鳴門割烹料理 (已結業)

可能係食過最難食嘅一次放題之前喺呢度食過午市定食，覺得都唔錯，所以決定試吓佢嘅半自助日式放題，點知一試就後悔🥲🥲🥲每人可以揀一個主食。我揀嘅煮食係帆立貝海膽飯，先唔好講啲丼飯係好似隔夜飯咁，主菜海膽係苦㗎！從來未食過苦嘅海膽，餐廳換完俾我之後都係苦！ 任食的刺身、壽司係唔新鮮嘅，食落刺身嘅肉質絕對唔係新鮮🥲🥲食咗一次就唔敢再叫刺身。唔期望放題嘅刺身係高質，但唔新鮮到咁的確係令人失望！串燒邊面都真心一般，串燒牛舌、冬菇係烚水再加鹽，完全唔似係燒出嚟！唯一可以入口嘅係雞軟骨😢以後都唔會再幫襯 becuz it was probably my worst japanese cuisine

今晚4個人食飯，叫左燒魷魚，魷魚竟然係白烚加燒汁就出菜....請問燒左係邊？最後有換過，但係完全食唔出燒魷魚嘅味道！角切丼，竟然食到有兩條魚骨，日本店刺身食到有魚骨，呢位師傅請問你真係專業？🙄🙄泡菜豚肉蠔鍋，蠔得兩隻，size更加唔洗講幾細！😐😐

平日行過發現呢間九龍灣 #鳴門割烹料理 逢星期六、日 有半自助放題幾吸引，就過黎試下。自選主食（有8款）+ 任食刺身5款、壽司8款、小食9款、串燒4款、沙律 2款+ 任飲日式飲料、汽水送磯煮鮑魚每人一隻 $238/位 星期六日及公眾假期供應三色丼 （拖羅蓉、海膽、三文魚籽） 3款配料都係我超愛～牛肉野菜鍋湯底係壽喜燒口味，配日本🥚附大量冬粉吸湯汁。刺身：三文魚肥美、甜蝦都鮮甜，送磯煮鮑魚每人一隻 小食： 三文魚鰭有魚油香，仲有脆卜卜唔厚粉嘅 芝麻雞翼芝士年糕都正壽司：必食帆立貝串燒：雞軟骨、免治雞肉棒都值得一食！抵讚嘅係完全沒漏單情況，除左壽司上菜時間較慢外，其他整體都合格。

丫妹最近返工好多負能量, 今日趁佢短週放假, 就同佢出去食下野比佢放鬆下心情。遠離鬧市又可以比佢放肆任食, 去左九龍灣Megabox對面新寫字樓大廈-鳴門割烹料理食Semi-buffet。平時食Semi-buffet通常都係西餐多, 而呢度就係食日本菜。而且只限星期六、日、公眾假期先有。12:00-14:00限時供應, 注意餐廳15:00就Close喇~ 餐廳內樓底高, 響應防疫, 檯與檯相間非常闊落, 安心又舒服。所有Order都係click紙落單, 每位自選一款主食。我地就揀左三色丼同埋帆立貝海膽丼, 由於部分野食都係任食, 所以丼飯份量唔會好多, 可以留肚再戰其他野食。三色丼:海膽甘香, 拖羅蓉魚香偏淡, 還好有大量三文魚籽撈埋一齊食, 啖啖充滿魚油香。 帆立貝海膽丼: 帆立貝鮮甜, 同樣食到甘香海膽至於任食款式、飲品雖然唔多, 對於LUNCH黎講都夠食。每位送磯燒鮑魚, 甜甜地order嘅刺身比嘅份量都好足, 三文魚質地偏林, 魚油味唔多; 反而油甘魚甘香有彈性, 甜蝦鮮甜串燒方面, 雞軟骨偏乾身爽脆, 牛舌同埋免治雞肉棒同樣好林, 只係表面掃左少少燒汁。三文魚鰭充滿魚香, k

周末同朋友去左九龍灣鳴門割烹料理食半自助餐。餐廳環境幾光猛闊落，落地玻璃窗可以見到出面嘅花園，一邊食又可以欣賞師傅做刺身壽司🍣🍙。成人每位$238，另加一，包括一個自選嘅主食，再任食沙律，刺身，壽司，串燒及飲品等，選擇豐富。每位仲送磯燒鮑魚，刺身擺盤精美。因為刺身可以任點任食，所以我哋主食就叫咗熟食。🍽️汁燒油甘魚燒得魚皮香脆，十分香口。🍽️吉列鰈魚與配他他汁。鰈魚甘香酥脆，裡面魚肉保留肉汁，配他他汁好美味。另外我們仲叫了各款串燒、壽司及小食，我個人幾中意食加州卷同三文魚鰭。

呢間餐廳就適合假期lunch hour唔想周圍同人迫嘅人 呢個價位可以餐廳裝潢唔錯光線舒服既環境下寧靜食lunch半自助餐 真係幾值得再嚟過呢度半自助午餐 有8款自選主食 仲另外一人送一隻磯煮鮑魚 我哋選擇咗帆立貝海膽飯同三色丼 我選擇嘅三色丼有拖羅 海膽同三文魚籽 好豐富 拖羅 海膽同三文魚籽三款無驚艷質素 但入口都甘甜 三種鮮甜下好容易清空丼飯 都唔錯呀 另外飲品我哋分別叫咗唔同口味既乳酸飲品 味道都ok唔會話奇奇怪怪除咗食物質素唔錯之餘 其他任點嘅小食同刺身 落單後好快逐樣嚟到 而且無任何無漏單 我哋叫咗 劍魚腩三文魚 油甘魚 樣樣都幾甘甜 牛舌 雞軟骨 食物都幾夠熱 而日式蒸蛋既高湯味就啱啱好 入口滑溜 炸蠔炸得好香脆 配埋沙律醬食 幾好

♥️ 週末半自助餐 (90 mins)成人價錢係$238，小童長者價錢係$148♥️ 地點喺MegaBox隔離，建築物其實好似商業大廈，本身都唔知道入面有餐廳🙈 入到去餐廳發現樓底好高，感覺都幾寬敞舒適♥️ 主食方面有八個選擇，我同媽咪帶咗一冷一熱。分別係三色丼，同埋牛肉野菜鍋三色丼有拖羅蓉，海膽，同三文魚子，好新鮮😋♥️ 到大家最期待嘅任食部份，先講講種類，有沙律, 小食, 壽司, 刺身, 串燒, 同飲品♥️ 我推薦吉列蠔，芝士年糕，厚燒牛舌串燒！👍🏼 芝士年糕外皮煙韌，入邊有滿滿嘅芝士！牛舌一啲都唔乾，肥美有口感。♥️ 除咗每人送磯煮鮑魚一隻，任食嘅刺身仲有三文魚, 油甘魚, 八爪魚, 鯛魚同甜蝦😍♥️ 其實壽司仲有蟹棒，帆立貝等等，但係我已經太飽食唔落啦🥺♥️ 上菜速度都好快，大家唔使太心急一次過嗌太多。同埋都冇漏單問題，值得一讚👍🏼👍🏼♥️ 飲品除咗一般汽水橙汁，仲有巨峰同白桃乳酸特飲🍹♥️ $238加一呢個價錢真心覺得幾抵，推薦大家去試吓喔🥰

平時很少搭觀塘線，所以對上一次到這間餐廳已經是三年多之前。而且一樣是吃午餐，那次印象很不錯，刺身新鮮，地方寬躺，樓底很高很有空間感，而且有自然光進入，亦有戶外位置。適逢相約在九龍灣工作的朋友吃午飯，立即想到這間餐廳。有任飲任食90分鐘半自助餐，**成人 $238 小童長者 $148**星期六日及公眾假期12：00至14：00供應小食、壽司、串燒、沙律、刺身、飲品自選主食 8款任選 送磯煮鮑魚點了兩杯特飲：《白桃乳酸特飲》和《巨峰乳酸特飲》- 清涼解渴，味道不會太甜。任食包每位一隻鮑魚，再加上自選刺身，感覺很超值。刺身新鮮，鮑魚彈牙不韌，有驚喜！每位包一個主食，我們點了：《三色丼》（有拖羅蓉、海膽、三文魚子）及《飯立貝海膽丼》 - 仲上的刺身都新鮮鮮甜，用上壽司飯，份量不多，正合我意，可以騰空更多位置吃其他食物。點兩個細沙律開開胃；《胡麻醬豆腐沙律》和《角切魚生沙律》唐揚炸物：《吉列炸蠔炸》- 外層脆口，咬開蠔肉有汁香嫩。《芝士年糕》- 外層煙韌，中間芝士香糯。《芝麻雞翼》- 香口肉嫩。蒸物：《日式蒸蛋》- 很滑溜，內裡有銀杏和蟹柳。燒物：《燒三文魚鰭》- 魚香好味。《燒牛舌》- 中間位

星期日放假原來係咁開心架🥰約咗麻甩女子去九龍灣鳴門@narutoichiba食Weekend semi-buffet!自選主食好高質🍣🍲帆立貝海膽丼，海膽creamy又甜牛肉野菜鍋，好大份，牛肉肥瘦適中又多菜任食刺身都咁新鮮係驚喜🤩最鍾意油甘魚，送嘅鮑魚刺身好好食小食揚物都炸得好好食芝麻雞翼芝士年糕my favourite!質素比我食過既放題都好自然光環境好舒服鳴門割烹料理質素一向唔錯黎食放題真係抵食穩陣之選成人 $238 小童/長者 $148

原本以為呢度所有食評都係好, 點知去到就真係中曬伏喇!首先打電話個叔叔完全態度超級差!然後去到有冇茶水主動招呼!從來沒有諗過所有叫嘅串燒都係凍冰冰嘅串燒!叫佢再嚟過一碟就係,全部出現嘅串燒 好明顯係用微波爐煮出嚟!我真係未食過咁有水份嘅冬菇, 燒完嘅冬菇一定唔會咁!最後仲叫個烏冬食呀個烏冬真係難食到!除咗個主食外, 其他真係一直不提。刺身就好似我出去自己超市外賣一樣,仲衰d!呢一餐最好味就係雞翼,真心其他垃圾!嗰度service最差就係個阿叔,其他姐姐還好。

週末想同屋企人食自助餐唔一定要去酒店 去到九龍灣啲商廈原來都有驚喜！鳴門最近推出左週末自助餐 係用半自助餐形式 價錢只係$238 +1 仲可以任食120分鐘店裏面12:00已經好多人問過經理原來15:00就關門想來食嘅朋友就要注意時間啦！主食方面每人揀一款 有八款種類咁多🤩我點左帆立貝海膽丼另外朋友唔想食生冷野就點左汁燒油甘魚 兩個主菜好快就黎到發現呢度嘅海膽都尚算唔錯 帆立貝更加係令我深深愛上！佢好鮮甜 薄切 加埋芥末 完美💕💕🤤朋友個油甘魚好厚身 汁燒令到佢變得金黃色 比較乾身食完主菜想點其他嘢 環保啲可以用膠板唔用膠板 枱上面有大概六至七張點餐紙裏面分別有沙律、飲品、串燒、熱食、壽司同刺身 其中我最鍾意食嘅係三文魚鳍 呢個部份比較罕見 肉質鮮嫩 因為燒過嘅關係帶有三文魚嘅魚香 令人回味無窮刺身有三文魚、八爪魚、劍魚、甜蝦等整體尚算新鮮 可以encore一次隨自助餐亦都附送磯燒鮑魚每人一隻除咗冷盤仲可以嗌熱食 叫左牛肉湯烏冬 裏面有粟米粒粒 成個湯都好清甜 暖胃一流最後不得不提呢度嘅優惠晚市消費滿$200就$100回贈(需要下次使用玩$200當$100使用) 咁着數 大家一定食過不

難得的星期六，但也因為工作關係，必須上半天班，其後跟同事於Megabox附近下班。原來對面的國際交易中心也有不少食肆營業。  最後跟同事選擇了這間有「週末90分鐘半自助餐」 - $238  可自選主食(8選1)，期間可任食刺身、壽司、小食、串燒和沙律，以及任飲日式特飲和汽水。  帆立貝海膽丼  四片新鮮甘甜的刺身帆立貝，以及約四片黃橙橙的生海膽。海膽比平常的長身，瓣塊結實，海味濃郁，甜味豐厚。 牛肉野菜鍋 有數大片的肥牛，油脂分佈平均，口感細嫩多汁。中央有粒生蛋，沾上口感更加嫩滑美味。底部有吸滿湯汁的爽滑粉絲。  刺身 全部以厚切形式，口感更加充實又顯得完整。 每位送一隻磯燒鮑魚，味道不會太鹹，入口倒有陣陣淡淡的胡椒香及鮮味，肉質鮮嫩彈牙。 三文魚魚油豐富，入口爽滑甘香不油膩；油甘魚油份較重，口感柔軟細滑；八爪魚不僅彈牙而且嫩中帶脆；甜蝦有粘粘的口感，但鮮甜無比。  串燒 串燒雞軟骨外酥內脆，簡單椒鹽調味已好惹味；免治雞肉捧混入軟骨，柔軟得來又有咬口，表面微焦，內裏多汁；厚燒牛舌口感軟嫩多汁又有嚼勁。 炸物 吉列蠔外層酥化、內裏多汁鮮甜；芝麻雞翼金黃香脆，雞肉也多汁嫰滑，芝麻味極香濃；

星期日去mega box 行街，午餐時間去咗隔離既國際交易中心上面的餐廳，選擇不多可能週末大部分唔開，幸好俾我地見到一間日式餐廳叫鳴門，見到入面都唔少人，兩位90分鐘任飲任食半自助餐，只有星期六日午市供應，又係增肥的時候，8款主食選一加送饑燒鮑魚，每位$238。主食叫左三色丼飯，大大玩飯有拖羅蓉、三文魚子和最愛的海膽，另外叫左牛肉野菜鍋， 好多肥牛片、生蛋、娃娃菜、豆腐、菇類和水間粉，似是壽喜燒煲，好好味，主菜已經如此吸引。其他自助任點任食包括有刺身：有三文魚、八爪魚、鯛魚，大大隻甜蝦，還有帆立貝、北奇貝、劍魚腩等多款壽司，放題少不了串燒炸物：燒雞軟骨、芝麻雞翼、炸蠔炸芝士年糕，其他多款小食：日式蒸蛋、枝豆、明太子玉子，款式真係包羅萬有，週末午餐來個大放肆，食到飽到行唔郁。

臨收工個fd call 食飯，咁即興既然又趕得切通知阿媽唔好煮我飯，所以我就應承佢啦！佢揀地點就係我公司附近食日本嘢我梗係啱啦，更何況咁掛住日本🇯🇵不過呢間普普通通🤨我哋樣樣叫啲；壽司啦、炒飯啦、炸物啦、串燒啦，樣樣都普普通通火炙左口魚裙邊壽司（我至愛再翻兜咗兩件）😙三文魚腩壽司同帶子壽司加咗少少海膽響面頭海膽炒飯係因為朋友聽到我話鍾意食炒飯多過白飯所以專登叫俾我，但係其實我鍾意食中式炒飯多啲囉😅炸蠔係朋友想食嘅，其實我對呢啲壽司店嘅炸物就一般般，因為好驚佢好多油而串燒呢-係我喜愛嘅日式食物之一，今次叫咗燒牛舌同免治雞肉串，始終唔係即場喺你面前燒，所以都係爭少少，免治雞肉串又爭咁隻蛋！😕差啲唔記得咗仲有西京燒銀雪魚肉質多嫩滑嘅，不過唔知點解硬係冇乜特別！*同場加映一隻超大烏蠅喺我哋張枱度徘徊重大搞到癡咗喺我個friend身上面幾秒鐘，實在太驚嚇🙀（所以衛生得兩粒星）

Today, we went to the Naruto Japanese Restaurant in Kowloon Bay again for their weekend semi-buffet lunch. It was very reasonably priced at $238 per adult for a main and an all-you-can-eat selection of sashimi, appetisers, sushi, skewers and drinks. The main courses we chose were the minced toro, sea urchin and salmon roe don (A) and the diced beef and egg rice in pot (D). As a complimentary appetiser, they also served us two abalones which were sweet and chewy.The toro and urchin don came with