。

鳴門既位置比較偏遠 係mega box隔離 所以晚飯比較少人 但呢度既水準一向都好好 一大班人一齊食緊係叫條魚同埋魚生啦 好鮮甜 亦大愛鳴門既手磨wasabi 依家食唔到出面深綠色既wasabi啦 甜品有特製既沖繩黑糖芋絲 好特別呀

某日搜食評時剛好見到九龍灣的「鳴門」有半自助午餐，而且評價還不錯，食評內的三色丼飯照片亦很吸引人（我得承認我主要是為了這個丼飯而來的），所以忍不住相約好友來試這裡的90分鐘半自助午餐了。原本想說週六會很多人，所以提前一天打電話預約，店員還說只會留檯五分鐘，結果當日入座後發現只有共四檯客人用餐，所以週末想試午餐的話可以不用提前預約。這個半自助午餐（其實稱為半午市放題可能更為貼切）有兩個時段，分別為12點和1點45分開始，每段時間為90分鐘。每人可選一種主菜，之後可以任點各種飲料、刺身壽司、小食和沙律。主菜當然選擇了三色丼，裡面有蔥拖羅蓉、海膽和三文魚籽，外表看起來還行，但飯粒偏硬身，完全影響到整個丼的口感（很神奇的，壽司飯卻沒有偏硬這個問題）。丼飯上面的三文魚籽不夠新鮮，海膽不錯沒有腥味，拖羅蓉正常，這個丼主要是被底下的飯拉低了分數，實在難以下嚥，結果吃到最後還是剩下了白飯。因為已經吃了刺身丼，所以沙律選擇了胡麻醬豆腐沙律，豆腐只有兩小塊，胡麻醬配合沙律菜吃用還不錯，爽口開胃。刺身只有 三文魚、油甘魚，八爪魚、鯛魚和甜蝦 可以選擇。三文魚刺身厚切，但不夠肥美，甜蝦結實帶粘性，八爪魚偏韌，

想係九龍灣lunch多數係德福求其搵間連鎖餐廳食就算🤦🏻‍♀️今次就行去國際交易廣場食下日本野啦因為12點去食都開始陸陸續續多人環境都幾好啊，又夠靜之後緊係揀lunch set 叫左一個壽喜燒，一個炸豬扒蛋個樣睇落又幾正咁🤤🤤🤤有麵豉湯，沙律，同茶碗蒸🤤壽喜燒上到黎，我一直以為有個煱烚下烚下咁，原來唔係🤦🏻‍♀️有D失望可能都算係方便如果返工食lunch唔洗等佢有排滾食咁耐不過真係好夠熱D湯好快D肉同蛋都熟哂整體兩樣都唔錯係個茶碗蒸蛋差D完全唔似日式茶碗蒸同普通屋企蒸蛋一樣而且蝦同魚片都冇另外如果12:45前交枱係有折