鰹烏冬 (寶華閣)

营业中

休息中

今日黎到長沙灣既鰹烏冬，因為掛住佢既凍烏冬，所以專程走過黎食，平日下午既關係好快就入得去，上幾次都排左好耐隊先入到座。店內既位子吾多，係圍住個開放式廚房坐，位置都比較窄。我地叫左海苔竹簾烏冬同埋醬油烏冬，另加左款小食關東煮～關東煮應該係個煲度浸得太耐，入味但令到食材太過淋身，食落無咩口感，有待改善。每次黎都必定叫既凍烏冬，佢既烏冬係人手整，食既時候都見到師傅係度整緊。個烏冬好彈牙好有口感，簡單咁配上d汁已經好好食。店家會另上芝麻、蔥、芥末同檸檬比我地自己落，彈牙既烏冬點上清新既汁，絕對令你食過返吾到轉頭😋竹簾烏冬既汁就另上而醬油烏冬既就加埋落去，整體味道較濃，一樣咁好食，推介鐘意濃味d既朋友試下。佢個醬汁仲加上d薑蓉，有陣陣薑既香味～試過熱同凍既烏冬，推薦凍烏冬，比較食得出麵既質感👍整體黎講，係間做得好出色既烏冬，價錢又吾貴，絕對要黎試下😍

今日放工約了男朋友食晚餐，最後選了這間之前食過的良心烏冬，今晚好彩唔使等位，好快就入到去我們今日點了洋蔥牛肉掛鍋烏冬及鰹魚湯白味噌鍋仔燒烏冬，另外加了小食：天婦羅雞件。（鰹魚湯白味噌鍋仔燒烏冬加洋蔥牛肉）好大鍋，鍋好足料，有牛肉、日本雞蛋、昆布、冬菇、莖蔥、獅子狗等等，鰹魚湯白味噌味道好香又唔會太濃味，烏冬煙韌又唔會太硬，幾好食（洋蔥牛肉配掛鍋烏冬）又是一大鍋，烏冬放在一個大木盆熱水中，另外配有香濃醬汁，客人可自行加蔥及芝麻，喜歡濃味者必試，烏冬過一過醬汁如沾麵一樣（天婦羅雞件）先擠了檸檬汁，雞件熱辣辣即叫即做，粉皮唔會厚，雞入味，但我覺得咸了點，太濃味了。

門外裝修好個日式拉麵店，不過入到去廚房感覺好亂。廚房煮麵既人同整天婦羅既人好晤專業。個侍應態度欠奉，好似茶餐廳個啲甘，叫左兩個湯烏冬，一個骨付雞，一個天婦羅雞，什麼叫即叫即做，個骨付雞一兩分鐘就到了，仲要凍既，無咩味，個天婦羅雞更加差勁。無味既。個烏冬還好幾彈牙，不過甘既價錢絶對晤值。晤會再去。希望入面啲人專業啲，個look同行為俾晤倒我好似去食普通既拉麵店，但佢既價錢係貴過食普通拉麵店。仲有無指示個門口喺邊。希望下次再去既時候，同依家好大分別，俾到應有既日本專業態度去present佢啲食物。

鰹烏冬 💛長沙灣黃店💛-係超吸引，性價比高嘅烏冬專門店！呢間嘅烏冬食落好彈牙🤤 唔會好似出面啲烏冬有啲會煮得太林，或者太硬嗰啲，烏冬特別出色！價錢又適中，性價比高🤩 無論係清湯配搭烏冬更加突出烏冬幾彈牙可口，定係咖喱，咖喱香味夠濃，配搭烏冬好吸引😋 骨附雞即係雞髀位，類似係鹽焗雞髀嘅位置，食落好香啖啖肉！-🔍 鰹魚清湯烏冬配骨附雞 $79🔍 鰹魚湯咖喱烏冬 $54-📍鰹烏冬 (長沙灣)長沙灣元洲街450/464號寶華閣地下4號舖

懶惰既我今日又叫外賣😂今次自己一個叫左呢間裝修好有日本餐廳feel既烏冬我叫左一個月見烏冬再加一個天婦羅雞件住得近 外賣返到屋企啲食物溫度岩岩好唔會太熱又唔會凍晒🙈可以即刻放入口食😂😂😂首先試下佢地既湯先🤤味道岩岩好唔會太咸有啲蔥粒 仲有啲薑蓉添呀 唔係太鍾意薑既我都接受到👍🏻加埋啲烏冬落去試下🤭烏冬好煙韌好有咬口呀😋絕對唔係淥到淋晒一夾就斷既烏冬原本無辣不歡既我已經準備好加啲辣落碗烏冬到但我食下一啖食下又一啖 好快食晒 唔洗額外加調味料都好好食🙆🏻‍♀️🙆🏻‍♀️🙆🏻‍♀️到天婦羅雞件 啲雞件都幾大件架👀食落唔會成口油 肉質都幾嫩 咬落去仲有小小肉汁添佢有配一片檸檬架 滴幾滴檸檬汁落去就非常好👍🏻我屋企有沙律醬 自己加沙律醬點黎食都好夾架🙈平時都見到有條隊係到要排架 所以想試既你唔好太夜去呀 唔係就會等到好肚餓架喇🙈

今日小編又去到長沙灣元洲街呢邊食飯👀，點解會再嚟?因為呢到有一間出名既烏冬食🍜，上一次小編嚟到既時候因為太夜所以賣哂😟，今次一於收工就直接走過嚟食飯，咁就唔洗驚賣哂又無得食啦。而小編去既呢間叫做「鰹烏冬」，而且全部都係自家製烏冬😛。✦✦✦✦✦✦✦✦✦✦✦✦✦✦🎈鰹魚半湯烏冬配洋蔥牛肉(套餐) $84小編呢款鰹魚湯底清香又香濃，其實鰹魚即係柴魚，所以小編每一啖湯都好似食緊魚咁，將啲精華融係湯汁到💦。配料上有嗚門卷、海苔、蔥、同蒜🍽。而烏冬比出面食到既真係煙韌好多，入口彈牙👅，一啖鰹魚，一啖烏冬，唔洗太復雜既味道🍜，食出最原始烏冬味道同口感。小編另揀咗洋蔥牛肉，牛肉份量算係多，有一大碗🍖。牛肉煮得無咁淋，所以非常有噍口。味道方面，同出面食到既洋蔥牛肉分別亦不太大，洋蔥味稍為搶咗少少牛肉味🤯。✦✦✦✦✦✦✦✦✦✦✦✦✦✦呢一間「鰹烏冬」，主打自家讚岐烏冬絕對與眾不同😮，而鰹魚湯既清香更加令烏冬提升豐富味道😋。而單點既價錢亦唔太貴，不過想食得豐富啲就要好似小編咁嗌套餐食喇🍱。除咗洋蔥牛肉之外，天婦羅、關東煮、骨付雞都非常吸引，想嚟食烏冬既朋友就要記得早啲嚟，如果太遲就賣哂架喇‼位置方面，同樣都

印象中沒有在香港食過新鮮製嘅烏冬，今次係第一次，佢亦榮登我吃過最好食嘅烏冬第一位🥇。烏冬係每日新鮮製，坐係位可以望到師傅將麵團放入機製作。🍜夏一烏冬(推介)$55 /拌蛋烏冬 $51夏一烏冬真係十級好食🤩！佢係凍烏冬，麵質煙韌彈牙有咬口，配上酸美美嘅汁出奇的夾，好開胃食到停唔到口🤤。相比之下凍烏冬出色好多，熱嘅拌蛋烏冬冇咁有咬口冇咁特別，原來唔同食法質感可以有咁大分別。🍤天婦羅$59/骨付雞 $44天婦羅炸完即上台，皮薄不油膩。骨付雞係一隻餣到好香嘅雞髀，同一般嘅雞脾好唔同，肉質鮮嫩好多汁。整體鰹烏冬賣嘅食物都新鮮有特色，呢個質素價錢算好平，可以一食再食🤤

係香港要食好咪又彈牙既烏冬店真係比較難今次介紹呢間餐廳既烏冬雖然唔平，但絕對係烏冬控既好選擇!餐廳提供冷熱烏冬，冷烏冬既擇選比平時多，烏冬只有配菜，餸要另加夏日冷烏冬天氣熱辣辣就岩啦！烏冬非常煙韌，彈牙，醬汁酸酸甜甜再加埋伴菜既青瓜粒，芝麻，食落就好清新，非常開胃三文魚籽醬油烏冬一睇已經好吸引！三文魚籽同蟹籽份量都好多，而且新鮮，唔會帶苦全部伴菜撈埋一齊食除左好味，仲幾有口感相比夏日冷烏冬，呢碗味道豐富好多天婦羅 即點即炸，粉漿既比例岩岩好，又唔會過厚既粉，又食到卜卜脆既天婦炸蝦天婦羅比較特別，口感有一粒粒既脆卜卜既天婦羅粉味道不錯!

喺荔枝角返工嘅好處就係多黃店，行去長沙灣都唔會覺得遠🌞今日聽同事講咗呢間烏冬麵幾好味，1點半度就起程去，好彩都唔洗等好耐( ´▽` )ﾉ傾多陣計，嘢食就到🥳 都幾唔錯，夠彈牙同埋唔油膩，我就配咗嗰鯖魚食🤪 雖然我就一向都唔係好識魚🤣 但佢嘅魚刺都唔會係新手難以處理😀順帶一提佢仲有個熱嘅玄米茶提供🙆🏻‍♀️

又再黎食鏗烏冬啦🤤真係超級好食同多人排隊襯今日6點幾過到黎 仲未有人排！！！遲少少都已經排哂長龍🙈試過冷熱烏冬 都係冷烏冬比較有咬口🤤🎈醬油烏冬($50)個人中意酸少少所以吱左大量檸檬汁🤤再落啲佢既天婦羅碎會再有口感啲👍非常煙韌 好好食🤤單配醬油都已經好好食推介指數🌟🌟🌟🌟🌟.🎈夏一烏冬($55)呢一個相對啲醬油烏冬比較淡但就會多一個蛋黃 醬汁會比較”傑”身啲同樣烏冬都係非常煙韌推介指數🌟🌟🌟🌟.🎈天婦羅($59)佢入面嘅料同平時喺出面食嘅有少少唔同佢有兩種唔同嘅魚 一個冬菇 一個茄子 同一隻蝦相比起出面佢唔係比天婦羅汁 而係天婦羅炸油個人覺得比較油膩 但友人就覺得非常之香推介指數🌟🌟🌟.🎈飛魚子凍豆腐($20)飛魚子嘅份量非常多 可以話係一啖豆腐就有一啖飛魚子醬汁調味尚算可以 個人就覺得豆腐唔夠滑推介指數🌟🌟.🎈總體而言呢間嘅烏冬都非常之煙韌一直想試佢其他味道既烏冬但師傅就話係因為手打既 所以每日限量只有幾份但其他好多都非常之高質

見到平日例牌排長龍嘅日式烏冬店竟然無人等位 就入去試下佢.店舖主打用日本小麥粉製嘅烏冬 配以用北海道利尻昆布熬製嘅湯底 所以我地就點左2碗月見烏冬 一碗揀左配雞髀(HK$85) 另一碗揀咗配關東煮(HK$77).在場見好多人食雞髀 果然係無揀錯 落單即刻焗 肉質鮮嫩得黎塊皮脆卜卜👍🏻 但係關東煮就令人失望 食得出係已經浸煮左好耐但依然唔入味 比日本lawson仲要差好多 而湯底係的確好濃郁啲魚湯底 好味🐟.店面好細 座位大約十個 店員服務態度幾好而且全部有戴口罩 如果唔駛排隊值得一試😎

normal 咖哩烏冬似平時買叮熱個種個白麵豉有味既，但係偏淡冷豆腐正常個肉厚切左，較韌吾太咬到，點汁有味吾點 gg雞脾皮位有味其他冇味入位前要先點餐隔離有舖雖然姐姐有講有機會要搭枱但係明明仲有三張吉枱。都叫我地搭人地枱仲要我地對住人地兩個。吾係我兩對坐走個陣先有一枱客入um.. 可能佢係 sell 冷烏冬多。冇食到quite normaland not salty enough? meat is too thick and chewy udon can eat but taste not specialmay not visit again or just eat as a fast meal

「鰹烏冬」有兩間店鋪。一間位於觀塘，另一間位於長沙灣。今次我去了長沙灣的分店。大約6:30pm到達 已見人龍，可見這間日式小店十分具人氣!長沙灣店內位置不多，加上疫症期間及兩人限聚令，所以每次只能進兩枱客人，客人需要耐心等候或者選擇外賣九折。我們選擇了竹簾烏冬(冷)，我們都認為冷烏冬是最能吃出烏冬的口感。而且這間是以自家製手打烏冬，每日堅持新鮮製造為名，所以要真正體會烏冬的品質就選擇冷烏冬。竹簾烏冬(冷)+味噌焗鯖魚 ($76)首先在沒有任何調味的情況下，先直接品嚐烏冬，鳥冬口感煙韌 麵條屬較粗身 有淡淡的麥香味 確實不錯然後再試試點入烏冬醬油汁，將醬油加上香蔥、Wasabi和芝麻攪拌，食時將烏冬沾上醬汁，變得更清新開胃。枱面有天婦羅碎供應給客人添加，彈牙煙韌的烏冬配上酥脆的天婦羅碎，我認為更美味。鯖魚是日本最常見的家庭菜。鯖魚表面焦香，魚骨很少，簡單的鹹味有點油脂 正阿👍🏻竹簾烏冬(冷)+天婦羅雞件 ($82)同樣也是冷烏冬，調味醬油汁也是一樣的。天婦羅雞件(4件)，每件都算大塊，炸粉不會太厚，咬落去夠香脆最驚喜的雞件夠入味但又不會過咸，調味做得不錯。 雞肉鮮嫩多汁 配上烏冬一流👍🏻

經過幾次，門口都是一條長長的隊這天早點放工， 就特登嚟試下， 店內顧客有三個， 幾好，唔使排隊。餐牌同我上前黎食的，多咗好多嘢，今次我試左個 鯖魚烏冬。烏冬還是一樣咁有口感， 可惜鯖魚有點兒乾，其他都不過不失。下次可以試試冷面環境方面， 同日本食拉麵店一樣嘅裝潢， 只是有一兩隻比較煩人嘅小蚊滋， 拍一拍面飛走便不見了

同友人經過見到竟然無乜人就9衝去排😂😂20分鐘左右就到我哋要人齊先可入座餐廳細細 每個位都見到廚房既情況我對住部烏冬麵機 一路食一路睇住師傅整烏冬嗌左雞髀同鯖魚share兩樓都係整定既 唔夠熱同皮唔夠脆我嗌左凍食蟹子三文魚子烏冬🤤🤤🤤烏冬好爽好彈牙好滑口食得出係手打 口感偏硬身如果易胃痛既人可能要留意返朋友嗌左個白湯烏冬我掛住食 無影相😆😆唔洗點排隊既可以再食但如果要排隊既就唔係首選翻食既餐廳～