鰻工房 (已結業)

呢間專門用鰻魚作主打嘅小店， 用鰻魚做出多款不同款式丼飯，小食。最特別應該叫《沙羅曼蛇丼》嘅丼飯，用上超大size 超長嘅蒲燒鰻魚做賣點，因為份量太大，估算過自己當天食量後， 決定選擇叫其他嘢。 平時比較少會食生燒鰻魚 ， 問過店員生燒鰻魚會用上本地即劏鰻魚來生燒，咁要了一份生燒鰻魚丼（白燒）。 另加$18包溫泉蛋·鹹菜 ·鰻魚肝白貝湯 和飲品。剛燒好嘅生燒鰻魚放到枱前，聞到好香嘅焦香味 。 放到入口魚皮脆，魚肉厚身爽彈牙，夠肥美，咬出來嘅肉汁鮮，甜，食得出鱔肉相當新鮮 。 至於丼飯嘅飯亦煮得不錯。 其他湯·溫泉蛋等就正常發揮 。

最近好耐冇見朋友，所以就搵間日本嘅餐廳同朋友聚下。入到去，見到佢嘅鰻魚萬花筒，真係令人垂涎欲滴。啲鰻魚經過燒過，散發住香魚油味，食落真係超香。唔止咁，佢嘅溫泉蛋更係一絕！呢碗溫泉蛋，啲蛋汁咁滑順，一啖落去，簡直係絲滑無比。而啲鰻魚肝白貝湯都係值得一試。湯底濃郁，啲鰻魚肝同白貝令湯更加鮮甜。最令人興奮嘅莫過於佢哋嘅三重鰻魚丼啦！三款鰻魚——蒲燒鰻魚、生燒鰻魚同穴子，一齊擺落碗入面，賣相真係吸引。而且如果你食到三分之一，可以叫店員加入昆布高湯製成嘅鰻魚茶漬飯，自行加芝麻同紫菜，味道更加豐富，鮮甜之餘，又有另一番風味。「鰻工房尖沙咀」嘅餐點真係令人驚喜。如果你鐘意日式料理同埋鰻魚，呢度絕對係一個值得一試嘅地方！絕對唔會讓你失望，下次再去尖沙咀，一定會再光顧。

生燒鰻魚，鰻魚肉質口感爽彈，燒到剛剛好，保留魚肉鮮嫩有魚肉汁。生燒食法可以食到鰻魚本身既味道，口味較純樸同較清新。我自己比較呢種小有既食法。鰻魚外層魚皮脆香，入口小小盪口，真係熱熱辣既叫既燒。 二重鰻魚丼入面有蒲燒鰻魚同穴鰻。，同生燒鰻魚肉質相反，肉質淋滑肉嫩外，外層燒過有焦香。用燒汁燒過後味道上較甜，鰻魚魚肉肉質入味。 穴鰻係比較細既鰻魚，比較食落去內質比較嫩同細。同樣用左蒲燒方式一樣淋滑軟滑。 我地叫左2個餐都用18蚊升級套餐，有溫泉蛋，鹹菜，鰻魚肝白貝湯，仲配飲品。黎到比想象中豐富。我地叫左玄米茶都幾解渴同幾解膩。 溫泉蛋同飯一齊配勁香滑，而個白貝湯都好清甜好似無味精，仲有一隻蜆係入面又幾鮮甜。

因間鋪細細間 好彩個日 6點幾去到 都唔洗要排隊入到去係雖然有啲迫冇計 但環境裝修都ok好有日系feel叫咗 沙羅鰻蛇丼一上黎 都比想像中好大條鰻魚下有玉子 份量黎講 因加埋汁 算係足 同埋汁食食下鰻魚都膩所以對我黎講係飽生燒鰻魚 （白燒）但唔記得係叫丼燒得都唔差 一食落去襯熱食好彈牙 好正 😋但冇飯 都可以叫加湯 兩人一齊分 我地就啱啱好食完都飽加埋湯 湯飯都ok會冇咁油膩 又可以當就咁湯飲清下個口整體 值得一食 而且會想再食價錢上都ok性格比都中上 都高推介去食

係香港實在難搵到一間好味嘅鰻魚店，最近就發現了一間位置於尖沙咀，主打鰻魚嘅日式料理店，無妨試吓。牆上掛上鰻魚製作資料，食用方法….確是貼心。三重鳗魚丼（蒲燒鰻魚，生燒鰻魚，穴子）賣相相當吸引。蒲燒鰻魚燒汁非常惹味，入口即化嘅口感另人難忘。生燒鰻魚燒得魚皮脆卜卜，肉質厚實有嚼口。穴子綿綿滑溜，味道濃厚，慢慢溶化於口腔內。紫菜，蛋絲，青豆滿滿鋪上飯面，再加上流漿嘅溫泉蛋，真一流。鰻魚肝白貝湯好鮮甜，完美的午餐。

鰻工房係鰻魚專門店😆今次黎到食佢地個招牌沙羅鰻蛇丼，真係勁巨兼好味🥰💫 沙羅鰻蛇丼 $198上餐個陣真係俾佢嚇親！係長過前臂嘅鰻魚🥰勁大條呀！食咗一啖先發現鰻魚下面仲有嚿玉子🤣🤣🤣啱晒放工勁肚餓嘅人去食✨會食到好飽肚，份量多到兩個人share都ok！仲有小旗仔提醒多骨，好細心～👍🏿鰻魚都好好食，超級入味，肉質鮮嫩肥美🤗最後可以問店員攞昆布高湯加入個丼到，再自己加紫菜同埋芝麻，呢個係勁好食！！推介一定要試🫶🏻💫 慢煮牛舌日本溫泉蛋丼 $68 （升級套餐+$18）啲牛舌好軟腍同埋甜甜地，$68嚟講算係抵食！+$18仲跟多一隻溫泉蛋+鰻魚肝白貝湯（都係飲到一半先發現有蜆喺入面，出其不意嘅餐廳🤣）+餐飲呢一set都好有飽足感🥰好啱食量中等嘅人另外飯入面都會有啲紫菜、蛋絲同埋枝豆✨📍鰻工房 (尖沙咀)尖沙咀赫德道1-3號利威商業大廈地下7號舖

從來都未食過咁大條鰻魚！大到要用2隻碟裝！🤩超級肥美、肉嫩！小店仲有生燒鰻、鰻魚肝串燒、穴子等多款鰻魚料理 價錢唔貴~ 抵食又正呀！🫰🏻🔸沙羅鰻蛇丼（$198）🩷超大條、肥厚、肉好嫩！醬汁燒香，邊邊位微焦脆，好食！丼飯上有玉子燒、毛豆、紫菜，仲付有鰻魚肝湯、漬物、溫泉蛋，好抵食！🔸生燒鰻魚（$162）🩷哩款肉質更厚！好彈牙！魚皮燒到脆身、好香，可以揀白燒/汁燒，我哋揀左白燒，推介。➖➖➖

▫️一間好有日本風，專食鰻魚嘅餐廳‼️ 位於尖沙咀，有好多鰻魚飯選擇😆 好彩我地早食飯，7點走嘅時候餐廳已經坐滿咁濟😂🍱 生燒鰻魚丼 $188▫️餐廳主打鰻魚當然要試一份啦😎 白燒即係唔加醬料直接燒，最原汁原味～ 鰻魚較重油份幾香，肉質結質，係食嘅時候要小心啲碎骨🫢🐮 慢煮牛舌日本溫泉蛋丼 $68▫️見到有新推出嘅溫泉蛋牛舌丼😳 牛舌幾淋，份量都好多😯 撈埋溫泉蛋好送飯😆 轉埋套餐有兩飯溫泉蛋好開心😂🍽️ +$18 轉套餐▫️套餐包溫泉蛋、鹹菜、飲品，仲有鰻魚肝白貝湯，熱辣辣又有蜆肉好足料👍🏻

留意左呢間店好耐，今日終於可以黎食啦😍呢間店係鰻魚專門店，所以入面主打係食各款既鰻魚料理，由傳統丼飯到創意既漢堡都有🍔所以都一直想黎試下。一入到黎已經見到隔離枱嗌左個超巨型嘅鰻魚丼，真係睇到都勁開心，所以我地都揀左呢個，而另外我地仲嗌左個白燒鰻魚，咁就可以試哂2款唔同感覺既丼飯啦。🐒沙羅鰻蛇丼💰$198呢個真係好誇張呀！佢係同前手臂一樣長😂個闊度仲同手掌差唔多↔️所以食呢個真係2個人share都夠哂，仲要拎黎打卡都好正🤣。生燒鰻魚丼(白燒)💰$188👉🏻升級套餐+$18（溫泉蛋+鹹菜+鰻魚肝白貝湯+玄米茶）🐒雪碧💰$12呢個我地升級左做套餐，咁就有埋湯，野飲，前菜同我最愛既溫泉蛋♨️而呢款白燒既鰻魚就可以食到唔同texture既鰻魚，呢個係好彈牙而且食到鰻魚既鮮味，所以係唔需要任何既醬汁都已經好正🙌

假日和朋友到尖沙咀逛逛，先到附近的鰻魚專門店吃午餐。店舖剛開門，成為當日第一組食客。店內的裝潢以日式和風為主，猶如置身在日本小店。每個座位的蓋可打開放置隨身物品。座位充足，以一人至四人座位為主。沙羅鰻蛇丼($198)，Mega size 鰻魚，一大個碗也放不下一大條厚身的鰻魚，要加用一隻碟盛載，帶來視覺上的震撼。鰻魚厚肉，刺少，主要在中間，很容易分間開來。鰻魚上也有一支旗仔，提醒人注意有刺。魚肉夠厚，澆上燒汁，增添鰻魚的惹味。鰻魚底下的玉子卷非常嫩滑，同樣份量十足。綠茶($12)，綠茶粉以熱水拌勻。茶味濃郁，有濃郁的綠茶香味。也可請店員加熱水，調整綠茶的濃度，配便當吃很合適。白燒生燒鰻魚丼($188)，套餐升級+$18，有玄米茶、酸爽鹹菜、鰻魚肝白貝湯和温泉蛋。鰻魚肝白貝湯鹹度適中，上桌時燙熱，內有無沙蜆肉。温泉蛋蛋香十足，把鰻魚沾一點蛋黃和蛋白，以蛋香提升鰻魚的鮮味。白燒即是沒有加醬的蒲燒，將鰻魚烤熟，是最基本的烹調鰻魚方式，能嚐到鰻魚最原始的風味。鰻魚切件，燒得香脆，魚肉在炙燒後變得彈牙，整件以香脆彈牙為主。

我有個朋友係超級鰻魚控，所以我帶佢嚟呢間鰻魚專門店！未到12點已經開始有人在門口排隊，入到去呢覺得店內環境好日式居酒屋feel，枱凳都係啡色設計，每張枱都放menu紙自己用筆剔!鰻魚其實都多選擇，亦做到好多唔同嘅變化👍🏻鰻魚丼都有幾款，有蕎麥麵，亦有滑蛋鰻魚丼….叫咗本店的出名沙羅鰻蛇丼: 就咁聽個名，以為係一款80年代街機遊戲，非也，實質係用咗呢款遊戲嘅諧音嚟形容呢個餐上枱時有幾咁澎湃。一直放枱時，見到成呎長嘅蒲燒鰻魚，真係mega size,送餐托盤都差啲唔夠放😂咁大條鰻魚除咗打卡一流之外，燒出嚟好靚，食起嚟好肥美，再加上甜甜鰻魚汁，下面呢就好似啲外賣便當飯盒，仲有玉子燒鋪喺飯面，仲有枝豆，紫菜絲，魚片做配料！另外呢喺鰻魚上面都有牙簽有張紙寫住多骨注意⚠️生燒鰻魚丼: 呢款鰻魚用左白燒呢種煮法，只係用鹽淡醃，食起嚟魚肉比較爽彈，燒到好脆，能食出鰻魚原味，係另一種口感。另外轉咗套餐：有溫泉蛋，鹹菜（自家製醃的蘿蔔好好味😋）鰻魚乾白貝湯，仲有蜆喺裏面，我覺得幾清甜玄米茶：能夠解膩，解渴。

今日去到鰻工房試下，希望可以試到日本鰻魚的味道。行到門口前，滿滿的日式風格，炭燒香充斥門前。沙羅鰻蛇丼超大條鰻魚，上台時十分驚喜，差不多有手臂咁長。翻開鰻魚，內有乾坤，一大塊玉子鋪在飯上，一啖玉子一啖鰻魚一啖飯，十分滿足。鰻魚炭燒味香濃，香脆無比，魚肉嫩滑，有日本的味道。鰻魚滑蛋丼鰻魚滑蛋融為一體，調味似親子丼，但鰻魚有驚喜，綿綿滑滑，撈飯一流。午市更有優惠，鰻魚滑蛋丼在午市只要38元，便可享用。CP值極高。

身為鰻魚愛好者，聽說最近尖沙咀有餐廳專食日式鰻魚飯，而且特別大條，所以就去試一下😁餐廳地理位置方便，距離K11商場幾分鐘而已。鰻魚菜款式選擇多，鰻魚內臟，串燒，麵飯都應有盡有。⭐️鰻魚滑蛋丼套餐這個套餐好豐富，有前菜，溫泉蛋，鰻魚肝白貝湯和主食鰻魚滑蛋丼，蛋很嫩滑，鰻魚片份量很多，這個組合不怕吃不飽。如果星期一至五下午時段食有優惠價，非常激抵！⭐️沙羅鰻蛇丼這個沙羅鰻蛇丼的鰻魚，尺寸大得驚人🤣👍足足有一隻手臂長，鰻魚肉質肥厚，剛剛燒好的鰻魚十分焦脆🤩鰻魚原條上，一個小托盤裝都裝不下，要分2個碟裝！重要的是價錢十分之優惠，鰻魚除了十分大條，底下還有日式卷蛋，令整個丼飯更飽滿了，確實使人喜出望外，別具心思😋

今日出咗尖沙咀，朋友介紹食《鰻工房》，果然有唔少鰻魚粉絲，全晚九成滿座。店內擺設充滿日本風味，就當自己去一轉日本旅行食好嘢。沙羅曼蛇丼~完整成條鰻魚上，嘩嘩嘩，勁勁勁大條，鰻魚沾滿醬汁燒到香香，入口充滿鰻魚油脂，超香，丼飯內有乾坤，鰻魚下有一大件蛋卷，食到後段可向店員索取昆布高湯加入丼飯，灑上紫菜及芝麻，搖身一變鰻魚茶漬飯，這個食法冇咁油膩，爽啊！芝芝鰻堡(雙層)~兩塊pancake夾住雙層鰻魚，這個芝士鰻魚漢堡真係不得了，多重味覺享受，喜歡鰻魚嘅一定要試呢個新產品。加$18轉套餐包括：溫泉蛋、鹹菜、鰻魚肝白貝湯 及飲品。飲品選擇有玄米茶、啤酒、汽水，仲有波子汽水添。欣賞店員友善招待。

本身都好鍾意食鰻魚嘅我 喺尖沙咀見到有一間餐廳專食鰻魚 當中超巨型鰻魚吸引咗我入座🤣🍀沙羅鰻蛇丼呢個丼飯一定要試 係個超巨型鰻魚丼飯黎😍 沙羅鰻蛇大條到兩個人分享都得🤩 就算將佢平均切開 每一件都有返咁上下大小 都可以切開做成20幾件 唔講仲以為食緊鰻魚放題🥰 鰻魚煎得好香口 表面同埋邊位啱啱好整到有少少燶邊 恰到好處😆 每一啖都好香濃 忍唔住一大件直接放落口食😋 再配一啖飯 中和返個味道 好正🤤🍀鰻魚滑蛋丼 另一個套餐叫左鰻魚滑蛋丼 兩個套餐都加咗$18升級套餐 多咗溫泉蛋 鰻魚肝白貝湯 鹹菜 同埋一杯野飲😉 鰻魚配滑蛋都好夾 每一啖除咗鰻魚嘅香濃 做額外多咗蛋香味 令到味道層次感增加咗😚 鍾意食鰻魚嘅朋友 又想平平哋食 可以叫呢個套餐 同樣都係食得好滿足😜