鳴門割烹料理 (已結業)

之前在某社交平台見過人介紹呢到既周六周日既半自助餐好吸引，好像大概$250左右就可以有人優質的日式半自助餐。今次就帶埋朋友來試下先~在九龍灣地鐵站行大概5分鐘左右就到的地點，非常方便，而且天氣好好，行過來的路段都幾舒服。店面好光猛，而且樓低好高，一入到來就好舒服，而且好有高級餐廳的格調，呢個價錢可以有呢個環境好好地享受，真係有D意想不到~食物可以先選一個主食，之後刺物及小食及壽司都可任叫，飲料都可以任點，而且好多選擇呢~先來一個刺身飯~~帶子好甜呢~而且D飯好好食，正宗日本珍珠米。好高質素呢再來另一個主食係大蝦天婦羅，好多件~個天婦羅好靚呢~聽侍應介紹，今期的半自助餐增加了新食物，而且可以加少少錢，追加唔同款的食物呢~芝麻雞翼燒牛舌及雞軟骨多款不同壽司刺身，每位仲送一隻磯煮鮑魚~~~好好食~~~~幸福感爆燈呀~!其他放題的食物質素都非常之高~全部都好新鮮又正!!大力推介~

假日訓到自然先去醫肚是常識吧xppp同好朋友黎咗呢度食日式料理呢度每逢週末同公眾假期都會有半自助形式既放匙，成人每位HKd$238+10%可以每人揀一款主食，然後沙律、刺身、壽司、小食、燒物同炸物等等就可以係90分鐘內隨意添食我地係食主食之前先點選左沙律同湯品，我地一致認為呢度既日式蒸蛋係必食，真係滑不留口架呢度既刺身質素都ok，仲會每人有一隻鮑魚添主食既選擇亦同之前既略有不同，更改左部份主食我地分別要左三色丼同新推出既汁燒油金魚兩款主食既賣相都唔錯，特別係個三色丼真係唔錯，有好多鮮味既三文魚籽可以追加既小食都唔差架～私心推介明太子玉子，微甜溫熱既燒玉子配上咸鮮既明太子醬真係無得輪芝麻雞翼都係我地既encore之選，外脆內嫩好惹味呢度既飲品都可以任飲，除左一般既汽水之外，仲有橙汁同乳酸特飲可以揀架

今日去了食週末半日式放題，一個主食加其他食物任食任飲，每人加送磯煮鮑魚，選擇雖然未算十分之多，但應有的還是有的，款式貴貴精不貴多。主食：汁燒油甘魚賣相吸引，很好味，魚皮燒得很脆，外脆內軟，即使不配上沙律醬來吃，都幾好味，很有魚味，大小適中，不會太飽，為留肚吃放題的不錯選擇。主食：三色丼因為拖羅蓉及三文魚籽而選擇這個主食的，很鮮甜入味，魚籽甘甜，海膽就一般，不過不失。可能因為吃放題關係，覺得飯比較多。刺身全部都很新鮮，厚薄剛剛好，以鯛魚最鮮味，甜蝦亦很大隻。另外wasabi係磨出嚟既，配上少許豉油，更帶出刺身的鮮甜。贈送的磯煮鮑魚亦大隻好吃，非常入味，而且非常腍滑。壽司即點即做的手握壽司，每件都是一口壽司，壽司飯是迷你的。劍魚腩、帆立貝最好味，帆立貝是大隻size，有一定厚度，而且鮮甜，放題有這樣的質素實在是抵讚。其他小食串燒芝士年糕特別出色，芝士年糕外皮薄脆，芝士流心夠熱夠多，年糕口感軟糯，加上芝士鹹香，一定要食。芝麻雞翼亦值得試。其他款式還有明太子玉子，日式蒸蛋，角切魚生沙律，吉列炸蠔等等。總括而言，每位$238的半自助餐，有這樣的質素實在是很抵，店員還介紹任食食物和追加食物會更新，

同事介紹話呢間性價比極高！因為六點後禁堂食，就變左星期日午市嘆下！星期日午市都係$248就食到酒店級高級放題！三色丼（拖羅蓉、海膽、三文魚籽）拖羅用加埋三文魚子撈飯一流！感覺新鮮！海膽係用加拿大🇨🇦海膽！一睇見到好有光澤就知係超！級！新！鮮！味道十分鮮甜！重點係好L大舊！帆立貝海膽丼帆立貝用上刺身級帆立貝，size最少都係X L！好鮮甜！海膽又係勁大舊！二百幾蚊淨係食呢個海鮮飯都抵啦！之後仲有日式放題！嘢食種類都算多！有刺身，串燒，壽司，小食，沙律，飲品！刺身全部好新鮮！甜蝦好大隻！同埋食到出邊好少有嘅鯛魚刺身！全部都係任點任叫！串燒必食三文魚鯺！同埋燒牛舌！星期日嘅九龍灣商業區人流稀少，商業大廈環境都好舒服，樓底極高，望住出面花園，下次都會再嚟relax下！

在九龍灣的megabox旁，國際交易中心有間隱世的日式放題店，週六日的午餐時段$238半自助，有一主菜跟刺身串燒任吃，滿化算的餐廳的日系風格+半放開式的刺身桌，令人對他們的衞生放心，高樓底的裝潢令人坐得舒適聊天輕鬆食物：主菜一人一款，另加一個磯煮鮑魚主菜份量都不大，給你留肚吃放題，算是滿貼心的呢帆立貝海膽丼甘甜的帆立貝，順滑的海膽（雖然賣相一般），質素等於外面一個$238的丼物，但這邊還另外包放題呢！汁燒油甘魚面皮脆得像薯片，份量不大，少有地以熟的方式上桌，非常有趣刺身系三文魚的質素不錯，入口帶濃濃的魚油魚油甘，濃香不腥鯛魚，彈牙細膩小食系茶碗蒸非常水嫩！芝士年糕creamy 得很，出色！芝麻雞翼從不令我失望，光是那種爽脆跟芝麻香已經不可多得！三文魚鰭 超肥美的三文魚尾，怕生的吃這就對了串燒系冬菇 菇香很重極juicy!沙律系兩款沙律不算超級出色，但味道也是恰如其分，尤其角切魚生沙律的魚生質素不算太差，下面的芥末刺鼻得來很刺激，正點！服務：服務態度相當不錯，比外面的放題店好很多，十分周到

週末放假好想解放自己食好啲兼任食，黎呢度食週末90分鐘半自助餐就啱曬，全新食物及可追加食物更新，成人每位$238加一，主食喺八款當中揀一款 ， 其餘刺身壽司小食就可以任食。🍱 主食：三色飯和帆立貝海膽飯，飯嘅分量唔多唔少，剛剛好，食完唔會餓，但亦都唔會過飽， 夠quota試其他嘢。海膽是加拿大海膽， 好大隻，十分肥美，其他也十分新鮮。各款刺身🍣我們也試了一些， 分別有八爪魚、油甘魚、三文魚、鯛魚和甜蝦，新鮮甜美，提一提，半自助餐送每人一隻磯煮鮑魚，鮑魚煮得十分入味，很甜有咬口。小食點了吉列蠔、三文魚鰭、芝士年糕、日式蒸蛋、麵豉湯和迷你牛肉烏冬。 當中三文魚鰭🐟超級好正，強烈推薦，煎得很香口，三文魚肉和脂肪比例很好，有肉食又有油香。吉列蠔🦪麵衣厚，蠔比較細隻， 可以略過。其他正常發揮。壽司是了熟北寄貝壽司和加州卷，都唔錯 串燒雞軟骨串和厚燒牛舌串都很好食，特別是牛舌，有嚼勁，調味適中，很有鹹香

Happy Saturday! I had a big feast with my lunch buddy at this Naruto in Kowloon Bay this time. Although it was not right outside MTR exit, it was not too far and just took a 10 minute walk. For weekends and public holidays, they offered a 90 min semi buffet at a price of $238+10%. Each of us could choose a main dish amongst 8 choices with some top ups if you wanted. Each of us got a complimentary 磯煮鮑魚. Minced toro, sea urchin, salmon roe riceDespite the cold weather, we chose two sashimi rice bo

九龍灣商貿區原來有咁多咁正嘅食肆，週末原來都有開，而且人流無旺區咁多，所以好好坐。今日上坐左黎國際交易中心，原來二樓有好多間餐廳，仲有天台嘅開揚感。今日黎左呢間鳴門割烹料理，黎食呢個週末午市半自助餐，$238一位（另加一），可以揀一個主食，另外任點串燒、沙律、刺身、壽司等等。最近原來仲更新左餐牌添。主菜我就揀左牛肉野菜鍋，真係超高質！牛肉肥瘦中等，非常薄身，壽喜燒湯底甜甜地，仲有Q彈嘅粉絲。另外當然唔少得每餐都要食嘅蔬菜。本身個餐包左每人一隻鮑魚，大大隻彈牙，超正啊！其他任點食物我就點左油甘魚刺身、鯛魚刺身，油甘魚肥美又厚切，超正，鯛魚則帶咬口，係另一種味道。仲有吉列蠔、芝麻雞翼、芝士年糕呢啲小食，芝士仲係軟綿綿超鍾意！其他炸物就略嫌較厚炸粉。串燒點左免治雞肉棒，份量味道都好合格，調味帶甜。總括而言非常滿意，價錢亦好合理，值得再訪。

新一年 梗係要刷返餐勁嘅賀一賀佢 今個星期日就嚟咗呢間日式餐廳食半放題🥰半放題嘅意思就係每人有一個主食 然後其他小食 壽司 刺身 沙律同飲品都係任叫嘅 雖然食物種類冇出面咁多 但係都決定試試佢 因為一分錢一分貨吖嘛🙊主食我地一行三人揀咗三色丼 帆立貝海膽丼 同汁燒油甘魚 兩個刺身丼都有成嚿海膽 一啲都唔吝嗇 海膽同三文魚籽都好鮮甜 飯嘅份量好彩唔係好多 不過其實我都冇食晒 因為要留肚食其他野呀😺 如果唔想食飯咁飽嘅都推介你食汁燒油甘魚 魚油味好突出 肉質都幾結實全部刺身都試過 三文魚刺身好厚切 非常之正 甜蝦都有諗過係咁大隻 以為係甜蝦壽司上面嗰啲咁細隻👍🏻吉列蠔就唔算好大隻 算係過得去 芝士年糕好軟熟 芝士味好重 芝麻雞翼好大隻 仲有少少辣辣地🐥 三文魚鰭幾香口 明太子玉子同茶碗蒸就比較普通 冇咩特別壽司嘅飯比起喺出面食嘅細啲 食放題就非常適合 想食帆立貝嘅朋友就要叫壽司啦 因為係冇得叫帆立貝刺身㗎😮串燒牛舌都幾大片 不過冇咩驚喜 其他串燒就都係冇咩特別飲品叫晒兩款特飲 巨峰乳酸特飲就略甜咗啲 白桃乳酸特飲比較好飲🍑嚟呢間餐廳食放題就一定係主打刺身 呢間放題嘅刺身嘅質素 同出面粗製濫

今日同朋友去左九龍灣食放題，自從疫情之後都少左出街食，今日一於食豪啲！聽講呢個周末半自助餐有全新嘅食物，不過之前無食過唔個之前有咩款。食過嘅都可以了解下新出嘅食物岩唔岩你胃口啊！款式都幾多，當然無大家平日食開勁出名果幾間咁多款，不過勝在夠高質！主食有8款，我地點左3款！帆立貝海膽丼：帆立貝好鮮甜，海膽都好鮮，同埋唔係啲細細粒嘅貨，都幾大舊，勁滿足！大蝦天婦羅：大蝦好大隻，份量都幾大份，炸粉唔會好厚，食完都唔會覺得漏！牛肉野菜鍋：牛肉好靚，唔係平價貨，勁有牛味。菜都幾多，放題食咁多肉可以平衡下。其他刺身小食我地都叫左好多，講下最中意係我至愛嘅三文魚刺身，真係好鮮甜好香，都好大舊唔係薄切切無口感。重有三文魚鰭真係好好食！煎得好香脆，三文魚味好濃，三文魚迷唔可以錯過啊！串燒就係雞軟骨超好味，勁有咬口，燒得又香！日式蒸蛋又係要讚，整得好滑又濃蛋味，唔係我細食驚食唔到其他嘢會再叫多一個！而家去食每人重送一隻磯燒鮑魚，鮑魚煮得好入味，但無失鮑魚本身嘅鮮味，重唔係細細粒整體黎講呢一間放題係值得黎食嘅，同埋坐位都幾鬆動，唔會好迫，枱面又有捽手液又有紙巾，呢個時勢有呢啲防疫產品真係好加分。另外環境好Ch

九龍灣商貿區收埋唔少好餐廳呢間餐廳位於Exchange Tower 2樓每逢星期六日都會做半自助午餐每位$238/90分鐘 另收加一就有一款主菜同其他日本食品飲品任食任飲星期六日都有唔少家庭客幫襯👩‍👦‍👦而且裝修仲好採光 黎食個Sunday Brunch都唔錯🌞呢度嘅週末半自助餐食物原來係新Menu更新左主菜同埋追加食物嘅選擇餐牌可以睇最後一張相👀主菜 三色海鮮丼🐟分別有海膽 拖羅蓉 三文魚子每樣都好新鮮 海膽又鮮甜美三文魚子脹卜卜 拖羅蓉油香重主菜 汁燒油甘魚🐟有兩片燒油甘魚柳整得幾入味同香口每位重送磯燒鮑魚一隻 幾彈牙又入味😽任食方面有小食 炸物 壽司 串燒 刺身 沙律 飲品等等好多選擇 所以樣樣都叫少少嚟試吓😻芝麻雞翼好入味 好香口日式蒸蛋 好滑溜 調味亦都好好串燒 整體都唔錯 最鍾意免治雞肉棒迷你牛肉湯烏冬 牛肉味幾有油香 烏冬彈牙如果想有一個充滿陽光嘅Weekend Semi Buffet相信呢度係一個唔錯嘅選擇🤗

之前見到九龍灣鳴門割烹料理做緊週末同公眾假期90分鐘半自助餐，有全新食物同可追加食物更新。成人每人$238，每人可選一款主食，而刺身、壽司、沙律、串燒、小食同飲品任叫、相比起好熱滿嘅放題，鳴門價錢、服務同食物水平都相對好，今日晏晝就約埋朋友一齊去。今日去到，主食有8款可以選擇。我地就揀咗三色丼同埋汁燒油甘魚。三色丼包括咗拖羅蓉、海膽同埋三文魚籽。每款都好新鮮、海膽更加出眾美味。汁燒油甘魚燒得剛剛好，肉非常嫩滑、配埋醬汁食，真係無得彈。除咗主食，第一輪我哋先點了壽司同刺身。刺身同壽司都好新鮮，當中我最鍾意就認係油甘魚。跟主依附送嘅磯煮飽魚隨刺身送上。飽魚都好大隻，而且好煙韌入味。第二輪就點咗熟食。小食、串燒、日式蒸蛋、麵豉湯等。每一款食物都好好味。熟食方面，我就非常之喜歡明太子玉子同芝麻雞翼。明太子玉子即叫即燒，熱辣辣的，蛋味香濃。芝麻雞翼嘅芝麻味勁香，雞翼炸得剛剛好，皮脆肉嫩有肉汁。雖然食物嘅選擇唔及得放題，但食物質素同服務態度絕對比放題有過之而無不及。可以話係好高嘅回頭率。

而家仍然禁晚市堂食 , 但又好想食放題 , 就諗起之前嚟過食午市半自助餐嘅嗚門割烹料理 !! 餐牌 :汁燒油甘魚  好大件油甘魚 😲 ! 雖然肉有少少過熟 , 不過魚皮煎得非常焦香 , 而且配埋醬汁 , 非常惹味 ! 帆立貝海謄丼2 款刺身都好新鮮 , 😍 海膽份量超多 !! 非常滿足 !! 呢個主食好抵食呀 !!刺身我地試曬咁多款 , 有三文魚 , 油甘魚 , 八爪魚 , 鯛魚 , 甜蝦 , 非常推介油甘魚同甜蝦 🤗 ~~ 絕對要一點再點每位都會送磯燒鮑魚 , 同上次一樣保持到質素 , 軟腍入味 小食我地試左茶碗蒸 , 麵豉湯 , 吉列蠔 , 芝麻雞翼同枝豆 , 芝麻雞翼好好食呀 😋😋 !!! 炸得香脆 , 而且入味 , 呢個都要 encore !! 😏😏串燒我地試曬 4 款 , 有冬菇 , 厚燒牛舌 , 雞軟骨 , 免治雞肉棒 , 最鍾意雞軟骨 😏 ~飲品我哋嗌咗上次好好飲嘅白桃乳酸特飲 , 唔會好甜 👍👍 食下食下就已經 90 分鐘 , 食飽飽賣單繼續去 shopping , 整體嚟講 , 呢間絕對可以回頭 , 食物質素唔錯 , 無漏單或者拖時間嘅情況 , 而且坐得舒服 !!

星期日約了朋友吃午餐，她推介去此店吃日式半自助午餐，話環境好，好食抵食。餐廳環境舒適，寬敞寧靜，悦耳的輕音樂令人心情愉快。客人都很斯文，沒有浪費食物。主菜八款任選。我們選了三色丼，鍋燒牛柳粒目玉丼和大蝦天婦羅。三色丼的拖羅蓉，海膽和三文魚籽又新鮮又美味。海膽尤其出色，入口即溶。鍋燒牛柳粒加蛋和洋葱青紅椒很夾味。丼的米飯飽滿有米味。大蝦天婦羅也不錯。送的磯煑鮑魚大大隻鮮甜美味。吃完主菜和鮑魚已半飽。雖然任食各款小食，沙律，壽司，刺身和串燒，我們酌量選了一些自己喜歡的，慢慢品嚐，都合胃口。芝蔴雞翼和吉列蠔好味必試。甜蝦，三文魚，八爪魚，油甘魚和鯛魚刺身都新鮮可口。厚燒牛舌串，冬菇串和雞軟骨串都美味有特色。明太子玉子，芝士年糕，胡麻豆腐沙律和枝豆雖然簡單，百吃不厭。餐後吃杯雪糕，為美味的一餐劃上完美句號。總括來說，這餐物超所值。下次有空再來飯聚。

無諗過假日嚟到九龍灣 原來除咗megabox有嘢食之外 隔離嘅國際交易中心都有間高質嘅日式半放題筆者好鍾意入面嘅環境樓底夠高 落地玻璃可以有日光透入嚟 啲枱距都闊成件事好舒服餐牌方面可以有半放題啦 亦都可以嗌set嘅但當然係半放題抵好多啦款式唔算話好多 但其實都好夠食✨三色丼魚生份量好多 海膽係3大條完整嘅而唔係碎修修嘅除咗份量抵讚之外 味道都係新鮮好味嘅不過啲飯係白飯 如果係壽司飯底就更加加分喇✨帆立貝海膽丼帆立貝一樣都係厚切同新鮮好味✨牛肉野菜鍋呢個份量又係超多 啲牛肉起碼有8-9片味道上就係日式嘅甜湯咁啦牛肉雖然未係頂級 但牛味都濃同埋肥瘦都適中嘅最令筆者開心嘅係個底有水晶粉 索晒啲湯勁好味🤤✨刺身類就咁望都見到啲魚生好新鮮附送嘅磯燒鮑魚都好味 肉質彈牙✨壽司類劍魚腩係筆者好鍾意食嘅魚生但坊間嘅放題真無無幾可有劍魚腩任食所以特別推介俾大家😆✨炸物類炸物嚟講其實同出面嘅差唔多不過好夠熱嘅✨串燒類特別推介明太子玉子燒蛋味香濃啦 入面又軟又juicy其他嗰啲都好食嘅 只係無話好特別啫最後埋單仲有coupon送整體嚟講 味道唔係話非常出色 但絕對對得住個價錢一般放題店嘅感覺都係好急促嘅