鳴門割烹料理 (已結業)

星期日去mega box 行街，午餐時間去咗隔離既國際交易中心上面的餐廳，選擇不多可能週末大部分唔開，幸好俾我地見到一間日式餐廳叫鳴門，見到入面都唔少人，兩位90分鐘任飲任食半自助餐，只有星期六日午市供應，又係增肥的時候，8款主食選一加送饑燒鮑魚，每位$238。主食叫左三色丼飯，大大玩飯有拖羅蓉、三文魚子和最愛的海膽，另外叫左牛肉野菜鍋， 好多肥牛片、生蛋、娃娃菜、豆腐、菇類和水間粉，似是壽喜燒煲，好好味，主菜已經如此吸引。其他自助任點任食包括有刺身：有三文魚、八爪魚、鯛魚，大大隻甜蝦，還有帆立貝、北奇貝、劍魚腩等多款壽司，放題少不了串燒炸物：燒雞軟骨、芝麻雞翼、炸蠔炸芝士年糕，其他多款小食：日式蒸蛋、枝豆、明太子玉子，款式真係包羅萬有，週末午餐來個大放肆，食到飽到行唔郁。