影片
招牌菜
同事提议食日本嘢，最后决定到鲤景湾一趟。今天选了一客杂锦刺身拉面定食。定食包括面豉汤、中华沙律、日式蒸蛋、杂锦刺身及手打拉面一碗。面豉汤和中华沙律无乜特别；日式蒸蛋则唔够滑；杂锦刺身有六款各两件(三文鱼、吞拿鱼、油甘鱼、北寄贝、甜虾及带子)，份量算多，质素一般，尤其是吞拿鱼，表面唔知点解有D绿绿地色，肉质麻麻地；最后是手打拉面，汤底都ok嘅，不过拉面则腍了一点。
继续阅读
我地又一行３人黎食饭，又叫左一大堆野黎食：有三文鱼寿司、三文鱼籽手卷、剑鱼腩寿司、广岛烧饼、滑蛋鸡肉饭、滑蛋猪扒饭，仲有一个海鲜锅乌冬添！我已经饿左一排无食三文鱼籽啦，今次个手卷好新鲜呀，又圆又大粒，咬落去仲识弹走既，都系$３０一件，正！朋友既手卷都好得，见ｄ鱼都系好弹牙啵！三文鱼唔系顶级，不过都系抵食既；ｄ滑蛋饭就干左ｄ，唔可以同”吉”去比既，价钱都相差好远啦～我个乌冬就唔系手打既，所以就唔系太弹牙，不过ｄ料都好足，乜都齐晒架！食完就乖乖地返屋企啦，真系爽！
继续阅读
想请朋友食 toro lunch, 但又好 stupid 咁无 book 到位, 去到当然食闭门羹, 去函馆又撞正太古坊 lunch hour 多人到入唔到去, 真 stupid... 朋友提议到鲤景湾碰运气, 0黎到呢度, 点话点好啦. 如常一人一个 set lunch, 见二色刺身有优惠, 又叫个油甘鱼 + 带子 ($56 两款) 试试.呢度上菜次序系乱七八糟, 第一样0黎的系我份 set lunch 的一部份, 系有蒸蛋, 前菜, 面豉汤及拉面沙律的一盘0野. 好怕餐厅一次过 serve 晒 d 0野食, 食沙律先又怕蒸蛋冻晒, 食蒸蛋先过前菜又觉得怪怪0地, 真系人都癫... 前菜系现成的中华沙律, 好难会难食; 蒸蛋几鲜甜, 配料有蟹柳, 日式鱼蛋, 唔知乜0野菜 / 叶, 但就独欠白果, 可惜; 拉面沙律 d 沙律汁系粉红色的, 食落甜多过酸, 配上腍腍0地又温温吞吞的拉面, 味道实在唔多好食; 沙律菜严重出水, 加上粉红色的酱汁, 劲倒胃, 食晒 d 面后, 其他决定唔食; 面豉汤就好少少, 味浓又唔过咸, 仲有唔少昆布及好滑的粒粒豆腐, 唔错.再0黎就系 share 食的油甘鱼 + 带子刺身... 三「砖」(!!) 油甘鱼虽然爽口, 不过鱼味一般, 而且实在切得太厚了, 一片片俾我0地唔得咩? 带子就片得好薄, 可幸够新鲜, 味道鲜甜. Wasabi 就香而不辣, 意料之外.食完刺身, 朋友的 set lunch 前菜面豉汤蒸蛋终于都来, 仲有一碟跟餐的杂锦 tempura. 食了一件南瓜一只虾, 印象只有厚粉, 好脆同好油. 唉, 一日都系天扶良整得太好食啦, 食到我嘴都刁埋! 而我的杂锦寿司, 原来系跟了两「砖」三文鱼刺身的, 见到不禁皱眉, 不过既然朋友钟意食, 算啦. 寿司饭握得好差, 形状扁挞挞之余一夹即散, 叫人点食? 熟虾无味, 鱿鱼爽口无味, 吞拿及(鱼立)鱼算新鲜, 味道不过不失; 剑鱼就最好食, 鱼味浓又丰润.最后就系朋友的 toro 蓉丼, 食了一啖觉得几肥美又好漏, 最后朋友都食唔晒.环境系扮日本餐厅的港式日本餐厅, 卫生亦麻麻, 如果好的话我只匙羹就唔会有豉油污渍啦; 招呼日本餐厅 standard 0黎讲, 系好差的, 除0左人手唔够, 唔收吉碗吉碟又唔加茶之外, 最有趣系店员 toro 丼 serve 时, 睇住我指住朋友向佢示意, 佢依然想放0系我面前, 搞到我要开口叫停「佢食0架!」, 真系头都出烟.连加一每人约 $130, 唔算好贵, 但比起已经麻麻的铜锣湾「竹八」(详见 http://www.openrice.com/restaurant/commentdetail.htm?commentid=1925507), 呢度更唔得, 唔会再帮衬!
继续阅读
估不到在那么短时间会再来西湾河, 也竟由事发人提议, 就是又在挑战我伤痛康复的能力?很久也没有在食评抒发自己的情感, 是由于之前写了自己的感受反而被人挖苦讽刺, 伤得更重之下便避之则吉…爱一个人是可以令你将他的缺点接纳甚至缩小, 接纳是在伴侣相处之中十分重要的大前提. 你爱的那人, 不只是外貌, 表面, 也要接受他的性格内心, 这才是how to see an imperfect person perfectly.我真的很迷惘, 很不知所措, 面前的事和人都很虚无, 捉摸不到, 也看不清楚.章红鱼刺身–薄切, 肉爽清新.油甘鱼刺身–厚而大片, 味较章红鱼浓, 肉则较腍.新鲜连壳北寄贝刺身–肉爽鲜味, 新鲜北寄贝是呈浅灰色的.带子刺身–群边爽, 肉身弹牙呈丝状.深海池鱼刺身–成了当晚至爱, 肉质爽脆, 鱼味浓郁, 回味无穷.三文鱼寿司, 墨鱼寿司, 赤贝寿司, 鱼子海胆寿司–全也美味, 尤以赤贝鲜甜不腥.今年是我最不想过, 最不快乐的圣诞节…
继续阅读
闲时路过都会偷偷的望进去, 看一下菜式/卖相, 不过每次都只局限于"眼看口勿动", 因为在门外翻一下餐牌, 看到价格便要止步, 不过属于高级食肆, 水准应该会不俗, 希望能够与板前看齐。托东亚信用卡优惠之鸿福, 终于有机会在此店用"合理价钱"享用晚餐前菜$10(是日:辣味大豆芽伴猪肉条)$380二人晚餐如下:炭烧木鱼沙律(有大约6至7片木鱼, 味道有一点点像烟熏过的吞拿鱼刺身, 颇大片及厚身, 萝卜丝+菜等等)刺身并盘:牡丹虾- 肉多味鲜, 味道是整个并盘仲最好的剑鱼腩- 口感颇实有汁,不过几冻带子- 带子味道有点像牡丹虾,有少少入口溶的感觉三文鱼籽- 三文鱼籽有酒味,应该是浸过酒的油甘鱼- 非常厚肉1.5~2cm,不过几冻,味道没什么特别蒜香明太子寿司- 明太子+生蒜蓉放在已经火灸的三文鱼寿司上, 生蒜蓉几香+"拿"口, 三文鱼肉厚, 不过没什么鲜味可言软壳蟹卷- 铺上鲜甜芒果+蟹籽, 口感清新一点, 软壳蟹就没什么特别铁板北海道鲜带子- 底部是炒过的大豆芽, 上面是3粒带子(几鲜味), 加入炸蒜, 几香口, 颇油~北海道蟹糕炒饭- 几好, 可能之前冷盘较多, 有热食感觉会特别好味, 蟹糕似唔咸的咸蛋黄, 加入了蟹籽, 都有少少镬气蚬肉味噌汁- 两只蚬, 有沙, 都算鲜味, 味噌汤有豆腐海带, 有蚬既鲜味, 算不俗甜品- 例牌两粒维记香芋雪米兹(竟然觉得几好味)好饱, 最后炒饭要外卖回家~整体来说, 份量是豪气, 刺身的肉量很多, 一点也不吝惜, 很配合so"豪"的形象, 但味道就欠缺了惊喜...很平淡, 不是不好, 只是比预期的还差一点点招呼方面有时会不够人手, 不过添茶都几密, 不过不失menu是木造, 都几重两个人盛惠$429普通级数,高级消费总算是还一个心愿, 如果这个水准, 我想$300左右会比较合理, 如非必要, 不会再来。
继续阅读