鳳城酒家

营业中

休息中

鳳城是老牌食肆，很多上咗年紀的人都識得佢。近年因興懷舊，便多了年輕人來了。此處大部分是大圓枱，可搭位。飯市時熱鬧非常。今天6人飲茶，等咗半個小時，終於等到一張唔駛搭位的中枱。 點心以剔點心紙為主，種類唔算太多。有些別處很難吃到的，如上湯炸粉果是配一小碗韮王上湯一起上枱，粉果浸了上湯可降熱氣，但又能保持鬆脆的。蛋黃蓮蓉飽，嘩，全個飽面都是豆皮，幾醜樣，應是番蒸的結果。但撕開內餡蓮蓉軟中帶脆粒，仲有成個鹹蛋黃添，是真材實料。鍋貼大明蝦是鳳城名菜之一，炸得香脆，仍保持水準，正。蒜蓉炒豆苗，碟頭唔算大，亦不是豆杯，午市都收$88可能貴少少了。懷舊馬拉糕，鬆軟加熱辣辣上枱，吃起來特別好味。XO醬鮮魷，魷魚新鮮，個XO醬唔太多，但加咗蒜蓉mix埋出來的醬勁夾鮮魷，最後唔夠分要叫多碟。懷舊糯米雞，很大隻，有成隻雞中翼，糯米黏軟，餡料肉汁滲入糯米中，啖啖都很入味。其他如蝦餃、鮮竹卷、排骨都OK。其中鳳城灌湯餃的內餡很足料，但濃稠得過分，漿糊咁，做不到灌湯的效果。外皮厚，微微放涼便變得又乾又靱，下次一定唔會叫。

為慶祝我家新開業的 "精品店" 達到了某個成績 ....當晚就到了這家位於 北角 - 渣華道 的 鳳城酒家 吃餐晚飯 ,略略慶祝一下 ~ 鳳城酒家有很多分店 , 但我就是偏愛 北角 這一間 ~Menu ~ 我們一家都是食肉獸 , 先來一個 燒味拼盤 - 叉燒拼生腸 開開胃 ; 叉燒的蜜味適中 , 邊位略有燒香 , 肉質軟綿 ; 生腸爽脆入味 , 有一段日子設吃過這樣有水準的生腸 ~ 鳳城生菜包 : 是這店的必吃名物之一 , 細小的肉鬆 , 配上沙葛粒和冬菇粒一起炒香 , 再配以西生菜包裹著來吃 , 入口濃香而不油膩 , 口感層次複雜又豐富 , 滋味無窮也 ~ 鍋貼大明蝦 : 亦可稱之為蝦多士 , 吃下去酥香脆口很有懷舊的味道 , 百般滋味在心頭 ~ 野雞卷拼炒鮮奶 : 野雞卷 & 炒鮮奶 到是順德名菜之 , 亦是到這店的必吃的食物 , 鮮奶炒得軟綿滑順 , 稀杰度適中 , 奶香滿溢 , 口感一絕 ; 野雞卷有重重的玫瑰露酒香 , 入口酥化 , 味道甘香雋永 ~ 脆皮炸子雞 : 真正做得皮脆肉嫩 , 還有雞油香 , 這種味道尤如返回上世紀七、八十年代 , 真是叫人懷念 ~ 最後就以一個大

專登黎食古法灌湯餃，已好多年沒有食過，來呢度一定不會令你失望！一人一籠灌湯餃，一籠有兩隻，都有好多蝦！二個人吾食得好多野，其實仲有好多樣野想試，又食吾到，最後叫多一籠山竹牛肉食。大大粒，好香芫茜味！

我食過好多次，包括點心及晚餐。次次都一大堆人吵吵鬧鬧，無專心食野，今日好hea，帶埋一泡退好倉的8653去嘆茶。下午茶點左蝦餃、雞扎、馬拉榚、煎腸粉、鳳爪、义燒酥。我係蝦餃fans ，一定要講下。。。蝦餃唔掂，皮脆弱易散。今次想讚的多d：义燒酥好味，堅傳統，香脆可口！馬拉榚鬆軟甜美！同其他酒樓比較的確好味好多。煎腸粉煎到個皮脆仆仆👍🏻雖然煎腸粉無難度，有心機都要讃下👍🏼3點要埋單不過可以慢慢坐。

今日本來一心過黎想買雞蛋卷，點知又額滿……突然間又落大雨又未食早餐為有上去鳳城避雨順便食下懷舊點心早餐安慰一下自己:一早未食早餐就過左黎，一上到去先望下d心水既位置有無吉位，如果有就好客氣錦問原枱既茶客，坐唔坐得？如果對方示意OK就坐底，一坐底樓面姐姐就過黎問哥仔飲乜茶？“普渳靚姐唔該！” 就開始畫點心紙，叫四籠野食下安慰下自己唔算過份！（1）必食：電視都有介紹過既： 鳳城古法灌湯餃「餡料有乾瑤柱/冬菇粒/肉碎/蝦仁」一放落碗爆汁加埋紅浙醋食無得頂。/=/=/（2）蟹籽鮮蝦燒賣皇「餡料有冬菇粒/蝦肉/肥瘦比例好好既豬肉粒/最頂上面系蟹籽」因為距系用肉粒唔系用肉碎所以好有咬口/蝦仁爽口/蟹籽咬落爆開果下好有層次錦。/=/=/（3）鳳城鮮蝦餃「 皮薄：煙韌韌有咬口/餡靚：蝦仁超爽口彈牙」。/=/=/（4）懷舊豬潤燒賣「最上面既豬潤硬得黎但爽口！腌到夠曬味入口仲感覺到好香玫瑰露味，底果舊肉同樣出色：咬落爆到成口肉汁」。食曬四籠野飽飽！坐多陣飲多兩杯茶交埋水費後就埋單$15x走人(食個早餐都1.5條紅衫魚)敗家仔，行到落樓下感覺飽到唔想郁就行左入七仔買左支酸梅醋綠茶轉灣搭電車去中環再轉天星過海

為母親大人慶生，找家懷舊的粵菜食府，來到北角鳯城。很久沒有來了，上一次應該在裝修前，印象很差。今次好好多。食物水準可以，用料也不錯。叫了老媽子喜歡的順德蚧芥魿魚球，D蚧芥好大粒，有口感👍另有蟹肉豆腐羹，用料十足。菠蘿咕嚕肉，皮太硬，肉太乾👎鮑片扒鴨掌還可以，但鴨掌細了一些，沒什麼可吃。總括而言，可推介。

This restaurant is located in North Point, and for me and my brother this is where we spent a lot of our childhood. I remember we used to come here virtually everyday for lunch before going to take our school bus to school. And in a flash that was over 30 years ago already... Coming back today with also my wife, my brother and mother, the setting was still largely the same as my memories then. We ordered the signature dishes, starting with the Minced Pigeon in Lettuce Wrap. It is tasty, with the

「好想再試一次鳳城喔！」這句話在這一年說了無數次，卻還是沒有抽空去，一來怕他的人潮，二來怕再次破壞我對他的印象。小時候，一個月總會來鳳城兩三次，有晚餐也有飲茶，不過後來覺得他日益退步，價格也越漲越高，便越來越少去了。記得上次來飲茶，那碟煎米粉油膩得難以入口，再次令我對他卻步。雖然每次來都有些缺憾，但還是壓不住我對鳳城的想念，只因為它的灌湯餃真的無人能取代啊！「還沒12點，今天去鳳城碰碰運氣吧！」把我訓練成吃貨的爸爸提議。聽到「鳳城」二字，我不由得眼前一亮，想了一年難道終於可以一吃了嗎？我連忙和議，並求老天給我殺出一條血路，給我一個茶位吧！果然食神待我不薄，等了不過差不多10分鐘便可以入座。來鳳城便要有並桌的準備，雖然坐得比較擠，不過抬頭看看門口，梯間已經擠滿了人，頓時覺得自己能擠進來已經很厲害了！要了一壺壽眉，便開始選我的點心，選擇沒有很多，可有我喜歡的灌湯餃就夠了！「怎麼來了一壺普洱？」茶水不久後便送了上來。可能人太多，伙計弄錯了吧？不過問題不大，人這麼多換起來也麻煩也就算了。「灌湯餃！」這個一定要每人一籠！「快點趁熱先吃！」灌湯餃上桌後我便立馬把自己的份拉到面前，並小心翼翼的把我的

很久沒有光顧北角鳳城酒家老店。今天在北角做嘢，當然顺道来個中午茶。先来兩個必食之選-爽脆豬生腸併蜜汁义燒: 生肠又大又肥，配埋芥末，完美配搭。义焼瘦带肥，肉质腍滑，烧汁蜜味。鳳城灌湯餃：沒有湯的灌湯餃，正宗傳统做法，湯是真的灌在餃𥚃面。韮皇鲜蝦腸：保持水準，韮皇略為少了點。豉汁蒸排骨：又系保持傳统用骨排，J味鲜蝦蒸粉果：關鍵是饀料夠Juicy，又有茜香味。酥皮焗葡撻：皮鬆，蛋香又夠甜。傳統食肆跟新派集團最大分別就是執著和食到個別廚師手藝，而不是標準大量生產。

昨天去了北角，吃一頓懷舊的午餐。看食評跑上去鳳城酒家喝了個下午茶，吃了些點心。蝦多士覺得稍為油賦，豬潤燒賣非常精彩，最好味是那個灌湯餃，好耐冇響茶樓食到咁正宗的灌湯餃了。一般茶樓的都是浸在湯中，因為怕餃子皮太薄弄破了。香港這些古老的茶樓，大家應該多些去嘗試。

作為新界人,平時飲茶都不會考慮九龍或港島區,這一天因為相約了親戚,於是到了位於北角區相當有名的鳳城酒樓,由於親戚不是第一次來,大部份點心都由他發板,我們點了好幾個點心,全部都新鮮蒸製熱辣辣!當中灌湯餃及蝦多士令我印象難忘。😋灌湯餃一籠有兩隻,用一個非常特別的器具盛載每一隻灌湯餃,體積比我想像之中大得很!餃皮很薄,一咬下去肉汁爆出來,而且餡料豐富,用上半肥瘦豬肉,湯底吃得出花了一段長時間淆制,一籠才30多元算是皮薄餡靚,物超所值!👍🏻蝦多士是必食推介,酒樓掛上了由某雜誌頒發的奬狀,這個蝦多士就是得奬菜式一份有八隻,每件也不少,酒樓毫不吝嗇用上體積較大的新鮮蝦,蝦肉彈牙,雖然是油炸食物卻不會很油膩,奉上酸酸甜甜沙律醬,夏天吃這個會是很開胃🌞雖然酒樓裝修比較殘舊,相信已經有一段歷史,但職員態度以及菜式質素也非常有質素,我會再來的!😆

有朋自遠方來，相約係呢間鳳城酒家嘆嘆茶傾下計。好多人的關係，就安排左坐二樓，有多啲大枱，不過二樓都好滿座下，坐到有D擠擁。幾精緻的杯碗，個筷子仲有印字的。不過清潔度麻麻，有啲杯仲見到有茶漬，一定要自己用熱水洗多轉炸野永遠上得快過蒸點 個叉燒酥好得意，第一次食咋，係酥皮包住叉燒餡料，可以一試。春卷就非常之麻麻地有我唔鐘意的芋頭...... 後尾叫左個腐皮卷好食好多！！點心黎到～ 味道OK~ 呢到點心款式唔算好多，我見附近幾枱都係黎食小菜老餅點心都無乜得揀，阿姐話老餅點心而家無人做架喇，有啲唏噓

There are many types of dim sum restaurants in Hong Kong, from the high end modern to the traditional diners that line the alleys. This establishment is a benchmark of the old school dim sum fare done right. It is a little pricer than normal restaurants, but some of their dim sum choices are truly unique to the 90s. For one, the pots of tea come to you scalding hot to touch because each refill consists of rinsing out the pot itself, not just topping up the water. Secondly, each dim sum's ingredi

而間酒樓我細細個就食開我自己就老左好多但入邊嘅裝修定同以前一樣人哋話佢哋一成不變但我就覺得間酒樓越來越有自己既特色講開粟米更其實到到煮法都係一樣我來講只係熱與唔熱好食與唔好食jei😅😅好開心有好多粟米湯底又熱冇得彈傳說中蝦多士作風冇變都係一樣咁爽脆再加上沙律醬咁就接近完美花枝片炒西蘭花分量足夠加上少少xo醬可以帶出花枝片味道有時候人不可以貌相你睇吓呢碟看似樣衰但其實食落去好好食好好食這個餸叫做雜菜炒班球我自己好鍾意食魚香茄子煲蛋啲茄子好似好軟林林如果比老人家食會幾啱胃口但我就覺得普通普通紅燒豆腐就真係媽媽虎虎味道只可以講一般最後如果係一家人食飯都係一個好地方

年初四的中午, 去了北角歷史悠久的鳳城酒家吃點心.叫了炸粉菓, 灌湯餃, 鮮竹卷, 雞扎.炸粉菓:這款點心在一般酒樓吃不到, 炸粉菓是點湯吃的. 我卻覺得較油, 還是蒸粉菓較美味.灌湯餃:我不太喜歡這點心, 餃裏有豬肉, 好像也有肥膏.鮮竹卷:卷香脆, 味道不錯.雞扎:老婆說做法正宗, 材料有魚肚, 不是豬皮.選擇點心可能出了點問題, 全都是味濃或油炸的.吃飽下樓時, 只覺身體很沉重, 肚子不能正常運作.傳統的味道, 整體不錯, 但就是不喜歡灌湯餃.