鰹烏冬 (寶華閣)

营业中

休息中

3餐食黃店長沙灣美食 長沙灣黃店🍽月見烏冬💰51⭐️鰹烏冬📍 長沙灣元洲街450/464號寶華閣地下4號舖==============================🎗捐錢支持星火同立場📝身為烏冬愛好者，當然要黎到出名手打烏冬既鰹烏冬試下。排左半個鐘就可以入座。好快上菜。烏冬係好粗條個隻，唔同平時幼身烏冬，食落好彈牙同有咬口。月見係指生雞蛋加落去，可以湯底唔夠熱去令雞蛋變熟，只能撈落去做湯底，味道都幾夾。但感覺唔抵，無左隻蛋食😂本身湯底都夠味，唔會係得鹹味，仲有鮮味，加埋隻蛋又有多一種層次。食到最後先發現佢有隻招牌雞髀，下次要再黎試下。💫⭐️⭐️⭐️⭐️值得一試

舖頭主打日式烏冬，食客可以自選冷或熱食。這已經不是我第一次光顧，這次試了鰹魚湯咖哩烏冬。雖然咖哩湯底不是太特別，但烏冬的彈牙及美味程度簡直100分。再加上骨付雞作為小菜（骨付雞是我每次必點的），感到非常滿足。但唯一的缺點是，廚師不會把所有菜式一次上枱，是那樣先弄好，就先給客人。好像我這次，叫了一個烏冬加骨付雞（小菜），他先上烏冬，我差不多吃完烏冬，才等到小菜上枱。這樣就没有叫小菜配烏冬的意義了吧？（記得以前他們是用套餐的方式，也是會出現同樣情況呢 ⋯⋯）

星期五放工，男朋友揀咗餐廳，係長沙灣地鐵站等，行大概十分鐘去到鋪頭，哇，7pm已經排長龍，好似斷日式喎，直頭似拉麵店🍜，好細間，坐得十幾人度，等咗差唔多半個鐘，係門口等位就已經自己寫定食咩，揀好先，終淤到我哋啦，入座後，五分鐘內就有得食，等得耐，但一有位都有得食😃坐得麻麻地囉，全場bar枱，高櫈，對於小矮人坐得唔舒服呀，因為腳短，又無得long住，全程掉住對腳咁食😅食物方面，賣相吸引，外表加分，適🈴️打咭，我叫咗個冷烏冬: 夏一烏冬$55，帶有酸汁蛋黃，青瓜粒，芝麻，紫菜，檸檬🍋日本薑蔥，諗住熱辣辣，消暑開胃😋😋oh 咬落有少少失望嘅，不竟等咗咁耐，好期待，加上係烏冬專家，點知個質感係un，唔係in un，係要咬好耐，唔淋嘅，有落差喎😅好彩我揀嘅骨付雞 $44，好好味😋大件夾抵食，有七味粉係面，塊皮係脆嘅，juicy啖啖肉☺️天婦羅🍤 $57，不過不失，有冬菇，多春魚，南瓜，蝦，同一條唔知咩魚，都算合格過關，但講唔岀有咩特別。鰹魚清湯烏冬 (熱) $46，普通貨，煮嘅時候有過冷河👍🏼點都好味過冷烏冬囉，冷烏冬無下次🤨起碼呢個口感都有咬口，唔係un先☺️我哋兩個落單時，都加咗$8個底，唔建議試

因為男朋友住長沙灣的關係於是今日就係呢頭搵食，見到呢間店好多人排隊，而且本人都好鍾意食烏冬，於是就入去食下。店鋪的坐位不多，而且所有位都係bar枱，可以睇到師傅的製作。Meun 上主要分為兩類烏冬，一類是熱食，一類是冷食！ 其餘就係小食方面。天氣那麼熱，我當然選擇冷食，而我男朋友就選了熱食，打算一齊試一下冷熱的分別。冷：夏一烏冬烏冬質地很煙韌，味道食落去很酸甜，很開胃，很適合夏天吃。CP值:😋😋😋😋😋熱:鏗魚鍋燒烏冬我地都覺得呢個味道偏淡，烏冬會偏軟小小可能係熱食的關係，但口感依然很好。CP值: 😋😋😋小食就叫左關東煮，正常發揮，湯底濃郁😉

試味菜式：鰹魚半湯凍烏冬配鯖魚係我目前吃過最煙韌的烏冬係我目前吃過最好味的鯖魚（落單先炮製，熱度夠兼且口感嫩滑，連個碟都係熱架）視覺享受：好似日本拉麵店裝修，食客透視廚房，見到現場烏冬制作，煮烏冬，煎釀炸物等過程，完全感受到 ’新鮮’ 。美中不足：隔離裝修，全程都受嚴重噪音滋擾

朋友表示好想食呢間烏冬，適逄打風前夕都一樣有人排隊，店員會先俾餐牌，可以邊等位邊揀野食。仲可以透過玻璃望住入面客人食野同廚師即造烏冬。因為店內座位唔多，等左應該超過半個鐘，門口有汽水機可以買野飲。一入座廚師已隨即送上食物。關東煮係正常地道關東煮味道，各樣食物都入晒味。骨付雞係大雞脾，香口的燒雞脾，雞肉不會太乾。鰹魚湯烏冬呢個我冇試，唔知味道如何，但朋友表示喜歡。夏一烏冬係冷烏冬，味道好清新，食落口好清爽，消暑佳品，而且烏冬口感好彈牙。鰹魚湯咖哩烏冬，雖煞今日天氣好熱，但我又好想食日式咖哩，所以叫左呢個。湯底有好香鰹魚味，唔會俾咖哩味搶左，烏冬冇凍食咁Q彈，但一樣有口感，每條烏冬都沾滿咖哩湯。

路過過呢間野都幾多次，聽講好食，但係好多人等。終於一次打算同朋友去呢間食，我本身打算早d去，6點前應該容易有位？不過最後因為工作關係，都係遲左去，大概6點40去到，排到大概8點先可以入座，因為佢裡面真係太少位，大概得10-12個位。長期keep住有條隊。我唔係一個好有耐性既人，中間好多次都想走，不過又見排左咁耐，算啦繼續等。終於入到去，叫左個咖喱烏冬，同關東煮烏冬。咖哩汁還好，關東煮就好鮮甜。覺得d烏冬比較大份，如果下次再去會叫好多唔同小食，唔需要叫兩份烏冬（本身我都比較細食）。係值得去既，起碼為左個關東煮。不過再去既話就唔會選擇人多時段去，真係怕排隊。。。

知道呢間係人龍店，想試好耐。見難得有日放早，就6點去睇吓會唔會好啲。又好彩喎，真係唔駛排隊可直入。食物水準其實算係中規中矩，我唔駛排隊所以都覺得可以。但肯定唔係值得要排長龍去食嗰隻。食物質素都令我唔排除有再去可能，不過嗰位唔知係店主定店員嘅大叔，就令我唔會想再去。店内有一位叔叔，一位嬸嬸同兩個後生。我唔知佢哋係一家幾口定係點，但大叔會好大聲咁用粗口鬧其他店員，偏偏佢又負責主理大部分食物，所以佢係企正係客面前個bar枱廚房度大聲鬧出嚟。佢黑住面，整完碟野上比客時超悔氣，亦無講聲呢碟係咩咩之類。這並不是我對一般小店所expect嘅服務態度，而食物只是中規中矩，所以如有其他選擇的話，應該不會再幫襯。（其他幾位店員嘅態度係完全無問題嘅）

據聞係好好味既烏冬鋪, 之前係社交平台都見有人share, 一直都想試下。難得今日同老婆一齊平日放假, 就去食左個late lunch! 唔知係咪因為咁, 所以唔使太好耐。講返烏冬, 真係好正! 彈牙到好有口感! 湯底好清甜! 我叫左個天婦羅, 所有食材都炸得好脆 (但又唔油膩喎) 而老婆叫左個雞腿, 亦都係好正! 店面亦都裝修得好有日本feel, 睇得出好用心。去唔到日本旅行, 來鰹烏冬食一食, 都幾可亂真一陣! 一定會再encore!  

-🦄鰹烏冬 -大麥竹簾烏冬 Hkd50Rating🌕🌕🌕🌗🌑關東煮 Hkd36Rating🌕🌕🌕🌗🌑-今次係我第二次來到鰹烏冬🙈因為我真係有好多款都好想食呀🤤星期六嘅上晝落緊超大雨☔️但同時都有好多人等位今次依然係叫冷烏冬❄️因為個人比較鍾意食凍嘅感覺上口感會煙韌啲🤤🤤彈牙啲🤤🤤烏冬係即叫即整嘅😆所以都要等一段時間🥺🤎大麥竹簾烏冬🤎佢嘅顏色比我想像中淺 我本身以為佢會再啡啲啲個人覺得佢嘅麥味可以再重啲🤭🤭否則同普通純白色嘅烏冬係冇咩分別不過口感依舊咁煙韌咁彈牙 食落真係好滿足💙再配埋佢冷麵應有嘅SAUCE食落好透心涼‼️不過重口味人士表示我落左好多七味粉🤪同埋如果蔥粒可以無限咁添加就好喇🤤🤤🤎關東煮🤎原來星期六日係冇得叫套餐😂所以今次呢個關東煮係散叫嘅🤥早知我上次平日來食個陣就叫埋啦會平啲關東煮嘅湯底我覺得不錯 清得來又會飲到佢嘅韻味蘿蔔夠曬淋夠曬入味 而且佢係批到佢變左圓角之前睇人介紹話批做圓角好似會好食啲🙈🙈仲有竹輪同埋蒟蒻同埋椰菜肉卷👻呢啲都係關東煮好常見嘅食材全部都不過不失係正常味道✨不過我為咗要等齊曬啲食物去影張相搞到先來嘅關東煮凍曬😂😂😂唔係佢熱辣辣咁食應該滿足感會大好多HAHA

次次黎親都見排長龍，為左食佢今次同男朋友前一晚夾好要一早去到！皇天不負有心人！我地去到大概中午12點已經得番2個位。*價錢未必update架好快點左一個凍一個熱既烏冬，師傅好快手等一陣就有得食啦！夏日烏冬 - 凍冰冰  涼浸浸  酸尾尾  好好味  岩曬夏天食鏗魚鍋燒烏冬 - 配料多元化 睇落好細鍋點知都食唔晒等男朋友ko埋佢啦haha食日本野點少得小食多春魚超脆， 好味停唔到口反而雞扒有啲失色，第一下覺得味道好似KFC燒雞，唔係脆皮的同想像有落差仲有好多唔同嘅烏冬配搭 可以再食下次黎可能會試埋紫菜烏冬！

每次在午餐或晚餐時段經過這店，店外都排著長長人龍。這天故意在下午二時許到達，終於沒有人龍。店員對我們說，有顧客離開就可以內進了了，還把餐牌交給我們，叫我們先點餐。看着餐牌上面的食物名字，感覺有點陌生，例如什麼是半湯？問店員，她態度冷淡地作回答，接著就走開了。結果點了一冷一熱的烏冬：骨付雞夏一烏冬（凍）：骨付雞先上，就是炸雞髀。雞髀熱騰騰的，頗大隻，不過味道就沒什麼特別，反而後上的烏冬有極大驚喜。夏一烏冬就是烏冬上有生雞蛋，把生雞蛋和烏冬、青蔥、紫菜、芝麻和醬汁拌勻，再灑上檸檬汁，吃一口，感覺很清新，味道令人食慾大增。至於烏冬，這店的烏冬是自家製的，爽口彈牙，質感和在日本吃的分別不大，很好吃。洋蔥牛肉鰹魚半湯烏冬（熱）：這個熱烏冬就比較遜色了。半湯就是湯頭比較濃的意思，但這湯頭我還是覺得味道偏淡，烏冬本身就沒什麼味道，所以整碗烏冬給我的感覺就是味道不足。牛肉洋蔥是另上的，味道不俗，和日本牛肉飯專門店的味道是一樣的。食物方面，總的來說烏冬真的很Q彈，而夏一烏冬更是給我們驚喜，牛肉洋蔥也好吃，其他的就一般了。環境方面，這店面積很小，曲尺形的櫃檯就是顧客進食的地方，大概只有12個座位，舒服程度

次次想食都見排隊，但自己住得近每次都同自己講，咁下次先啦，咁近無謂排今日星期日同老公成4 點先去食lunch去到見前面幾個人就食啦2 個人，叫左個廣島牡蠣蠔烏冬set+ 炸天婦羅+夏一冷烏冬想食返多年前係日本食過天婦羅店嗰種食物質素好耐，一直係香港都未遇到今次唔可以話有100%, 但so far 真係香港暫時食過最好，有80-90%而個天婦羅牡蠣更好食！蠔味十足！烏冬我for我有d太過煙韌，不過對本身對烏冬無喜愛嘅我嚟講，呢個算好食食物我俾高分，不過啲Staff真係要好好培訓下個場好細，佢地好大聲傾計，仲要係唔知邊到嚟左個街外人，企係到一齊傾家事八掛，夾晒粗口特別係接待客人個阿叔師傅，大聲到全個場嘅食客迫食聽，我見個個客都望住佢地計都唔敢傾我地坐正最出，佢地隔離，食到最應，全程我要諗辦法focus食野但佢又唔係唔做野嫁wo, 有客到阿叔係算禮貌接待安排，有Order 停手做野，但做野需要時間好短一做完離開廚房又傾，但個位基本上係同一個空間佢地好似無意識自己同客人同一個空間咁唔係我特別要求高，但邊食邊聽住人嘈到拆天真係好辛苦，好難專心享受食物我諗過直接提下佢地，不過又尷尬佢個店行日本小店

繼續撐黃店💛⁣⁣Bookmark左呢間黃店💛好耐, 上星期終於有機會去試, 6點幾早去到等左陣就有位喇☺️入面位唔多, 好有去左日本麵店嘅氛圍, 感覺幾好🥳 見到menu話師父親自去左四國香川縣學整讚崎烏冬, 超級期待🤩⁣⁣⁣⁣. 月見烏冬 . $51 (熱)⁣⁣揀左呢個有佢地招牌嘅鰹魚清湯嘅烏冬😋個湯超鮮甜好好味唔腥, 食完唔會覺得口喝無味精👍🏻加埋生雞蛋, 賣相好靚😊烏冬好煙韌又彈牙, 口感好好又掛湯😋真係好似四國d烏冬咁😙⁣⁣⁣⁣. 夏一烏冬 . $55 (冷)⁣⁣叫左個熱湯烏冬又想試下冷烏冬😂呢個賣相好靚🥰面頭有d酸酸地嘅湯汁, 加埋d配料撈埋食非常清新🥳仲有好多芝麻😋麵身一樣咁彈牙好分明唔會一pat👏🏻份量都幾多☺️夏天食爽!!⁣⁣⁣⁣咁樣齋食烏冬好似有d寡, 於是跟set咁叫左四國名物🙊跟set大概加~$30⁣⁣⁣⁣. 骨付雞. $44 (單點)⁣⁣即係烤雞髀🍗大大隻個皮烤得好靚又脆, 雞肉好嫩滑😋😋一咬d肉汁同油脂就爆出黎正🤤🤤呢度醃得無四國個d咁咸, 覺得個味有d唔同但都好食😊 ⁣⁣⁣⁣. 關東煮🍢 . $36⁣⁣想念日本7仔d關東煮, 呢度個d都好好食😍😍個汁好鮮甜, 尤

🍜🍤烏冬好彈牙。。仲可以一路食一路睇住師傅整🤗🤗鰹魚半湯烏冬（冷）清清地唔錯。。加D 天婦羅碎就更有口感！👍 夏一烏冬（冷）有檸檬汁。有蛋黃。。。味道好夾。。好豐富😋😋天婦羅雞件（四件）雞件大大舊。。好滑。。唔會好咸👍天婦羅（五件）拍得住日本既專門店。。有隻魚好濃魚味。。😋😋😋