鰻工房 (已搬遷) 新店位置

這是一家專吃鰻魚的小店，坐位不多，繁忙時間來到，可能要等一下。店子內播著日文歌，配以日式裝修，很好的氛圍。我們在餐牌中點選了店家推介菜式：原條蒲燒鰻魚丼和鰻魚蕎麥麵，每款另加$30轉套餐，配有溫泉蛋、鹹菜、鰻魚肝白貝湯、玄米茶。這裡的蒲燒鰻魚確是十分有水準，鰻魚本身油脂豐富，魚肉在燒的過程已和醬汁融合，並能做到入口即溶的境界，每一啖都要細味品賞。鰻魚蕎麥麵是有蒲燒鰻魚兩串和一條穴子。貪心的我可以一次過品嘗兩款不同的鰻魚。穴子肉質軟腍鮮味，與蒲燒鰻魚的濃郁截然不同。冷麵汁很正中，生鵪鶉蛋、葱花、wasabi、紫菜絲、芝麻都齊全，而且賣相很精美，令人食慾大增。這店的套餐價錢不貴，加上是打正旗號的鰻魚專門店，相信對於愛吃鰻魚的人，這是不二之選。

鰻工房 - 蒲燒鰻魚工房作為鰻魚控的我，每次光顧日本餐廳時，一有機會就會點鰻魚的料理，有鰻魚飯、鰻魚玉子、鰻魚壽司、鰻魚串燒等，這次的餐館更加是鰻魚的專門店，可以好好品嘗不同的鰻魚。原條蒲燒鰻魚丼最經典的蒲燒鰻魚飯，原條的厚身蒲燒鰻魚，啖啖肉之餘又不會乾身，最重要是吃不到任何的魚骨，而丼飯也非常有心思，加入紫菜碎、蛋絲、青豆，令味道和口感更加豐富，鰻魚蕎麥麵非常豐富的一款定食，首先有兩串蒲燒鰻魚串、原條的穴子，一次可以試到海鰻和河鰻；爽口的蕎麥麵配上甜甜的醬汁。最後可以加$30轉為定食，有溫泉蛋、鹹菜、鰻魚肝白貝湯和玄米茶。

Came to Unagi Koubou for dinner yesterday and found it really good. I had the dinner set with grilled eel. The eel was so fresh, juicy and tasty even without soy sauce. The set came with appetizer, fish soup, egg and fried rice. The portion was just enough and price was reasonable. Highly recommend this restaurant to all eel lovers!

我喺銅鑼灣返工，日日放工都要諗食咩，成日經過呢度都見幾好生意，今次就來試下！呢間小店主打食鰻魚，裝修有d似日本小型居酒屋，店員都係得一個女waiter落單同出餐，坐落就有d迫。我地叫左原條蒲燒鰻魚丼，加30蚊轉左做套餐，多左玄米茶，温泉玉子同湯。鰻魚同飯係分開上嘅，賣相都幾精緻。餐廳都有提示我地食完留低3分1，之後再要求加昆布湯食二吃茶漬飯，咁食真係第一次！成間鋪都充滿鰻魚嘅香味，令人食完都想繼續食，有機會真係要試下！

因為疫症,少左出街食飯,又冇得去旅行想食日本野都要諗過度過朋友介紹呢間餐廳有我最愛既鰻魚,於是揀左個少人既時段去食原條蒲燒鰻魚丼以呢個價錢而言,肉質算是不錯鰻魚帶少少油香,少肥,塗上秘製醬汁的確係唔錯既Set要加$30 先有,感覺唔太化算,所以冇加食係加左紫菜同蛋絲,份量唔多男仔應該唔夠飽了生燒鰻魚丼可以揀鹽燒同汁燒,當然會揀鹽燒因為出面好少有得食不過鹽稍為重手左啲,有點過咸底部有啲焦脆口感算是惹味

呢排小咗出去，搵地方食假都盡量搵啲人小啲嘅地方，呢間鰻工房雖然係地舖，但附近人流都唔算多，都幾舒服！#生燒鰻魚丼 白燒 $168套餐仲有跟埋溫泉蛋、鰻魚肝白貝湯同玄米茶。平時都係食蒲燒鰻魚丼，今次喺呢度見到有白燒嘅選擇。鹽燒食落好惹味！皮脆肉嫩，鰻魚肉好有彈性！白飯上面有大量雞蛋絲同紫菜，撈埋一齊配啖魚，好豐富！#鰻魚串燒 $28另外仲揀咗串燒，想一次過食埋汁燒嘅香甜，肉質結實彈牙，仲燒得啱啱好，惹味得嚟更帶有焦香味𠻹！

細心一想 己有多年無去日本了 緣份驅使下讓今日走到位於銅鑼灣日式鰻魚專門店內 係鋪外已傳來陣陣鰻魚之味 店內相當別至好有日本店鋪的情懷 放有不少日本的攞設坐下 來 和朋友便選了兩款喜愛的口味 一個 一本鰻蒲燒丼和白燒活鰻丼 除此之外各款丼飯 只需加錢便可轉餐 餐內多了最愛的溫泉蛋、還有一碗用鰻魚肉煮成的熱湯滿滿鰻魚的味道熱烈推介 生燒鰻魚丼 主要將鳗魚生燒做法 使到鰻魚皮燒得香口另外皮本身帶有鹽燒味 加上厚肉嫩滑，味道好夾 好似係口中起舞 生燒好好食 同一般食開的蒲燒味道好唔同隆重登場 一本鰻蒲燒丼 即是原條 用蒲燒汁制作而成 用蒲燒 處理的食法 令到肉質軟身及帶點 鬆化而且帶甜味 加上配上日本珍珠米更是絕配最後職員介紹了多一個食法 建議我地留番一部分鰻魚飯 加入昆布高湯 加點紫菜 造成茶漬飯的食法相當貼心 這間小店是其中一間好食的 值得一試👍🏼👍🏼

在家閉了好幾天，是日出外買口罩，順道抖抖氣。這兒進店前員工有先量體溫和提供消毒酒精搓手確保衞生，而且亦有每枱保持距離及只讓店內維持一半客人，令食客安心不少。鰻魚蕎麥面這份量足已令女生滿足開心呀🤩先說鰻魚的豐盛，肥美帶魚油，還有穴子口感份外嫩滑，入口留香，淡咸平衡恰到好處，再配手磨芥辣加醬油鵪鶉旦拌蕎麥面吃，層次多，且感覺清新健康。鰻魚飯堡除了鰻魚質優厚身肉嫩外，鰻魚很大條，更是三樣食物中最美的呢！不計成本。連飯粒也擁有充足的鰻魚芝麻醬汁，漢堡飯焦卜卜脆，用脆身紫菜夾新鮮芝士生菜🥬拿在手上吃特別豪氣，十分美味。蒲燒鰻魚最是基本的一道，卻不馬虎，賣相漂亮，富光澤的外觀，內涵魚肉味美，沒有細骨之餘，最好吃是加上山椒粉呢，食味大增，帶點少刺激。原條呈上的瞬間，給予人不止滿意，還有後續咀嚼品嚐的快樂。食後感：這是一家以鰻魚作主題的餐廳，選擇不少並有不少創意呢！真是傻眼了，堂食還沒有加一，這價錢是踏實靠譜難忘了。另外，職員態度很好，友善親切有禮貌，一定再光顧😻P.S. 現在我盡量都是買外賣多，如果堂食亦會選擇非繁忙時間用餐，多注意個人衞生，勤消毒洗手，保持適當的用餐距離🙏🏻

原條蒲燒鰻魚丼 $98有三大片蒲燒鰻魚，同白燒鰻魚彈滑既肉質相比，蒲燒鰻魚口感軟腍😋，雖然唔算肥厚，但勝在鰻魚味夠香濃，亦無幼骨。燒汁甜度岩岩好，唔會掩蓋到鰻魚既味道。另外+$30可以轉做套餐，有溫泉蛋🍳、漬物、鰻魚肝白貝湯同玄米茶，溫泉蛋蛋味唔算特別濃，但撈飯一流🍚；鰻魚肝白貝湯偏鹹，但入面有鰻魚肝，第一次食都幾有趣😆。-白燒鰻魚丼 $168白燒即係代表鰻魚唔加燒汁咁由生燒到熟，鰻魚皮燒得香脆😻，鰻魚肉質彈滑，油脂味重，鰻魚味非常香🤤。因為鰻魚既質素夠好，所以師傅只係灑少少鹽已經夠好食。白燒鰻魚超有驚喜，中意食鰻魚既一定要試下🥰！便當入面除左有白飯外，仲配有雞蛋同紫菜絲，夾埋一齊食更加香口之餘，亦可以減輕到食太多鰻魚既膩感👍🏻。-梅酒 $48見幾平就試下，一小樽入面足足有兩粒梅，好足料。梅味非常香濃，酸酸甜甜好好飲🍶。

約了好友吃晚飯，為了喜歡吃日本菜的她我決定去這間很cozy的餐廳，這裡主要是吃鰻魚菜式～蒲燒鰻魚丼 $68鰻魚的燒汁微甜，令鰻魚更惹味，因為肉質厚實，要半條已經很足夠，最加分是米飯很有口感和飯香，配上條條蛋絲和海苔絲，其實只是飯本身我都可以吃多一碗，這個組合是非常完美！鰻魚蕎麥麵 $78很久沒吃蕎麥麵，想看看這個配搭感覺如何。蕎麥麵彈性剛剛好，淋上特製醬汁令麵很有鹹香。燒鰻魚肝串 $38第一次吃燒鰻魚肝，口感比想像中有咬口，師傅燒到魚肝有少少脆口，魚油慢慢滲出來，非常豐腴。叫主食的時候可以加錢轉餐，個人認為值得叫，因為溫泉蛋實在太滑太好吃，能和飯拌著吃更滋味呢！難得平日不用上班，特別叫了好友陪我出去找美食！這間餐廳可以說是給我很多驚喜呢！

家中做的鰻魚飯始終不及外面的好。假日與友人到鰻魚專門店吃個鰻魚飯，順道到超市買食物。小店的餐牌如日本漫畫，店頂的裝飾如日本居酒屋的風格，有一種温暖感。二重鰻魚丼($148)，是鰻魚和穴子。很多人吃鰻魚喜歡加上大量鰻魚汁，然而這裏更能嚐到鰻魚的原汁原味。燒得恰到好處、焦香的鰻魚皮，和厚身而嫩滑的鰻魚肉，外脆內軟。穴子比較幼身，比鰻魚柔軟細滑。這碟可吃到二重口感。飯分開盛着，飯粒分明香軟，頂層有大量軟滑的蛋絲，放上兩層日式魚片，飯裏的豆粒加入蔬菜的清爽。芝士焗鰻魚丼($128)，如果覺得一般燒鰻魚太普通，以芝士焗鰻魚則有別於傳統的做法。也許有人會認為芝士會蓋過鰻魚本身的味道，但這裏做到芝士與鰻魚兩種層次分明。個人覺得芝士焗鰻魚更好吃，先是嚐到濃郁的焗芝士味和其煙靭的口感，繼而嚐到鰻魚本身的肥厚和焗魚香。+$30有温泉蛋、鹹菜、鰻魚肝白貝湯和玄米茶。三款味道相若的鹹菜同樣爽脆，酸鹹味增添食慾。温泉蛋吃得多，但這裏的温泉蛋會加上小蔥和醬油，為新鮮的蛋香添上小蔥青蔥的味道，和醬油的香甜。鰻魚肝白貝湯要熱喝，內有一件帶骨的魚。玄米茶是茶包，清淡的玄米茶與濃郁的鰻魚飯相輔相成。喝完後店員會立即加熱水

今日特意去 食全城最出名，好多 飲食雜誌 均推介嘅 鰻魚店 食燒鰻魚。汁燒鰻魚非常好味，好肥美，彈牙，d 汁唔咸。而生燒鰻魚，口感特別，外面脆，裡面爽。個人覺得原條汁燒 鰻魚 ，好味過生燒鰻魚，甚至好味過係日本食。但好可惜 遇到 一位態度非常差，身材略肥胖女的侍應！當然可惜的，不是她的身材啦，而是她的服務態度。她的態度很 傲慢。下單態度，仲差過大牌檔所感受的態度。埋單的時候 問她可唔可以比信用咭，她語帶命令的答 "比現金!" 完，一點尾音都冇。大支野到，老闆娘咁。大佬呀，食野姐，唔係食 "氣"!比生意佢做，仲好似欠左佢！而家呢個咁困難嘅時勢，服務態度仲咁差， 形真趕客！鰻魚雖好，但要 硬食埋 "氣" 落肚! 下次唔黎了！

這裡就像正宗日本餐廳一樣只專注賣一樣東西，所以我們很快就選好了店家推介的一本鰻蒲燒DON和比較少見的活鰻DON，還加了$30 set有鰻魚肝湯有漬物有溫泉蛋有熱茶，食過之後就覺得好抵食好足料！一本鰻蒲燒的鰻魚是平時食開比較薄的那種，有燒過的香氣，而且燒汁不會過多過咸，配飯食岩岩好；活鰻非常厚身，白燒其實似燒鱔，不過好肥美彈牙但又保留到鰻魚的油脂香味，而且感覺係即燒因為連皮都脆埋，平時唔食皮的我都食到，無晒滑潺潺的口感。 食到一半其實已經飽了，鰻魚的油脂都多，不過見尼度可以加高湯變茶漬飯就試埋佢。額外加入紫菜同芝麻，加上熱湯令成個感覺又唔同左，冇咁濟就成個set食得晒lu~ 假如個湯冇咁濃味就更好啦，不過飲晒都唔會好口渴應該冇落味精。

銅鑼灣一直以來都窩藏不少美食，重點在於發現。和附近的同事中午吃過野郎，路過的時候看到還有家專吃鰻魚的日式風格餐廳隱藏在街邊。晚上下班捉個人陪我試一試。是相對人流蠻多的，就在謝斐道邊上。進去只有4個方位可以擺放8個緊逼的二人座，不過在吃完以及離開，二人座位有點不舒服。一進來服務員也熱情招待倒茶，小黑板赫然寫著今日推薦。一向喜愛鰻魚的同事立刻點三重奏。|三重鳗鱼丼^鰻，穴子，活鰻三重奏另加30元有湯溫泉蛋等等，可以作為一個套餐奉上。不得不說這個選擇很吸引，三種材料，做法，口感各不相同的味道可以令鰻魚粉剎那興奮不已。個人較喜愛鹽燒的那一款，口味適中可以再濃烈些少。今次我自己選擇的是別樣的|鰻魚飯堡^鰻魚飯堡顧名思義是把飯焦製作成漢堡扒的樣子。另外再加紫菜。還有一塊芝士。賣相比三重奏好看，可能是因為顏色搭配。但是它只用一種蒲燒鰻魚，所以這個味道也是大眾口味。另外我也是加了30元有溫泉蛋和湯，喝湯時候記得落一些白芝麻。這個湯是鰻魚肝白貝湯，配合重口味的飯焦。剛剛好。總體來說這次晚餐很豐富也滿足。鰻魚粉三重奏下次我也要試試看啦。

平時經過都會比招牌吸引，呢排無得去日本，今晚特別帶男朋友去食佢最愛的鰻魚料理。店內座位不多，只有4張枱，但牆上掛滿了日文餐牌和其他日本畫布，加上樓底高，有一d麻質捕魚網，好有日本風味。🐠原條蒲燒鰻魚丼加$30 轉set ～包括：溫泉蛋、鹹菜、鰻魚肝白貝湯、玄米茶❤️好中意個湯，清甜得來，又有塊貝類, 鰻魚肉, 絕對不是味增湯，有誠意。❤️原條燒鰻魚肉質肥厚，魚肉香嫩多汁，口感豐富，油份滿分。最重要個汁，塗上秘製醬汁，慢慢將其烤至金黃色，超級鮮甜，令鰻魚更加甜美，一咬落去好厚肉。🐠男朋友點的是生燒鰻魚丼鹽燒呢個你可以揀鹽燒同汁燒，我覺得一定要揀鹽燒！因為好惹味！食完蒲燒後，再食呢個，你會返唔到轉頭。與蒲燒最大的不同之處是肉質，生燒鰻魚好好有彈性, 蒲燒就比較朒。最重點，鰻魚皮燒到好似薯片咁脆。🤩🤩🤩❤️另外配上的白飯上配上大量雞蛋絲、枝豆和嗚門卷，未食已經有視覺上的享受。❤️每張枱都貼有溫馨提示，留下三分一的飯製作成茶漬飯。可請店員添加昆布濃湯，將飯倒入加上點點白芝麻和紫菜，就能變成鰻魚茶漬飯。👍🏻👍🏻❤️作為鰻魚迷，必定要去朝聖下。你絕對不會失望。皆因專注，所以專業 👍🏻即叫即燒之外，鰻魚肉厚肥