鰹烏冬 (駱駝漆大廈第三座)

营业中

休息中

♫𝄞 月見烏冬 $577/10🈵依排天氣好熱，唔想再食熱野食碗冷撈烏冬就啱哂加埋青瓜檸檬就更清新煙肉碎味就唔係好突出份量好足料，男生都夠飽𝄞 骨付鳥 加配價$47 8/10🈵鰹烏冬名物！一切就流好多肉汁出嚟，雞肉鮮嫩調味都好入味，但又唔會太重口味如果皮脆啲就𝒫𝑒𝓇𝒻𝑒𝒸𝓉♫鰹烏冬觀塘開源道60號駱駝漆大廈3期2樓T室♫#e3e_in_觀塘#e3e_in_佐敦#e3e_in_牛頭角#e3e_in_長沙灣#e3e_in_💛 ♫#hkfood #hkfoodie #hkfoodlover #hkfoodblogger #香港美食 #香港美食指南 #觀塘美食 #駱駝漆大廈 #鰹烏冬 #烏冬控 #牛頭角美食 #日式料理 #佐敦美食 #長沙灣美食 #黃店 #hkudon #烏冬 #日式美食 #kwuntongfood #黃色餐廳 #烏冬關注組 #katsuoudon #黃色經濟圈 #良心小店

@udon.hk 佢宜家搬咗位 好似喺低層想食嘅要留意啦‼️‼️‼️今次食咗鰹魚冷烏冬同埋關東煮對上一次食係海苔冷烏冬但唔知係咪因為搬咗舖所以唔見有呢款但印象中海苔嗰款都唔算濃味而今次鰹魚呢款 味道都係正常發揮嚟呢度主要係食佢嘅烏冬口感冷烏冬特別煙靭有彈性份量都幾足 而關東煮材料都豐富有椰菜豚肉卷 蘿蔔 蒟蒻 蛋 竹輪印象最深刻係蘿蔔同竹輪蘿蔔入晒關東煮湯汁嘅味道竹輪就好似獅子狗一樣而其他配料都比較清淡但整體關東煮湯底係濃過鰹魚汁如果夏天想食清淡清爽嘅都建議嚟呢度 另外骨付雞都推介飲咗波子汽水 兒時嘅回憶💕

駱駝漆大廈入面有好多好食既餐廳係觀塘其中一個食野既好地方今次就去左食好出名既鏗烏冬一去到11樓先發現佢已經搬左落2樓openrice既地址仲未update不過佢11樓都用有貼指示話已經搬左去2樓宜家係2樓T室一入到去環境好乾淨而且可能我夜晚8點幾先去人流唔算好多 所以坐得好舒服餐廳用手機QR code落單有自助茶水位置我地叫左兩個凍烏冬因為宜家天氣太熱 唔想食熱食鏗魚半湯烏冬（凍）$48 + 跟餐加配骨付雞 $37烏冬好彈牙，醬汁味道岩岩好，唔會太咸凍烏冬會有埋炸天婦羅脆脆，好脆，唔會太油同埋冧哂骨付雞我見好多枱都有叫，我覺得佢就有d普通，普通既雞脾但肉質好滑同好多汁蕃茄凍湯烏冬$68+ 跟餐味噌焗鯖魚$33蕃茄烏冬係夏日限定天氣咁熱冇咩胃口就想食酸酸地既野蕃茄湯底酸酸地岩哂夏天冇咩胃口食 開下胃上面有蟹子同青瓜，烏冬都係彈牙鯖魚係有驚喜既，好食，滑，唔腥，唔會太冧整體食物好食，不過份量有d少，一定要加配小食先會夠飽，淨叫一個烏冬唔會夠飽，但加配埋食物都差唔多一百蚊一個餐，係工廈黎講好似有少少貴，不過淨睇食物質素既話都ok既

呢間烏冬店平日午餐時間都好多人排隊。今日星期六我經過觀塘又唔趕時間， 就黎試一試。今次我嚟試咗佢哋嘅埋鰹魚湯豆乳烏冬同金茹牛肉卷，我男朋友就試左鰹魚湯咖哩烏冬同骨付雞。鰹魚湯豆乳烏冬湯底好夠鮮甜；金茹牛肉卷唔會太濃味；烏冬與超士買到的烏冬係有分別，口感實左d，都彈牙。至於鰹魚湯咖哩烏冬，我以為咖哩會搶左鰹魚湯的味道，但食落又冇，依然飲得出鰹魚湯的味道，鰹魚湯和咖哩比我想像中搭配。我本人不喜吃雞扒，所以唔覺骨付雞特別好吃。2人共付$183，呢個價錢係觀塘我覺得有更多更好的選擇。

平時lunch time都會見到呢間餐廳大排長龍，今日接近下午茶時段去先唔使排隊，所以就入去試試呢間人氣烏冬店。提提大家2樓先係堂食唔好去錯呀～ 夏一烏冬 $55呢碗烏冬好足料，因為係撈烏冬所以會見到烏冬嘅份量係好多！撈埋啲芝麻/蔥/溫泉蛋之後好惹味 咖喱烏冬 $55個湯底好濃！飲落好重咖喱味，比較濃郁而且咖喱係唔辣的～ 骨付雞 $37骨付雞超級好食！！隻雞髀好大隻而且好多肉，嫩到好容易切開，食嘅時候好juicy！ 關東煮 $26一小碗嘅關東煮，個人覺得佢嘅食材配料比較少，不過湯頭好好飲～

好多年無來食，記憶中好食又多人排隊，今次有機會再前來。由於已經過了午餐時段，亦見到有數位食客在等候中，不過等一陣就好快有位。餐廳地方較細，但多位，如果坐滿都會較為擠迫。 坐低手機QR code下單，基本係一定叫個烏冬底再加其他食物。下單要個"月見烏冬"($55)，加"5件天婦羅"($54)，再加多個 "飛魚籽凍豆腐"($19)。食物上菜好快，個烏冬都滑，不過個湯底好清淡，食不出有魚湯任何味道，天婦羅一咬炸粉與食物分離，就算有醬汁點都唔夠味，真係好淡，唯一個凍頭腐可能有魚籽，味道剛好。整個餐比起以前是水準之下，有點失望。

魚湯豆乳烏冬配關東煮- 湯底豆乳味濃香甜，帶點魚湯鹹鮮- 烏冬粗幼適中夠彈牙，不會一夾就斷- 關東煮入味，略為份量多可以多點鰹魚湯白味噌鍋燒烏冬配骨附鳥- 湯底比一般麵豉湯多一份鰹魚的鮮甜，不會令人口渴- 雞腿肉多汁滑嫩，外皮烤得夠脆價錢中上，可以一試

【鰹烏冬】在港共有四間分店，分別位於牛頭角、觀塘、長沙灣和佐敦。小編已經吃過幾次，初初覺得不錯，但是今日再來就少了份新鮮感。第一次去鰹烏冬在駱駝漆的 11/F，今次再去就搬了去 2/F。不用等，行上兩層方便很多。雖然搬到新地方，但是裝潢格局同之前一樣簡約，沒有大驚喜。店內沒有餐牌，要 scan QR Code 才可以見到餐牌及下單。唯有到門外才能見到印刷精美的餐牌，不過沒有包括全部菜式。科技真的令人生活變得方便嗎？這裡賣點就是它的烏冬每日由自家製麵工場新鮮製造。因此餐牌全部都是烏冬，可能係全港最多烏冬款式的餐廳。另外，【鰹烏冬】也供應幾款小食。日本很多地區都有出產烏冬，各有自家特色。【鰹烏冬】賣讚岐烏冬，讚岐烏冬形狀較為方條狀，又以口感煙韌，比較耐嚼聞名。小編喜歡幼身的稻庭烏冬，小女兒喜歡讚岐烏冬，每星期至少要食四次，絕對是位烏冬控。小女兒今日揀【鰹魚湯白味噌鍋仔燒牛肉烏冬 $80】將烏冬與蔬菜、雞蛋等食材一齊放入鍋煮，熱辣辣呈上，最適合冬天享用。清淡的鰹魚湯頭，加入牛肉、冬菇、生雞蛋、獅子狗、蔬菜等多種配料，令烏冬味道更加豐富，適合小朋友。【冷竹簾烏冬 $48】小編鍾意食冷烏冬的原

復活節假期晚上到餐廳用膳，時間大約晚上7點，見門口等候人數不少，網上評價不錯，便一試。點餐後，由於晚市十分繁忙，環境逼夾，手機QR code下單，需要等候至少20 分鐘才上菜我們點的餐點1. 骨付雞：雞肉，有雪味，醬汁也蓋不過味道，且醬汁味道清淡（醬油+七味粉灑在面頭）2. 鰹魚湯味增鍋燒烏冬：烏冬面普通，湯底無味，整個烏冬面感覺就是白灼, 自行加上醬油和七味粉，才能吃下…總括而言，人均100 ，但實在是太不值，在家煮還比較好味道⋯⋯無下次難食到要寫食評！離開時仍見到不少人在門外排隊，希望餐廳老闆自己試食下，咁既質素，好難再有回頭客

第一次難食到要寫食評 見呢間咁多好評 放工就黎呢間到食dinner 有圖為證 真係有幫襯但呢間其實唔平 淨烏冬最少都40幾蚊 跟餐就成100幾蚊 唔明點解會有人話CP值高加上 真係唔好食 同屋企都煮都ge 水準差唔多 我老母整得好食過佢 我係食魚湯豆乳烏冬加鯖魚 湯冇魚味冇豆漿味 得味精咸味 加上佢烏冬其實好多 所以湯係好杰 食左幾啖已經冇晒食慾 同好口渴 烏冬本身就好一般 冇想像中煙靭 又或者係我副牙太大？咬得大力 一咬 就斷晒（係淋左果隻斷左ge 感覺）鯖魚魚油係好香 但皮唔脆 係淋晒 肉都偏實 食完條魚都飽左 但流心蛋係好食的我男朋友果份我冇影到相 但佢個烏冬貴我廿幾蚊 只係多左隻蛋 湯係一樣味 但隻蛋就特別d 蛋白係發起左 蛋黃應該係另上 但撈埋個湯 變到好杰 見到都唔開胃 佢都食剩左（p.s 可能蛋太生 男朋友食完即刻去左APM瀨屎）我冇試佢個關東煮 唔知點 但睇我男朋友個樣 應該一般唔知係咪我地8點半先入去食 已經尾聲 所以d質素咁差 但完全唔覺值呢個價 咁不如我係屋企煮 唔會再幫襯

今日特登黎觀塘駱駝漆試下呢間好有名氣既本地自家製烏冬～‼️ 11樓係工場 2樓先係堂食呀 唔好去錯烏冬口味選擇好多，配合唔同湯底、配料、冷熱、半湯無湯… —-｜鰹魚湯豆乳烏冬鰹魚湯同豆乳配搭好夾 味道鮮甜😋烏冬好煙韌有咬口 比平時烏冬要咬多幾啖配料有海帶 蔥同薑 我個人就覺得加左薑就麻麻地～仲有一碗仔天婦羅脆脆 食唔停口😆-｜鰹魚半湯烏冬半湯既烏冬會再硬身同有咬口啲 我就覺得偏硬左 鰹魚湯味道較淡-｜天婦羅一共有五款 蝦、白魚、多春魚、冬菇、茄子白魚有驚喜 好有魚味 唔腥又無骨👍🏻五款都好食 炸得岩岩好 炸皮又夠薄-｜天婦羅流心蛋係炸衣包住溏心蛋 味道正常但唔算驚喜

外賣兩碗夏一烏冬，兩碗沒有煙肉碎！一碗連醬油都沒有！唉等於食一碗滾水煮烏冬溝蛋另一碗沒有拍到照片。為何會這麼大的失誤醬油都未有落碗都看不到可能下次外賣要即場看一次

終於黎到試下尼日間既烏冬，上網睇下發現已經開左好多分店😍😍黎到觀塘尼間既鋪位好大，坐得好舒服，平日晚市黎都唔洗排隊，我地叫左三款唔膽既烏冬，包括有夏一烏冬（$55）、海苔竹廉烏冬（$50）加骨付雞（$34）、黑胡椒粒半打烏冬（無湯）加金菇牛肉卷（$90）總括黎講，所有烏冬都係好煙靭彈牙，夏一烏冬望落去好似冇乜特別咁，但係最細聲落去嘅清新，酸酸地鹹鹹地，但係多啲豉油就好食啲🤣🤣好多限定期間既麵都已經賣晒，最後得返海苔🤣🤣望落都幾特別，但是食落去都冇乜海苔味，黑胡椒烏冬就真係好重胡椒味，之後都冇乜特別，反而係個大雞髀😍😍😍真係好滑同埋好多汁，好好食😳😳仲有金菇肥牛，都好正😍😍店員都好好，見我哋嘢食都未黎齊，會主動幫你跟

星期日黎咗觀塘，搵嘢食嘅時候發現好多工廠大廈食堂都冇開。花咗啲時間，終於發現咗一間喺駱駝漆大廈3期嘅鰹魚烏冬，睇落唔錯，就決定嚟試！我哋叫咗兩款嘢食，一個係鰹魚清湯烏冬加骨附雞，另一個係鰹魚湯咖哩烏冬加金菇肥牛卷。鰹魚清湯烏冬($47)加骨附雞(+$36) 🍜🍗清湯有少少魚味，味道清新，烏冬份量夠食，骨附雞就係糖烤雞髀，鋪上七味粉，鹹甜味道好好食。鰹魚湯咖哩烏冬($54)加金菇肥牛卷(+$41) 🍜🍄🥩咖哩湯汁好香濃唔辣，同烏冬麵融合得好好，而金菇肥牛卷烤得香口，牛肉汁滲進金菇裏面，味道好濃郁。另外仲加咗兩條多春魚(+$19)嘅天婦羅 🐟🍤多春魚炸得好香脆，外皮鬆脆唔油膩

鰹烏冬 (駱駝漆大廈) (觀塘)觀塘開源道60號駱駝漆大廈3期11樓O2室又到平民美食時間🤤❤️我久唔久我都會去食下呢間烏冬😂除咗三哥之外 係我諗唔到食咩嘅時候其中一個選擇1.鰹魚湯白味噌鍋燒烏冬($78)呢度其中一個我最欣賞嘅地方就係手打烏冬比較彈牙🤤🤤加上魚湯湯底幾鮮😗味道好濃郁而且唔肥膩😗😗同埋都有幾多配料，仲有就係呢個煲份量夠多，夠兩個人食😍💥評分：8.5/103.金菇肥牛卷(set$41)我好鍾意食佢個牛肉金針菇，牛油味好香🤤而且份量都幾多，D金菇索曬牛肉嘅肉汁，真係久唔久都會想食下💥評分：8.5/103.骨付雞 (set$36)呢個大雞扒都係呢度必食嘅小食之一🤤半煎炸嘅煮法令到個外皮脆脆地，雞肉都好嫩滑juicy 加上有大量七味粉同芝麻調味都真係幾唔錯🤤🤤💥評分：8/10💥總性價比：8.5/10👍🏻我最鍾意嘅湯底係魚湯同埋豆乳湯🤤🤤其他湯底我就冇咁鍾意😂而且每次都會叫佢既金菇肥牛🍢👍🏻