鳳城酒家

营业中

休息中

這趟是要到 北角 海逸酒店 Staycation 在家中出發時 仍未吃午餐 就先到了 離酒店不遠的 鳳城酒家 🫖🫖大約二個月前 曾來嚐過這裡的 上湯炸粉果 非常美味 這天同樣點了這款 🥟🥟還有店家巧手的 傳統正宗 鳳城灌湯餃 沒泡湯那種 老媽從未吃過這款 以為是隻大餃 就用筷子去挾來吃 結果弄穿了外皮 湯汁都流到枱上 😅😅還點了以往舊社會 婚宴時 機乎都有的 精緻菜餚 百花釀蟹鉗 🦀🦀 八十元壹隻 兩隻百六元 即叫即做 可以相同價格 點一份炸蝦丸 不過 還是想 回憶以往飲宴 必吃手工菜 當吃過後回味 以後到這裡飲茶 必定會想再吃 這款名菜的 🦐🦐

Really tasty dim sum here. It was my third visit. I particularly liked the steam squid in shrimp paste. The squid was thick and the sauce was just right and not too salty. The deep fried chive dumplings was my favorite as it was stuffed with chives. The fried dough is a rare offering (at most restaurants) and I was only able to have it because my table was close the the kitchen entrance. Outside was a bit crispy and inside was soft and chewy ….. 👍The bill only came to about $300+ for two. 👍

第一次來鳳城飲茶，雖然無點心車仔，但係一入到去已經感受到陣懷舊氣息。燒味檔設喺酒樓入面，同新式酒家不同。本來地方已經唔大，疫情下加了隔板就更加逼窄。先試兩款懷舊點心，喺出面都好少地方有得食。其實味道平平無奇，只是這兩款在其他酒樓都比較少見，有點新鮮感。兩款點心的餡料都唔太多，貪得意試了一次，下次應該不會再點。灌湯餃就真係好出色。將啲湯包埋入皮呢種做法已經好少見，亦好考師傅的手藝。好似食緊巨大版的小籠包咁，足料又多湯，推薦乳豬好香脆 叉燒無咩肥肉，但肉質出奇地淋，蜜汁味濃，有驚喜入面嘅鮮蝦大大粒，腸粉亦夠滑。反而蒸排骨同魷魚就好一般，蒸太耐好韌口。總括嚟講，當食吓風味，感受吓環境就好。食物質素其實都唔太出色

朋友生日慕名而來試試炸子雞，果然好味道，一上枱大家都互相拍照，外皮香脆，肉質鮮嫩。家鄉煎藕餅口感爽脆，瑤柱雜菜煲，鳳城炒飯相當有水準，尤其是椒鹽鱔球，師傅刀功一流，炸出來爽口彈牙，值得推介！

香港人 識飲識食 對選擇食物 的執著 挑剔程度 亦是世上 數一數二的 很自然 新派 創新 精緻程度等 特別受年輕代喜愛 傳統的 古早味的 懷舊的 亦隨著那些 老派廚師 年華老去而 買少見少 🤔🤔正派 鳳城酒家 以往較多分店 現已所餘無幾 所以 必須多去品嚐 否則難說 老店能否傳承下去 👴👴👵👵這天 下著大雨 中午前去的 客滿九1成 點了 🫖🫖上湯炸粉果 🥟🥟即炸 熱燙嘴 極度鬆化 咬落有點像芋角 沾湯吃 滋味無窮 絕對是水準之作 👍👍鵪鶉蛋燒賣 合桃叉燒酥 🥚🥚外面粵菜館 也難找到 而且用料十足 😋😋雞扎 叉燒腸粉 🐔🐔件頭特別大 雞扎的芋頭 外實內粉糯 而且有爽肚 這些用料少有的 美味 只是蒸腸粉 皮略厚 但也好吃的 夠滑的 🥰🥰每款點心都是 即點即蒸 上桌時像 剛出蒸籠的熱 而且用料 高質 難怪可以成為 米芝蓮 必比登推介食店 🥢🥢

入到北角鳳城酒家，好像時光倒流一樣，我變了一個小孩子，跟爸媽去飲茶。牆上仲有一個「壽亅字，兩邊有金龍，而且老闆滿頭白髮同每台茶客打招呼，很有人情味。既然要懷舊，當然係食小時候最喜歡的灌湯餃，已經很久未見過那個鐵匙羹，真係唔係周圍有得食㗎。還點了腸粉，最傳統的叉燒腸，和鮮蝦粉果。還有普洱茶，就是和小時候幾乎一樣！餐牌上有很多懷舊菜式，例如蝦多士，都很吸引，或者下次來吃晚飯吧！現在香港比鳳城酒家好吃的點心，有很多，但能吃到小時候的滋味，這個確是難能可貴吧！

星期六早上9:30去到，都好容易搵到位。傳統中式酒樓裝修。茶錢每位$14。另外星期六、日及公眾假期所有點心跟正價收費，比起點心紙上星期一至五特價收費，每款點心大概貴八、九蚊。服務方面，大致上係有禮貌嘅👍🏼食物方面，今次專登嚟試佢個懷舊灌湯餃，好掂👍🏼👍🏼👍🏼 皮薄，𥚃面真係有湯嘅 (而唔係杰撻撻一pat嘢咁)，個湯仲要係幾好味添，一籠兩隻大大隻，同細個嗰陣跟老豆去飲茶食嗰啲一模一樣。以依家仲食到懷舊灌湯餃嘅酒樓嚟講，真心覺得呢間最好味😋上湯炸粉菓，個皮炸得好鬆脆，熱辣辣，好香口好正！薑葱蒸爽肚，啲豬肚大大件，唔會切到碎濕濕，配上薑葱蒸好夾好好味😋 (太好食唔記得影相)鳳城蝦餃皇，呢個比較一般，冇咩特別。蛋黃千層糕，依家都唔多酒樓有呢款點心，比較甜同漏，味道就好似雞尾包啲餡咁，如果有三、四個人share食就幾好🤣懷舊糯米雞，唔掂！太乾同無咩餡料嘅👎🏼香滑牛肉腸，都係唔掂！失敗在個皮，上枱嗰陣已經見佢「爆皮」！一食之下發現完全唔滑，唔知係咪返蒸。飲完茶可以順便過隔離嗰間舖買蛋卷，聽講係好出名嘅！

前排驚覺太子鳳城結業，呢類舊式酒樓也真是買少見少了，趁北角店還在就快啲去試下。當然點了招牌菜蝦多士，油分重而且蝦味也不是特別濃是意料中事，可喜的是沒有用上萬年油，完全沒有令人難受的油膱味，多士也炸得非常香脆，甚至有妹仔多過主人婆之感😆其他點心就不過不失，老式酒樓必點嘅灌湯餃係蒸籠上，而唔係有啲地方已經將粒餃放湯然後一盅上嘅做法。兩種做法各有捧場客，不過籠上就好明顯睇得出師傅嘅包功😜 呢度嘅功架當然無令我地失望！一啖咬落去好滿足！最後再叫左炸子雞，水準好驚喜。皮炸得非常脆而肉質保持到非常嫩滑，火候剛剛好。由於種種加租、師傅退休等等原因，這些老牌酒樓已不多見了。如果未來過的話非常值得一試呢！

久違了的味道！鳳城！開始生酮飲食，都煩住唔知去邊食好。好似好多野都唔食得。但其實都仲好多選擇。我最喜愛既老字號-北角鳳城酒家總店🍴生酮孖寶 - 叉燒拼豬腳仔 $70 + $10 雙拼-特別點半肥瘦叉點知黎到全瘦，但竟然好淋！有驚喜😋🍴鮮蝦腐皮卷-可以話係我食過最好食嘅腐皮卷啲蝦勁大隻勁彈牙！😋🍴鳳爪就正常啦！始終都係總店保留倒此早味👍My favour Authentic Chinese restaurant @north point! Fung Shing restaurant Keto combo - barbecue pork & pork knuckles $70+$10 combo selection of 2 Shrimp tofu skin wrap - the biggest & fresh shrimp in tofu wrap I have ever had!Black bean Chicken feet is ok.The favour of Authentic @fungshing #ketokkate

見放假就同媽咪去鳳城飲茶，一入去已經同d職員講兩位，兩個經過都無人理，咁好啦行入d,個女職員見到後面個個講三位帶佢入去，以為我地係一齊，我話唔係一齊，我地兩位，跟住好惡死咁同我講兩位等陣，其實係我地黎先，都算，有個男部長就好禮貌d,安排左我地入座，不過個位好窄，都唔緊要，媽咪話上次見人地叫既炸子雞好似好好食，就叫左半隻試下，（$140）黎既時候係幾香，雖然望落好似好靚，但其實係角度問題，如果另一邊影，雞翼同件肉個位有一段距離，唔係放埋一齊，擺到好似無左幾件咁，賣相係唔美觀，肉係算嫩，但皮一d都唔脆，食落仲有d膩，連對面搭檯食客都細細聲話好彩無叫，味道雖然唔過鹹，不過皮唔脆既炸子雞，不吃也罷，上湯炸粉果就ok,幾好食又鬆化，蝦腸正常，薑蔥蒸爽肚，好鹹！！豬膶燒賣，一般，燒腩卷，呢個唔錯南乳味唔會過鹹，而且有淡淡陳皮味，加上芋頭同豬腩肉，幾好食，呢間鳳城既水準唔太穩定，有時好食，有時就麻麻，就以炸粉果為例，有次食過係好油，而且係個男部長比較殷勤，會主動過黎換碟，其他就麻麻地，坦白講呢個價錢好多選擇，以今次既體驗呢講，唔試無損失。

～ 爽脆生腸傳統小吃、所謂嘅生腸其實係母豬嘅輸卵管、入口爽脆、送酒妙品～ 化皮乳豬合格～ 义燒相對乳豬同生腸、义燒嘅賣相同味道就失色咗小小～ 椒鹽鮮魷魷魚貨色一般、但師傅功夫了得、鮮魷入口皮脆肉嫩又夠鬆化、好味道。～ 家鄕煎藕餅傳統順德小吃、大大碟10 件買 $118 非常抵食、送酒一流～ 釀鯪魚傳統順德餸、個人覺得乾身咗d、未能做到皮脆肉嫩～ 梅菜扣肉齋睇個賣相已經唔係好開胃。。。個汁杰撻撻。。。新派做法？～ 鳯城生菜包合格、要挑剔的話、轉統用鴿鬆嘅做法已經搵唔翻。。。～ 上湯介菜膽合格～菠蘿咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格～ 家鄕小炒皇只有一句：唔識欣賞。。。油淋淋、濕泣泣、失望 ～ 蓮蓉西米焗布甸兒時回憶、熱辣辣、軟錦錦、傳統風味、必吃之選傳統中式酒樓、希望老板可以俾多兩錢肉緊經營 🙏🏻

光顧咗北角鳳城酒家差不多三十年！今晚再去真的令人失望！要點菜只可以從一張A4紙的二十幾款的單子𥚃挑選，內裡包括了湯羹、燒味、魚等！難以置信一問歷史悠久的食肆改到比不上普通的茶餐廳。幾經辛苦選了鷄鮑翅，蝦多士，炒桂花魚肚，豉椒炒鱔、小炒皇及介蘭炒牛肉！十分失望的蝦多士，多士一點都不脆；桂花魚肚粗糙；炒牛肉焦黑硬；其它的菜式都大不如前。失望！真的不敢想象，又一間老牌食肆變成這樣不堪！不會再去光顧的鳳城。

屋企人生日，指定要黎北角鳳城酒家食晚飯。（心入面一直疑惑點解新界人要出到北角分店食）地鐵站行10分鐘到就到達樓下，但要行樓梯上一層的。如果需要坐電梯就要到後面街上。-全家最早到，太肚餓先叫個拼盤食住先❣️海蜇x叉燒叉燒好impress到我！肉質唔乾，一咬落去肉汁流出黎😋蜜汁夠濃又冇燒焦，好耐冇食過咁好食嘅叉燒！海蜇有咬口，不過份量細，只適合做餐前小食。-之後到壽星點菜，總共叫了8個餸1個甜品。8個餸當中有6個是set嘅餸。1. 乳豬三拼盤叉燒x燒肉x大腸對大腸好抗拒的我一舊大腸都冇食過燒肉皮好脆，肉又滑，好食！叉燒依舊好食！2. 蝦多士呢個十分推薦！真係好好食。其實蝦多士放左一陣先食，但依然脆口，每啖都有蝦肉。重點係一D都唔油膩！碟上一滴油都冇！3. 西蘭花帶子個人覺得呢道餸不太特別，唔需要咁貴。不過西蘭花🥦食落新鮮既，可惜不太入味。4. 雞燉鮑翅仔好濃的湯，但感覺上有味精，食完好想飲野。姐姐就咁拎埋一邊就分哂細碗，冇得影番張相先😢5.瑤柱扒時蔬好簡單的一碟時蔬😂6.八寶釀全鴨八寶鴨需要另外訂的。Book位時訂埋好好食入面餡料十足，入哂味！鴨肉唔乾又多汁，肉+餡料好夾好正宗。食完一啖又一

第一次去 鳳城酒家 北角 總店吃飯，順德菜 真的不錯，碟菜心炒牛肉好有WOK氣、炸子雞是招牌菜、個冬瓜湯好適合季節。牆上的 龍鳳呈祥(中式婚禮 用)好七十年代，正！而食物方面不錯，服務也不錯，在香港中價市場，也有如此好的服務很難得(例如不斷加水呀執碟呀⋯)！It’s my first time to visit Fung Shing’s flagship Shunde restaurant in North Point, and I m impressed by the “dragon and phoenix” decor (for Chinese Wedding) on the wall, which is so 1970s!Another surprise is the service: the waitresses were so eager in offering new hot tea and everything. Seldom would you find such intensive service in HKG.

今日只叫了三寶，鍋貼大明蝦是大人小朋友都喜歡的菜式，外表金黃色的蝦鍋貼，咬一口，感到它的酥脆，蝦肉爽口彈牙，是一道看似簡單的小吃。廚師將蘸上蛋漿的鮮蝦鋪於麵包上，以金華火腿和芫荽作點綴，再以滾油炸至金黃色，很好吃，沒有油膩的感覺。鳳城生菜包也是很開胃的菜式，肉鬆加上馬蹄粒及配菜炒香，以生菜包裹進食。今天這個菜稍為淡味，唔夠香口。雞燉包翅 我們四人叫了半隻的份量，湯很清甜，翅都有少少睇頭，大家都吃得開心。煎蓮藕餅是以魚肉加入蓮藕等材料製成，做得精緻，其實順德菜的食材都是簡單的，全靠廚師的廚藝發揮。乳豬拼生腸 乳豬香脆，皮很鬆化。生腸又是他們出名的，脆脆的很爽口，配上啤酒一流。